Stacioni policor në Gjakovë ka pranuar informatë se në varrezat e qytetit të Gjakovës që janë me lokacion në lagjen e Brekocit, në vendin ku janë të varrosur dëshmorët e luftës së fundit në Kosovë, janë gjetur mbetje mortore të një personi të pa identifikuar- panjohur, e që ishte me veshje ushtarake dhe emblemë të UÇK-së.
Patrulla policore ka dalë në vend të ngjarje, ka kontaktuar me dëshmitarin e rastit, e që është dhe punëtor i varrezave të qytetit, dhe njofton se derisa po hapte një gropë varri ka hasur në mbetjet mortore në fjalë.
Dyshohet se mbetjet mortore i përkasin një ushtari të UÇK-së, deri tani të pa identifikuar, gjithashtu nuk dihet dhe nga kush është varrosur aty.
Në vendngjarje ka dalë njësia e hetimeve të stacionit policor – Gjakovë, ato Rajonale dhe pritet së shpejti të dali edhe Njësia qendrore e Hetimit të Krimeve të Luftës. / Indeks online / KultPlus.com
Fshati Pjetërshtan i cili gjendet pak kilometra larg Gjakovës i cili çdo fund vit dekorohet dhe kthehet në një pamje magjike ka marrë edhe vëmendjen e mediave botërore.
Euronews i ka kushtuar një kronikë, dekorimit të Pjetërshtanit për Krishtlindje dhe Vit të Ri.
Ata madje e kanë krahasuar dekorimin e këtij fshati me pamjen e mrekullueshme që merr Nju Jork dhe Moska për festat e fundvitit.
Si çdo vit edhe këtë vit banorët e kanë stolisur hapësirën rreth famullisë, dhe kjo gjë e ka bërë fshatin piktoresk.
Me pamjen e mrekullueshme që merr në fundvit Pjetërshtani është një ide e mirë për ta vizituar dhe shijuar dekorimin e tij përrallor./ KultPlus.com
“112 Dhimbje dhe Krenari” është ekspozita përmes secilës do të protestohet për fëmijët e vrarë gjatë luftës në Kosovë, përcjell KultPlus.
Kjo ekspozitë është e organizuar nga Shoqata ‘Krimet e Luftës Gjakova 98-99’, derisa aty do shfaqen 112 foto të fëmijëve të vrarë në Komunën e Gjakovës, gjatë luftës së fundin në Kosovë 98-99.
“Janë momente qoftë dhe të fundit, për të gjithë ata të cilët votuan dhe gabuan, për të ndërtuar një Gjykatë Speciale mbi gjakun e Dëshmorëve dhe Martirëve, mbi gjymtyrët dhe bekimin e luftës së Invalidëve e Veteranëve, mbi mundin dhe sakrificën e çdo qytetari që humbën më të dashurit e tyre, ku ky gabim i nënshkrimit dhe vulosjes së realizimit të punës së njëanshme të Gjykatës Speciale, po sjellë dëshmi të rrejshme, e themeluar dhe iniciuar për të mohuar luftën e lavdishme të popullit shqiptar në Kosovë”, thuhet në njoftim.
Ekspozita do të hapet të mërkurën më datë 07 tetor dhe do të qëndroj e hapur deri më 10 tetor, në Pallatin e Kulturës ‘Asim Vokshi’ në Gjakovë. / KultPlus.com
Në një tjëtër format, online, u mbajt Mitingu tradicional duke ruajtur të gjitha format e saj, vetem se nuk ishin prezent në sallë poetët, por, me zërin e tyre u përcollën nga publiku gjakovar dhe më gjerë kudo që adhurohet fjala poetike. Në Bibliotekën Publike “Ibrahim Rugova”, Klub i letrar “Gjon Nikollë Kazazi”, organizoi manifestimin letrar i nisur para 56 vjetëve nga krijues që sot janë të pashmangshëm nga historia e letërsisë shqipe dhe më gjerë.
Ky vit, i kërcënuar nga epidemia, ka bërë që të gjitha manifestimet të mbahen online, me programin zoom, që mbase, nuk ka kënaqur edhe aq publikun, por gjithsesi është mbajtur gjallë jeta kulturore. Gjakova, dikur mitingun e kishte festë, kësaj radhe nga kamera e TV Syrit dhe Radio Gjakovës, me ndihmen e Minsitrisë për Kulturë Rini e Sport dhe Drejtorisë për Kulturë nga Komuna e Gjakovës, nuk e humbi traditën dhe solli para në monitor poetë të shumtë, e fitues të çmimeve për veprat më të mira të botuara në mes dy mitingjeve në poezi e në prozë, si dhe për poezinë më të mirë garuese të lexuar gjatë mbrëmjes.
Tribuna letrare: “Të rinjtë dhe botimet sot”
Si gjithmonë, Mitingu nisi me Tribunën letrare, debat për krijimtarinë, duke zgjedhur për temë “Të rinjtë dhe botimet sot”, për ta bërër një llogari se sa lexohet, sa shkruhet dhe sa jane të njohura gjeneratat e reja me letërsinë, e cila po krijohet, sikur u tha, e pa u vërejtur sa duhet nga kritika, ngase publikohet në rrjete elektronike dhe më oakë e shtypur, si dhe, nëpër shtëpi botuese që janë jashtë redakturave të mirëfillta. Temën e ligjëroi Dr. Prof. Sali Bashota, shkrimtarë e vrojtues i letërsisë nga Universiteti i Prishtinës, si dhe Mr.Sc. Engjëll I. Berisha, punëtorë bibliotekarë.
Leximi i poezive në Orën Qëndrore të Mitingut për çmimin “Ali Podrimja”.
Leximi i poezive, konkuruese, çmimet dhe pjesmarrja e poetëve ndërkombëtarë, mëtonte ta ruajë qëllimin e mbajtjes së Mitingut, gjë që u realizua deri në një masë, duke që të gjitha aq sa planifikohej.
