Etiketë: Hajrulla Çeku

Ministri Çeku pret shkrimtarin Buxhovi, zhvilluan bisedë rreth aktualitetit kulturor

Posted on by Kult Plus

Shkrimtari dhe historiani i njohur, Jusuf Buxhovi, gjatë ditës së sotme është pritur nga ministri i Kulturës, Rinisë dhe Sportit, Hajrulla Çeku.

Buxhovi përmes rrjeteve sociale ka njoftuar se gjatë takimit kanë zhvilluar një bisetë të dobishme rreth aktualitetit kulturor.

“Me këtë rast ia dhurova disa nga botimet hitoriografike: “Kosova” në tri vëllime në gjuhën angleze, “Dardania”, “Maqedonia” dhe “Kongresi i Berlinit dhe Lidhja Shqiptare 1878” si dhe romanet: “Shënimet e Gjon Nikollë Kazazit”, “Dosja B”, “Mona”, “Rrushja” dhe “Mendim Drini”, ka shkruar Buxhovi./KultPlus.com

Ministri Çeku njofton se nisën punimet në kalanë e Korishës

Posted on by Kult Plus

Ministri i Kulturës, Rinisë dhe Sportit, Hajrulla Çeku, vlerëson se arkeologjia në vendin tonë po merr vëmendjen e duhur shtetëror.

Me anë të një postimi në llogarinë e tij në Facebook, ai deklaroi se kanë nisur punimet edhe në kalanë e Korishës, e cila i takon dy periudhave historike, asaj dardane dhe periudhës bizantine.

“Në këtë lokalitet arkeologjik shumështresor janë zbuluar gjetje të rëndësishme dhe për tri vitet e ardhshme kemi garantuar punime dhe mbikëqyrje të vazhdueshme”, ka shkruar Çeku./KultPlus.com

Ministri Çeku: Sot nis rrugëtimi i sportistëve tanë në Lojërat Olimpike

Posted on by Kult Plus

Ministri i Rinisë, Kulturës dhe Sportit, Hajrulla Çeku, ka njoftuar se sot do të fillojë rrugëtimi i sportistëve nga Kosova, në Lojërat Olimpike Paris2024.

“Sot nis rrugëtimi i sportistëve tanë në Lojërat Olimpike #Paris2024“, ka shkruar ai.

Tutje, Çeku ka shkruar se të gjithë i kemi sytë nga ata dhe se iu urojmë shumë suksese, duke shtuar se ndihemi të gjithë krenarë./KultPlus.com

Ministri Çeku: Veprat e Kadaresë mbeten testament i gjallë i talentit dhe mendjes së tij

Posted on by Kult Plus

Ministri i Ministrisë së Kulturës, Rinisë dhe Sportit, Hajrulla Çeku, ka reaguar për vdekjen e shkrimtarit Ismail Kadare.

Ai është shprehur se lajmi për vdekjen e tij, është lajm i rëndë dhe se ai na mësoi të shohim botën me një këndvështrim unik.

“Kontributi i Kadaresë për artin dhe kulturën shqiptare është i pashoq. Veprat e tij mbeten testament i gjallë i talentit dhe mendjes së tij të jashtëzakonshme. Do ta kujtojmë gjithmonë për aftësinë e tij të rrallë për të kapur thelbin e njerëzimit në çdo faqe të shkruar”, ka shkruar ai.

Tutje, ai shtoi se Kadare ka lënë pas vetës trashëgimi të pashlyeshme në letrat shqipe dhe botërore.

“Ngushëllimet më të sinqerta familjes Kadare dhe të gjithë qytetarëve”, ka shtuar tutje Çeku./KultPlus.com

Ministri Çeku sot raporton në Komisionin për Mbikëqyrjen e Financave Publike

Posted on by Kult Plus

Ministri i Kulturës, Rinisë dhe Sporteve, Hajrulla Çeku, sot do të raportojë në Komisionin për Mbikëqyrjen e Financave Publike.

Ministri Çeku do të raportojë lidhur me raportin e auditimit të performancës “Efektiviteti i fondeve për financimin e sportit”.

Mbledhja e komisionit do të fillojë në ora 11:00./KultPlus.com

Premiera e “Goca e Kaçanikut”, Çeku: Mbrëmje e jashtëzakonshme

Posted on by Kult Plus

Sot është dhënë premiera nga Opera e parë kosovare “Goca e Kaçanikut”, shkruan KultPlus.

