Etiketë: Ilir

‘Dikotomi’, çelet ekspozita e Ilir Butkës në FAB

Posted on by Kult Plus

Artisti dhe pedagogu i Fakultetit të Arteve të Bukura, Ilir Butka, çeli ekspozitën e tij vetjake të titulluar “Dikotomi”.

Ekspozita me kurator Petraq Papën, u çel më 3 qershor dhe do të vazhdojë të presë publikun artdashës deri më 8 qershor, në Galerinë FAB.

Vetë artisti e konsideroi këtë si një moment të rëndësishëm, pasi është një përmbledhje e punës intensive të këtyre 4 viteve të fundit, që ai e ndan me kolegët artistë, pedagogët, studentët e Universitetit të Arteve dhe dashamirët e artit.

Kjo është ekspozita e parë vetjake e Ilir Butkës i cili më herët ka marrë pjesë në mjaft ekspozita kolektive brenda dhe jashtë vendit.

“I jam rikthyer impenjimit aktiv me pikturën pas një shkëputjeje shumëvjeçare dhe në këtë rikthim unë propozoj një këndvështrim komplet të ri për mua, totalisht i bazuar mbi abstrakten. I isha larguar pasionit dhe profesionit të hershëm pikturës me mendimin se një ditë do të kthehesha, me sigurinë që piktura do të ishte gjithmonë aty duke më pritur me besnikëri dhe tolerancë për ‘’tradhëtinë’’ e pësuar”, është shprehur Ilir Butka.

Artisti thotë se nuk ka narracion në pikturën e tij, por edhe pse mungon figurativja në to, ato gjithsesi mund të konsiderohen si klasike, duke iu referuar teknikës së përdorur në disa prej tyre.

Siç e thotë edhe titulli që mban, ekspozita sjell simbolikisht dualizmin që rrethon piktorin si individ, por edhe vetë pikturën e tij.

“Angazhimi im profesional ka marrë formën e një dikotomie të vërtetë pasi është ndarë prej vitesh tashmë midis filmit, pikturës, fotografisë dhe mësimdhënies. Edhe forma e ekspozimit të pikturave është e tillë, ku dy ose më shumë telajo apo piktura do të jenë të ekspozuara në një kornizë të përbashkët si një punë e vetme e përbërë nga dy ose më shumë krijime të ndryshme, që shpesh kontrastojnë ose kompensojnë njëra- tjetrën”, shpjegon Butka./atsh/ KultPlus.com

Ilir Bokshi fitues i çmimit ‘Regjia më e mirë’

Posted on by Kult Plus

Ilir Bokshi ka fituar çmimin “Regjia më e mirë” në Festivalin e Teatrove në Ferizaj, shkruan KultPlus.

Juria e përbërë nga: Mentor Zymberaj, Getorabë Mulliqi-Bojaj dhe Ilirjan Himaj, ka vlerësuar shfaqjet të cilat janë shfaqur përgjatë festivalit, me çmimet tradicionale.

Festivali ka zgjatur nëntë ditë me radhë, nga 27 gushti deri me 4 shtator/KultPlus.com

Sizifi shqiptar

Posted on by Kult Plus

Sot 13 vjet nga ikja e kësaj bote e aktorit më famë botërore Bekim Fehmiut. Njerëzit e mëdhenjë nuk vdesin kurrë.