Leximi i poezive nisë me poetin humanist, fitues i çmimit Nobel, Ernesto Kahan, që, solli një poezi dhe një përshëndetje më të ngrohtë se kurrë nga momenti i fundit i njohjes së shtetit të Izraelit që i blri Kosovës. Vazhdoi me leximin e poezisë nga Besnik Mustafaj, në Tiranë, Maria Miraglia nga Italia, Agron Tufa, Zvicër. Alicia Kuberska, Poloni. Sali Bashota Prishtinë. Entela Kasi,Tiranë. Shaip Emërllahu, Tetovë. Anton Gojçaj, Tuz. Kujtim Morina, Kukës. Vlora Konushevci, Prishtinë. Jeton Kelmendi, Belgjikë. Ylli Çela, ShBA. Ramë Oraca, Podujevë. Servet Bytyçi, Londër. Tixhe Gërçari, Jetlira B. Avdija, Dafina Roka dhe Laureta Rexha.
Duke qenë se leximi i poezive është konkurruese për poezinë më të mirë të lexuar gjatë mbrëmjes, fitues u shpall Entela Kasi, nga Tirana.
Çmimi për ndërkombëtarë “Nënë Tereza”.
Për nderim e respekt të krijuesve që sjellin të botuara veprat e tyre në gjuhën shqipe, si dhe ndajnë frymë humane me mesazhe për virtyte njerëzore me krijimtarinë e tyre, ndahet çmimi me emrin e humanistes shqiptare “Nënë Tereza”. Këtë vit, fituese është poetja italiane, e njohur për lexuesin shqiptar, Maria Miraglia. E njohur në Kosovë, Maria Miraglia, me botimin në gjuhën shqipe, edituar nga IWA Bogdani, poezia e saj vjen te lexuesi me ndjenjën humane që shprehë dashurinë ndaj njerëzimit, dhe diversitetit kulturor për ti bashkuar popujt në kuptim të së mirës.
Çmimet tradicionale i Mitingut “Din Mehmeti”, poezia më e mirë në mes dy mitingjeve.
Konkuruan për këtë çmim shumë autor, por juria ka përzgjedhur pesë libra për në rrethin e ngushtë, e që janë: -Zonja asnjeri zoti askurrkush” i autorit Agron Tufa. -” Më lanë edhe pa këngë”, i autorit Naim Fetaj. -“Nëpër galaktikën që e ke krijuar vetë”, e autorit Pal Ndrecaj. -” Një ardhje tjetër” e autorit Jeton Kelmendi. -“Shënime të pamjaftueshme” e autorit Imer Topanica.
E fituan këtë çmim “Din Mehmeti”, libri më i mirë poetik, botuar ndërmjet dy mitingjeve “Zonja asnjeri zoti askurrkush” i autorit Agron Tufa, Dhe “Një ardhje tjetër” e autorit Jeton Kelmendi.
Çmimi për prozë, dramë ose roman “Teki Dërvishi”
Po ashtu, për çmimin ” Teki Dervishi”, proza më e mirë, dhe drama më e mirë, që ndahet për herë të parë, në këtë miting, për të cilin ka pasur prurje të shumta në prozë, por jo në dramë, juria ka përzgjedhur “Dëmtuar gjatë rrugës” e autorit Besnik Mustafaj. -“Ata dy të burgjeve” e autorit Ibrahim Kadriu.
Çmimi për krijuesin debutues “Yllka Domi”
Ky çmim, po ashtu tradicional, iu nda krijueses Jetlira B. Avdija, që tani është bërë i njohur me disa romane, poezi e shumë vepra tjera që pret të botohen këtyre ditëve.
Çmimin e nisur para tri viteve për vepër jetësore, çmimi i Klubit letrar “Gj.N.Kazazi” e fitoi autori i shumë veprave me poezi e prozë, Tahir Bezhani, anëtar i ditëve të hershme të klubit.
Mitingu i sivjetëm dha mundësi për pjesmarrje nga të gjitha qendrat botërore duke shprehur entuziazë për ruajtjen e traditës dhe të kultivimit të vlerave letrare që edhe e ka për mision ky manifestim. Krej kjo u bë me angazhimin e Klubit letrar “Gj.N.Kazazi”, i ndihmuar nga Ministria e Kulturës Rinisë e Sportit të Kosovës dhe nga Drejtoria për Kulturë Rini e Sport të Komunsë së Gjakovës./ KultPlus.com
Shikimi i filmave dhe shkuarja në kinema jo çdo herë bëhet në ambiente të mbyllura, Organizata jo Qeveritare “Du Art” do të sjellë trendin e kinemasë me makina në qytetin e Gjakovës, shkruan KultPlus.
Në njoftimin e bërë nga ana e OJQ-së në faqen e tyre në Facebook tregohet se trendi i kinemasë në makina “Drive – In Cinema” shumë shpejt do të zhvillohet në qytetin e Gjakovës, me një ekran gjigand dhe në një lokacion ideal.
Më poshtë mund të lexoni njoftimin e tyre të plotë:
DRIVE-IN CINEMA NË GJAKOVË!
Trendi botëror i kinemasë në makina vjen në Kosovë. OJQ DU ART, organizatore e Parku Kulturor “Ali Podrimja”, në bashkëpunim me MTLK sjellin ekranin gjigant në një lokacion ideal.
Së shpejti me informacione të detajuara./ KultPlus.com
Me fillimin e sezonit veror, në Liqenin e Radoniqit është vërejtur një fluks i madh i qytetarëve të cilët me qëllim freskimi, përkundër ndalesës nga ana e KRU “Gjakova”, me të cilën ndalohet hyrja në Liqe e të gjitha automjeteve dhe qytetarëve të cilët kanë synim larjen në Liqe apo aktivitete të tjera, persona të pa përgjegjshëm po shfrytëzojnë hyrje të tjera përreth Liqenit që të kenë qasje në Liqe.
