Etiketë: Gratë iraniane

Mahsa Amini dhe gratë iraniane marrin çmimin ”Saharov”

Posted on by Kult Plus

Çmimin ”Saharov 2023” për lirinë e mendimit e mori sot Mahsa Amini dhe lëvizja iraniane e protestës ”Grua, jetë dhe liri”.

Njoftimin e vendimit për nderin më të lartë të Parlamentit Evropian për të Drejtat e Njeriut e bëri sot kryetarja e tij, Roberta Metsola, në një seancë plenare në Strasburg.

Mahsa Amini ishte një grua 22-vjeçare kurdo-iraniane, e cila u arrestua nga policia e moralit në Teheran, më 13 shtator për injorimin e ligjeve strikte për gratë iraniane për përdorimin e hixhabit.

Mahsa Amini vdiq në një spital të Teheranit, tre ditë më vonë pas abuzimit fizik që pësoi gjatë paraburgimit.

Vdekja e tij shkaktoi protesta masive, që u udhëhoqën nga gratë në Iran.

Me sloganin ”Grua, jetë dhe liri”, ato protestuan kundër ligjit të hixhabit dhe ligjeve të tjera diskriminuese.

Çmimi ”Saharov” për Lirinë e Mendimit është themeluar në 1988 për të nderuar individë dhe organizata të cilët mbrojnë të drejtat dhe liritë themelore të njeriut dhe përfshin një çmim në të holla prej 50 000 eurosh.

Ceremonia e ndarjes së çmimeve do të zhvillohet më 13 dhjetor 2023 në Parlamentin Evropian në Strasburg./ atsh / KultPlus.com

A protester holds a portrait of Mahsa Amini during a demonstration in support of Amini, a young Iranian woman who died after being arrested in Tehran by the Islamic Republic’s morality police, on Istiklal avenue in Istanbul on September 20, 2022. – Amini, 22, was on a visit with her family to the Iranian capital when she was detained on September 13 by the police unit responsible for enforcing Iran’s strict dress code for women, including the wearing of the headscarf in public. She was declared dead on September 16 by state television after having spent three days in a coma. (Photo by Ozan KOSE / AFP) (Photo by OZAN KOSE/AFP via Getty Images)

Gratë iraniane denoncojnë dhunën në industrinë e filmit

Posted on by Kult Plus

Qindra gra që punojnë në kinemanë iraniane kanë kritikuar dhunën sistematike ndaj grave në industrinë e filmit dhe kanë bërë thirrje për mekanizma që ndalojnë këto veprime. Sipas tyre dhuna dhe ngacmimet në punë janë bërë endemike.

Në një deklaratë të formuluar këtë të premte, më shumë se 200 gra, duke përfshirë disa nga aktoret më të njohura iraniane në nivel lokal dhe ndërkombëtar dënuan dhunën dhe ngacmimet seksuale. “Jo vetëm që nuk ka asnjë mekanizëm për të parandaluar ushtrimin e dhunës nga individët në pushtet, por ekziston edhe një marrëveshje e pashkruar që dhuna ndaj grave në ambientet e punës është normalizuar, pa pasoja serioze që kërcënojnë agresorin”, u shprehën ato.

Gratë denoncuan gjithashtu pabarazinë financiare dhe në vendimmarrje krahasuar me burrat dhe kërkuan të drejtën themelore për të punuar në një hapësirë të sigurt. Ndër të tjera, aktoret iraniane u kërkuan figurave të industrisë që të mobilizohen përmes entiteteve të tilla si Aleanca Iraniane e Filmit Guilds për të formuar një komitet me shumicë gra në mënyrë që të trajtohet dhuna seksuale, të ndëshkohen financiarisht dhe të pezullohen nga puna ata të cilët ngacmojnë gratë në industrinë e filmit, raporton Al Jazeera.

Kazem Gharibabadi, i cili kryeson Këshillin e Lartë të vendit për të Drejtat e Njeriut, tha se gratë në film duhet të mbrohen. Ai i bëri thirrje Ministrisë së Kulturës dhe Shoqatave të Esnafeve në Iran që të dalin me mekanizma që do të mbështesin gratë dhe tha se gjyqësori është gjithashtu i gatshëm të shqyrtojë denoncimet e bëra. Për më tepër, Gharibabadi pohoi se një projekt-ligj i cili synon mbrojtjen e grave nga dhuna do të ratifikohet së shpejti nga parlamenti. / qika.org / KultPlus.com