Presidentja e Republikës së Kosovës, Vjosa Osmani së bashku me Zotërinë e Parë, Prindon Sadriu, kanë marrë pjesë në pritjen zyrtare të organizuar nga Presidenti Biden dhe Zonja e Parë Dr. Biden.
“Aleancë që qëndron në themelet e shtetit tonë! Faleminderit Presidentit Biden dhe Zonjës së Parë Dr. Biden për mikpritjen dhe bashkëbisedimin!”, ka shkruar Presidentja Osmani./KultPlus.com
Jam një fans i madh i Andrea Bocellit. Unë dhe gruaja ime Jill patëm nderin ta presim atë, deklaroi Joe Biden në ‘Mëngjesin e Lutjeve’ në Capitol Hill pas performancës së artistit italian.
Presidenti kujtoi se një nga këngët e tij, ‘Fall on me’, ndihmoi familjen e tij të kapërcejë dhimbjen e vdekjes së djalit të tyre Beau.
Presidenti recitoi gjithashtu dy vargje të pjesëssë tij të preferuar./KultPlus.com
Presidenti amerikan, Joe Biden, feston sot (20 Nëntor) ditëlindjen e 81-të, duke shënuar kështu edhe një rekord si presidenti i parë i vendit në detyrë, në këtë moshë, ndërkohë që mosha ngre pikëpyetje për të ardhmen e tij politike.
Kur mori presidencën në vitin 2021, Biden ishte 78 vjeç ndërsa ai e ka bërë të ditur tashmë se synon të fitojë sërish presidencën në 2024-ën.
Biden është personi më i moshuar që ka shërbyer si komandant i përgjithshëm në historinë e Shteteve të Bashkuara të Amerikës e nëse ai kërkon rizgjedhjen në 2024 dhe fiton, do të jetë 86 vjeç në fund të mandatit të tij të dytë.
Sidoqoftë, në partinë e tij, ka shumë zëra që thonë se do të donin që Biden të tërhiqej për t’i hapur rrugë një gjenerate të re lidershipi.
Një sondazh i fundit i Institutit Siena në gjashtë shtete kyçe të SHBA-së i publikuar në Neë York Times nxori në pah se 71% e votuesve e konsiderojnë Bidenin shumë të vjetër për të qenë president.
Vetëm 39% kishin të njëjtën pikëpamje për Donald Trump, i cili, në moshën 77-vjeçare, nuk është shumë më i ri se Biden. / KultPlus.com
Presidenti Joe Biden nënshkroi të hënën një urdhër ekzekutiv mbi inteligjencën artificiale që mbulon një sërë çështjesh që variojnë nga siguria kombëtare, mbrojtja e privatësisë së konsumatorëve, të drejtat e njeriut dhe konkurrenca tregtare. Administrata amerikane tha se përmes këtij urdhri po merren “hapa jetikë në bazë të objektivit të Shteteve të Bashkuara që inteligjenca artificale të jetë e sigurt dhe e besueshme”.
Urdhri detyron departamentet dhe agjencitë e qeverisë federale të hartojnë politika për vendosjen e rregullave dhe standardeve në një industri që po zhvillon sisteme të reja dhe të fuqishme, me një shpejtësi të tillë që ka nxitur shqetësime se do ta tejkalojnë kuadrin aktual rregullator.
“Për të mbajtur premtimin mbi inteligjencën artificiale dhe për të shmangur këtë rrezik duhet të vendosim rregulla mbikqyrëse për këtë teknologji”, tha zoti Biden gjatë ceremonisë së nënshkrimit të urdhrit në Shtëpinë e Bardhë. Ai shtoi se ky urdhër paraqet “masën më të fortë të ndërmarrë nga një qeveri në rang botëror për të bërë të mundur që inteligjenca artificiale të jetë e sigurt dhe e besueshme”.
Identifikimi i rreziqeve që kërcënojnë sigurinë
Një nga kërkesat kryesore të urdhrit të ri është që kompanitë që zhvillojnë sisteme të avancuara të inteligjencës artificiale të kryejnë prova rigoroze për produktet e tyre, për të mos lejuar që ato të përdoren për sulme kibernetike.
Përmes këtij procesi, ndër të tjera, do të vlerësohen “kërcënimet prej sistemeve të inteligjencës artificiale ndaj infrastrukturës kritike, si dhe rreziqet kimike, biologjike, radiologjike, bërthamore dhe të sigurisë kibernetike”.
Rregullat për realizimin e këtyre testeve do të përcaktohen nga Insituti Kombëtar për Standarde dhe Teknologji dhe kompanitë e inteligjencës artificiale duhet të raportojnë gjetjet e provave tek qeveria federale, përpara se të hedhin në treg produktin për konsumatorët.
Për të shmangur rrezikun e krijimit dhe shpërndarjes së informacionit të rremë, përshirë fotografi të gjeneruara nga teknologjia dhe video me lajme të rreme, Departamenti i Tregtisë do të hartojë udhëzime për krijimin e standardeve që lehtëson idenfitikimin e përmbajtjes së gjeneruar nga teknologjia.
Udhri parashikon gjithashtu që shefi i personelit të Shtëpisë së Bardhë dhe Këshilli i Sigurisë Kombëtare të hartojnë një sërë udhëzimesh për përdorimin etik dhe në mënyrë të përgjegjshme të sistemeve të inteligjencës artificiale nga agjencitë amerikane të zbulimit dhe ato të mbrojtjes kombëtare.
