Sot 7 vjet u nda nga jeta, Hadi Shehu, njëri prej aktorëve më të mirë shqiptar, i cili ka krijuar identitetin artistik të Kosovës. Ai ishte një prej aktorëve kryesor të epokës së artë të teatrit dhe filmit kosovar të viteve ’70 – ta e ’80 – ta. Sot kur po shënohet kjo ditë, pa të madhin Hadi Shehu, të gjithë adhuruesit e skenës dhe filmit shqiptar e kujtojnë me nderim dhe respekt figurën e tij madhështore prej njeriu dhe aktori të jashtëzakonshëm, por edhe kontributin e tij kolosal në teatrin dhe kinematografinë e skenës shqiptare, duke veçuar sidomos rolet e tija të shumta dhe të famshme në Teatrin e Gjakovës, që sot mban emrin e tij.
Hadi Shehu u lind në vitin 1949 në Gjakovë dhe famën e tij e arriti në skenën teatrore të Gjakovës e më pas, fal talentit të tij të jashtëzakonshëm prej interpretimit, fizikusit dhe timbrit të tij dallues dhe pasionit të madh për artin dramatik, Hadi Shehu shkëlqeu në shumë skena teatrore shqiptare dhe nëpër shumë produksione kinematografike shqiptare. Ai la gjurmë të pashlyeshme posaçërisht në Teatrin e Gjakovës, ku me rolet e tij mbi katër dekada, Hadi Shehu luajti një rol vendimtar në promovimin dhe zhvillimin e artit dramatik në Gjakovë, kurse më pas ai u bë aktori kryesore i skenës teatrore mbarëkombëtare.
Për rolet e tij të jashtëzakonshme Hadi Shehu u vlerësua dhe u nderua me shumë çmime e mirënjohje në shumë festivale të teatrit dhe për shume role filmike në Kosovë dhe më gjerë. 7 vjet pas largimit të tij nga skena dhe jeta, emri i Hadi Shehut mbetet në mbamendjen e shumë dashamirëve të teatrit e filmit, por ai do të mbetet edhe një model dhe një burim frymëzimi për gjeneratat e reja të aktorëve shqiptar.
Me emërtimin e Teatrit të Gjakovës me emrin e tij, trashëgimia e tij tejet e pasur artistike do të jetë gjithmonë e pranishme në qytetin e tij të lindjes. Tashmë kur 27 Marsi – Dita Botërore e Teatrit po afrohet, aktori i mirënjohur Hadi Shehu, as këtë vit nuk e ka pritur këtë ditë të shenjtë për aktorët.
Ai ka ndërruar jetë para 7 vitesh në moshën 68-vjeçare. Shehu ishte një nga aktorët më të mirë të teatrit dhe filmit shqiptar. Ai ishte padyshim njëri nga aktorët i cili ka krijuar identitetin artistik të Kosovës. Një nga figurat kryesore të epokës së artë të teatrit dhe filmit kosovar të viteve ’70 e ’80. Si një nga aktorët më të shquar të skenës sonë teatrore dhe filmike, aktori Hadi Shehu, për plot 40 vjet, prej vitit 1976 e këndej, me mbi 170 rolet e tij, përkatësisht me pjesën më të madhe të krijimtarisë së tij skenike, identifikohet kryesisht me Teatrin e Gjakovës, ndërkohë që, me disa nga kryerolet e tij filmike, ai vlerësohet si një nga yjet e televizionit dhe të kinematografisë sonë kombëtare.
Me emrin, jetën dhe veprimtarinë e tij artistike e publike identifikohet edhe një periudhë e gjatë dhe e rëndësishme e drejtimit të Teatrit të Gjakovës të cilin ai e udhëhoqi, prej vitit 1981 – 1996 dhe më pas prej vitit 1999 – 2006. Me ikjen e tij në amshim tash e 7 vite Teatri i Gjakovës do ta ketë një aktor të papërsëritshëm më pak. Ai ishte babai i teatrit të Gjakovës, njeri nga themeluesit e këtij teatri që ka dhënë shumë emra aktoresh të njohur. Ai ishte aristokrati – mbreti i skenës teatrore të Gjakovës!
Maestro faleminderit që ishe model frymëzimi për mua! Do të jem përherë mirënjohës për mbështetjen tënde drejt rrugëtimit tim në fushën e kulturës, teatrit dhe gazetarisë!
Mes roleve të shumta të Hadi Shehut veçohen ato në shfaqjet “Fisheku në pajë” (Gjeloshi), “Epoka gara Gjyqit” (Sulejman Vokshi), “Pjata e drunjtë” (Lon Denisoni), “Dragoi i Dragobisë” (Bajram Curri),”Pirrua” (Pirrua), ”Armiku i popullit” (Dr. Stokmani), “Halili e Hajria” (Halili), e shumë të tjerë Kurse në role filmike veçohen interpretimet e tij n filmat “Si të vdiset” , “Kur pranvera vonohet”, “Era dhe Lisi” , “Gjurmë të bardha”, “Përroi vërshues”, “Pikniku”,“Kur shpirti ndërron jetë” (2001), “Azem Galica” (2011) etj, si dhe në video produksionet “Buka e hidhur”, “Rruga pa kthim”, “Fantazmat lodrojnë”, “Vrasësit bëjnë dasëm natën”, etj.
