Kapiteni i Forcës së Sigurisë së Kosovës, Vedat Shatri ka përfunduar me rezultate të larta Kursin Bazik për Oficer të Inxhinierisë (EBOLC), në Missouri të Shteteve të Bashkuara të Amerikës.
Për këtë sukses, Shatri u shpërblye me çmimin “Honor Graduate”, çmim i cili jepet për rezultate të larta akademike, transmeton Klankosova.tv.
“Ky kurs fokusohet në përgatitjen e oficerëve për detyrat e tyre si udhëheqës të inxhinierisë ushtarake deri në nivel kompanie, duke u ofruar atyre njohuri dhe aftësi të nevojshme për udhëheqjen, menaxhimin e operacioneve, planifikimin dhe zbatimin e projekteve inxhinierike”, thuhet ndër të tjera në njoftimin e FSK-së.
