Një nga stuhitë më të rrezikshme që ka goditur SHBA-në në vite ka lënë 2.4 milionë shtëpi dhe biznese në Florida pa energji elektrike dhe në brendësi të vendit ka pasur përmbysje të shumta, shkruan BBC.
Uragani Ian arriti në tokë rreth orës 15:10 me orën lokale të mërkurën, duke u përplasur në bregdet me shpejtësi të erës deri në 241 km/h (150 mph).
Skenat dramatike përfshinin një çati spitali të hedhur në erë, makina të zhytura në ujë dhe pemë të shkulura nga toka.
Uragani i kategorisë katër u zvogëlua më vonë në një stuhi tropikale.
Megjithatë, Floridianët u paralajmëruan se 24 orët më të rrezikshme ishin përpara dhe kryebashkiaku i Tampa u kërkoi njerëzve të strehoheshin në vend gjatë natës deri në mëngjesin e së enjtes.
Në një mesazh të postuar në Facebook, Qendra e Parashikimit të Motit u tha banorëve në Gadishullin Qendror të Floridës që të prisnin “kërcënime për jetën, katastrofike dhe përmbytje urbane” që do të vazhdojnë deri në mëngjesin e së premtes, me potencialisht deri në 76 cm shi në nivel lokal.
Banorët u urdhëruan të largoheshin nga shtëpitë e tyre, por shumë prej tyre kanë vendosur të qëndrojnë dhe të kërkojnë strehim brenda. /KultPlus.com