Për kontributin e tij të madh dhe krijimtarinë e tij të bujshme teatrore dhe filmike është shpërblyer me çmime të shumta si “Shpërblimi i Dhjetorit”, “Medalja e Punës”, “Çmimi për të Arriturat Artistike” (Beograd) për rolin e Betim Kosovës në filmin “Kur pranvera vonohet”, “Shenja e Artë” (Trebinje), si dhe me mirënjohje të shumta në festivale të ndryshme. Ai është nderuar poashtu me “Çmimi për Vepër Jetësore” (2005) nga Kuvendi Komunal i Gjakovës, “Medalja Presidenciale e Meritave” (2013) nga Presidenca e Republikës së Kosovës, “Çmimi Kombëtar për Vepër Jetësore” (2012) nga MKRS etj. / KultPlus.com
Teatri i qytetit “Hadi Shehu” në Gjakovë, së bashku me teatrin e qytetit “Bekim Fehmiu” në Prizren, kanë nisur një fazë emocionuese të procesit krijues me fillimin e provave për shfaqjen e tyre më të re, shkruan KultPlus.
Vepra që do të ngjitet në skenën e dy teatrove është “Masë për masë” e shkruar nga William Shakespeare, një autor i njohur dhe i respektuar në botën e letërsisë. Regjisori i njohur Altin Basha është aty për të drejtuar këtë projekt me vizionin dhe përvojën e tij të pasur në botën e teatrit.
Ky bashkëpunim mes teatrit të Gjakovës dhe atij të Prizrenit sjell një energji të re dhe një sjellje të përzier të talenteve artistike.
Përgatitjet intensive dhe përpjekjet e përbashkëta të aktorëve, regjisorit dhe ekipit të produksionit po krijojnë një pritje të madhe për shfaqjen e premiere që do të sjellë magjinë e artit teatral në skenën e teatrit.
Kjo shfaqje e re, e cila ka datën e premierës në fund të shtatorit të këtij viti, po përgatitet me shumë pasion dhe përkushtim, derisa premierën do ta ketë në fund të muajit shtator. /KultPlus.com
Figura pionere e Hadi Shehut është sinonim i zhvillimeve të rëndësishme në skenën tonë të kulturës teatrore, kinematografike e televizive ku ka lënë gjurmë të mëdha si aktor dhe themelues i Teatrit profesionist të Gjakovës që sot me të drejtë bartë emrin e tij. Humbje kjo për kulturën e teatrit dhe kinematografinë e Kosovën të cilës tash i mungon një personalitet i çmuar me kontribut të pandalshëm.
Ai ka drejtuar Teatrin profesionist të Gjakovës prej 1981 – 1996 dhe prej vitit 1999 – 2006, e me mbi 170 role, kariera e tij si aktor ka përfshirë teatrin, filmin dhe mediumin televiziv.
Në mes të kësaj veprimtarie kolosale me role në Teatrin e Gjakovës, Teatrin Kombëtar, Teatrin Kombëtar të Tiranës, dhe në Teatrin e Pejës veçohen: – “Fisheku në pajë” (Gjeloshi), “Epoka gara Gjyqit” (Sulejman Vokshi), “Pjata e drunjtë” (Lon Denisoni), “Dragoi i Dragobisë” (Bajram Curri),”Pirrua” (Pirrua), ”Armiku i popullit” (Dr. Stokmani), “Monserati” (Monserati), “Halili e Hajria” (Halili), ndër të tjera.
Hadi Shehu gjithashtu ka shkëlqyer në role filmike si “Si të vdiset” (1972), “Kur pranvera vonohet” (1979), “Era dhe Lisi” (1979), “Gjurmë të bardha” (1980), “Përroi vërshues” (1983), “Pikniku” (1986), “Era e mollës” (1995), “Kur shpirti ndërron jetë” (2001), “Azem Galica” (2011) dhe poashtu në video-filmat “Buka e hidhur”, “Rruga pa kthim”, “Fantazmat lodrojnë”, “Vrasësit bëjnë dasëm natën”, etj.
Veprimtaria e tij e bujshme është shpërblyer me çmime të ndryshme si “Shpërblimi i Dhjetorit”, “Medalja e Punës”, “Çmimi për të Arriturat Artistike” (Beograd) për rolin e Betim Kosovës në filmin “Kur pranvera vonohet”, “Shenja e Artë” (Trebinje), si dhe me mirënjohje të shumta në festivale të ndryshme.
Ai është nderuar poashtu me “Çmimi për Vepër Jetësore” (2005) nga Kuvendi Komunal i Gjakovës, “Statuja e Nënë Terezës” në spektaklin televiziv “Me shumë dashuri” (2008) në Tiranë (Shqipëri), “Medalja Presidenciale e Meritave” (2013) nga Presidenca e Republikës së Kosovës, “Çmimi Kombëtar për Vepër Jetësore” (2012) nga MKRS.
Kontributi i tij per zhvillimin e kulturës Kosovare në profilet e teatrit dhe kinematografise do të mbetet si një prej shembujve më të fuqishëm për tu pasuar nga gjeneratat e reja. /KultPlus.com
Figura pionere e Hadi Shehut është sinonim i zhvillimeve të rëndësishme në skenën tonë të kulturës teatrore, kinematografike e televizive ku ka lënë gjurmë të mëdha si aktor dhe themelues i Teatrit profesionist të Gjakovës që sot me të drejtë bartë emrin e tij. Humbje kjo për kulturën e teatrit dhe kinematografinë e Kosovën të cilës tash i mungon një personalitet i çmuar me kontribut të pandalshëm.