Ministri i Kulturës, Hajrulla Çeku, ka reaguar duke thënë se ishte një mbrëmje e jashtëzakonshme.

Postimi i plotë:

“Mbrëmje e jashtëzakonshme!

Opera e parë kosovare “Goca e Kaçanikut” me kompozitor Rauf Dhomin, u shfaq sonte për herë të parë në Kosovë pas krijimit të saj më shumë se gjysmë shekulli më parë.

Opera e Kosovës në bashkëpunim me Baletin Kombëtar të Kosovës dhe solistët, në regjinë e Nikolin Gurakuqit dhe nën drejtimin e Edon Ramadanit dhuruan emocione të fuqishme sonte për publikun.

Faleminderit për punën dhe përkushtimin tuaj”, shkruan ai. /KultPlus.com

Ministri Çeku: Vazhdon të thellohet bashkëpunimi me Shqipërinë në projekte të kulturës

Posted on by Kult Plus

Ministri i Kulturës, Rinisë dhe Sportit, Hajrulla Çeku, ka pritur sot në takim Ambasadorin e ri të Shqipërisë në Kosovë, Petrit Malaj, shkruan KultPlus.

Përmes një postimi në facebook, Ministri Çeku ka thënë se edhe në të ardhmen do të vazhdojë bashkëpunimi kulturor mes Kosovës dhe Shqipërisë.

“Bashkëpunimi kulturor mes Kosovës dhe Shqipërisë është i pashmangshëm. Përplot aktivitete të përbashkëta janë realizuar vitin që lam pas, dhe të tilla priten edhe në vazhdim.

Për këtë dhe tema të tjera diskutuan sot në takim, Ministri Çeku dhe Ambasadori i ri i Shqipërisë në Kosovë, Petrit Malaj.

Ministri Çeku i uroj suksese në detyrën e re, ndërsa i shprehu falënderimet e tij për mbështetjen dhe bashkëpunimin e vazhdueshëm të Shqipërisë.

Bashkë u dakorduan për të vazhduar bashkëpunimin duke u koordinuar për projekte të përbashkëta në kulturë, sport, rini e trashëgimi kulturore”, ka shkruar Çeku./KultPlus.com

Çeku: Muzeu i Muzikës në Gjakovë do të bëhet

Posted on by Kult Plus

Ministri i Kulturës, Hajrulla Çeku, njofton se se Muzeu Muzikës në Gjakovës do të bëhet, shkruan KultPlus.

Tutje, Çeku shkruan se është shpallur procedura e prokurimit për realizimin e punimeve për Muzeun e Muzikës në Gjakovë.

“Muzeu i Muzikës (Tabhanja) në Gjakovë do të bëhet. Kemi shpallur procedurën e prokurimit për realizimin e punimeve. Kemi ndarë mbi 400 mijë euro për ta kthyer në gjendjen e mëparshme.

Nuk zmbrapsemi, nuk ndalemi. Punë, përditë. Për trashëgiminë kulturore, për Gjakovën tonë”, shkruan Çeku. /KultPlus.com

Çeku pasi miratohet projektligji për Artin dhe Kulturën: Dokumenti më i rëndësishëm i reformës më të thellë kulturore

Posted on by Kult Plus

Kryeministri i Kulturës, Hajrulla Çeku, përmes një njoftimi në “Facebook” ka falënderuar deputët që miratuan përfundimisht Projekt-ligjin për Artin dhe Kulturën, shkruan KultPlus.

Sipas Çekut, ky është dokumenti më i rëndësishëm i reformës më të thellë kulturore në vend.

“Mbështetja e grupit parlamentar të Lëvizjes VETËVENDOSJE! dhe partnerëve të koalicionit ka qenë e palëkundur. Mirënjohje të veçantë për deputetin Ardian Gola, kryetarin e Komisionit parlamentar për arsim dhe kulturë dhe anëtarët tjerë të komisionit”, ka shkruar Çeku në “Facebook”.