Mbrojtja e privatësisë dhe të drejtave të njeriut
Urdhri parashikon një sërë hapash që synojnë mbrojtjen e privatësisë së amerikanëve në rastet kur sistemet e inteligjencës artificiale kanë qasje mbi të dhënat e tyre. Kjo përfshin zhvillimin e teknologjive për mbrojtjen e privatësisë dhe vendosjen e rregullave mbi përdorimin e të dhënave personale nga agjencitë qeveritare.
Megjithatë, urdhri vë në dukje nevojën për miratimin e një legjislacioni që njëson rregullat për mbrojtjen së të dhënave personale.
Aktualisht, Shtetet e Bashkuara janë shumë prapa Evropës në përcaktimin e këtyre rregullave dhe në urdhrin ekzekutiv bëhet thirrje për miratimin dypartiak nga Kongresi “të një legjislacioni për mbrojtjen e të dhënave personale të të gjithë amerikanëve, veçanërisht të fëmijëve”.
Urdhri mbulon një sërë fushash të tjera, duke premtuar masa për mbrojtjen e amerikanëve që mund t’u rrezikohen apo humbasin vendet e punës nga përdorimi i teknologjisë së inteligjencës artificiale, si dhe ruajtja e rolit udhëheqës së Shteteve të Bashkuara në krijimin e sistemeve të inteligjencës artificiale.
Çështje që mbeten ende të pazgjidhura….
Ekspertët thonë se pavarësisht se urdhri ekzekutiv ka një spektër të gjerë, mbetet ende e paqartë se si administrata e zotit Biden do t’i zbatojë në praktikë normat rregullatore të inteligjencës artificiale.
Benjamin Boudreaux, studies mbi politikat pranë Institutit Kërkimor RAND, i tha Zërit të Amerikës se megjithëse është e qartë se administrata po përpiqet të trajtojë të gjitha sfidat dhe rreziqet e inteligjencës artificiale, mbetet ende shumë punë për t’u bërë.
“Djalli fshihet në detaje. E kam fjalën për burimet financiare dhe burime e tjera që do t’u vihen në dispozicion agjencive nën varësi të ekzekutivit, që realisht të zbatojnë shumicën e këtyre udhëzimeve dhe cilat prej këtyre normave dhe udhëzimeve që janë sugjeruar, do të zbatohen”, tha ai.
Mbizotërimi i tregut të inteligjencës artificiale
Në kuadrin ndërkombëtar, në urdhër thuhet se administrata do të punojë për të qenë në krye të “përpjekjeve për të krijuar norma të forta ndërkombëtare me qëllim shfrytëzimin e përfitimeve që sjell inteligjenca artificiale, menaxhimin e rreziqeve të saj dhe garantimin e sigurisë”.
James A. Lewis, zëvendëspresident dhe drejtor i programit të teknologjive strategjike në Qendrën për Studime Strategjike dhe Ndërkombëtare, i tha Zërit të Amerikës se urdhri ekzekutiv ka ndikim pozitiv, për të përcaktuar rolin e Shteteve të Bashkuara në një sërë çështjesh të rëndësishme që lidhen me zhvillimin global të inteligjencës artificiale.
“Trajton të gjitha çështjet e nevojshme,” shprehet zoti Lewis. “Nuk është novatore në shumë aspekte, por ua bën të qartë kompanive dhe vendeve të tjera se si do t’i qasen Shtetet e Bashkuara inteligjencës artificiale”, thekson ai.
Kjo sipas tij, ndodh sepse Shtetet e Bashkuara ka të ngjarë të luajnë një rol udhëheqës në zhvillimin e rregullave dhe normave ndërkombëtare rreth teknologjisë.
“U pëlqen ose jo, sigurisht disa vendeve nuk pëlqen, ne jemi në pararojë të zhvillimit të inteligjencës artificiale”, shprehet ai.
“Lufta e fundit”
Jo të gjithë ekspertët shprehen të sigurtë se administrata e Presidentit Biden po përqendrohet në rreziqet reale që inteligjenca artificiale mund të paraqesë për konsumatorët dhe qytetarët.
Louis Rosenberg, drejtor ekzekutiv i kompanisë amerikane të teknologjisë “Unanimous AI”, i tha Zërit të Amerikës se administrata ndoshta ka ndërmarrë “luftën e fundit”.
“Mendoj se është diçka e mirë që ata po bëjnë një deklaratë të guximshme se kjo është një çështje shumë e rëndësishme,” tha zoti Rosenberg. “Kjo tregon se administrata po e trajton me seriozitet dhe se ata duan të mbrojnë publikun nga inteligjenca artifficiale”.
Megjithatë, shton ai, kur bëhet fjalë për mbrojtjen e konsumatorëve, administrata duket e përqëndruar në mënyrat se si inteligjenca artificiale mund të përdoret për të forcuar mbrojtjen ndaj rreziqet ekzistuese me të cilat përballen konsumatorët, si imazhet dhe videot e rreme dhe dezinformatat, çështje që tashmë ekzistojnë.
