Pas disa javësh të sukseshme të projektit të Javëve Kulturore Ndërkombëtare, Shqipëria do të mikpresë artistët brazilianë.
Kryeministri Edi Rama ndau përmes rrjeteve sociale një video që paralajmëron nisjen e Javës Kulturore Braziliane e cila do të zhvillohet nga 21 deri në 29 qershor. Kjo është hera e parë që artistët brazilianë përfshihen në aktivitetet e JKN.
“Bashkohuni me ne për të përjetuar energjinë dhe kulturën unike të Brazilit”, shkroi Kryeministri Rama në rrjetet e tij sociale.
Java Kulturore Braziliane do të çelet me Natën Poetike Braziliane, e cila është një përvojë e rrallë që ndërthur bukurinë e poezisë dhe prozës me tingujt e përkryer të pianos.
Më 24 qershor do të mbahet koncerti i harqeve “Camerata Balcanica”, ku do të performohet një program që përfshin disa nga pjesët më të bukura të muzikës braziliane. Më 25 qershor, në kinema “Millenium” do të shfaqet filmi brazilian “Behind the Sun”.
Filmi i vitit 2001 “Behind the Sun” realizuar me regji të Walter Salles dhe frymëzuar nga “Prilli i Thyer” i Ismail Kadaresë, trajton jetën e një familjeje të varfër në Brazilin rural.
Këto e të tjera aktivitete kulturore të Javës Braziliane, premtojnë të dhurojnë shumë emocione./atsh/KultPlus.com
Nga data 21-29 qershor në Tiranë do të mbahet Java Kulturore Braziliane, e cila premton të dhurojë shumë emocione.
Java Kulturore Braziliane do të çelet me Natën Poetike Braziliane, e cila do të mbahet këtë mbrëmje, është një përvojë e rrallë që ndërthur bukurinë e poezisë dhe prozës me tingujt e përkryer të pianos.
Gjatë kësaj nate speciale, publiku do të ketë rastin tëpërjetojë frymën e letërsisë braziliane. Interpretimi do të jetë në dy gjuhë, shqip, portugalisht dhe do të marrë jetë nga publikues, përkthyes dhe pjesëtarë të komunitetit brazilian.
Do të lexohen vepra nga autorë të njohur brazilianë si Hilda Hilst, Fernando Pessoa, novela “The Psychiatrist” nga Machado de Assis dhe vepra nga Miguel Torga.
Kjo mbrëmje do të shoqërohet nga tingujt mahnitës të pianos, duke krijuar kështu një atmosferë magjike dhe frymëzuese për të gjithë të pranishmit.
Nata poetike braziliane është një mundësi e shkëlqyer për të zgjeruar kulturën dhe për të eksploruar më tej veten në botën e pasur të letërsisë braziliane. Një kombinim i rrallë i fjalës dhe muzikës, ky aktivitet do të mbetet një përvojë e paharrueshme për të gjithë.
Më 24 qershor do të mbahet koncerti i harqeve “Camerata Balcanica”.
Camerata Balcanica bashkon artistë të rinj të muzikës klasike nga Ballkani Perëndimor.
Një grup prej 10 muzikantësh të përbërë nga katër violina, dy viola, dy cello dhe një bas, do të performojnë disa pjesë muzikore të zgjedhura braziliane.
Koncerti i harqeve është mbresëlënës dhe vjen me shumë pasion nga ansambli i njohur “Camerata Balcanica”. Ky grup përbëhet nga artistë të rinj dhe të talentuar të muzikës klasike nga Ballkani Perëndimor, të cilët do të sjellin në skenë një përvojë të jashtëzakonshme muzikore.
Camerata Balcanica është një ansambël unik, i përbërë nga dhjetë muzikantë të shquar: katër violinistë, dy violistë, dy violonçelistë dhe një kontrabasist. Për këtë ngjarje të veçantë, ata do të performojnë një program të përzgjedhur me kujdes që përfshin disa nga pjesët më të bukura të muzikës braziliane. Repertori do të përfshijë vepra nga kompozitorë të njohur brazilianë, duke ofruar një përzierje harmonike të tingujve klasike dhe motiveve tradicionale braziliane.
Ky koncert jo vetëm që do të tregojë talentin dhe virtuozitetin e muzikantëve të Camerata Balcanica, por gjithashtu do të krijojë një urë kulturore mes Ballkanit dhe Brazilit, duke demonstruar fuqinë unifikuese të muzikës. Performanca e tyre premton të jetë një përvojë e paharrueshme që do të mahnitë audiencën dhe do të sjellë një shije të veçantë të muzikës braziliane në zemër të Ballkanit.
Më 25 qershor, në kinema “Millenium” do të shfaqet filmi brazilian “Behind the Sun”.
Filmi i vitit 2001 “Behind the Sun” realizuar me regji të Walter Salles dhe frymëzuar nga “Prilli i Thyer” i Ismail Kadaresë, trajton jetën e një familjeje të varfër në Brazilin rural. Tregon një histori të thellë e të ndjerë, duke përdorur një narrativë të fuqishme që ka bërë të udhëtojnë tematikat e novelës së Kadaresë, në një kontekst e histori përtej oqeanit në Amerikën Latine.
Ky film, i cili u realizua në vitin 2001, me regji të Walter Salles, një nga emrat më të njohur në kinematografinë braziliane, i njohur gjithashtu për filmin “Central Station” dhe “The Motorcycle Diaries”.