Nga kjo refromë premtohen më shumë mundësi për veprimtari artistike, shërbime kulturore, edukim artistik, zhvillim të audiencave, mirëqenie ekonomike për artistin. /KultPlus.com

Takimi Ora – Kurti, diskutohen mundësitë e bashkëpunimit me qëllim të promovimit të kulturës shqiptare

Posted on by Kult Plus

Këngëtarja Rita Ora është takuar së fundmi edhe me Ministrin e Kulturës, Hajrulla Çeku, si dhe me drejtoren e Qendrës Kinematografike të Kosovës, Blerta Zeqirin, shkruan KultPlus.

Kryeministri i Kosovës, Albin Kurti, i shoqëruar nga ministri i Kulturës, Rinisë dhe Sportit, Hajrulla Çeku, pritën në takim yllin botëror nga Kosova, Rita Ora, bashkëshortin e saj, regjisorin Taika Waititi, aktoren e producenten Odessa Rae, të dy fitues të çmimeve Oscar, si dhe Besnik Sahatçiun dhe Elena Ora.

Mundësia për bashkëpunime në fushën e filmit dhe muzikës ishin temat kryesore në këtë takim.

Postimi i plotë nga MKRS:

“Rita Ora dhe Taika Waititi në Kosovë 🇽🇰🌟

Kryeministri i Kosovës, Albin Kurti, i shoqëruar nga ministri i Kulturës, Rinisë dhe Sportit, Hajrulla Çeku, pritën në takim yllin botëror nga Kosova, Rita Ora, bashkëshortin e saj, regjisorin Taika Waititi, aktoren e producenten Odessa Rae, të dy fitues të çmimeve Oscar, si dhe Besnik Sahatçiun dhe Elena Ora.

E pranishme në këtë takim ishte edhe drejtorja e Qendrës Kinematografike të Kosovës, Blerta Zeqiri, si dhe anëtarë të kabineteve qeveritare.

Gjatë takimin folën për fushën e artit dhe kulturës në Kosovë. U diskutuan planet e Qeverisë për zhvilluar industrinë e filmit vendor si dhe marrëveshjet e bashkëpunimit që Kosova ka me vendet e saj partnere në fushën e filmit. U trajtuan edhe mundësitë e format e bashkëpunimit me qëllim të promovimit të kulturës shqiptare jashtë vendit, përmes artistëve, muzikantëve e regjisorëve të rinj”, thuhet në postim. /KultPlus.com

Ministri Çeku pret në takim ekipin kampion të futsallit në Kosovë, FC Prishtina 01

Posted on by Kult Plus

Ministri i Kulturës, Rinisë dhe Sportit, Hajrulla Çeku sot ka pritur në takim ekipin kampion aktual të futsallit në Kosovë, FC Prishtina 01, shkruan KultPlus.

Ministri Çeku, pjesëtarët e FC Prishtina 01, i ka përgëzuar për suksesin e fundit ndërkombëtar, ku është kualifikuar në mesin e 16 ekipeve më të mira të Ligës së Kampionëve.

“Ministri Çeku ka pritur sot në kabinet ekipin kampion aktual të futsallit në Kosovë FC Prishtina 01, të kryesuar nga kryetari i klubit Bledion Bryma.

Bashkë folën për sukseset e klubit dhe sportit të futsallit në Kosovë, për zhvillimet aktuale në sport, ndërsa Ministri i përgëzoi për suksesin e fundit ndërkombëtar.

FC Prishtina 01 është kualifikuar në mesin e 16 ekipeve më të mira të Ligës së Kampionëve, pas triumfit si e para në grupin kualifikues. Në fazën ‘Elite Round’, do të përballen me kampionët e Portugalisë, Benfica, Kairat Almaty të Kazakistanit dhe Doboveci i Sllovenisë.

Ata kanë fituar të drejtën e organizimit të ndeshjeve të këtij grupi në Prishtinë, dhe në vendin tonë prej 29 nëntor deri më 3 dhjetor do të zhvillohet një tjetër ngjarje e madhe ndërkombëtare”, thuhet në njoftim./KultPlus.com

Ministri Çeku: Barbarë janë ata që e djegin kulturën dhe historinë e tyre

Posted on by KultPlus

Ministri i Ministrisë për Kulturë, Rini dhe Sporte ka reaguar pas djegies së shtëpisë së vjetër në Mitrovicë, shtëpi që ishte nën mbrojtje të trashëgimisë kulturore, shkruan KultPlus.