Ai tha se është më shumë i shqetësuar mbi format e reja të përdorimit të inteligjencës artificiale me qëllim ndikimin tek njerëzit. Për shembull, thotë ai, sistemet e inteligjencës artificale po ndërtohen në mënyrë të tillë që të simulojnë komunikimin njerëzor.
“Shumë shpejt ne nuk do të bëjmë kërkime në Google. Do të bashkëbisedojmë përmes programeve kompjuterike që simulojnë komunikimin njerëzor. Sistemet e inteligjencës artificiale do të jenë shumë efektive në manipulimim, ndoshta dhe përndjekjen e njerzve përmes këtij “bashkëbisedimi” për interesa të kujtdo që përdor këtë sistem kompjuterik. Ky është një lloj rreziku i ri dhe krejt ndryshe, që nuk ka ekzistuar përpara inteligjencës artificiale”, thekson ai./VOA / KultPlus.com
Presidentja e Republikës së Kosovës, Vjosa Osmani, e cila po qëndron në New York ku po mbahet sesioni i 78-të i Asamblesë së Kombeve të Bashkuara, ka marrë pjesë në pritjen zyrtare të organizuar nga presidenti i SHBA-ve, Joe Biden.
Në një bashkëbisedim të ngrohtë me Presidentin Biden, Presidentja Osmani ka theksuar se në themelet e lirisë dhe shtetësisë së Kosovës është aleanca e përhershme me SHBA-të.
Rrjedhimisht, në këtë kontekst, ka përsëritur qëndrimin se partneriteti me Amerikën është ekzistencial, i pacenueshëm dhe i pazëvendësueshëm. Presidentja poashtu pati mundësinë ta njoftojë Presidentin Biden për zhvillimet e fundit dhe sfidat me të cilat po ballafaqohet Kosova.
Pas këtij bashkëbisedimi, Presidentja Osmani theksoi se ka marrë garanca të fuqishme nga Presidenti Biden për mbështetjen e vazhdueshme amerikane ndaj Kosovës. Presidentja Osmani ka falënderuar Presidentin Biden për ndihmën, të cilën në vazhdimësi e japin SHBA-të për Kosovën në rrugën e saj drejt stabilitetit dhe zhvillimit. / KultPlus.com
Joe Biden është pyetur shumë herë nëse do të kandidojë sërish për president, nëse ai do të kërkojë mandatin e dytë.
Por sonte, në prag të ditës që pritet të shpallë zyrtarisht, Joe Biden e konfirmoi këtë synim për Sky Neës.
“Është qëllimi im…” u përgjigj ai.
“A do të kandidoni përsëri, zotëri,” u pyet ai nga gazetarët e Sky Neës.
“Po,” u përgjigj ai.
Ka qenë njoftimi më i pritur në Uashington DC.
Ai duket se ka hequr pengesën e vetë-imponuar, si miratimi i familjes së tij.
Të gjithë kanë qëndruar skeptik dhe mendonin se Zonja e Parë Jill Biden do t’i thoshte “mjaft”. Sepse ai do të jetë 82 vjeç në kohën e rizgjedhjes dhe 86 në fund të mandatit të ardhshëm.
Para gjithë kësaj, ai do të duhet të kalojë intensitetin e jashtëzakonshëm të ciklit zgjedhor. Janë kandidatë sa gjysma e moshës së tij.
Për republikanët, mosha e tij është një pikë qendrore sulmi. Për demokratët, është një shqetësim i vërtetë, por është gjithashtu një avantazh.
Mbështetësit e tij tregojnë përvojën e tij. Ai ka më shumë përvojë se çdo politikan tjetër në shërbim në vend për shkak të moshës së tij.
Pastaj është rekordi i tij. Ai mundi Donald Trump në vitin 2020. Është e mundur, madje e mundshme, që Trump të jetë konkurrenca e tij duke pasur parasysh varësinë e Partisë Republikane ndaj tij.
Kështu që ekipi i tij shpreson që një rizgjedhje do të siguronte mandatin e dytë të Biden.
Por sondazhi i fundit tregon një histori tjetër. Sipas një sondazhi të ri të NBC, vetëm një në katër amerikanë miraton vendimin e tij për të kërkuar një mandat të dytë./ KultPlus.com
Presidenti i Shteteve të Bashkuara të Amerikës, Joe Biden ditën e hënë qëndroi për vizitë në Ukrainë ku u takua me presidentin ukrainas, Volodymyr Zelensky.
Nga Kievi, presidenti amerikan dha një deklaratë të fuqishme duke konfirmuar përkrahjen e madhe ndaj Ukrainës.
Ndërsa ish-ambasadorit amerikan në Kosovë Greg Delawie, kjo vizitë po i kujton atë që Biden, në cilësinë asokohe të zëvendëspresidentit, i bëri vendit tonë, Kosovës.
“Biden sjell shpresë në Ukrainë. E mbaj në mend kur zëvendëspresidenti Biden solli shpresë në Kosovë duke kaluar një ditë së bashku me ne në Ambasadën në Prishtinë në vitin 2016-të”, shkruan Delawie / KultPlus.com
#BidenBringsHope to Ukraine. I remember when VP Biden brought hope to #Kosovo in 2016 and spent a day with us at @USEmbPristina. https://t.co/xQpFZ3woLc
— Ambassador Greg Delawie (@GregDelawie) February 20, 2023
Presidenti amerikan Joe Biden ka mbërritur në Ukrainë për një vizitë të papritur. Nga Kievi, presidenti amerikan ka dhënë një deklaratë të fuqishme duke konfirmuar përkrahjen e madhe ndaj Ukrainës.
