Etiketë: Hene

“Artemis” mbërrin në Hënë

Posted on by Kult Plus

Kapsula ”Orion” ndodhet aktualisht 130 kilometra mbi sipërfaqen hënore dhe tani do të fillojë të hyjë në një orbitë më të madhe, sipas BBC.

Ajo ishte jashtë kontaktit për 34 minuta gjatë kësaj manovre, e cila filloi në orën 12:44 GMT, pasi ndodhi në anën e largët të Hënës.

Ndërsa sinjali u kthye, anija kozmike dërgoi një imazh të Tokës.

NASA thotë se deri më tani misioni ka tejkaluar pritshmëritë, që nga nisja e javës së kaluar.

Drejtori i fluturimeve i NASA-s, Zebulon Scoville tha se “kjo është një nga ato ditë për të cilat kemi menduar dhe ëndërruar për një kohë të gjatë”.

“Këtë mëngjes, ne sapo pamë Tokën të vendosur pas Hënës”, shtoi ai.

Misioni ”Artemis” filloi të mërkurën nga qendra hapësinore ”Kennedy” në Florida, me lëshimin e raketës më të fuqishme që ka ndërtuar ndonjëherë NASA.

Për shkak se ky është një fluturim provë, asnjë astronaut nuk është në bord këtë herë.

Nëse ky fluturim shkon mirë, astronautët do t’i bashkohen udhëtimit të radhës, fillimisht duke shkuar në orbitë rreth Hënës, përpara se një mision i tretë ”Artemis” të çojë gruan e parë dhe personin e parë me ngjyrë në sipërfaqen hënore.

Agjencia Evropiane e Hapësirës po monitoron gjithashtu me kujdes anijen./atsh/ KultPlus.com

‘SpaceX’ do ta dërgojë gruan e parë në Hënë

Posted on by Kult Plus

Agjencia amerikane e hapësirës, NASA, e ka përzgjedhur kompaninë e miliarderit Elon Musk, “SpaceX”, për ta ndërtuar anijen kozmike që do ta dërgojë gruan e parë në Hënë.

NASA e bëri njoftimin zyrtar të premten. Kontrata për ndërtimin e anijes kozimike nga “SpaceX” e ka vlerën e 2.9 miliardë dollarëve, që është shifër shumë më e ulët sesa ato që ofruan kompanitë rivale.

Në garën për ta fituar këtë projekt, kompania e Elon Musk-ut e mposhti kompaninë e miliarderit tjetër amerikan, Jeff Bezos, “Blue Origin”, shkruan Daily Mail, transmeton KultPlus.

Deklarata zyrtare e NASA-s konfirmoi se kompania “SpaceX” do të jetë e vetmja që do t’i dërgojë njerëzit përsëri në Hënë për herë të parë pas misionit “Apollo” para 48 vjetësh.

Misioni që do të quhet “Artemis” dhe që pritet të realizohet në vitin 2024 do të përfshijë katër persona që do të udhëtojnë me anijen kozmike “Orion”. Posa të futen në orbitë, dy anëtarë të ekuipazhit do të transferohen në sistemin për lëshimin e njerëzve dhe do ta vazhdojnë fluturimin drejt Hënës.

Pas rreth një jave të eksplorimit të sipërfaqes së Hënës, ata do të kkthehen në orbitë për t’u futur përsëri në anijen kozmike “Orion” dhe bashkë me dy anëtarët tjerë të ekuipazhit do të kthehen në Tokë. / KultPlus.com