Ministri Çeku ka thënë se ata që tentuan të zhdukin gjurmët e trashëgimisë kulturore nuk do t’ia dalin, pasi që sipas tij, shtëpia do të restaurohet.

Barbarë janë ata që e djegin kulturën dhe historinë e tyre

Pas një rezistence të madhe nga familja dhe një tentim rrënimi së fundmi, dje patën filluar ndërhyrjet për shpëtimin e shtëpisë së familjes Koroglu në Mitrovicë.

Pasi e kuptuan që nuk zmbrapsemi nga detyrimi ynë për mbrojtjen e trashëgimisë kulturore, qyqarët në mënyrë tinëzare pasi ra terri ia vunë flakën shtëpisë së shekullit XIX.

Nuk do t’ia dalin, shtëpia do të restaurohet. Dhe do t’i përdorim të gjitha mundësitë ligjore që faturën e restaurimit ta paguajnë ata që ia vunë flakën.

Pres kapjen dhe ndëshkimin e kriminelëve. Prokuroritë dhe gjykatat tona kanë rol qendror në mbrojtjen e trashëgimisë kulturore.

Dënimet e deritanishme me gjobë nga 200 deri 700 euro për dëmtim të monumenteve, kur kodi penal parasheh deri në 500 mijë euro e burgim efektiv, janë vetëm inkurajim për keqbërësit.

Betejën mes barbarizmit dhe kulturës pa dyshim se do ta fitojë kultura./ KultPlus.com

Nora Gjakova e artë në Grand Slamin e Bakusë, Çeku: Xhudistet tona nuk dinë ndryshe

Posted on by Kult Plus

Xhudistja kosovare, Nora Gjakova ka fituar medaljen e artë në Grand Slamin e Bakusë.

Nëpërmjet një postimi në Facebook, ministri i Kulturës, Rinisë dhe Sportit, Hajrulla Çeku, është shprehur se ekipi i Kosovës në xhudo është në rrugë të sigurtë drejt Lojërave Olimpike Paris 2024.

KultPlus ua sjell postimin e plotë të minitrit Çeku:

Xhudistet tona nuk dinë ndryshe

Në Grand Slamin e Bakusë, Nora rrëmbeu të artën e Disi të argjendtën. Nesër garojnë Akili, Laura e Loriana.

Ekipi në rrugë të sigurt drejt Lojërave Olimpike Paris 2024.

Kosova, shtet i xhudos./KultPlus.com

Ministri Çeku: Gjithmonë krenarë me përkushtimin dhe angazhimin e kineastëve

Posted on by KultPlus

Ministri i Ministrisë së Kulturës, Rinisë dhe Sporteve Hajrulla Çeku pjesëmarrjen e kineastëve kosovarë në Festivalin e Filmit në Venecia e ka vlerësuar lart, duke shtuar se kineastët tanë po shfaqin talentin dhe kreativitetin e tyre në mesin e krijuesve të shquar nga e gjithë bota, shkruan KultPlus.

KultPlus ju sjell të plotë reagimin e ministrit Çeku.

Kineastët tanë po shfaqin talentin dhe kreativitetin e tyre në mesin e krijuesve të shquar nga e gjitha bota, në ngjarjet më të mëdha të filmit e artit në botë. 🎥🇽🇰

Premiera e filmit “Bota Jonë” nga regjisorja Luana Bajrami u dha mbrëmë në Festivalin e Filmit në Venedik. Gjithashtu u shfaqën “House keeping for beginners”, me aktore Ilire Vinca dhe Rozafa Çelaj, si dhe “A Short Trip” i Erenik Beqirit.

Gjithmonë krenarë me përkushtimin dhe angazhimin e tyre. Suksese në garë!⭐️/ KultPlus.com

Kryeministri Kurti dhe ministri Çeku vizitojnë artistin Rexhep Ferri

Posted on by Kult Plus

Kryeministri i Kosovës, Albin Kurti, bashkë me ministrin e Kulturës, Rinisë dhe Sportit, Hajrula Çeku, kanë vizituar sot artistin e mirënjohur, Rexhep Ferri, përcjell KultPlus.

Nëpërmjet një postimi në Facebook, kryeministri Kurti u shpreh mirënjhës për krijimtarinë e Ferrit.