Biden ka thënë se llogaritë e Putinit kanë dalur të gabuara dhe se Rusia do të humbë luftën.
“Ndërsa bota përgatitet për të shënuar një vjetorin e pushtimit brutal të Ukrainës nga Rusia, unë jam sot në Kiev për t’u takuar me Presidentin Zelensky dhe për të rikonfirmuar angazhimin tonë të palëkundur dhe të palodhur ndaj demokracisë, sovranitetit dhe integritetit territorial të Ukrainës. Kur Putin filloi pushtimin e tij, ai mendoi se Ukraina ishte e dobët dhe Perëndimi ishte i ndarë. Por ai ka gabuar rëndë. Rusia donte të fshinte Ukrainën nga harta. Putin do ta humbas këtë luftë. Rusia deri më tani ka humbur gjysmën e territoreve të pushtuara në Ukrainë Ne do të dërgojmë armë shtesë, duke përfshirë municione artilerie, sisteme antitanke dhe radarë vëzhgimi për të mbrojtur popullsinë ukrainase kundër sulmeve ajrore”, ka thënë Biden. / KultPlus.com
Gjatë fushatës në garën për president në Shtetet e Bashkuara të Amerikës, tani i zgjedhur president Joe Biden, kishte thënë se pavarësia e Kosovës është e pakthyeshme.
Në një letër drejtuar shqiptaro-amerikanëve gjatë fushatës, Bideni kishte thënë se mbështet dënimin e krimeve në Kosovë dhe do të kërkojë drejtësi për të zhdukurit.
“Ai do të punojë në partneritet me Bashkimin Evropian për të ringjallur dialogun midis Kosovës dhe Serbisë, me qëllimin për të lehtësuar një zgjidhje stabilizuese – të drejtë dhe gjithëpërfshirëse midis dy vendeve që respekton integritetin territorial të Kosovës dhe të arrihet njohja reciproke”, ishte thënë në deklaratën e Bidenit.
Këto ishin ndër pikat kryesore të deklaratës së tij në tetor:
– Pavarësia e Kosovës është e pakthyeshme dhe në përputhje me të drejtën ndërkombëtare
– Joe Biden ka përkrahur ndërhyrjen e NATO-s për çlirimin e Kosovës më 1999
– Biden kritikon politikën e “pabalansuar” të Trumpit ndaj Kosovës dhe Serbisë/ KultPlus.com
Presidenti i Shteteve të Bashkuara të Amerikës Joe Biden, përmes një mesazhi dërguar Presidentit Bajram Begaj uroi Shqipërinë dhe popullin shqiptar me rastin e 110-vjetorit të shpalljes së Pavarësisë dhe Ditës së Flamurit.
Në mesazhin e Presidentit Biden, ndër të tjera, theksohet:
“Ky vit shënon 100 vjetorin e vendosjes së marrëdhënieve diplomatike midis vendeve tona – një partneritet që ka uar përpara prosperitetin dypalësh, ka ndihmuar në ruajtjen e stabilitetit rajonal dhe ka forcuar sigurinë globale. Si aleatë të NATO-s, vendet tona kanë bashkëpunuar gjithashtu për ta mbajtur Aleancën të fortë, të përgatitur dhe të vendosur. Dhe përballë luftës së padrejtë dhe të paprovokuar të Rusisë kundër Ukrainës, ne kemi punuar së bashku në Këshillin e Sigurimit të Kombeve të Bashkuara për të mbështetur popullin ukrainas, duke e konsideruar Rusinë përgjegjëse për agresionin. Shqipëria vazhdon të jetë një lider humanitar, duke siguruar strehimin e përkohshëm të afganëve dhe grupeve të tjera vulnerabël”.
“Shtetet e Bashkuara do të vazhdojnë të mbështesin Shqipërinë në rrugën e saj drejt anëtarësimit në Bashkimin Evropian. Ndërsa fillojmë shekullin e ardhshëm të marrëdhënieve tona dypalëshe, pres me padurim të thellojmë partneritetin tonë edhe më tej, duke përfshirë luftën kundër korrupsionit dhe krimit të organizuar, forcimin e sigurisë energjetike në të gjithë Evropën dhe forcimin e bashkëpunimit për sigurinë kibernetike”, shprehet Presidenti Biden në mesazhin e tij. / KultPlus.com
Presidenti amerikan, Joe Biden deklaroi se urrejtja nuk mund të tolerohet më, pasi pesë persona u vr*në dhe 25 të tjerë u plag*sën, pas të shtënave në një klub homoseksualësh në qytetin e Kolorado Springs.
“Vendet që supozohet të jenë hapësira të sigurta pranimi dhe festimi nuk duhet të kthehen kurrë në vende terrori dhe dhune. Megjithatë, kjo po ndodh shumë shpesh”, tha Biden në një deklaratë.
“Ne nuk mund dhe nuk duhet të tolerojmë më urrejtjen”, theksoi ai.
“Në vendin e ngjarjes janë gjetur disa armë zjarri. Forcat e rendit po punojnë ende për të identifikuar se kujt i përkisnin armët e zjarrit. I dyshuari gjatë të shtënave përdori një pushkë të gjatë”, thuhet në një deklaratë të policisë.
