Një botim i rrallë, i parë i librit të “Harry Potter” është shitur për 36,000 paund.
Christine McCulloch bleu kopjen e “Harry Potter and the Philosopher’s Stone” për djalin e saj Adam në vitet 1990.
Ajo tha se pagoi rreth 10 paund për kopjen e tij nga një librari në Stratford-upon-Avon në vitin 1997 dhe nuk e kishte idenë se i njëjti libër do të vlente mijëra paund, 30 vjet më vonë.
Botimi i parë i librit u shit në ankandin “Rare Book Auctions” në Lichfield, Staffordshire – dhe blerësi pagoi 45,000 paund në total.
Sipas organizatorëve të ankandit, libri është një nga vetëm 500 kopjet e botuara në botimin e parë të librit “Harry Potter”në vitin 1997.
Ai ishte vlerësuar me një çmim midis 30,000 dhe 50,000 paund.
Adam McCulloch, nga Tansley, Derbyshire, tha se kopja ishte lënë në një dollap nën shkallët e ish-shtëpisë së familjes së tij, në Chesterfield./KultPlus.com
Një ilustrim origjinal me bojëra uji është bërë artikulli më i vlefshëm i Harry Potter i shitur ndonjëherë, shkruan BBC.
Vepra u shit në ankand në Shtetet e Bashkuara të Amerikës për 1,9 milionë dollarë.
Vepra artistike për edicionin e parë të “Harry Potter dhe Guri i Magjistarit” të JK Rowling është shitur për më shumë se trefishin e çmimit të pritur.
Ajo u hodh në ankand për herë të parë në vitin 2001, përpara se të përfundonte seria e librave, për 85 750 sterlina.
“Ky është me të vërtetë vizualizimi i parë i Harry-t dhe Botës së Magjistarëve”, tha Kalika Sands nga shtëpia e ankandeve ”Sotheby’s”.
Vepra e artit pritej të shitej nga 400 000 deri në 600 000 dollarë, që sipas ”Sotheby’s” ishte vlerësimi më i lartë i parashitjes për një vepër të lidhur me Harry Potter.
Të mërkurën, u deshën gati 10 minuta për të përfunduar oferta.
Identiteti i blerësit nuk u zbulua.
Artisti Thomas Taylor, ishte vetëm 23 vjeç në vitin 1997 kur krijoi imazhin ikonik të Harry Potter-it që qëndronte përballë ”Hogwarts Express”, trenit që do ta çonte magjistarin e ri me syze në botën e magjistarëve.
Taylor, i cili u rrit në Uells, ishte një nga njerëzit e parë që lexoi dorëshkrimin e librit origjinal të Harry Potter, i cili shiti miliona kopje dhe krijoi një ekskluzivitet fitimprurës që përfshinte filma dhe parqe tematike.
Ai shkroi në faqen e tij të internetit se po punonte në një librari për fëmijë në Kembrixh në vitin 1996, kur u frymëzua t’u dërgonte shembuj të veprave të tij artistike botuesve, përfshirë Bloomsbury, të cilët më pas ia besuan punën e Potterit./KultPlus.com
Dame Maggie Smith ka qenë një aktore e preferuar për shumë breza dhe dy nga rolet e saj më ikonike janë Minerva McGonagall në ‘Harry Potter’ dhe Violet Crawley në ‘Downton Abbey’. Së fundmi, ajo u shfaq në fushatën e produkteve prej lëkure të Loewe, me një seri fotosh nga fotografi i njohur Juergen Teller. Një fotosesion që shkatërroi të gjithë racizmin e moshës pasi arriti të bëhej një ikonë e modës në dekadën e saj të 8-të të jetës: pa operacione plastike, pa grim, pa photoshop.
Megjithatë, nuk ishte hera e parë që ajo dha mësime përmes zgjedhjeve të saj. Me rastin e ditëlindjes së sotme, ajo mbush 89-vjeç, i hedhim një vështrim momenteve të jetës së saj.
Vlerësimet e saj në aktrim
Margaret Natalie Smith lindi më 28 dhjetor 1934 në një periferi lindore të Londrës. Përfshirja e saj në aktrim erdhi në një klimë dekurajimi nga mjedisi i saj familjar. Nëna e saj i kishte thënë se nuk do të mund të bëhej kurrë aktore. Megjithatë, ajo nuk u pengua dhe u diplomua në 1953 nga Shkolla e Playhouse në Oxford.