KRU “Gjakova”sh.a, me synim të mbrojtjes së Liqenit të Radoniqit, nga veprimet e dëmshme që ndikojnë në ndotjen dhe dëmtimin e Liqenit si dhe zbatimin e kërkesave të cilat dalin nga Ligji në fuqi në Kosovë, mbi Ujërat, Urdhëresat Administrative si dhe vendimin e Inspektoriatit të MMPH, apelon tek të gjithë qytetarët që të respektojnë këto ndalesa dhe të ndalen veprime të tilla të cilat synojnë të dëmtojnë kualitetin e ujit të Liqenit si dhe në raste aksidenti, dëmtimi, apo lëndimi në njerëz ne si Institucion nuk mbajmë përgjegjësi.
Sipas njoftimit KRU “Gjakova” në bashkëpunim me Stacionin Policor-Gjakovë janë mobilizuar në teren në inspektimin e gjendjes së krijuar dhe ndaj personave të cilët nuk respektojnë këto ndalesa do të pasojnë dënimet e parapara sipas akteve ligjore. / KultPlus.com
“Mona”, romani më i ri i shkrimtarit dhe historianit Jusuf Buxhovi, nesër do të promovohet në Gjakovë, shkruan KultPlus.
Autori ka zgjedhur Gjakovën, jo vetë se në njëfarë mënyre, ambienti i saj (Dushkaja, Reka e Keqe, Suka), janë pjesë e ngjarjeve të imagjinuara të romanit, pra protagonist aktiv, por edhe për atë se nga aspekti historik dhe kulturor, ky qytet, në të kaluarën, ka qenë laborator i karantenimeve të ndryshme, që kanë pasë për qëllim luftën kundër identitetit etnik dhe atij kombëtar deri te përmasat e gjenocideve dhe etnocideve.
Promovimi mbahet nesër, në Bibliotekën e Qytetit, në orën 12:00.
“MONA” mbetet në kuadër të orbitrit tematik nga romanët e fundit “Dosja B” dhe “Dushkaja”. Vepra fokuson dramën e një Koloneli, ish ushtarak i armatës jugosllave, që mbahet i mbyllur për vite të tëra i rrethuar nga forcat ndërkombëtare diku në një ambient të izoluar të Rekës së Keqe nga dyshimi se ato që flet në një gjendje thuajse të çrregullt mendore, të shumtën kërcënime bashkëluftëtarëve të dikurshëm nga lufta e fundit, kthehen në vrasje.
Pra, bëhet fjalë për një konstrukt thuajse absurd për të cilin Mona, një gazetare hulumtuese, alarmon opinionin ndërkombëtar. Me këtë rast, një gazetë e njohur amerikane, kritike ndaj partneritetit të faktorit ndërkombëtar në Kosovës me struktura të caktura kriminale, të cilat me anën e tyre etablohen në politike, nis një hulumtim rreth mbylljes (izolimit të paligjshëm të Kolonelit të sëmurë) dhe vdekjes së tij, që dyshohet se ishte vrasje me paramendim… /KultPlus.com
Janë bërë 21 vjet nga “Beteja e Çabratit”, e cila u zhvillua më 7,8, dhe 9 maj.
Tre grupet dhe Shtabi i Brigadës ‘137 Gjakova’, ishin vendosur në lagjjen e Çabratit. Në orët e hershme të datës 7 maj ’99, lagjja e Çabratit në Gjakovë u rrethua nga forca të shumta policore, ushtarake dhe paramilitare serbe bashkë me vullnetarë rusë.
Lufta e pabarabartë sa i përket armatimit, u zhvillua thuaja se fyt më fyt, për shkak të konfiguracionit të terrenit. Në anën e luftëtarëve të lirisë ishin rreth 100 ushtarë të armatosur, e përafërsisht edhe dy herë aq ishin pa armë të cilët “shpresën” e vetme për të mbërri tek arma e kishin, nëse vritej apo plagosej ndonjë shok i tyre.
Beteja zgjati deri në orët e mbrëmjes. Humbje pati në të dy anët. Luftë sporadike pati edhe me datat 8 dhe 9 maj.
Në këto luftime ranë dëshmorë:
Ahmet Gjikolli (nga Peja) Bujar Roka Tom Gjoka (nga fshati Dashinoc-komuna e Deçanit) Kushtrim Hoxha (vdiq me 8 maj nga plagët) Dashmir Krasniqi Visar Juniku Sefedin Xërxa Hamëz Zymberi (vdiq me 15 maj nga plagët) Agim Haxhiavdyli Yllka Domi Ilir Berisha Taulant Nura Ali Hoxha Hazyr Këpuska.
Forcat serbe u hakmorrën në civilë të paarmatosur, duke ekzekutuar burra e djem që hasnin nëpër shtëpi e oborre.
Kjo është lista e civilëve të ekzekutuar:
07.05.’99
Elez Bakalli, Selim Lluhani, Tefik Lluhani, Esat Bicurri, Ferhat Bicurri, Nexhdet Bicurri, Sadri Binaku, Florim Berisha, Gëzim Berisha, Shani Luzha, Florim Luzha, Sami Luzha, Gëzim Luzha, Ylber Mejzini, Basri Nura, Halit Nura, Agim Efendija, Astrit Rexha, Kastriot Zherka, Lulzim Jaka, Halil Axhemi, Burim Bardhi, Fehmi Haxhidauti, Genc Këpuska, Ali Krypa, Ali Beqrama, Ibrahim Gojani, Ejup Huma, Faton Huma, Florent Sulejmani, Avni Shasivari, Shkëlzen Ajrani, Ganii Ibrahimi, Demush Lata, Hasan Smajli,Ramë Syla, Sokol Zenuni, Musa Binaku, Shaban Dodaj, Osman Tafa, Xhelal Sefa.
08.05.’99
Neki Pula, Megzun Boshnjaku, Halil Gashi, Faik Qava, Kujtim Nuka.