Ai ka drejtuar Teatrin profesionist të Gjakovës prej 1981 – 1996 dhe prej vitit 1999 – 2006, e me mbi 170 role, kariera e tij si aktor ka përfshirë teatrin, filmin dhe mediumin televiziv.
Në mes të kësaj veprimtarie kolosale me role në Teatrin e Gjakovës, Teatrin Kombëtar, Teatrin Kombëtar të Tiranës, dhe në Teatrin e Pejës veçohen: – “Fisheku në pajë” (Gjeloshi), “Epoka gara Gjyqit” (Sulejman Vokshi), “Pjata e drunjtë” (Lon Denisoni), “Dragoi i Dragobisë” (Bajram Curri),”Pirrua” (Pirrua), ”Armiku i popullit” (Dr. Stokmani), “Monserati” (Monserati), “Halili e Hajria” (Halili), ndër të tjera.
Hadi Shehu gjithashtu ka shkëlqyer në role filmike si “Si të vdiset” (1972), “Kur pranvera vonohet” (1979), “Era dhe Lisi” (1979), “Gjurmë të bardha” (1980), “Përroi vërshues” (1983), “Pikniku” (1986), “Era e mollës” (1995), “Kur shpirti ndërron jetë” (2001), “Azem Galica” (2011) dhe poashtu në video-filmat “Buka e hidhur”, “Rruga pa kthim”, “Fantazmat lodrojnë”, “Vrasësit bëjnë dasëm natën”, etj.
Veprimtaria e tij e bujshme është shpërblyer me çmime të ndryshme si “Shpërblimi i Dhjetorit”, “Medalja e Punës”, “Çmimi për të Arriturat Artistike” (Beograd) për rolin e Betim Kosovës në filmin “Kur pranvera vonohet”, “Shenja e Artë” (Trebinje), si dhe me mirënjohje të shumta në festivale të ndryshme.
Ai është nderuar poashtu me “Çmimi për Vepër Jetësore” (2005) nga Kuvendi Komunal i Gjakovës, “Statuja e Nënë Terezës” në spektaklin televiziv “Me shumë dashuri” (2008) në Tiranë (Shqipëri), “Medalja Presidenciale e Meritave” (2013) nga Presidenca e Republikës së Kosovës, “Çmimi Kombëtar për Vepër Jetësore” (2012) nga MKRS.
Kontributi i tij per zhvillimin e kulturës Kosovare në profilet e teatrit dhe kinematografise do të mbetet si një prej shembujve më të fuqishëm për tu pasuar nga gjeneratat e reja. /KultPlus.com
Teatri i Gjakovës “Hadi Shehu” ka publikuar së fundmi një telegrafm ngushëllimi për vdekjen e aktores, Qefsere Kurtishi Berkani, e cila është aty qysh prej ditëve të para të ekzistencës së këtij teatri, shkruan KultPlus.
Përmes një njoftimi në “Facebook”, teatri në krye me drejtorin Edi Kastrati shprehu ngushëllime për familjarët dhe kolegët.
Njoftimi i plotë (pa ndërhyrje):
“Të nderuar familjar të së ndjerës, artistë dhe kolegë të Qeqes;Më lejoni që në emrin tim dhe në emër të Teatrit të shpreh ngushëllime të sinqerta për familjen dhe kolegët, për humbjen e koleges; Aktores së Teatrit qysh prej diteve të para të egzistences tonë.Qeqa ishte nje shoqe, kolege, dhe gjithashtu një ikonë e teatrit tonë qysh prej ditëve të para dhe gjithashtu ishte njëra ndër aktoret tona e cila nuk ka kursyer asnjëherë ndihmen e saj për avansimin e teatrit tonë. Ajo ishte motiv per kolegët dhe brezat e rinjë duke mos u ndalur asnjeherë së kontribuari per avansim të gjeneratave te reja drejtë suksesit dhe arritjeve per teater.Ndajmë dhimbjen me ju familja Kurtishi-BerkaniU prehtë në paqe!Me respektEdi KastratiTeatri i qytetit “Hadi Shehu””. /KultPlus.com
Teatri “Hadi Shehu” së shpejti do të përfaqësojë Kosovën në festivalin ndërkombëtar ‘SkupiFestival’ me shfaqjen e vetme nga Kosova “+18” nga David Mamet dhe Arian Krasniqit si dhe me regji të Qendrim Rijani-t, përcjellë KultPlus.
Shfaqja nga Kosova do të hap festivalin me datë 07.09.2021 duke filluar nga ora 20:00.
KultPlus ju sjell njoftimin e tyre të plotë:
Nuk ka vikend, nuk ka pushim. Puna e madhe shpresojmë të reflektoj maksimalisht në ITF SkupiFestival ku do të kemi nderin ta hapim festivalin ndërkombëtar duke pëfaqësuar Teatrin/Qytetin dhe si e vetmja shfaqje nga Kosova edhe Shtetin, me datë 07.09.2021 në ora 20:00 me “+18” nga David Mamet dhe Arian Krasniqit me regji të Qendrim Rijani-t. Në foto gjysma e ekipes. Të vaksinuar dhe të mbrojtur duke përdorur masat mbrojtëse. / KultPlus.com
Sot janë bërë plotë katër vite pa aktorin e njohur Hadi Shehun, shkruan KultPlus.