Sot, ajo është fituese e dy çmimeve Oscar, një çmimi Tony, shtatë çmime BAFTA, dy çmime Emmy, dy Golden Globes, dy Screen Actors Guild Awards dhe një çmim Laurence Olivier.
Megjithatë, dallimet e saj nuk erdhën vetëm përmes teatrit. Në vitin 1970 iu dha titulli “Komandant i Urdhrit të Perandorisë Britanike” nga Mbretëresha Elizabeth. Titulli i saj u përmirësua në 1989 në ‘Dame’ (ekuivalenti i Sir).
Dame Maggie Smith në 2014 përsëri mori një dallim nderi nga pallati dhe bëhet Anëtare e Urdhrit të Shoqëruesve të Nderit.
Betejat e saj personale
Në vitin 2009, gjatë xhirimeve të filmit të pestë të Harry Potter, u bë e ditur se ajo vuante nga kanceri i gjirit dhe po i nënshtrohej kimioterapisë. “Isha e mbështetur në hekura, duke menduar se nuk ia dalin dot”, ka pranuar për periudhën e vështirë që ka përjetuar atëherë, por nuk u dorëzua.
Dame Maggie Smith gjithashtu vuan nga sëmundja e syrit tiroidik: një sëmundje autoimune e lidhur drejtpërdrejt me tiroiden. Një nga simptomat karakteristike të sëmundjes është dalja e syve.
Ajo ka dy djem me aktorin Robert Stephens. Të dy u divorcuan në vitin 1974, pas 7 vitesh martesë. Chris Larkin dhe Toby Stephens ndoqën hapat e prindërve të tyre në aktrim, ndërsa i pari zgjodhi të ndryshojë mbiemrin./KultPlus.com
Prej disa kohësh përflitet se “Warner Bros. Discovery” është gati të rikthehet në Hogwarts dhe tani më në fund është konfirmuar.
“Letra juaj për Hogwarts është këtu. Max ka porositur serinë e parë televizive të Harry Potter, një përshtatje besnike e librave ikonë ,” shkruajti produksioni në Twitter me një video-njoftim.
Për momentin nuk ka detaje se çfarë saktësisht do të mbulojë seriali apo kush do të luajë personazhet kryesore, por Variety shkruan se është planifikuar një serial me një kast krejtësisht të ri. Secili nga sezonet do të merrte komplotin nga një nga shtatë librat, që do të thotë se seriali do të filmohej për vite me rradhë.
“Çdo sezon do të jetë autentik për librat origjinalë dhe do të sjellë Harry Potter dhe aventurat e tij të pabesueshme për audiencë të re në mbarë botën, ndërsa filmat origjinalë, klasikë dhe të dashur do të mbeten në zemër të ekskluzivitetit dhe të disponueshëm për t’u parë,” u bë e ditur nga produksioni.
Autorja e librave J. K. Rowling do të jetë producentee ekzekutive së bashku me Neil Blair dhe Ruth Kenley-Letts./abcnews.al/ KultPlus.com
Botuesi i Harry Potter, Bloomsbury, ka raportuar gjysmën e parë të vitit më fitimprurëse në më shumë se një dekadë, pasi izolimet e pranverës çuan në një bum shitjeje librash.
Kompania dërgoi stafin në shtëpi ndërsa kriza e koronavirusit detyroi industrinë e botimit të mbyllej, por ka parë një ndryshim domethënës fati ndërsa pandemia vazhdoi.
“Është një surprizë e vërtetë sepse ne kishim një parashikim shumë të zymtë në fillim të pandemisë, si edhe kushdo tjetër, në mars, kur 100 për qind e klientëve tanë u mbyllën në të gjithë botën”, thonë drejtuesit e shtëpisë botuese.
Por më pas, vijojnë ata, ne zbuluam se fillimisht njerëzit u ngujuan pas televizionit dhe më pas u raportua një rritje e leximit. Njerëzit vetë zbuluan se mund të hiqnin mendjen nga pandemia duke u zhytur në libra dhe shitjet u rritën shumë.
Fitimet u rritën me 60 për qind në gjashtë muajt që përfunduan në gusht, fitimi më i lartë ky që nga 2008. Dhe vetëm shitja e librave të Harry Potterit, sipas botuesit, është rritur me 8 për qind nga mesi i korrikut deri në fund të shtatorit. Në total, shitja e librave online dhe të ardhurat nga leximi online, kanë siguruar shumë fitime në këtë periudhë. / rtk / KultPlus.com
