Fotografia e fotoreporterit të Bloomberg, Konstantinos Tsakalidis e titulluar “Gruaja nga Evia” është nderuar me çmimin “Fotoja e Vitit” në edicionin e tetë të konkursit vjetor ndërkombëtar të fotografisë “Istanbul Photo Awards”.
Juria prestigjioze shpalli fituese fotografinë e Tsakalidis mes më shumë se 16 mijë fotografive që paraqisnin pjesë të ndryshme të botës.
Fotoreporteri i Getty Images, Drew Angerer fitoi çmimin e dytë në kategorinë “Lajm tek” me fotografinë e shkrepur gjatë rrethimit të dhunshëm të 6 janarit në Kapitol të SHBA-së.
Fotoreporteri i AFP-së, Paul Ratje, fitoi çmimin e tretë me fotografinë e tij që pasqyron vështirësitë me të cilat përballen refugjatët që përpiqen të hyjnë në një kamp në Teksas.
Fotoreporterët profesionistë u paraqitën në konkurs me fotografi që demonstrojnë ngjarjet globale të vitit të kaluar, nga talebanët në Afganistan deri te përmbytjet në Indonezi, nga turneu i tenisit Australian Open deri te protestat kundër kufizimeve të COVID-19 në Britaninë e Bashkuar.
Gjithsej, u nderuan me çmime 19 fotoreporterë në shtatë kategori të ndryshme./ KultPlus.com
