Etiketë: Havai

Osmani ngushëllon Bidenin për tragjedinë në Hawai

Posted on by Kult Plus

Zjarre të mëdha e kanë kapluar Hawain në Shtetet e Bashkuara të Amerikës.

Raportohet se deri më tani 93 persona e kanë humbur jetën nga kjo fatkeqësi natyrore.

Me këtë rast, presidentja e Kosovës Vjosa Osmani, i ka shprehur ngushëllime presidentit të Shteteve të Bashkuara të Amerikës, Joe Biden.

Ajo shprehu solidaritet të plotë me popullin amerikan në këto ditë të vështira.

“Zemrat tona janë me familjet e viktimave dhe i urojmë shërim të shpejtë të lënduarve”, tha Osmani./KlanKosova/KultPlus.com

Zjarret pyjore në Havai lënë 53 persona të vdekur

Posted on by Kult Plus

Zjarret pyjore në Maui të Havait i kanë lënë të vdekur të paktën 53 persona, dhe shifrat pritet të rriten, kanë thënë zyrtarët.

Guvernatori Josh Green ka thënë se zjarret e kanë shkrumbuar qytezën Lahaina, duke i lënë mijëra persona pa strehë mbi kokë.

Si pasojë e kësaj katastrofe, që po konsiderohet më e keqja në historinë e vendit, besohet se janë rrafshuar 1.000 ndërtesa.

“Do të duhen shumë vjet për ta rindërtuar Lahainan”, ka thënë Green në një konferencë për media, teksa zyrtarët kanë nisur të planifikojnë si t’i strehojnë personat që u janë djegur shtëpitë.

Lahaina është destinacion i famshëm dhe vizitohet nga 2 milionë turistë në vit.

Havai është duke u përballur me zjarre pyjore prej të martës, të nxitura nga erërat e fuqishme dhe thatësia e madhe.

Autoritetet kanë nisur të ndajnë ndihma për të prekurit nga zjarret, ndërsa autoritetet amerikane në Kaliforni dhe Uashington i kanë nisur ekipet e tyre në Havai, për t’i rritur përpjekjet e kërkim-shpëtimit./REL / KultPlus.com