Biden tha se, ndërsa motivi i sulmit nuk ishte ende i qartë, “ne e dimë se komuniteti LGBTQI+ i është nënshtruar dhunës së tmerrshme të urrejtjes në vitet e fundit”.
“Dhuna me armë vazhdon të ketë një ndikim shkatërrues dhe të veçantë në komunitetet LGBTQI+ në të gjithë vendin tonë dhe kërcënimet e dhunës po rriten”, shtoi Biden./ atsh / KultPlus.com
Rreziku i një Armagedoni nuklear është në nivel më të lartë që nga Kriza Kubane e Raketave e vitit 1962, ka thënë Presidenti i SHBA Joe Biden.
Presidenti amerikan ka theksuar se Presidenti rus Vladimir Putin nuk po tallej kur foli për përdorimin e armëve nukleare taktike, pasi përjetoi humbje në Ukrainë
Biden shtoi se SHBA po përpiqet të shoh rrugën se si do të dalë nga lufta Putin.
Edhe më parë SHBA dhe BE kanë tërhequr vërejtjen së vringëllimi me armë nukleare i Putin duhet të merret seriozisht.
BBC shkruan se Këshilltari për Cështje të Sigurisë Kombëtare i Biden, Jake Sullivan, javën e kaluar theksoi se pavarësisht sinjaleve nga Moska, rusët nuk janë duke u përgatitur të përdorin menjëherë armët nukleare në Ukrainë.
Tutje, Biden ka thënë se arsyeja pse lideri rus nuk është tallur kur foli për përdorimin e armëve nukleare, biologjike apo kimike është se ushtria e tij nuk është duke performuar si duhet.
“Për herë të parë që nga Kriza Kubane e Raketave kemi një kërcënim direkt për përdorimin e armëve nukleare”
”Nuk jemi ballafaquar me një mundësi Armagedoni që nga koha e Kenedit dhe kriza kubane e raketave” ka thënë Biden gjatë një fjalimi para demokratëve.
Armagedon është shprehje biblike që figurativisht nën nënkupton betejë finale që implikon shkatërrim masiv. / Express / KultPlus.com
Presidentja e Republikës së Kosovës, Vjosa Osmani, ka udhëtuar për në New York, ku në margjina të sesionit të 77-të të Asamblesë së Kombeve të Bashkuara (UNGA), krahas liderëve të tjerë botërorë do të marrë pjesë në pritjen zyrtare të organizuar nga presidenti i SHBA-ve, Joe Biden.
Gjatë vizitës në New York, Presidentja Osmani, në funksion të përpjekjes për fuqizimin e subjektivitetit ndërkombëtar të Kosovës do të zhvillojë një sërë takimesh me krerë të delegacioneve të shteteve pjesëmarrëse në sesionin e Asamblesë së Kombeve të Bashkuara, zyrtarë të lartë amerikanë dhe udhëheqës të organizatave ndërkombëtare.
Presidentja Osmani, gjithashtu do të ketë takim edhe me mërgatën shqiptare në Amerikë.
Ndërkaq në Fordham University, Presidentja Osmani do ta mbajë një ligjëratë, në të cilën do të flasë për reformat në sistemin e drejtësisë, sundimin e ligjit, zhvillimin e demokracisë dhe forcimin e subjektivitetit ndërkombëtar të Kosovës.
Gjatë vizitës në New York, Presidentja Osmani do të shoqërohet edhe nga zëvendëskryeministrja dhe ministrja e Jashtme dhe e Diasporës, Donika Gërvalla-Schwarz. / KultPlus.com
Presidentja e Republikës së Kosovës, Vjosa Osmani sot është prezente në Funeralin Shtetëror të Mbretëreshës Elizabeth II, shkruan KultPlus.
Me këtë rast ajo ka takuar dhe ka biseduar me Presidentin Joe Biden, i cili ka shprehur mbështetjen e tij për Kosovën.
Më poshtë gjeni postimin e plotë të saj:
Është nder të bisedoj me Presidentin Biden sot gjatë Funeralit Shtetëror të Mbretëreshës Elizabeth II.
Ai shprehu mbështetjen e tij të përzemërt për vendin tonë dhe në emër të popullit të Kosovës e falënderova dhe shpreha përkushtimin tonë për partneritetin e hekurt SHBA-Kosovë. / KultPlus.com
Presidenti amerikan Joe Biden ka mbërritur në Londër përpara funeralit të Mbretëreshës Elizabeth II të hënën, transmeton KultPlus.
Presidenti Biden është në mesin e rreth 500 krerëve të shteteve dhe personaliteteve të huaja që vijnë në Londër për një mbledhje të liderëve botërorë që nuk janë parë për dekada.
Kryeministrat e Kanadasë, Australisë dhe Zelandës së Re janë tashmë në Mbretërinë e Bashkuar.
Në mesin e të ftuarve është edhe presidentja e Kosovës, Vjosa Osmani, si dhe presidenti i Shqipërisë, Bajram Begaj.
Të pranishëm do të jenë edhe anëtarë të familjeve mbretërore nga e gjithë Evropa. /KultPlus.com
Presidenti amerikan Joe Biden do të emërojë disa zyrtarë për të shërbyer si udhëheqës kryesorë në administratën e tij, sipas një njoftimi të publikuar nga Shtëpia e Bardhë, Uashington, shkruan KultPlus.