10.05,’99
Arben Gexha, Osman Haxhiavdyli, Agron Haxhiavdyli, Afrim Haxhiavdyli, Driton Lluhani, Bekim Haxhibeqiri, Dukagjin Haxhibeqiri, Edmond Haxhibeqiri, Bashkim Domi, Bardhyl Çaushi, Ylber Hoxha, Mentor Shtaloja, Avni Spasi, Islam Koci, Idriz Mehmeti, Njazi Mehmeti , Agim Berisha, Albert Berisha, Fadil Berisha, Qazim Kajdomqaj, Muhamet Dyla, Isa Lokaj, Cenë Hajdari, Afrim Dana, Labinot Dana, Luan Dana, Albert Dana, Kastriot Dana, Gëzim Dana, Agron Dana, Osman Dana, Genc Haraqija, Mehdi Haraqija, Genc Morina, Adriatik Morina, Skënder Morina, Isuf Saraqini, Agim Saraqini, Arben Saraqini, Veli Saraqini, Skifer Sharani, Valon Sharani, Visar Sharani, Isuf Sharani, Mentor Sharani, Tahir Sharani.
Kryetari i Komunës së Gjakovës Ardian Gjini, ka bërë të ditur se bashkë me policinë janë detyruar sot të intervenojnë në shpërndarjen e qytetarëve për shkak të numrit të madh të tyre të koncentruar në Shkugëz.
Gjini është shprehur se vendi nuk gjendet në pushim vjetor e as në ndonjë festë, por në gjendje të distancimit social për të shmangur të keqen nga koronavirusi, njofton Klan Kosova.
”Të dashur qytetarë,
Për shkak të rrezikut të drejtpërdrejtë dhe shumë të lartë që secili prej nesh të infektohet me koronavirus, shteti ka vendosur që të mbyllen shkollat dhe shumë institucione tjera.
Por nuk jemi në pushim vjetorë e as në ndonjë festë!
Sot jemi detyruar të intervenojmë me polici për shkak të numrit të madh të qytetarëve të koncentruar në Shkugëz.
Kjo sjellje e disa njerëzve është skajshëm e papërgjegjshme kundrejt familjeve të tyre dhe qytetarëve tjerë. Kjo është injorancë e skajshme.
Distancimi social është e vetmja mënyrë për ta shmangur një të keqe edhe më të madhe.
Shteti është i detyruar të veprojë kundër një numri njerëzish që në mënyrë kaq të papërgjegjshme e rrezikojnë vetveten dhe tjerët”. /KultPlus.com
“Trilogjia gjermane” e përbërë nga romanet “Vdekjet e kolonelit”, Kujtimet e Zonjës von Braun” dhe “Kodi i dashurisë”, do të promovohet sot në Bibliotekën e Qytetit në Gjakovë, shkruan KultPlus.
Me këtë rast, autori do të bëjë një bashkëbisedim me krijuesit dhe intelektualët e qytetit rreth “Shekullit të mbrapsht shqiptar”, që është bosht tematik i trilogjisë.
Ky aktivitet, përcillet me donacionin prej 200 librash nga fondi personal, dhuratë Bibliotekës së Qytetit në kuadër të “Këndit të autorit”.
Organizata nga Prizreni, “Ec Ma Ndryshe”, ka reaguar lidhur me gjendjen e Përmendores në Çabrat të Gjakovës. Ata kanë thënë se kjo përmendore ka mbetur pa përkujdesje të institucioneve të shtetit, shkruan KultPlus.com
Këtu keni postimin e tyre të plotë:
REAGIM Përmendorja në Çabrat të Gjakovës pa përkujdesje institucionale!
“EC Ma Ndryshe, përmes raprotimeve nga terreni ka marrë informatën se Eshtërorja (Eshnorja) e luftëtarëve të vrarë të Luftës Antifashiste Nacional Çlirimtare (LANÇ) është në gjendje të braktisur, pa përkujdesje dhe e hapur për vandalizim. Monumenti në fjalë është i hapur dhe eshtrat e vendosura në këtë përmendore janë të dëmtuara, disa të djegura dhe të shpërndara dhe pa mbrojtje dhe përkujdesje adekuate që kërkon një memorial i kësaj kategorie.
Eshtërorja paraqet varrezën e luftëtarëve të vrarë të Gjakovës me rrethinë gjatë Luftës Antifashiste Nacional Çlirimtare (LANÇ) 1941-1945 dhe paraqet të vetmen pjesë të realizuar të një projekti grandioz, i cili përfshinte Kodrën e Çabratit deri ke Fabrika e Tullave. Ky lokalitet i shek.XX gjendet në Listën e Trashëgimisë Kulturore nën Mbrojtje të Përkoshshme të Ministrisë së Kulturës (të datës 3 Tetor 2018) dhe atë në kategorinë: Trashëgimi Kulturore, nënkategorinë: Monument / Ansambël me numër unik në databazë 871.
Kërkojmë nga Ministria e Kulturës, Rinisë dhe Sporteve (bashkë me institucionet vartëse të saj) si dhe Komuna e Gjakovës të ndërrmarrin hapa emergjent rreth mbylljes të lokalitetit ndaj ndonjë vandalizimi të mëtutjeshëm, parandalimin e ndonjë rreziku për shëndetin publik të vizitorëve të lokalitetit, trajtim dinjitoz të mbetjeve mortore dhe trajtim profesional në mbrojtje dhe konservim të këtij aseti të trashëgimis kulturore”.
Revitalizimi i dy urave me vlerë arkeologjike, turistike dhe kulturore, ajo e Terzive dhe e Tabakëve në Gjakovë, do të nisë nesër.
UNDP njofton se Komuna e Gjakovës, Zyra e Bashkimit Evropian (BE) dhe Programi i Kombeve të Bashkuara për Zhvillim (UNDP) do të fillojnë punimet në revitalizimin e Urës së Terezive dhe Urës së Tabakut, të mërkurën, më 26 qershor, nga ora 14:00 tek Ura e Terezive dhe në 14:45 tek Ura e Tabakëve.