“Në votër të profesorit Rexhep Ferri, bashkë me Hajrullaun, Ministrin e Kulturës, për një kafe e për kujtime të mëhershme. Jemi takuar shpeshherë në Parkun e Qytetit të Prishtinës. Në atë kohë, kur e shihja duke ecur më dukej që po shihja pikturën e tij: njerëz në hap, të pa shpërqendruar nga ajo që ndodhë në prapavijë. Sot, i ulur në kolltukun e tij, shihja një jetë të mbushur me vepër. Nga piktura e deri te teksti, Rexhep Ferri i takon brezit që ngritën skenën tonë artistike. Përherë mirënjohës kontributit të tij”, ka shkruar Kurti./KultPlus.com

Kamenica po bëhet me stadium të atletikës, i pari në Kosovë

Posted on by Kult Plus

Ministri i Kulturës, Rinisë dhe Sportit, Hajrulla Çeku, ka njoftuar se shumë shpejt Kamenica do të bëhet me stadium të atletikës, i cili do të jetë edhe i pari në Kosovë, përcjell KultPlus.

Çeku nëpërmjet një postimi në Facebook tha se sot ka nënshkruar marrëveshjen me kryetarin e Kamenicës dhe në një afat optimal ky stadium do të shndërrohet në një realitet të prekshëm.

KultPlus ua sjell postimin e ministrit Çeku:

Kamenica po bëhet me stadium të atletikës, i pari në Kosovë

Atletët e talentuar që ka vendi, klubet e Federata e Atletikës shumë shpejt do të kenë stadiumin e tyre modern, i projektuar sipas standardeve për gara ndërkombëtare.

Marrëveshja e nënshkruar sot me kryetarin Kadri Rahimaj, në një afat optimal do të shndërrohet në realitet të prekshëm. Mbi 3 milionë euro të ndara nga MKRS, janë investim direkt në vizionin e përgjithshëm të atletikës në Kosovë dhe zhvillimin e turizmit sportiv./KultPlus.com

Katër muaj pas zjarrit shkatërrues, nis restaurimi në shkollën historike shqipe ‘Ismail Qemali’

Posted on by Kult Plus

Katër muaj pas zjarrit shkatërrues, shkolla historike shqipe ‘Ismail Qemali’ ka hyrë në fazën e restaurimit, përcjell KultPlus.

Lajmin e ka bërë të ditur ministri i Kulturës, Rinisë dhe Sportit, Hajrulla Çeku nëpërmjet një postimi në Facebook.

Në vijim KultPlus ua sjell postimin e plotë të ministrit Çeku:

Pas vetëm katër muajsh nga zjarrvënia shkatërruese në shkollën historike shqipe “Ismail Qemali” në Ferizaj, objekti ka hyrë në fazën e fundit të restaurimit.

Angazhim i parreshtur institucional, trajtim me prioritet e efikas ndaj trashëgimisë kulturore./KultPlus.com

Çeku e Kurti vizitojnë artistin e madh, Xhevdet Xhafa

Posted on by Kult Plus

Kryeministri i Kosovës, Albin Kurti, së bashku me Ministrin e Kulturës, Hajrulla Çeku kanë vizituar artistin Xhevdet Xhafa, shkruan KultPlus.

Përmes një postimi në “Facebook”, Kurti ndau një bisedë të shkurtër që e zhvilloi me artistin.

– “Je mplak pak”, m’tha

– “Edhe ti”, ia ktheva.

Kështu filloi biseda jonë me të qeshura të shumta e me vrojtime nga e kaluara, veprat e artit dhe punët tona ditore, me artistin e madh Xhevdet Xhafa dhe me Ministrin e Kulturës, Hajrullaun”, shkruan i pari i ekzekutivit. /KultPlus.com

Ministri Çeku: Prizreni nga sonte hap dyert për Dokufestin, ngjarjen më të madhe të artit e filmit në vend

Posted on by Kult Plus

Sonte në Prizren ka filluar festivali i filmit dokumentar të metrazhit të shkurtër, ‘Dokufest’, përcjell KultPlus.

Në një postim në Facebook, ministri i Kulturës, Hajrulla Çeku tha se ‘Dokufest’ është një prej festivaleve më të rëndësishme të filmit në Evropën Juglindore, ku për nëntë ditë qytetarët dhe vizitorët e shumtë do të kenë mundësi të shijojnë programin e pasur me filma dokumentarë e të metrazhit të shkurtër.

