Etiketë: Joe Bideni

Presidenti Biden me fjalim emocionues për jetën e Albright: Ajo s’kishte frikë të përballej me diktatorët

Posted on by Kult Plus

Presidenti amerikan, Joe Biden, ka mbajtur një fjalim emocionues për jetën dhe veprën e Sekretares së parë grua në historinë e SHBA-së në ceremoninë mortore që po mbahet në Katedralen Kombëtare në Washington.

Shefi i shtëpisë së Bardhë tha se Sekretarja Albright s’kishte frikë të përballej me diktatorët e botës.

“Ajo e kuptoi diçka që unë e besoj gjithmonë se të gjithë politikat ndërkombëtare janë personale, ajo nuk frikësohej të përballej me diktatorët më të fuqishëm dhe pastaj ta mësonte një ish-ambasador si të kërcente në Këshillin e Sigurimit. Ajo gjithmonë u sigurua që gratë e reja të kenë mundësinë të jenë të pranishme në çdo tavolinë që kishte të bënte me sigurinë kombëtare të SHBA-së”, tha Biden.

Presidenti Biden tha se Albright ishte aleatja kryesore e Senatit në përpjekjet për të ndalur gjenocidin në Ballkan.

“Emri i saj është sinonim i Amerikës si forcë e së mirës në botë. Në punën tonë për të ndalur gjenocidin në Ballkan për të përkrahur demokracitë në lindje të Evropës, Madeleine ishte një aleate dhe përkrahëse në Komitetin për Punë të Jashtme në Senat”, tha Biden.

Biden shtoi se për vdekjen e Albright mori vesh teksa ishte duke fluturuar për Evropë për t’u takuar me aleatët e NATO-s.

“Kur më erdhi lajmi se Madeleine Albright ka vdekur isha në mes të fluturimit për në Evropë për t’i takuar aleatët e NATO-s. Sekretarja Albright është pjesë e madhe e arsyes që NATO është e fuqishme siç është sot”, tha Biden. / KultPlus.com

Biden vendos sanksione të reja ndaj Rusisë

Posted on by Kult Plus

Presidenti amerikan Joe Biden ka vendosur sot sanksione të reja ndaj Rusisë për shkak të pushtimit të Ukrainës, duke synuar sektorin e teknologjisë ruse.

Sanksionet e reja zbatohen për operatorët në sektorin e teknologjisë.

Departamenti amerikan i Thesarit tha në një deklaratë se ka vendosur sanksione ndaj 21 kompanive dhe 13 individëve.

Sanksionet përfshijnë Mikron, prodhuesin dhe eksportuesin më të madh rus të mikroelektronikës, si dhe prodhuesin më të madh të çipave në Rusi.

“Sanksionet e zgjeruara përfshijnë sektorin e transportit ajror dhe detar dhe atë të elektronikës. Lëvizja e re e Biden i lejon Washingtonit të vendosë sanksione ndaj të gjithë personave ose subjekteve të lidhura me ata sektorë”, u tha në njoftim. / KultPlus.com

Joe Biden për ditën e pavarësisë: Kosova zë një vend të veçantë në zemrat e familjes Biden

Posted on by Kult Plus

Sot nëpërmjet një postimi në rrjetet sociale, Presidentja Vjosa Osmani ka ndarë urimin e Presidentit Joe Biden për ditën e pavarësisë së Kosovës – 17 shkurtin, në të cilin ai potencon se Shtetet e Bashkuara mbesin partner i palëkundur i Kosovës, përcjell KultPlus.

Presidenti Biden në këtë urim, duartroket punën dhe përkushtimin tonë për forcimin e demokracisë dhe në luftën kundër krimit e korrupsionit, teksa kërkon që dialogu të përqendrohet në njohje reciproke. Po ashtu, ai në urimin e tij ka përsëritur faktin e lidhjes së veçantë, të cilën familja Biden e ka me vendin tonë.

“Kosova është e bekuar ta ketë në krah aleatin e saj të përhershëm, Shtetet e Bashkuara të Amerikës!”, ka thënë Osmani.

KultPlus ua sjell postimin e saj të plotë:

Jam e lumtur ta ndaj me ju urimin e Presidentit Biden për ditën e pavarësisë së Kosovës – 17 shkurtin, në të cilin ai potencon se Shtetet e Bashkuara mbesin partner i palëkundur i Kosovës.

Presidenti Biden në këtë urim, duartroket punën dhe përkushtimin tonë për forcimin e demokracisë dhe në luftën kundër krimit e korrupsionit, teksa kërkon që dialogu të përqendrohet në njohje reciproke. Sipas tij, në Samitin për Demokraci, Kosova ka dëshmuar se është e gatshme ta ndajë përvojën me shtete të tjera, ndaj thekson se gjatë këtij viti Kosova vazhdimisht ka treguar lidership në arenën ndërkombëtare. Në urimin e tij, Presidenti Biden ka përsëritur faktin e lidhjes së veçantë, të cilën familja Biden e ka me vendin tonë.

Kosova është e bekuar ta ketë në krah aleatin e saj të përhershëm, Shtetet e Bashkuara të Amerikës!

Zoti e bekoftë miqësinë e Kosovës me ShBA-të! / KultPlus.com

Nesër mbahet ceremonia e dorëzimit të medaljes post-mortem për djalin e presidentit Biden

Posted on by Kult Plus

Nesër do të mbahet ceremonia e dorëzimit të medaljes post-mortem për Beau Biden, nën organizimin e Presidentes së Kosovës, Vjosa Osmani.

Me anë të një njoftimi të Presidencës thuhet se se kjo ceremoni do të fillojë nga ora 18:30.

Në këtë ceremoni të pranishmëve me një fjalë rasti do t’iu drejtohet Presidentja e Kosovës, Vjosa Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë, Philip S. Kosnett.

Mediat e interesuara për përcjelljen e ceremonisë duhet të jenë të pranishme në orën 17:45, në Presidencë. / KultPlus.com

Eksperti amerikan kërkon nga Bideni t’ia bëjë të ditur Serbisë se pavarësia e Kosovës s’diskutohet

Posted on by Kult Plus

Profesori dhe eksperti amerikan, Alon Ben-Mair, i ka reaguar presidentit të Serbisë mbi fotografinë që ka postuar ky i fundit para dy ditësh ku paraqiti hartën e Kosovës me flamurin serb në të.

Ben-Mair madje ka kërkuar që ndaj tij të reagojë edhe presidenti i Shteteve të Bashkuara të Amerikës, Joe Bideni.

“SHBA-ja dhe BE-ja duhet ta dënojnë provokimin e Vuçiqit. Bideni duhet t’i dërgojë mesazh të qartë Vuçiqit se pavarësia e Kosovës nuk do të jetë kurrë subjekt diskutimi”, ka shkruar në Twitter.

Por, të menjëhershme pas postimit të Vuçiqit kanë qenë edhe reagimet e shqiptarëve. “Kosova është Shqipëri” është një nga komentet që më së shumti është bërë në postimin e presidentit serb. Ndërkohë, në shumë grupe në rrjetet sociale kanë nisur mobilizimet për raportim të postimit si “Fake News”.

Në kujtim të “Trazirave të marsit”, Vuçiqi kërcënoi Kosovën se “do të ketë përgjigje adekuate” po që se përsëritet një gjë e tillë. / KultPlus.com