Etiketë: Hyjneshat

“Hyjneshat”, eventi i parë i Manifesta Nights mbahet këtë të premte

Posted on by Kult Plus

Në kuadër të Manifesta 14 do të mbahet eventi i parë i Manifesta Nights që feston jetën e natës së Prishtinës që njihet për shpirtin eksperimentues dhe mbështetjen ndaj shprehjes së lirë.

Manifesta Nights organizohet dhe mbahet në bashkëpunim me kolektivet e Prishtinës.

Eventi mbahet ditën e premten me fillim nga ora 20:00, në Pallatin e Rinisë dhe Sporteve.

“Nisim natën e parë, të premten e ardhshme në Pallatin e Rinisë dhe Sporteve me Hyjneshat – një kolektiv queer nga Kosova që njihen për përpjekjet dhe punën e shkëlqyer që zhvillojnë në mbështetje të skenës LGBTQ+ në vend. Prisni muzikë live, performanca drag dhe Dj sete. Eventi është falas e të gjithë jeni të ftuar!, thuhet në njoftim. / KultPlus.com

Në kuadër të Manifesta 14 do të mbahet eventi i parë i Manifesta Nights që feston jetën e natës së Prishtinës që njihet për shpirtin eksperimentues dhe mbështetjen ndaj shprehjes së lirë.

Lançohet “HYJNESHAT” zina e parë mbi kulturën drag në gjuhën shqipe

Posted on by Kult Plus

Të enjten me 27 janar 2022, në hapësirat Termokiss në Prishtinë është mbajtur ngjarja e lançimit të zinës “HYJNESHAT” – publikimi i parë mbi kulturën drag në gjuhën shqipe, prodhuar nga kolektivi Hyjneshat dhe platforma Dylberizm.

Qëllimi i kësaj zine është të informoj, promovoj dhe dokumentoj artin dhe artistet drag të Kosovës. Kultura queer si kulturë e shtypur nuk ka hapësirë dhe vëmendje të duhur në sferën e përgjithshme të artit. Prandaj, është koha që të njoftohemi nga afër me këtë pjesë të rëndësishme të kulturës queer kosovare, duke dëgjuar nga përvojat e atyre që e mbajnë gjallë atë.

Në këtë edicion do të keni mundësinë të i lexoni 8 intervista me performueset drag (hyjneshat) të cilat rrëfejnë lidhjen e tyre me këtë formë të artit dhe personazhin të cilit ato kanë krijuar.

Barbie Lo, Diva, Kathryn Lux, Miss Fenix, Rebiswan, Stormy, Victoria Owns dhe Vjeshta Shtatori janë 8 hyjneshat e edicionit të parë të zinës, të cilat ndajnë me ne rrugëtimin e tyre si performues drag, të ngjyrosur me ndjenjat, sfidat dhe përjetimet e tyre.

Me fotografi nga Besfort Syla, editim nga Nderim Ahmeti, dhe dizajnim nga Arrita Katona.

Prodhimi i këtij publikimi është mbështetur nëpërmjet Lokomotiva, një program i implementuar nga Kosovo 2.0 dhe financuar nga Prince Claus Fund. Printimi i publikimit është financuar nga CSGD. /KultPlus.com