Ilir Muharremi, kritik i artit

Shpirti i tij i heshtur brenda mbretërisë së zhurmshme bëri bujë në brigjet globale të thellësisë së artit të aktrimit. Atë që e ndjente veçanërisht ulërimin e zemrës së tij, e veproj mbas forcës së talentit duke e zëvendësuar me punë. Ishte Sizif i dobishëm me djersën e tij personale ngjiste papushim shkëmbin e orfeut të aktrimit në majë të famës. Trupi i tij plot forcë, energji nuk e ndjente tendosjen. “Qëllimi im ka qenë që t’i tregoj botës se edhe një shqiptar i vogël mund të jetë njeri i mirë dhe punëtor i mirë. Mirëpo këtë nuk e kam marrë në mënyrë fantastike e të krenohem tash se kush e di çfarë bëra, jo. Qëllimi im ka qenë ta bind dikë se mund të ecim ne përpara, të zhvillohemi dhe t’i japim kontribut shoqërisë”, thoshte Bekim Fehmiu. Bekimin e shohë si Sizifin i cili përpiqet të ngritë një gurë të madh, fytyrën e ngërdheshur, faqen e mbështetur te guri, një shpatull nën gurin me baltë rrëshqitëse, një këmbë që e mbanë, dy duar që e mbërthejnë, sigurinë plotësisht njerëzore të dy duarve me forcën e mendjes dhe estetikën e tij plastike. Pamje plot stil, zë të thellë e të fuqishëm, shikim bindës ngë një hapësirë me qiell të thellë plot ngjyra si një muzg ngjyror vere, qëllimi arrihet. Bekimi-Sizifi arritjen për famë e ndjente te fuqia e gurit sepse guri i tij rrokullisej drejt botës së poshtme nga ku duhet të ngrihet përsëri. Ai zbretë në fushëbetejë. Mesiguri që gjatë pauzës Bekimi çlodhej por kur arrinte te guri ai bëhej gurë vet. Ky vullnet, kjo luftë shpirtërore sepse Shqiptarët nuk trajtoheshin mirë në Beograd, i dijmë dallimet nacionaliste nga serbët. “Kur për herë të parë erdha në Beograd nga Prizreni, njëra nga detyrat e mia ka qenë ta luftoj famën e cila akoma kishte mbetur nga e kaluara tek disa njerëz, se shqiptari mund të jetë vetëm ‘shqiptar’ hamall i qymyrit, pastrues, se as mund të jetë edhe aktor akademik. Duke shkuar në botën e jashtme, kam dashur ta kundërshtoj famën mbi Jugosllavinë, e cila ka qenë rezultat i anës së propagandës jo qëllimmirë. Kam dashur të tregoj se ne nuk ecim me thika në bel dhe në opinga, porse krejt normal mund të gjendemi edhe në ‘të mirat’ e asaj bote të tyre” thoshte Bekimi.

Bekimi e ndjente orën e ndërgjegjës dhe ishte më i fortë se vet guri i tij. Vuajtjet, pengesat, dallimet, i tejkalonte me punë duke e shtirë qëllimin e tij të brendshëm pra forcën e aktrimit. Nëse e ndjen në zemër aktrimin, punon në këtë qëllim, universi bën komplot edhe yjet do të përkrahin t’i arrish qëllimet.

Zbritja ndonëse jo çdo herë ishte me vullnet tek guri, bëhej edhe me dhembje. Bekimi në kokë nguliste pamjen e qëllimeve globale të artit të aktrimit, kjo forcë, ky mund , kjo thirrje për lumturi ishte e rëndë, por trishtimi nuk i shfaqej në zemër. Bekimi u bë shkëmb, e hiri i tij lundon në lumbardhin e Prizrenit/KultPlus.com

Parfumi shqiptar me emrin “Ilir” në mesin e dhjetë parfumeve më të shtrenjta në botë

Posted on by KultPlus

“Deri tani dimë se është i 7-i. Por renditja përfundimtare bëhet nga Forbes në verë të vitit 2018 dhe nëse parfumi është ndër 5 më të shtrenjtit, atëherë automatikisht kandidon në “Oscar Fragrance Award 2018””, ka thënë Jola Hasimi për KultPlus.

Sapo është lansuar parfumi me emrin shqiptar “Ilir”, dhe ky parfum tashmë është në listën e dhjetë parfumeve më të shtrenjta në botë, shkruan KultPlus.

Cmimi i këtij parfumi është në vlerë prej 2 mijë eurove. Jola Hasimi, krijuesja e këtij parfumi bashkë me Nertil Bojaj ka treguar për KultPlus për përkushtimin e tyre, deri në lansimin e kësaj arome të mrekullueshme.

I lansuar nën brendin “JH”, Jola Hasimi ka shpjeguar se cdo gjë që mban llogon e markës së tyre, nuk është thjesht një produkt. “Secili ka historinë e vet që prej subjektit e deri tek diskutimi i idesë, zgjedhja e realizuesve, provat, e krejt në fund realizimi.