Në mesin e të nominuarve është edhe një shqiptaro-amerikan, B. Bix Aliu (Begzat Azem Aliu).
Ai pritet të jetë ambasadori i ri i Shteteve të Bashkuara të Amerikës në shtetin e Malit të Zi.
Aliu ka prindër shqiptar, të cilit emigruan nga Maqedonia e Veriut drejt SHBA-ve.
Ndërkaq, ai ka diplomuar në Fakultetin e Mjekësisë pranë Universitetit të Prishtinës.
Ali më së fundi shërbeu si i Ngarkuar me Punë në Ambasadën e SHBA në Budapest, Hungari. / KultPlus.com
Presidenti amerikan Joe Biden ka deklaruar se familjet e viktimave të 11 do të kenë drejëtsi, teksa iu përgjigj pyetjeve të gazetarëve për faktin se gjyqet e atyre që qëndrojnë pas sulmeve, janë ende të bllokuara në Guantanamo.
“Ne po punojmë për këtë”, tha presidenti amerikan.
“21 vjet më vonë, ne mbajmë të gjallë kujtimin e jetëve të çmuara që na u vodhën në Ground Zero, Shanksville dhe Pentagon. Jill dhe unë jemi pranë familjeve që kanë humbur të dashurit e tyre dhe ende po vuajnë. Nuk do ta harrojmë kurrë ”, shkroi Biden në Twitter me rastin e 21 vjetorit të sulmeve të 11 shtatorit.
Presidenti do të jetë në përkujtimin e sulmeve në Pentagon, ku do të mbahet një minutë heshtje rreth orës 9.37, ora e rrëzimit të Boeing 757 të American Airlines. Të 64 pasagjerët në aeroplan vdiqën nga përplasja, duke përfshirë terroristët dhe 125 persona që ndodheshin në ndërtesën e Departamentit të Mbrojtjes./ KultPlus.com
Joe Biden ka konfirmuar se do të jetë i pranishëm në funeralin e mbretëreshës Elizabeth në Londër.
“Nuk i di ende detajet, por unë do të shkoj atje”, theksoi Biden në përgjigje të një pyetjeje nga gazetarët në Ohio.
Data dhe hollësitë për varrimin e mbretëreshës nuk janë konfirmuar, por do të dihen “në një kohë të afërt”, sipas Buckingam Pallace.
Biden e njohu mbretëreshën tre dekada më parë dhe u takua me të tre herë, për herë të fundit në qershor të vitit 2021, kur ai bashkë me zonjën e parë vizituan Britaninë e Madhe për të marrë pjesë në samitin e liderëve të G7./ KultPlus.com
Presidenti i Shteteve të Bashkuara të Amerikës, Joe Biden po i kërkon Kongresit të sigurojë 11.7 miliardë dollarë për Ukrainën pasi ndihma e SHBA për vendin e shkatërruar nga lufta po mbaron.
Kërkesa, e cila vjen derisa ligjvënësit po përgatiten të kthehen në Uashington, është pjesë e një pakete më të madhe shpenzimesh urgjente prej 47.1 miliardë dollarësh që Shtëpia e Bardhë po propozon të paguajë për përgjigjen ndaj COVID-19, shpërthimin e lisë së majmunëve dhe ndihmën për fatkeqësitë e fundit natyrore në Kentaki dhe shtetet e tjera.
Paratë për Ukrainën do të jenë mbi 40 miliardë dollarë që u miratuan në fillim të këtij viti.
Zyrtarët e administratës thanë se afërsisht tre të katërtat e asaj mbështetje ushtarake dhe buxhetore janë shpërndarë.
Miliardat e reja do të përfshijnë para për pajisje, mbështetje të inteligjencës dhe mbështetje të drejtpërdrejtë buxhetore për Ukrainën.
Ky financim gjithashtu do të përfshijë 1.5 miliardë dollarë për uranium për të ushqyer reaktorët bërthamorë të SHBA-së, pasi furnizimi rus potencialisht mund të ulet.
Luftime të ashpra po vazhdojnë në jug të Ukrainës, përfshirë edhe granatime në qarkun Enerhodar, afër centralit të pushtuar bërthamor të Zaporizhjas.
Zaporizhja, që ka rënë nën kontrollin rus pak ditë pas nisjes së pushtimit të Ukrainës, është centrali më i madh bërthamor në Evropë.
Më 1 shtator, zyrtarët ukrainas raportuan për “sulme të vazhdueshme me mortaja” nga rusët. Zyrtarët lokalë në Zaporizhja thanë po ashtu se trupat ruse kanë granatuar rrugën nëpër të cilën kanë kaluar inspektorët e Kombeve të Bashkuara./REL/ KultPlus.com
Presidenti i SHBA-së Joe Biden tha të mërkurën se Qeveria e Shteteve të Bashkuara do të falë nga 10.000 dollarë hua për miliona ish-studentë universitarë, duke mbajtur një premtim që bëri në fushatën për Shtëpinë e Bardhë në vitin 2020.
Gjithashtu presidenti i SHBA-së tha se huamarrësit me të ardhura të ulëta që shkuan në kolegj me grantet ‘Pell’ do të përfitojnë deri në 20.000 dollarë falje të kredisë studentore.