Hadi Shehu u lind në Gjakovë më 15 shkurt 1949 dhe vdiç poashtu në Gjakovë më 12 mars 2017
Në teatrin e Gjakovës, fillimisht si amator, aktron në moshën e re si nxënës. Është themelues i Teatrit Profesionist në Gjakovë dhe njëherë dhe Drejtor i këtij teatri deri në vitin 2007. Diplomoi në Shkollën e Lartë Pedagogjike në Prishtinë, më 1974, në degën e artit dramatik, klasa e Faruk Begollit. Në skenën e Teatrit të Gjakovës ka realizuar me qindra role të paharruara dhe të mahnitshme në drama të ndryshme. Vlen të përmendën: “Fisheku në pajë”, “Njeriu me top”, “Epoka para Gjyqit”, “Monserati”, “Kur shpirti ndërron jetë”, etj.
Ka luajt në role kryesore në dhjetëra filma artistik, më të njohurit janë: “Gjurmë të bardha ” (1980), “Kur pranvera vonohet ” (1979), “Era dhe lisi ” (1979).
Në dramën televizive “Epoka para gjyqit” të regjisorit Ekrem Kryeziu, shkëlqeu dhe vërtetoi edhe një herë epitetin Aleksandër Moisiu i Kosovës.
Në vitin 2017, Teatri i Qytetit të Gjakovës u emëruar me emrin e aktorit të madh të skenës gjithë kombëtare, Hadi Shehu dhe sot teatri mban emrin “Teatri i Qytetit-Hadi Shehu”.
Ndërsa sot, në katër vjetorin e vdekjes së aktorit të njohur, atë e ka kujtuar edhe miku i tij Haqif Mulliqi, i cili duke shprehur dhimbjen për mungesën e tij, njëkohësisht e vlerëson lart edhe artin e Shehut.
“Hadi, vëllai U bënë katër vjet nga kalimi yt në amëshim. Ikja jote ma mbushi zemren me dhembje! Në këtë botë, ishin të rrallë artistët dhe njerëzit si ti, vëllaçko! Por jeta është e këtillë. Prehu në paqen tënde, Artist i madh. Po na mungom shumë”, shkruan Mulliqi. / KultPlus.com
Teatrit të Gjakovës “Hadi Shehu” i janë shtuar edhe katërmbëdhjetë anëtarë të rinjë, ku në mesin e tyre përfshihen gjashtë aktorë, duke plotësuar kështu trupën e aktorëve të këtij teatri, shkruan KultPlus.
Ndër emrat e rinjë të skenës së teatrit të Gjakovës janë: Ylber Mehmeti, Yllka Lota, Vlera Pylla, Besfort Berberi, Edmond Uka si dhe Arvies Komoni. Ndërsa Muradije Muriqi është angazhuar në funksionin e aktores dhe organizatores dhe Myrvete Kurtishi në funksionin e aktores dhe përgjegjëses së skenë për të rinjë dhe fëmijë.
Kurse anëtarët e rinjë të stafit teknik të këtij teatri janë: Vegim Shehu tonist-rekuiziter, Servete Kryeziu pëshpëritëse, Kushtrim Saraqini mjeshtër dhe Ihja Shehu biletashitës.
Nëpërmjet një postimi në faqen zyrtare në Facebook të Kuvendit Komunal të Gjakovës tregohet se kryetari i kësaj Komune, Ardian Gjini në ceremoninë zyrtare të nënshkrimit të kontratave të aktorëve të rinjë ka shprehur entuziazmin e tij për hapin e rëndësishëm që ka marrë ky teatër.
Gjithashtu bëhet e ditur se Gjini ka thënë se Komuna do të angazhohet që të shtojë numrin e aktorëve të teatrit të Gjakovës.
“Jam shumë i lumtur për ju, për faktin që mundi juaj po shpërblehet. Urime të gjithëve, shpresojmë që shumë shpejtë të shijojmë shfaqjet dhe sukseset tuaja të reja. Do të angazhohemi që pjesë e trupës tuaj të bëhen edhe aktorë të tjerë”, shkruhet ndër të tjera në postim.
Kurse përfaqësuesit e teatrit “Hadi Sehu” e kanë konsideruar si datë historike nënshkrimin e kontratave për katërmbëdhjetë anëtarët e rinjë të stafit, që tashmë kanë bërë plotësimin e ansamblin rezident të Teatrit.