Ky aktivitet bëhet në bashkëfinancim me komunën e Gjakovës dhe është pjesë e projektit Dialogu Ndërkomunitar Gjithëpërfshirës për Ruajtjen e Trashëgimisë Kulturore, të financuar nga Instrumenti i BE-së për Paqe dhe Stabilitet (IcSP / BE) dhe implementuar nga UNDP.
Punimet në këtë projekt, që do të zgjasin tre muaj, përfshijnë: zbukurimin e ambientit përreth urave, krijimin e shtigjeve të reja, vendosjen e ulëseve, elektrifikimin dhe shënimet historike / interpretimin e vendndodhjes.Koha.net/ KultPlus.com
Qytetarë të shumtë të Gjakovës janë duke protestuar sot në qytetin e tyre, siç kanë thënë ata “kundër ardhjes kriminelëve, të cilët nën petkun e pelegrinëve sot vijnë në Gjakovë”.
Protestuesi Kasim Qerkezi tha se ka humbur 5 familjarë, e ndër ta edhe djalin e tij 18 vjeç.
“Nuk jemi kundër festës, çdo vit do të protestojmë për familjarët tanë ende të pagjetur”.
Ai tha se 4 prej familjareve që i janë vrarë ende nuk janë gjetur.
Sebahate Doli, tha se do protestojnë “sepse na kanë bërë shkrumb e hi”.
Qytetarët e Gjakovës të cilët ende po i kërkojnë familjarët e tyre të pagjetur, janë duke protestuar sot në kohën kur pritet që qytetarë serbë të kryejnë pelegrinazh në këtë qytet.
Ata kanë paralajmëruar se thirrja e tyre për protestë nuk ka të bëj me besimin e tyre, porse në mesin e pelegrinëve serbë ka persona që ua njohin të bëmat gjatë luftës./ Kallxo.com
Qytetarët e Gjakovës kanë nisur protestën qysh në orën 08:00 të mëngjesit, në kohën kur pritet që qytetarë serbë të kryejnë pelegrinazh në këtë qytet.
Ata të cilët ende po i kërkojnë familjarët e tyre të pagjetur, kanë paralajmëruar se thirrja e tyre për këtë protestë të sotme, nuk ka të bëj me besimin e tyre, porse në mesin e pelegrinëve serbë ka persona që ua njohin të bëmat gjatë luftës.
Kjo ishte paraprakisht thirrja për protestë:
Sërish erdh janari, sërish presim të vjen një grup serbësh në qytetin e Gjakovës me datën 6. Ne, qytetarët e Gjakovës, nuk kemi problem me besimin e tyre e as me të drejtën e tyre për të bërë pelegrinazh, siç interpretohet nga ta. Problemin që kemi ne është se në mesin e tyre ka persona të cilëve ne ua njohim të bëmat gjatë luftës. Ata kanë emër e mbiemër. Por, jemi dëshmitarë se të njëjtit nuk janë hetuar, gjykuar, e dënuar, për këto të bëma. Në këto rrethana kur heshtja institucionale ka shtuar krip në plagët tona, vizita e tyre në qytetin që e lanë me gjak dhe e bënë shkrumb e hi është provokim. Nuk mbetet rrugë tjetër përpos protestës qytetare. Prandaj, ne, qytetarët e Gjakovës, u bëjmë thirrje të gjithë bashkëqytetarëve të na bashkohen ditën e diel, me datën 6 janar, tek rruga “Mbretëresha Teutë,” nga ora 8:00 në mëngjes. Edhe këtë vit do të protestojmë paqësisht. Dalja jonë dëshmon se Gjakova nuk ka harruar. Dalja jonë dëshmon se Gjakova kërkon drejtësi për të gjitha krimet e kryera nga regjimi serbë kudo në Kosovë. Gjakova NUK harron!Gjakova kërkon drejtësi!/ koha.net
Teatri i Qytetit të Gjakovës “Hadi Shehu”, do të mirëpresë ditën e nesërme premierën e radhës, shkruan KultPlus.
Shfaqja titullohet “Gjashtë” dhe është shkruar nga autori Arian Krasniqi, ndërsa vjen nën regjinë e Valon Pallaskës.
Në këtë shfaqje luajnë aktorët Edi Kastrati dhe Elida Shasivari.
“Gjashtë” është një shfaqje që aktualizon dënimin me vdekje, që është i ligjshëm në shumë vende të botës.
Skena është përgatitur nga Petrit Bakalli.
Premierë e shfaqjes “Gjashtë” vjen nesër në ora 20:00 në Teatrin “Hadi Shehu” në Gjakovë.
Drama e Arian Krasniqit, është shfaqja e parë që e fillon sezonin vjeshtor të teatrit të Gjakovës. Teatri ka njoftuar që për shkak të numrit të limituar të publikut duhet ta siguroni biletën tuaj me kohë. / KultPlus.com
Shoqata e Intelektualëve “JAKOVA” në bashkëpunim me Drejtorinë komunale të kulturës në Gjakovë, në kuadër të jubileut të 140 – vjetorit të Lidhjes Shqiptare të Prizrenit, organizon tryezë me temën: “Kontributi i Gjakovës në organizimin dhe proceset e tjera të Lidhjes Shqiptare të Prizrenit”.
Tryeza mbahet më datë 8 shtator në ora 11:00 në Shkollën e muzikës “Prenk Jakova” në Gjakovë.
Në këtë tryezë referojnë: Akademik Jusuf Bajraktari me temën “Jehona identitare e Lidhjes Shqiptare të Prizrenit”, Fitim Rifati me temën ”Programi i Kuvendit të Prizrenit në Qershor – Korrik 1878”, Alban Dobruna me temën “Roli i Ahmet Korenicës në LShP”, Migena Arllati me temën “LShP në epikën popullore”.
Dega e LShP – së në Gjakovë ishte dega më e fuqishme e Lidhjes sepse krerët dhe zhvillimet e këtushme nxitën fuqishëm proceset e mëtejshme të finalizuara në Prizren. Historia përsëritet. Sot, Kosova sërish ndodhet para diskutimeve dhe vendimeve kapitale lidhur me tërësinë e territorit të saj./KultPlus.com
Gjaku i vajzave e grave nuk mund ta shuaj etjen për gjak të burrave kriminelë shqiptarë.