Në vijim, KultPlus ua sjell postimin e ministrit Çeku:

Prizreni nga sonte hap dyert për Dokufestin, ngjarjen më të madhe të artit e filmit në vend.

Një prej festivaleve më të rëndësishme të filmit në Europën Juglindore tashmë është formësuar në institucion të krijimtarisë dhe edukimit artistik, me të cilin krenohemi të gjithë.

Përgjatë nëntë ditëve, qytetarët dhe vizitorët e shumtë do të kenë mundësi të shijojnë programin e pasur me filma dokumentarë e të metrazhit të shkurtër, në 12 hapësira të ndryshme brenda qytetit, kinematë e hapura, ekspozitat e programet e edukimit.

Mbështetja shtetërore institucionale për këtë edicion ishte më e larta ndonjëherë, ndërsa kthimi në ekonomi siç ndodhi me bienalen Manifesta pritet të jetë po ashtu më i larti ndonjëherë.

Ju ftoj të jeni pjesë e kësaj feste të artit, të shihni filma të jashtëzakonshëm dhe të përjetoni emocione unike nëpër kinematë e festivalit e magjinë e qytetit të Prizrenit./KultPlus.com

Serbia i ndalon filmat “I pabesi” dhe “Heshtja vret”, ministri Çeku: Së shpejti do të kenë premierën e tyre në Prishtinë

Posted on by KultPlus

“I pabesi” dhe “Heshtja vret” janë dy filma që tashmë janë ndaluar të shfaqen në Luginë të Preshevës, dhe këta filma tashmë janë duke u trajtuar edhe nga sistemi i drejtësisë të atjeshme, me pretekstin se këta dy filma kanë përmbajtje të nxitjes së urrejtjes, shkruan KultPlus.

Të dy filmat janë realizuar me skenar të Shkëlqim Islamit dhe regji të Musa Isufit e që janë realizuar me mbështetje nga Qeveria e Kosovës, për mbështetje për Luginën e Preshevës.

Ministri i MKRS-së Hajrulla Çeku ka pritë sot në takim producentin dhe aktorin Gani Veseli dhe regjisorin e këtyre dy filmave Musa Isufi, duke shtuar se këta dy filma së shpejti do të kenë premierën në Prishtinë.

Më poshtë është njoftimi i plotë i ministrit Çeku.

Sot pata kënaqësinë t’i pres në ministri producentin e aktorin Gani Veseli dhe regjisorin Musa Isufi, dy filmat e të cilëve pushteti autokratik në Serbi nuk lejon të shfaqen në Luginën e Preshevës.

Filmat “I pabesi” dhe “Heshtja vret” që janë financuar nga Qeveria e Kosovës si pjesë e mbështetjes për Luginën, së shpejti do të kenë premierën e tyre në Prishtinë./ KultPlus.com

Ekspertizë nga profesionstë ndërkombëtarë për themelimin e Këshillit Kombëtar të Arteve në Kosovë

Posted on by Kult Plus

Ministri Çeku ka takuar drejtoren për zhvillim të arteve në Këshillin e Arteve të Irlandës Veriore, Gilly Campbell e cila është në Kosovë për të dhënë ekspertizën e saj në fushën e artit.

Campbell ka qenë pjesë e punëtorisë me ekipin punues për hartimin e Ligjit për Art dhe Kulturë, me ç’rast janë fokusuar tek formimi i Këshillit Kombëtar të Arteve në Kosovë, modeli i Irlandës dhe krahasimi i tyre.

Bashkë me ministrin kanë vizituar Galerinë Kombëtare të Kosovës, ndërsa kanë diskutuar për punën e këshillit iniciues për themelimin e Muzeut të Artit Bashkëkohor, blerjen e veprave të artit dhe përvojat e shteteve të tjera.