Sipas saj,si të gjithe markat, edhe “JH”, është dy vite përpara në kohë me produktet. “Sapo kishim lansuar parfumin “Shqipëria ime” dhe po mendonim për projektet e ardhshme, mundësitë, udhëtimet e punës…, ishte një moment thelbësor ku perpara famës së parfumit u gjetëm në vështiresi si cdo kush, por Nertili është një mashkull me dinjitet dhe karakter të adhurueshëm, nuk ka më të tillë,hahahah, e në bisedë e sipër më tha “ cdo gjë që mund sadopak të cënojë lirinë tonë, në cdo kuptim të saj e ka cmimin shumë të lartë dhe sduhet paguar “ kjo ishte shprehja që më shërbeu si subjekt, dhe që patjeter përputhej me emrin që do të mbante parfumi “Ilir”.

Parfumi me emrin “Ilir”, është esencë e pastër vajore dhe karkaterizohet nga Ambra blu , Arabic oud ndër elementet e tij. “Aroma është unike, është një refleks olfativ lirie…”, ka thënë Jola,e cila më pas ka thënë se për parfumet vajore, kërkohen shishe enkas, nuk mund të përdoret xham i thjeshtë.
“Free the scent vjen në një shishe tërësisht të punuar me dorë, ku për realizimin e vetëm njërës prej tyre duhen 6 ditë! Shishja fillon me procesin e fryrjes se kristalit me frymë për ti dhënë forme sfere,krijohet disenjoja e dëshiruar me prerje diamanti,dhe në fund kalon në rafinim ,gdhendet logoja e markes në fund të saj,dhe incizohet emri në krye”, ka thënë Jola, e cila ka thënë se certifikimi i parfumit vjen i gdhendur në kuti.

“Të gjitha këto bëjnë që ky parfum të kushtojë 2 mijë euro. Cmimi vendoset nga studimi i produktit përfundimtar. Për parfumin janë punuar 2092 prova,ku prova 2090 eshte zgjedhur si provë përfundimtare për parfumin “ilir”.

“Ne kishim shumë evente luksi private në UAE dhe menjëherë samiti i “fragrance foundation “ e dërgoi parfumin në Londer për të parë renditjen e tij! Parfumi ështe zyrtarisht pjese e 10 parfumeve më të shtrenjtë në botë! Deri tani dimë se është i 7-i. Por renditja përfundimtare bëhet nga Forbes në verë të vitit 2018 dhe nëse parfumi është ndër 5 më të shtrenjtit, atëherë automatikisht kandidon në “Oscar Fragrance Aëard 2018””, ka thënë Jola.
Ajo për fund ka thënë se jo më kot marka “JH”, është vlerësuar si e para në Made in Italy, që vepron në gjithë botën.

“Natyrisht janë produkte që smund t’ia lejojë vetës kushdo, pikërisht synimi jonë, prandaj dhe mënyrat e prezantimit që zgjedh janë gjithmonë vende luksi dhe shoë-room private të elitës”, ka përfunduar Jola, e cila bashkë me parfumin “Ilir”, ka nxjerrë edhe produkte të tjera shumë të shtrenjta, të cilat tashmë janë prezantuar në Dubai./KultPlus.com

Parfumi me emrin ‘Ilir’ prezantohet në Dubai (FOTO)

Posted on by Kult Plus

Marka JH e Jola Hasimit, së fundmi ka nxjerr në treg edhe parfumin me emrin ‘Ilir’, shkruan KultPlus.

Përveç parfumit Jola Hasimi në Dubai Fashion Week, ka lansuar edhe çantat dhe rripat e lëkurës për meshkuj dhe femra, lajmin për të cilat e ka bërë publike për KultPlus.

Parfumi ‘Ilir’, Free the scent, është parfum vajor.

“Për këtë parfum kemi gati 1 vit e gjysmë që punojmë, vjen në shishe kristali të punuar tërësisht me dorë dhe të prerë në diamant, përmban 620 pika dhe kushton gati 2000€”, ka treguar tutje Jola për KultPlus.

Çdo produkt që u lansua të shtunën nga marka JH, përmban 2 certifikata.

“Një certifikatë autenticiteti të kodifikuar, dhe një dokument të firmosur me dore nga unë dhe im shoq Nertil Boraj që dëshmon datën e prodhimit, detajet e përdorura dhe inspirimin në emër apo historinë përkatëse dhe datën e blerjes njëkohësisht”, ka thënë ajo.

Emiratet Arabe i kanë dhënë besim dhe rëndësi absolute punës së tyre. Çdo produkt i lansuar këtë javë në UAE , në faqen e tyre online lansohen javën e parë të nëntorit./ KultPlus.com