Etiketë: Gipsy Groove

Gipsy Groove dhe The Bloody Foreigners, në emisionin e Iggy Pop në BBC

Posted on by KultPlus

Legjenda Iggy Pop, këngëtari i njohur amerikan, në një intervsitë relaksuese për BBC Radio 6 mes tjerash ka përmendur edhe Shqipërinë dhe muzikën shqipe.

Dy orë program e sjellim artistin në bisedë mbi tema të ndryshme. Dikur ai fillon të flasë për Shqipërinë – këtë vend ku nuk ka pasur qasje për shumë kohë dhe ku ka mbizotëruar diktatura, thotë Iggy.

“Në Kosovë të gjithë janë shqiptarë dhe kjo pjesë e botës ka muzicientë shumë të mirë e të rafinuar” thotë Iggy.
Në këtë emision ai përmendë grupin The Bloody Foreigners. Në minutën 1:04 vjen kënga “Katunar” nga grupi me anëtarët Fatos Bejta, Fatos Derguti, Ardi Kelmendi dhe Josef Cook, shkruan KultPlus.

Për më tepër, Iggy duket se e njeh mirë edhe një pjesë tjetër të muzikës shqipe, grupin Gipsy Groove – ndoshta grupin që krijon atmosferën më të zjarrtë kudo.

Në minutën 59:00 të programit luhet një prej këngëve të grupit të njohur nga Kosova. Këtu Iggy edhe e nisë tregimin e tij që lidhet me Ballkanin, Jugosllavinë dhe me Maqedoninë.

Pop e vazhdon programin me një këngë ekskluzive të David Boëie ndërsa rrëfimi i tij i gjatë kalon nëpër frekuenca të ndryshme, lokacione e kultura të ndryshme dhe me muzikë të ndryshme që është përzgjedhur nga vetë ai. / KultPlus.com

(Fotografia e The Bloody Foreigners: Majlinda Hoxha)

“Gipsy Groove” me dy koncerte në Zvicër

Posted on by KultPlus

Grupi “Gipsy Groove” nga Kosova, i njohur ndërkombëtarisht për interpretimin e muzikës me bazë rome të Ballkanit, së shpejti do të mbajë dy koncerte në Zvicër.

Kështu, ai, më 1 dhjetor do të jetë mysafir në Cyrih, në ambientin e njohur alternativ Photobastei, Sihlquai 125, 8005 Zürich, me fillim në orën 20.00, shkruan albinfo.ch.
Një ditë më vonë grupi i udhëhequr nga këngëtari dhe instrumentisti virtuoz Bajram Kinolli “Kafu”, prezantohet para publikut të Bernës. Në kuadër të mbrëmjes Balkanb&World Music Night, në Im Viento Sur, Lerchenweg 33, 3012 Bernë. Edhe këtu koncerti fillon në orën 20.00.

Bendi është i njohur për shkrirjen që i bën stileve të muzikës Funk, Ska, Reggae dhe xhaz me muzikën tradicionale rome të Ballkanit. Në këngët që interpreton, grupi i përbërë nga gjashtë veta tematizon edhe temën e të drejtave të njeriut, gjegjësisht të romëve në gjithë botën./KultPlus.com

Gipsy Groove dhe pesë këngët që ata i sjellin fuqishëm (VIDEO)

Posted on by Kult Plus

Bendi kosovar Gipsy Groove, i cili është themeluar në vitin 2010-të, është një ndër bendet më të pëlqyera në vend.

Gipsy Groove ka gjashtë anëtarë dhe ky është mbase bendi i vetëm multi-etnik i cili përfshin rom, shqiptarë dhe turq në një grup të vetëm, të cilët i bashkon muzika më shumë sesa mund t’i ndajë përkatësia e tyre etnike.

Dhe mu ky fakt ka kontribuar që bendi të krijojë muzikë shumë unike që është miks i kulturave, këngëve dhe traditave të gjithë popujve të Ballkanit, e cila pëlqehet në secilin vend të rajonit.

KultPlus, po sjellë sot pesë këngë të interpretuara nga ky bend e që janë shumë të dashura për publikun:

“Ederlezi”, është këngën që Gipsy Groove e interpreton bashkë me Genc Salihun.

“Ballkan Mania”

“Opa Cupa”, këngë e interpretuar nga Gipsy Groove bashkë me Bendin Offchestra

“Djelem Djelem”

“Tutti Frutti”