“Datë historike për Teatrin tonë, duke falënderuar mbështetjen e plotë të kryetarit Ardian Gjini, punën e palodhshme të drejtorit Edi Kastrati, Asociacionit të Teatrove të Kosovës dhe gjithë faktorëve relevant, sot nënshkruan kontratat 14 anëtarët e ri të stafit duke e plotësuar ansamblin rezident të Teatrit. Ëndrra realitet, falë përkushtimit dhe lobimit shumëvjeçar”, është shkruar në faqen zyrtare të tetarit “Hadi Shehu”në Facebook. / KultPlus.com
Vlera e një njeriu duhet parë në faktin se çfarë jep dhe jo në atë se çfarë është në gjendje të marrë! – A. Anjshtajni
Nga Behar Zenelaj
Dihet botërisht se çfarë i ofrojë shoqërisë Hadi Shehu, një emblemë e Gjakovës, Kosovës në botën teatrore dhe filmike shqiptare. Mund ta keni parë në filma, shfaqje teatrore apo lexuar shkrime në faqe interneti, gazeta, radio, tv kombëtare dhe ndërkombëtare. Ishte njeri nga themeluesit e Teatrit Profesionist të Gjakovës, drejtor për shume vite me radhë i Teatrit Popullor të Gjakovës dhe me vonë Teatrit Kombëtar të Gjakovës dhe i shumë e shumë aktiviteteve dhe punëve për të mirën e shoqërisë.
Por, qëllimi i këtij shkrimi nuk
është që të flasim për ato që janë thënë, por për ato që nuk janë thënë, për
një Yll!
E keni ditur që:
01. Hadiu ishte teatri dhe teatri
ishte Hadiu?
Motoja e Teatrit të Gjakovës
ishte “Pa Hadiun, s’ka teatër”, kjo u vërtetua pas largimit të Hadiut nga
teatri?
02. E keni ditur se Hadi Shehu,
ishte Baba, shokë, kolegë, drejtor dhe njëri i mirë?
03. E keni ditur se Hadi Shehu,
ka refuzuar oferta nga teatrot dhe shtëpitë filmike të ish Jugosllavisë, për
Teatrin e Gjakovës, Kosovës, pasi që në atë kohë ishte vetëm një Teatër
Profesionist ne Kosovë- Teatri Krahinor i Prishtinës?
Si ia ktheu Gjakova/Kosova këtë
sakrificë? Duke i sjellur 1001 probleme atij dhe kolegëve të tij në punë dhe
veprimtarinë krijuese, artistike dhe duke i pensionuar para afatit ligjor, edhe
pse dihet se KRIJUESI, krijon pa marr parasysh moshën.
04. E keni ditur se Hadiu, ishte
i moralshëm dhe model ideal për aktorët? Ai, ka ditur dhe ka refuzuar role! Ka
refuzuar dhe një rol në film, nga produksioni Jugosllav, vetëm se në një skenë
që parashihej të zhvillohej, personazhi duhej te shkonte të binte në shtrat me
bashkëshorten, duhej hequr pizhamet dhe nudo të futej në shtrat. Kamera, duhej
të pozicionohej nga prapa personazhit dhe të filmonte prapanicën. Hadiu i madh
e refuzoji. Kur e pyesnim pse? Thoshte: “Jo more, bythët e mija ti shofi në tv
tërë Jugosllavia!”.
05. E keni ditur se Hadiu, ishte
i njohur si bashkëshort, burrë besnik dhe i fjalës, nuk është shqetësuar nga
askush dhe asgjë, por, ja që tmerrohej nga miu?
06. E keni ditur se Hadiu, dy
gjëra ka treguar kujdes, respekt dhe nuk i ka tradhtuar kurrë, gruan dhe
teatrin!
07. E keni ditur se Hadi Shehu
është njohur si Lokomotiva e Teatrit të Gjakovës? Dhe kjo gjë përditë e me
shume po vërtetohet.
08. E keni ditur se të gjitha
partitë, si ne nivelin lokal ashtu dhe në atë qendrorë; (PDK, LDK, AAK dhe AKR)
kontribuuan që kjo lokomotivë dhe vagonët e saj të dalin jashtë funksionit dhe
të zëvendësoheshin me njerëz të ri, familjarë apo anëtar ngjyrosur me ngjyra
partive të tyre? Përjashtim ka bërë Ministri Bexhet Brajshori, respekt për të!
09. E keni ditur se të gjitha këto
parti, kur ishte në pyetje Hadiu si individ, jashtë Teatrit të Gjakovës e
ndihmonin në të gjitha mënyrat, por për Hadiun në teatër dhe për teatrin si
institucion, ato e gjenin gjuhën e përbashkët dhe unifikoheshin, unifikonin
edhe qëndrimet e tyre, unifikim në bllokime dhe pengime?
Pse jo teatri? Pse pikërisht
Teatri Popullor i Gjakovës?
Mbase, se ishte i vetmi qytet me
kulturë të lartë dhe me 98% të popullsisë shqiptare, me vetëm 2% shkije, dhe
kjo s’ju pëlqente. Për regjimet shtetërore Gjakova ishte halë në sy!
10. Hadi Shehu, u largua me
dinakëri, me pabesi nga pushtetarët dhe kurrë më nuk i është mundësuar për tu
kthyer më teatrit as si drejtor dhe as si aktor i rregullt i kësaj trupe, me
arsyetime banale; drejtor, duhej zgjedhur një me fakultet, ndërsa si aktor, i
pengonte gjendja e keqe shëndetësore e tij, edhe pse Hadiu luajti edhe disa
role në teatër, por jo më si punëtor i rregullt i tij?
11. E keni ditur, se si para dhe
pas lufte, kur donin ta sulmonin Teatrin Popullor të Gjakovës, së pari i suleshin
Hadiut?
12. Hadi Shehut i është hapur
konkurs për ti marrë vendin e punës nga Masat e Dhunshme-Serbe Para Lufte dhe
Pas Luftës nga pushteti ynë?