Jo. Nuk janë krime pasioni, as krime nderi. Dashuria nuk vret. Mendjet kriminale vrasin.
Nuk ua kanë pasur borxh jetën! Vajzat e gratë nuk janë prone e juaja.
Shumica prej jush nuk do ua lexoni as emrat deri në fund, ashtu siç nuk u morën parasysh e u harruan krimet ndaj tyre. Jeta e tyre nuk pati vlerë, ama boll.
1. Zejnepe Bytyçi
2. Diana Kastrati
3. Donjeta Pajazitaj
4. Antigona Morina
5. Fildeze Hafizi
6. Natasha Kazanxhi
7. Manjola Luzi
8. Afize Lila
9. Eltelva Ndoka
10. Zhazivare Dervishi
11. Liljana Ruko
12. Alketa Llapushi
13. Lumturie Xhilaj
14. Ilda Dervishi
15. Ariela Murati
16. Adriana Shaholli
17. Vergjinushe Hasani
18. Eleni Basho
19. Megi Jokiçi
20. Naime Abazi
21. Arze Biba
22. Lule Cara
23. Leonora Kaloçi
24. Lahe Sina
25. Shqiponja Miza
26. Rajmonda Sota
27. Thellëza Lelaj
28. Marie Çuku
29. Alma Gjata
30. Dane Prendi
31. Pranvera Muslika
32. Manjola Koxhaj
33. Marjana Bregu
34. Fatbardha Tafa
35. Fatjona Sula
36. Miranda Shtjefni
37. Eliverta Çoçka
38. Rolanda Doku
39. Ajshe Vata
40. Lime Dedej
41. Azbie Myftari
42. Manushaqe Çeliku
43. Ahsinja Krytha
44. Nertila Petriti
45. Vasilila Muço
46. Valentina Begu
47. Sonila Tafa
48. Mereme Pashai
49. Gjyste Paplekaj
50. Lumturi Selimaj
51. Mimoza Nikolli
52. Valbona Çarçani
53. Alketa Cani
54. Anxhela Haga
55. Feride Prokshi
56. Sose Metushi
57. Miradie Hetemi
58. Xhulieta Çuni
59. Suela Sula
60. Z.C (66 vjeçe)
61. Elsina Hidershaj (Emmy)
62. Migena Këllezi
63. Arianita Zahiti
64. Shkurte Veseli
65. Liljana Rukaj
66. Valbonë Nrecaj
67. Fjoralba Nonaj
68. Fatime Selmanaj
69. Seneada Selmanaj
70. Erjeta Avdyli
71. Irena Sela
72. Fatmira Deda
73. Dije Lita
74. Resmije Goxhaj
75. Liljana Zhehza
76. Liljana Uzo
77. I. Çekakani
78. Marte Malndrea
79. Dallëndryshe Jazxhi
80. Lumturie Xhilaj
81. Nurije Metallari
82. Natasha Kazanxhiu
83. Irena Seli
84. Alda Canaj
85. Mbarime Canaj
86. Denisa Demaj
87. Liljana Arapi
88. Greta Baja
89. Jonida Çanaku
90. Yllka Xhiko
91. Zyra Lila
92. Alma B.
93. Elida Osmani
94. Brunilda Hoxha
95. Lidia Nusdorfi
96. Ermira Arapi
97. Diana Zhubi
98. Sevdije Berisha
99. Valbonë Marku
100. Vajza e Valbonë Markut
…
(…) shërbejnë për të përshkruar edhe dhjetëra vajza e gra shqiptare të tjera që janë vrarë dhe që do të vazhdojnë të vriten.
Kjo tokë i urren gratë./KultPlus.com
Të ftuar nga “Icon Arts Transilvania Festival”, në Rumani, nxënësit e shkollës së muzikës “Prenk Jakova” nga Gjakova do të përfaqësojnë Kosovën me kuartet harqesh në këtë festival, shkruan KultPlus.
Ky festival do të mbahet nga data 1 deri më 12 gusht 2018. Kosova do të përfaqësohet me kuartet harqesh në përbërje të tre nxënësve nga shkolla e muzikës ‘Prenk Jakova” Gjakovë (Hana Hana, Alkesta Gllogjani, Endrit Berisha), dhe një nxënës nga Shkolla e Muzikës “Prenk Jakova” Prishtinë (Arsim Gashi).
Ky kuartet apo siç vendosëm ta quajmë “NEWBORN”, do të interpretojnë në dy koncerte, njëri me datë 2 gushtë në “Dealu Frumos” fortesë e shekullit XIII, dhe koncerti i datës 4 gushtë në “Kështjellën Peles”.
Programi i cili do të interpretohet do të jetë 45 min, ku do të luhet: 1.W.A.Mozart: Divertimento nr.3 në F-Dur(Allegro, Andante, Presto).
2. F.Schubert: Kuartet harqesh nr.13 në a-mol ”Allegro ma non troppo”.
3. Astor Piazzolla S.V.P.
4. “Kënga e Rexhes” , arr.Tomor Berisha.
Pjesëmarrja në këtë festival u mundësua edhe falë mbështetjes së drejtorit të arsimit në Gjakovë, Bernard Frrokaj dhe kryetarit të Komunës së Gjakovës, Ardian Gjinit, për mbështetjen financiare për pjesëmarrjen në këtë festival për nxënësin Arsim Gashi, ata falënderojnë edhe Drejtorin e Arsimit në Prishtinë, Jonuz Salihaj dhe Shkollën e Muzikës “Prenk Jakova” në Prishtinë./KultPlus.com
Pas suksesit dhe pjesëmarrjes masive të audiencës gjatë koncertit të duos muzikore Shpat Deda dhe Armend Xhaferi, si dhe gjatë premierës në Gjakovë të filmit të shkurtë dokumentar “Ferdonija”, ky vikend poashtu ka një program të mbushur me aktivitete në Parkun Kulturor “Ali Podrimja” në Gjakovë.