Ky lehtësim i borxhit do t’u japë dhjetëra miliona huamarrësve pak frymëmarrje në një kohë kur kostoja e jetesës është rritur ndjeshëm në Shtetet e Bashkuara.
Kjo lëvizje mund të rrisë mbështetjen për demokratët e partisë së tij në zgjedhjet e Kongresit të nëntorit, por disa ekonomistë thonë se mund të nxisë inflacionin dhe disa republikanë në Kongres ngritën pikëpyetje nëse presidenti kishte autoritet ligjor për të anuluar borxhin.
Kjo masë është “për familjet që kanë më shumë nevojë për to – punëtorët dhe njerëzit e klasës së mesme që u goditën veçanërisht rëndë gjatë pandemisë”, tha Biden në një deklaratë nga Shtëpia e Bardhë. Ai u zotua se asnjë familje me të ardhura të larta nuk do të përfitonte, duke iu përgjigjur kështu njërës prej kritikave kryesore ndaj planit.
Shumë demokratë kishin kërkuar që zoti Biden të falte deri në 50.000 dollarë për çdo huamarrës. Republikanët e kundërshtuan faljen e kredive studentore, duke e quajtur atë të padrejtë sepse do të ndihmojë në mënyrë disproporcionale njerëzit që fitojnë të ardhura më të larta.
“Socializmi i huasë studentore të Presidentit Biden është një shuplakë për çdo familje që sakrifikoi duke kursyer për universitetin, çdo të diplomuar që pagoi borxhin e tij dhe çdo amerikan që zgjodhi një rrugë të caktuar karriere ose shërbeu në Forcat tona të Armatosura për të shmangur marrjen e borxhit,” tha të mërkurën udhëheqësi i republikanëve në Senat, Mitch McConnell.
Konsumatorët amerikanë kanë një borxh prej 1.75 trilion dollarësh në kredi studentore, rezultat i kostos së lartë të shkollimit universitar, shumë më e lartë se në shumicën e vendeve të tjera të pasura. Zoti Biden tha se vendet e tjera mund t’ia kalojnë Shteteve të Bashkuara ekonomikisht nëse studentëve nuk u ofrohet lehtësim ekonomik./REL/ KultPlus.com
Shtetet e Bashkuara vazhdojnë të jenë donatori më i madh i ndihmës ushtarake për Ukrainën në luftën e saj kundër Rusisë, përcjell KultPlus.
Së fundmi presidenti Joe Biden ka vendosur të ndihmojë shtetin ukrainas me pajisje ushtarake në vlerë 775 milionë dollarë.
Pas këtij vendimi ka reaguar presidenti ukrainas Volodymyr Zelensky, i cili falënderoi kolegun e tij amerikan, Joe Biden, për paketën e fundit të ndihmës ushtarake.
“Unë e vlerësojë shumë ndihmë ushtarake amerikane në shumën prej 775 milionë dollarësh. Faleminderit president, për marrjen e këtij vendimi. Ne kemi ndërmarrë një hap tjetër të rëndësishëm për të mposhtur agresorin. Ukraina do të jetë e lirë”, shkroi Zelensky në Twitter. /KultPlus.com
I highly appreciate another 🇺🇸 military aid package in the amount of $775 million. Thank you @POTUS for this decision! We have taken another important step to defeat the aggressor. 🇺🇦 will be free!
— Володимир Зеленський (@ZelenskyyUa) August 19, 2022
Presidenti i SHBA-ve Joe Biden ka nënshkruar një projekt-ligj prej 700 miliardë dollarësh, që synon të luftojë ndryshimet klimatike dhe kostot e kujdesit shëndetësor duke rritur taksat kryesisht për të pasurit.
Projektligji përfshin masat për të ulur çmimin e barnave me recetë.
Sipas një zyrtari të administratës së Biden, projektligji mund të japë një shtysë përpara zgjedhjeve afatmesme.
Votuesit që do të votojnë në nëntor do të vendosin nëse demokratët e Biden do të mbajnë kontrollin e Kongresit edhe për dy vjet të tjera.
Presidenti e përshëndeti projektligjin ndërsa e nënshkroi të martën si “pjesa e fundit” e agjendës së tij të brendshme, shkruan BBC.
Projektligji, i quajtur “Akti i Reduktimit të Inflacionit”, është një arritje e madhe legjislative për demokratët ku përfshihet paketa më e madhe klimatike në historinë e
SHBA-së dhe bëhet menjëherë një nga elementët kyç të presidencës së tij dyvjeçare.
Ajo kaloi në votim si në Dhomën e Përfaqësuesve ashtu edhe në Senatin javën e kaluar me mbështetjen e çdo demokrati por të asnjë republikani.
Në këtë paketë përfshihen masa të dizajnuara për të mbështetur alternativat e energjisë me emetim të ulët dhe për të ulur emetimet e gazrave serrë, si dhe për të ulur çmimet e barnave me recetë dhe për të rritur taksat ndaj korporatave dhe të pasurve.
Legjislacioni do të mbledhë rreth 700 miliardë dollarë nëpërmjet rritjes së taksave të korporatave dhe kursimeve të barnave me recetë, dhe do të shpenzojë rreth 400 miliardë dollarë për energjinë e pastër dhe dispozitat e kujdesit shëndetësor.