Periudha e viteve 1990/98 dhe
99/2007, ka qenë me e mundimshmja për atë si njëri, drejtor dhe figurë publike?
Pas lufte, gjatë operimit për
transplantim të veshkave në Curih të Zvicrës, Hadiu u shkarkua nga pozita e
drejtorit të Teatrit Popullor të Gjakovës, nga ana a MKRS.
Vlen të theksohet, se ishin
pikërisht publiku artdashës i diasporës të cilët ia mundësuan Hadiut të
hospitalizohej dhe të grumbullonin mjete financiare për operim. Gurbetqarët
duhet falënderuar! E ndihmuan edhe kolegët; Hysen Binaku dhe Nimon Muçaj, duke
dhënë shfaqje në Zvicër dhe duke mbledhur mjete për operim. Të dytë do të jenë
pjesë e grupit që largohen nga puna më vonë!
13. E keni ditur se nga presioni
publik, solidarizimi i popullit me revoltimet dhe protestimet e drejta të
aktorëve ndaj institucioneve të shtetit, është rikthyer Hadiu, por jo si aktor
apo drejtor teatri, por si kryetar i Këshillit për Teatër. Kjo i bije në të
njëjtën kohë në teatër por jashtë teatrit, me një zyre të posaçme për të, dhe
është pensionuar si kryetar i Këshillit për Teatër dhe me kod pagese të një
bibliotekistëje?
14. E keni ditur se Hadiut i janë
larguar, pushuar, pardon marrë kodet e pagave shumica e kolegëve-aktorëve dhe
kurrë më nuk u janë kthyer, kanë mbetur të papunë?
15. E keni ditur se Hadiun e
eliminuan në konkurs me motivacionin se nuk mjaftonte Shkolla e Lartë e Artit
Dramatikë, dhe kërkohej Fakulteti?
Sqarim: në kohën kur Hadiu,
mbarojë Shkollën e Lartë të Artit, nuk kishte fakultet!
Edhe pse më vonë të emëruarit e
ri (punësuarit, artistet) ishin pa ndonjë kredibilitet moral dhe profesional,
kishin diploma nga shkolla e mesme ose institucione tjera fantazma, si Skemat
Piramidale në Shqipëri që u shuan po aq shpejtë sa që u formuan, sapo i
shpërndanë diplomat?
16. E keni ditur se Hadiut, ju
dëbua, pardon, ju morr kodi vëllait të tij (I.Sh, invalid nga aksidenti i Teatrit
të Gjakovës i shumë viteve më parë, dhe biletashitës i teatrit) dhe djalit, V.
Sh. (fonist dhe rekuiziter ) nga teatri dhe kurrë më nuk u kthyen si punëtor të
rregullt të këtij institucioni?
17. E keni ditur se gjithmonë jo
vetëm nga pushteti por, edhe argatët e tyre në institucione, kolegët, artistët
palaço, lakmitar që synonin ti uzurponin pozitën, sepse madhësia dhe shkëlqimi
i këtij ylli i ëerbonte, i linte në errësirë madhësinë e tyre prej miushi, si
njerëz dhe krijues ?
18. E keni ditur se Hadi Shehut,
i falsifikohej nënshkrimi, kudo dhe kurdo, bile ne mënyrë profesionale, bile
edhe në dok. zyrtare. Rastësisht, falsifikatoret po zunë duke nënshkruar firmën
e Hadiut, arsyetoheshin se është i sëmurë dhe i ka autorizuar ai, dhe se kohët
e fundit nuk po sheh për ta nënshkruar? Gjë që nuk qëndronte!
19. E keni ditur se përgjatë
menaxhimit të Hadi Shehut, pas luftës, punëtorëve të Teatrit të Gjakovës, nuk u
janë paguar Obligimet Pensionale, edhe pse krejt kohën është besuar nga ata dhe
Hadiu se u paguhej me rregull? Tani nuk ju njihet stazhi i punës në Teatër të
Gjakovës!
20. E keni ditur, se menaxhimi i
Teatrit të Gjakovës pas periudhës së H. Sh. është bërë arenë interesash,
punësimesh, keq menaxhimesh, shpërdorimesh dhe hajnive?
21. E keni ditur se familja e H.
Sh. ka pasur raste të vështira financiare, për shkak të papunësisë së krijuar
nga pushteti, pushtetarët dhe argatët e tyre të instaluar në teatër dhe kulturë
keqpërdornin, shpërdoronin qindra e mijëra euro?
22. E keni ditur se në Gjakovë,
flitet e përflitet se si gjësende dhe dokumentacione zyrtare të arkivuara me
kujdes dhe mund nga periudha e Hadiut si trashëgimi e teatrit, pas dëbimit të
Hadiut dhe menaxhimit nga menaxhuesit e ri, janë hedhur në shporte të
mbeturinave, për të humbur çdo gjurmë?
Thuhet se janë gjetur në kazan plehrash
dhe janë dërguar në Muzeun e Qytetit të Gjakovës, për tu ruajtur!
23. Emërtimi i Teatri të
Gjakovës, Teatri i Qytetit -Hadi Shehu, është bërë për të mbuluar degradimin
dhe zhvlerësimin që i është bërë teatrit (veprës, punës dhe jetës së Hadiut dhe
kolegëve) dhe për të qetësuar, manipuluar zemërimin, pakënaqësinë familjare dhe
publike?