Të premten, me fillim prej orës 21:00 shfaqet filmi artistik “Ëngjëjt janë larg” si premierë në qytetin që është realizuar shumica e filmit me regji të Gjergj Xhuvani dhe bashkë-producent Fatmir Spahiu.
Pastaj të shtune me fillim prej orës 20:00 planifikohet një ngjarje e rëndësishme me rastin e përvjetorit të 6-të të ndarjes nga jeta të një prej poetëve më të njohur të kombit tonë, Ali Podrimja. Një natë poetike ku do të lexohen poezi nga veprimtaria e madhe e shkrimtarit. Vikendi do të përfundojë të dielën me pritjen e mysafirëve nga Peja, përkatësisht Festivalit të Animacionit Anibar, të cilët do të prezantojnë programin “Anibar on Tour”.
“Jemi fatlum për veprat që ka lënë pas poeti madhështor Ali Podrimja, prandaj edhe nata poetike e planifikuar për këtë të shtune ka për qëllim të përkujtojë shkrimtarin me leximin e poezive të tij” thotë Ednor Hoti, njëri nga organizatorët. “Secili nga pjesëmarrësit, dashamirë të shkrimeve të Ali Podrimja, do të ketë mundësinë të lexojë dhe të përmend kujtimet me të, me qëllim të mbajmë gjallë ndër gjenerata gjenialitetin e tij artistik.”
Ngjarjet e këtij viti në Parkun Kulturor “Ali Podrimja” në Gjakovë përkrahen nga projekti “Culture for Change” (BE) i implementuar nga Qendra Multimedia dhe Instituti Goethe, si dhe Ministria e Kultures, Rinise dhe Sportit bashkë me Drejtorinë Komunale në Gjakovë për Rini Kulturë dhe Sport. Filma vendorë po shfaqen në partneritet me Qendrën Kinematografike të Kosovës.
Java mbyllet me shfaqjen e filmit “The Divine Order”, të dielen me 15 korrik, në bashkëpunim me Kinemanë “Jusuf Gërvalla” në Pejë. Një komedi dramatike që trajton të drejtat e grave në Zvicër në vitet e 70’. Të gjitha këto ngjarje fillojnë prej orës 21:00.
“Jemi shumë të lumtur që Parku Kulturor po kthehet në një traditë për qytetin e Gjakovës dhe adhuruesit e filmit dhe kulturës, të cilët edhe këtë vit po na ndjekin në numra impresionues. Pas më shumë se 30 ngjarjeve të organizuara vitin e kaluar, edhe këtë vit kemi nisur me shumë dinamizëm nga muaji qershor” thotë Arbër Lleshi, njëri nga organizatorët. “Këto nuk do të jenë aktivitetet e vetme normalisht, pasi planifikojmë të kemi shumë tjera deri në fund të shtatorit, me shpresën që shpejtë tentimet tona të kemi një qendër të mbyllur që funksionon tërë vitin do të jetësohen.”
Ky projekt organizohet nga OJQ “DU ART”, i përkrahur nga Komuna e Gjakovës dhe Ministria e Kulturës, Rinisë dhe Sportit, në bashkëpunim me Dokufest. Për më shumë informata kërkoni “Parku Kulturor” në rrjetet sociale./KultPlus.com
Iniciativa qytetare me projektin Parku Kulturor “Ali Podrimja” në Gjakovë, e cila ka nisur këtë vit edicionin e dytë të aktiviteteve kulturore, me synim edukimin dhe inspirimin e komunitetit përmes shfaqjeve filmike, muzikore dhe arteve tjera, ka të planifikuar një vikend mjaft intensiv programatik, shkruan KultPlus.
Të përkrahur nga Culture for Change (EU) dhe në bashkëpunim me Qendrën Kinematografike të Kosovës, sot me 13 korrik, shfaqet për herë të parë në qytetin e origjinës dokumentari “Ferdonija”, me në qendër historinë e nënave të Gjakovës, që tash e shumë vite kanë mbetur pa njohuri për të afërmit e tyre.
Të nesërmen, me 14 korrik, duo e përbërë nga Shpat Deda dhe Armend Xhaferi performojnë në po të njëjtin vend, me kantautorin dhe kitaristin që premtojnë një natë magjike muzikore.
Java mbyllet me shfaqjen e filmit “The Divine Order”, të dielen me 15 korrik, në bashkëpunim me Kinemanë “Jusuf Gërvalla” në Pejë. Një komedi dramatike që trajton të drejtat e grave në Zvicër në vitet e 70’. Të gjitha këto ngjarje fillojnë prej orës 21:00.
“Jemi shumë të lumtur që Parku Kulturor po kthehet në një traditë për qytetin e Gjakovës dhe adhuruesit e filmit dhe kulturës, të cilët edhe këtë vit po na ndjekin në numra impresionues. Pas më shumë se 30 ngjarjeve të organizuara vitin e kaluar, edhe këtë vit kemi nisur me shumë dinamizëm nga muaji qershor. Këto nuk do të jenë aktivitetet e vetme normalisht, pasi planifikojmë të kemi shumë tjera deri në fund të shtatorit, me shpresën që shpejtë tentimet tona të kemi një qendër të mbyllur që funksionon tërë vitin do të jetësohen”, është shprehur drejtori i projektit, Arbër Lleshi.
Ky projekt organizohet nga OJQ “DU ART”, i përkrahur nga Komuna e Gjakovës dhe Ministria e Kulturës, Rinisë dhe Sportit, në bashkëpunim me Dokufest./KultPlus.com
Për të mbrojtur dhe promovuar Çarshinë e Vjetër në Gjakovë një grup të rinjsh janë bërë gati për të sjellë një festë të paharruar, më 17 qershor pikërisht në këtë pjesë të qytetit, shkruan KultPlus.