Biden u kthye shkurtimisht nga pushimet për të nënshkruar projektligjin, i cili u miratua sipas linjave partiake pa asnjë mbështetje nga republikanët e opozitës./abcnews.al/ KultPlus.com
Presidenti i SHBA-së, Joe Biden ka përshëndetur përmes një video-mesazhi 100-vjetorin e marrëdhënieve mes Shqipërisë dhe Amerikës. Ai u shpreh se SHBA do të vijojë që të jetë në krah të Shqipërisë në rrugëtimin e saj drejt integrimit Europian dhe sfidat e tjera që e presin. Ndër të tjera Biden solli në vëmendje ndihëm që Shqipëria po i jep Ukrainës në luftën kundër Rusisë apo edhe strehimin e afganëve përgjatë viteve të luftës.
“Të gjithë popullit të Shqipërisë, i dërgoj urime të më përzemërta të miqësisë jetëgjatë me SHBA-në ndërsa festojmë 100 vjetorin e vendosjes së marrëdhënieve diplomatike mes vendeve tona. Kur SHBA e mbrojtën Shqipërinë pas Luftës së Parë Botërore u krijua një miqësi e përhershme mes popujve tanë, një dashuri e përbashkët për lirinë dhe për vlerat e demokracisë, të cilat nuk u thyen kurrë.
Sot, Shqipëria dhe SHBA janë aleate në NATO dhe partnere që punojnë së bashku për mbrojtjen e lirisë dhe demokracisë në Europë dhe në mbarë botën, duke përfshirë punën tonë në Këshillin e Sigurimit të OKB-së. Shqipëria ka bërë gjithashtu një kontribut kritik në mbështetjen e nevojave humanitare dhe të sigurisë për popullin ukrainas teksa mbrojnë veten e tyre kundër luftës brutale të Rusisë. Dua gjithashtu që të falënderoj popullin e Shqipërisë për mikpritjen tuaj në strehimin e mijëra afganëve gjatë vitit të kaluar.
SHBA do të vazhdojë të qëndrojë me Shqipërinë teksa punoni për të forcuar institucionet demokratike, luftën kundër korrupsionit, sundimin e ligjit dhe plotësoni udhëtimin për t’iu bashkuar Bashkimit Europian. Uroj që dy kombet të vazhdojnë të ndërtojnë mbi gjithçka që kemi arritur së bashku dhe të ofrojmë një të ardhme më të fuqishme, shpresëdhënëse për fëmijët tanë“, thuhet në mesazhin e Biden.
Diplomatja amerikane Yuri Kim lexoi edhe një mesazh të ish-presidentit George W. Bush, që vizitoi Shqipërinë në 2007-ën. “Unë dhe Laura ju dërgojmë përshëndetjet më të ngrohta. Në 2007 isha krenar që u bëra Presidenti i parë që vizitoi Shqipërinë. U bëmë dëshmitarë të mikpritjes suaj të sinqertë. Kujtoj pasionin tuaj për zhvillim dhe tolerancë. Shqipëria është një forcë e së mirës”, shkruan ai.
Ambasadorja Kim tha se Shqipëria mbetet e palëkundur nga mbështetja dhe aspiratat e kombit shqiptar për sovranitet, demokraci, begati dhe drejtësi.
“Shumë gjëra kanë ndryshuar në 100 vite, por ja çfarë mbetet e pandryshuar; SHBA kurrë nuk është lëkundur nga besimi për një Shqipëri të pavarur, kurrë nuk jemi lëkundur në besimin për ju. Shqipëria dhe SHBA janë miq dhe aleatë të vërtetë. Ne jemi krenarë të festojmë me ju këtë muaj, ndërkohë që ju filluar negociatat. SHBA nuk do të lëkunden kurrë nga aspiratat e kombit shqiptar për demokraci”, tha Kim.
Në fjalën e saj në ceremoninë e këtij momenti të veçantë, ministrja e Jashtme Olta Xhaçka u shpreh se këtë marrëdhënie nuk e zhbëri dot as regjimi diktatorial.
“Faleminderit që jeni këtu me ne për të kremtuar 100-vjetorin e vendosjes së marrëdhënieve të vendeve tona. Një marrëdhënie e konsoliduar nuk mundi të zhdukë as regjimi komunist. Nuk u zhbë kjo marrëdhënie sepse jo ngrihet nga ndjenjat e miqësisë. Duke filluar me rolin vendimtar që luajti presidenti Willson për të shpëtuar Shqipërinë nga copëtimi i mëtejshme. 30 vite më parë unë isha hipur mbi qafën e tim etj, kur Tiranën e Bizitoi Beker. Kur hedh sytë pas është se koha që ka kaluar e ka justifikuar atë besim dhe entuziazëm. Shqipëria është sot një realitet krejt tjetër. Ne jemi sot një end që jep një kontribut real. Sot është një moment për të hedhur sytë pas, por edhe për të parë përpara”, tha Xhaçka. / Express / KultPlus.com
Presidenti amerikan ka njoftuar se e ka kaluar infeksionin me COVID-19.
Joe Biden ka treguar se do kthehet në zyrën e tij në Shtëpinë e Bardhë. / KultPlus.com
Back to the Oval.
— President Biden (@POTUS) July 27, 2022
Thanks to Doc for the good care, and to all of you for your support. pic.twitter.com/Cfzn1zAKJF