Që manipuluesit kanë të njëjtën
mendësi, dhe sistem hajnie e vërteton ky emërtim i Teatrit të Gjakovës. Ky
emërtim iu ka dhënë mundësi për të mbuluar keqpërdorimet dhe iu ka shërbyer si
mbulesë për keqpërdorime të më vonshme.
Ky emërtim, na kujton Aeroportin e
Prishtinës, që i vunë emrin e Heroit Adem Jashari, që më lehte ta vidhnin dhe
keqpërdornin.
24. E dini se Miqtë e Teatrit,
shiquesit, shijuesit e rregullt të artit skenik të Gjakovës që me mund u
kultivuan për 40 vite me radhë nga Hadiu me kolegë, u eliminuan nga listat e
Miqve të Teatrit të Gjakovës, dhe u zëvendësuan me të ri, taze?
25. Hadiu, ishte njëri nga
themeluesit e Teatrit Popullor të Gjakovës, ( teatri i dytë profesionist në
Kosovë) në kohën e Jugosllavisë që popullohej nga 26 mil. banorë, ndërsa këta
26 mil. njerëz njiheshin në botë si Jugosllav, d.m.th. Teatri i Hadiut, ishte
teatër i 26 mil. njerëzve. (sqarim: Me termin POPULL, nënkuptohej të gjitha
kombet e kombësitë që formuan Jugosllavinë). Ndërsa menaxhuesit e ri, e morën
një teatër me një përvojë 40 vjeçare si teatër profesionist e zbriten disa
shkallë me poshtë, në Teatër të Qytetit (si i qyteteve tjera që teatrot u formuan
me dekrete – alla Haraqija), Teatër të Gjakovës, qytetit që banohet me 150 mijë
banorë, dhe e emëruan Teatri i Qytetit Hadi Shehu, dhe gjithë këtë shoqëruar me
bujë dhe ovacione të suksesit të madh që është arritur. Dhe për këtë “sukses të
madh ” të arritur, meritor janë si niveli lokal edhe ai qendror dhe e tërë kjo
është mbështetur kinse me ligj!
26. Vendimi i MKRS të Kosovës për
emërtimin i Pullës Postare të PTT së Kosovës, me figurën dhe emrin e të madhit
Hadi Shehu, është meritor për Hadiun dhe nderë për kolegët e ti si dhe për
qytetarët e artdashës të Kosovës.
Po Hadi Shehu nuk u bë meritor
pas vdekjes, por sa ishte gjallë, me punë, sakrificë dhe mundi!
Po atëherë pse nuk ju dha,
vlerësua puna sa ishte gjallë, por pas vdekjes?
Kjo na bije para një përfundimi
se, sa ishte gjallë nuk ja njihnit meritat, apo nuk donit të ja njihnit! Apo më
mirë vonë se kurrë!
Thuhet se: “Drejtësia e vonuar
është drejtësi e mohuar!”
Ky është një turp për pushtetarët
e nivelit lokal dhe qendrorë përgjatë këtyre 20 viteve për të gjitha problemet
që ja shkaktuan Hadiut dhe teatrit të tij, disa nga ato u cekën më lartë, dhe
mos të mendojnë që do të rehabilitohen, amnistohen vetëm për këtë veprim të
mirë që bënë!
Edhe njerëzit më të këqij në
botë, nganjëherë bëjnë vepra të mira, por kjo s’mund ti lanë ata nga mëkatet,
gabimet, dëmet e tyre trashanike që bënë ndaj shoqërisë dhe figurave të dashura
të tyre!
Kjo pra ishte ana tjetër e
medaljes. Ky pra ishte Hadi Shehu që kishte shumë cilësi artistike dhe njerëzore.
Çka do të thoshte Hadiu, për të
gjithë këto sikur të ishte gjallë?
Autori është punëtorë, aktor dhe
kolegë i Hadiut
MA. Behar Zenelaj, regjisor dhe aktor. /KultPlus.com
Ministri i Kulturës, Rinisë dhe Sportit, Kujtim Gashi bashkë me përfaqësuesit e Postës së Kosovës, priti sot në takim familjarët e aktorit Hadi Shehu, me ç’rast ju dorëzua pulla postare si shenjë respekti për punën dhe kontributin e dhënë nga aktori Shehu, shkruan KultPlus.
Gashi është shprehur se aktori Shehu ishte një artist i veçantë që ka lënë
gjurmë në skenën kulturore.
“Sot, bashkë me përfaqësuesit e Postës së Kosovës, prita në takim familjarë të aktorit Hadi Shehu, me ç’rast ia dorëzova pullën postare si shenjë respekti për punën dhe kontributin e dhënë nga aktori Shehu. Lansimi i pullës postare dedikuar aktorit Hadi Shehu, është vlerësim i lartë për figurën e tij në artin vendor si një prej artistëve të veçantë, i cili ka lënë gjurmë në skenën kulturore në vendin tonë duke luajtur në role kryesore në dhjetra filma artistik”, ka shkruar Gashi. / KultPlus.com
Sot bëhen 1 vit nga ndarja nga jeta e aktorit të mirënjohur kosovar Hadi Shehu, shkruan KultPlus. Shehu ndërroi jetë në moshën 68-vjeçare më 12 mars të vitit 2017.
