Etiketë: Irfete Spahiu

Kurti mori pjesë në ceremoninë e gradimit të gjeneralmajores Irfete Spahiu

Posted on by Kult Plus

Kryeministri i Kosovës, Albin Kurti, mori pjesë në ceremoninë shtetërore të gradimit të znj. Irfete Spahiu me gradën gjeneralmajore në Forcën e Sigurisë së Kosovës.

Në ceremoninë e veçantë, Presidentja e Kosovës, Vjosa Osmani-Sadriu, bazuar në kompetencat saj kushtetuese e ligjore, gradoi gjeneral brigade Irfete Spahiu me gradën gjeneralmajore në FSK. Njëherësh, me dekret të Presidentes Osmani, Spahiu u emërua edhe Inspektore gjenerale e Forcës së Sigurisë së Kosovës.

Në këtë ceremoni të organizuar në Presidencë morën pjesë edhe Ministri i Mbrojtjes, Armend Mehaj dhe stafi i lartë ushtarak i Forcës së Sigurisë së Kosovës. /KultPlus.com

Për herë të parë në histori të Kosovës një grua dekretohet në gradën gjeneralmajore

Posted on by Kult Plus

Irfete Spahiu është dekretuar për herë të parë në histori të Kosovës dhe ushtrisë së saj, me gradën gjeneralmajore dhe inspektore gjenerale në FSK, shkruan KultPlus.

Presidentja Vjosa Osmani ka thënë se Spahiu është një ndër shtyllat e FSK-së, pasi e ka dekretuar si gjeneralmajore.

“FSK-ja po forcohet dhe profesionalizohet vazhdimisht. Vendosja e grave në pozita drejtuese do ta bëj ushtrinë tonë  më të fortë, më të besueshme dhe më profesionale. Pata nderin sot që gjeneral brigade Irfete Spahiun ta  dekretoj me gradën gjeneralmajore dhe inspektore gjenerale në FSK”, thotë Osmani.

Presidentja gjithashtu ka thënë se duhet bërë edhe më shumë që sa më shumë gra të përfshihen në përbërjen dhe udhëheqjen e FSK-së. /KultPlus.com