Ministria e Kulturës, Rinisë dhe Sportit ka bërë të ditur se ka përfunduar restaurimi i kullës së Xhelë Hajdinit, e cila ndodhet në një peizazh të mrekullueshëm natyror, në fshatin Terziaj në Gjilan.
MKRS ka njoftuar po ashtu se kulla është ndërtuar në vitin 1947, dhe ka pasur funksion të banimit si objekt me gur dhe dru, e cila pas restaurimit ka ruajtur konstruksion e mëhershëm të saj.
“Restaurimi do të vazhdojë edhe në dy shtëpi të tjera të familjes Hajdini, që janë plot vlera arkitekturore dhe dëshmi të së kaluarës.
Mbrojtja, restaurimi dhe funksionalizimi i aseteve të trashëgimisë sonë kulturore është një prej prioriteteve të Ministrisë së Kulturës”, thuhet në njoftimin e MKRS./ KultPlus.com