Në këtë ditë, Shehu, është përkujtuar nga biri i tij Betim Shehu, përmes një shkrimi në rrjetin social Facebook:
“Sot behet nje vit prej kur ti ike nga kjo bote.
Kam shume per te thene…aq shume…sa ishte edhe vepra jote, e cila perjetesisht na bene krenar. Sot nje vit skena heshti, skenografia mbeti e ngrire, perdret rrinin gaditu e dritat u fiken.
“Na la HADIU” ishte kryefjala e gjithe shqiptareve te cilet ishin tronditur nga ky lajm. Interpretove figura te Heronjve dhe Rilindasve shqiptare, te cilet te dhane force qe edhe ne jeten tende te jesh nje atdhetare sypatrembur e nje shqiptar i madh.
Jeta te solli sfida te ndryshme por ato i tejkaloje burrerish gjithnje duke pase ne krahe bashkeshorten tende fisnike,Nerzanin. Faleminderit babi per gjithçka bere per Artin, per Gjakoven, per Kosoven e shqiptaret. Do te vazhdojme te jetojme me mburrje me emrin tend te madh HADI!
I perjetshem kujtimi per ty!”, ka shkruar Betim Shehu./ KultPlus.com
Kjo është pamja që ka marrë platoja e Pallatit të Kulturës “Asim Vokshi” në Gjakovë.
Aty po bëhen përgatitje për kremtimin e 40 vjetorit të teatrit që mban emrin e aktorit të shquar nga Gjakova, tashmë i ndjerë Hadi Shehu.
Ndërhyrjen në këtë pjesë e kanë bërë artistët Almir Meqa, Alban Kupa e Fisnik Caka. Mbështetjen financiare për sigurimin e ngjyrave e ka bërë një Qendër Tregtare në këtë qytet./ KultPlus.com
Të shtunën më 14 tetor në edicioni e njëmbëdhjetë të Festivalit Ndërkombëtar të Teatrove ‘SkupiFestival’, do të jepet shfaqja nga Teatri i Qytetit të Gjakovës ‘Hadi Shehu’ ‘Martir’, shkruan KultPlus.
Kjo shfaqje që përfaqëson Kosovën në këtë festival në Maqedoni, vjen me regji të regjisorit Fatos Berisha.
Shfaqja sjellë në kastën e aktorëve: Besfort Berberi, Yllka Pylla, Edmond Hafizademi, Bujar Ahmeti, Muradije Muriqi, Arbies Komoni, Ylber Mehmeti, Yllka Lota, Myrvete Kurtishi dhe Ahmet Bakija.
‘Martir’, shfaqet të shtunën më 14 tetor me fillim nga ora 20:00 në QKR (MKC)-Salla Frosina ndërsa festivali ndërkombëtar i teatrove ‘SkupiFestival’, nisë nesër në Shkup/ KultPlus.com
Në mbledhjen e fundit për këtë vit të Asamblesë Komunale në Gjakovë, u miratua unanimisht pa asnjë votë kundër dhe asnjë abstenim, pika e rendit të ditës për emërtimin e ri të Teatrit të Qytetit me emrin e aktorit të madh të skenës gjithë kombëtare, Hadi Shehu dhe nga sot e tutje Teatri do të mbajë me përgjegjësi të plotë emrin “Teatri i Qytetit-Hadi Shehu”, shkruan KultPlus.
I nderuar për këtë vlerësim është shprehur edhe Betim Shehu, djali i Hadi Shehut. Ai përmes një statusi në Facebook ka falënderuar të gjithë për vlerësimin që i është bërë babait të tij, i cili shkriu jetën në atë teatër.
“Babi, sot Gjakova po te nderon me emertimin e Teatrit Hadi Shehu, si shenje mirnjohje dhe falenderimi i perjetshem per gjithe dashurine dhe kontributin tend per artin shqiptare dhe per Teatrin e Gjakoves, qe per ty ishte pjese e jetes, e buzqeshjes, e vajit, e kenges, e krenarise e atdhedashurise. Teatrit po i shkruhet me shkronja te arta emri Yt dhe gjithe Ne do ta ruajme me ndere dhe krenari!
Faleminderit Drejtorise se Teatrit dhe kolegeve te Teatrit per iniciativen,Drejtorise per Kulture, te gjithe Asambleisteve dhe Kuvendit komunal te Gjakoves.
Faleminderit gjithe popullit te Gjakoves dhe me gjere per mbeshtetjen morale!”, ka shkruar Betimi në facebook. / KultPlus.com
Sot është mbajtur mbledhja e shtatë e rregullt e Kuvendit të Komunës së Gjakovës ku janë diskutuar dhjetë pika të rendit të ditës, ndër të tjera edhe ato në fushën e kulturës, përcjellë KultPlus.
Në mbledhjen e fundit për këtë vit të Asamblesë Komunale në Gjakovë, u miratua unanimisht pa asnjë votë kunder dhe asnjë abstenim, pika e rendit të ditës për emërtimin e ri të Teatrit të Qytetit me emrin e aktorit të madh të skenës gjithë kombëtare, Hadi Shehu dhe nga sot e tutje Teatri do të mbajë me përgjegjësi të plotë emrin “Teatri i Qytetit-Hadi Shehu”. / KultPlus.com