Në takim ishin të pranishëm edhe Peter Brown, drejtor i përgjithshëm i British Council për Ballkanin Perendimor, Majlinda Mazelliu, zëvendësdrejtore e British Council për Ballkanin Perëndimor dhe drejtore për Kosovë dhe Shqipëri, po ashtu Alisa Gojani, u.d drejtore në GKK dhe Renea Behluli, kryesuese e këshillit drejtues, GKK./ KultPlus.com

Fillon kalendari i Javës Kulturore në Portugali

Posted on by KultPlus

Ministri i Kulturës Hajrulla Çeku dhe Ministrja e Ministrisë së Punëve të Jashtme, Donika Gërvalla, të shoqëruar nga delegacioni i MKRS dhe MPJ, mbrëmë në Ambasadën e Republikës së Kosovës në Lisbon të Portugalisë, ishin pjesë e aktiviteteve hapëse të Javës Kulturore të Kosovës.

11 vepra të reja iu shtuan ekspozitës së ambasadës teksa këndi i bibliotekës u hap dhe u mbush me tituj kosovarë. Gjatë bisedës me pjesëtarë të diasporës, ministri Çeku rikonfirmoi përkrahjen e shtetit për mbështetje të artit dhe artistëve, duke krijuar mundësi të reja të promovimit të tyre edhe jasht kufijve./ KultPlus.com

Degradimi prej dy dekadash i trashëgimisë, kulturës e sportit po ndalet (VIDEO)

Posted on by Kult Plus

Ministri i Kulturës, Rinisë dhe Sportit, Hajrulla Çeku së fundmi nëpërmjet një videoje të shpërndarë në rrjetet sociale, ka treguar arritjet në trashëgimi, kulturë e sport, përgjatë vitit 2022, shkruan KultPlus.

Më poshtë gjeni të plotë arritjet e shënuara si dhe videon e publikuar:

“Lajmet për shkatërrimin e monumenteve kanë qenë pothuajse të përjavshme. U pat normalizuar shkatërrimi i trashëgimisë kulturore në Kosovë. Kjo nuk ndodh më. Sot, kemi restaurime në gjithë vendin, plane të menaxhimit, inspektoritate e ligjshmëri, punësim dhe shërbim ndaj komunitetit. Muzetë e Kosovës po funksionalizohen, kompleksi memorial Adem Jashari në Prekaz po merr vëmendjen e merituar shtetërore. Deri para pak vitesh Qeveria as që mërzitej për gjendjen e institucioneve të kulturës dhe për pozitën e artistit. Brenda më pak se dy vitesh, ka pasur veprime që nuk janë ndërmarr asnjëherë më parë. Ndërtesat e kulturës po rinovohen, hapësira të reja për artistët po krijohen, pagat e performuesve janë të dinjitetshme, po vazhdon blerja e veprave nga artistët vendorë, fondi për librin është gjashtëfishuar, ndërsa mbështetja përmes granteve vetëm në vitin 2022 ka qenë mbi 4 milionë euro, e paprecedentë në historinë e pas luftës. Institucionet e kulturës u patën lënë me buxhete të mjerueshme, përveç rritjes së konsiderueshme të mbështetjes financiare. Filmin e shpallëm prioritet shtetëror, ndërsa Teatri, Filharmonia, Baleti e Shota me program në gjithë Kosovën e salla përplot me publik. Operën e themeluam, në proces është themelimi i Muzeut i Artit Bashkëkohor dhe së shpejti Instituti Kulturor i Kosovës. Qendra të reja të kulturës dhe të rinisë në qytete e fshatra, mundësi shtesa për zhvillimin e talentit rinor të Kosovës. Përveç që sportin e patën lënë pa financim adekuat, zyrtarët e partive politike merrnin pozita udhëheqëse në Komitet Olimpik, federata e klube. Për më pak se dy vite, kemi shumëfishuar mbështetjen financiare për sportin dhe sot kemi programe zhvillimore të sportit, sportin në shkolla, programe për fëmijë dhe shëndetin e tyre, ngjarje ndërkombëtare e sportive në vendin tonë. Po e zbatojmë procesin e licencimit për standarde të qeverisjes së mirë, po e ndryshojmë ligjin e sportit, dhe për herë të parë Kosova po bëhet me strategji afatgjate për zhvillimin e sportit. Edhe infrastrukturën e sportit e patën lënë në mjerim, ndërsa ne përveç që po i mbyllim projektet e mbetura përgjysmë, kemi nisur edhe projektet të reja për konsolidimin e infrastrukturës sportive në vend. Puna jonë nuk do të ndalet, reformat tona do të vazhdojnë të sjellin rezultate të prekshme për artistin e sportistin, për të rinjtë tanë.”

/ KultPlus.com