Ideja për festë tradicionale të Çarshisë bazohet në faktin e vetëm të zhvillimit dhe rikthimit të kësaj Çarshie nga shkatërrimi – në një zonë të frekuentuar dhe pikë destinimi për Gjakovën.
Sipas organizatorëve ideja e Çarshia Fest është që të festohet ky rikthim, me synimin që kjo të rikthehet në një festë tradicionale të promovimit të Çarshisë. Duke mbrojtur kështu edhe Çarshinë e cila njihet si çarshia më e madhe në Evropën Juglindore.
Lum Hoxha, nga stafi organizativ i kësaj feste, tregoi për KultPlus se ideja është që të prezantohet diçka ndryshe në Çarshi, një energji pozitive e rinisë por edhe trashëgiminë kulturore.
“Po bëhen mbi 5 vite që Çarshia e Vjetër është shndërruar në një destinacion shumë të frekuentuar dhe shumë të favorshëm për biznese, hoteleri dhe gastronomi dhe me anë të krijim të identitetit të një feste ne po synojmë të promovojmë këtë me anë të këtij organizimi, i cili krijon një atmosferë pozitive me anë të programit, aktiviteteve dhe artistëve pjesëmarrës, duke e shfaqur shpirtin e Çarshisë së Vjetër”, tha Lum Hoxha. Për herë të parë me një ekskluzivitet do të performojnë shumë artistë nga Gjakova, të ndarë në 4 skena të muzikës, ku gjatë tërë ditës, prej orës 12:00 deri në mbrëmje do të ketë muzikë përgjatë Çarshisë.
Paradite do të ketë perfomanca të ndryshme nga instrumentistët, Altin Tila, Arian Randobrava, Taulant Rruci dhe Art Lokaj nëpër pjesë të ndryshme të Çarshisë, ndërsa gjatë ditës do të vazhdojnë performancën DJ të ndryshëm.
Në fund gjatë mbrëmjes do të performojnë bende të ndryshme duke filluar nga Valon Shehu & Band, BB Poqi, Nita Latifi, Albulena Jashari, Gamblemania & Band dhe Latino Band.
“Ne synojmë të krijojmë një traditë vjetore të mrekullueshme dhe eksploruese në Gjakovë për Çarshinë e Vjetër, që do të krijoj një rritje të dhe vlerësimit për kulturën, artin dhe turizmin në përgjithësi dhe për këtë jemi në koordinim dhe bashkëpunim me të gjitha institucionet komunale, në veçanti me Drejtorinë e Kulturës, Rinisë dhe Sportit në Gjakovë, bashkë me shumë mbështetës privatë: duke filluar nga bizneset, artistët e kështu me radhë”, tha Hoxha për KultPlus.
Gjatë ditës përveç muzikës, do të ketë dhe live painting ku shumë artistë do të bashkëngjiten me punimet e tyre të cilat do t’i ekspozojnë në Çarshi dhe disa prej tyre do t’i punojnë përgjatë kohës sa zgjat festa, duke kombinuar mediume të ndryshme të artit bashke me muzikë.
Çarshia Fest nisë më 17 qershor në Çarshinë e Vjetër të Gjakovës./KultPlus.com
Gjakova, qytet i muzikës, mbrëmë pati një festë muzikore.
Violinisti me famë botërore, e anëtar i Filarmonisë së njohur të Vjenës, në Pallatin e kulturës “Asim Vokshi” kishte ftuar qindra miq nga të gjitha anët ku flitet shqip duke i befasuar se nuk ishte rastësi ky takim me ta për t’ua prezantuar Ansamblin muzikor që do të mbaj emrin e tij.
Për dy orë ai dhe orkestra e përzgjedhur nën dirigjimin e mjeshtrit Alfred Kaçinari, e me këngëtarë të ftuar, tregoi dhe dëshmoi për të satën herë cilësitë e një mjeshtri të rrallë.
Kënduan Edi Furra, veterani Ismet Peja, Gentian Gojani, Vesa Smolica, Grupi Polifonik nga Himara, grupi muzikor “Ashikët” e duke e përfunduar koncertin me këngën e njohur “Është Kosova, është Shqipëria…” në shenjë të shënimit të ditëlindjes së heroit kombëtar Skënderbeut.
Sipas drejtorit artistik të këtij ansambli, Ruzhdi Sadiku, do të vazhdojnë punën duke shpallur audicione për solistë e instrumentist si dhe për valltarë e valltare për ta bërë një ansambël të kompletuar e për të pasur paraqitje çdo mujore në Gjakovë e hapësirat gjithëshqiptare e për të vazhduar edhe më përtej./ KultPlus.com
Pas disa koncerteve të mëhershme që kishin mbledhur një audiencë të madhe, të enjten vjen edhe një koncert i madh në Pallatin e Kulturës “Asim Vokshi”, në Gjakovë, shkruan KultPlus.
Koncerti është titulluar “Perlat shkodrane” pasi që në këtë koncert do të interpretojnë këngëtaret e njohur nga qyteti i Shkodrës si: Shyqeri Alushi, Rosela Gjylbegu dhe Bujar Qamili. Ndërsa në këtë mbrëmje publiku do të shijoi edhe këngët e performancën e artistëve të njohur si Shkëlzen Jetishi, Kastriot Tusha, Zenel Doli dhe Artisti Nderi Kombit Mirush Kabashi.
Kjo iniciativë është bërë për bashkimin dhe ruajtjen e artit të bukur muzikor Kosovë-Shqipëri dhe trevave tjera ku ka shqiptar, Maqedoni, Mali i Zi dhe në Luginën e Preshevës./KultPlus.com
Nën dirigjimin e Pëllumb Vula dhe Hajrullah Syla, të premten më 29 dhjetor vjen koncerti festiv nga shkolla e muzikës “Prenk Jakova”, shkruan KultPlus.
Në koncertin që mbahet në Gjakovë, do të interpretojnë Kori dhe Orkestra e kësaj shkolle ndërsa mbahet në hollin e shkollës së muzikës “Prenk Jakova.
Koncerti nis me fillim nga ora 19:00./ KultPlus.com
