Etiketë: Joker

Logoja e Joker 2 zbulon një pamje të re në filmin e vetëm DC të vitit 2024

Posted on by Kult Plus

Joker i Todd Philips: Folie à Deux merr një logo të re përpara datës së publikimit të filmit DC në vitin 2024.

Vazhdimi i Joker riviziton Arthur Fleck të Joaquin Phoenix dhe prezanton Harley Quinn të Lady Gaga-s si personazhin e dytë kryesor në kastin e Joker: Folie à Deux. Ka të ngjarë të ruajë tonin e bazuar në filmin e parë, por gjithashtu do të shtojë një dhunti të re muzikore në historinë e zuzarit të DC dhe do të shtojë të paktën një personazh të ri të DC në universin e Joker. Si një film i DC Elseworlds, Joker: Folie à Deux ka lirinë për të zhvilluar historinë e tij pa u shqetësuar për ndonjë lidhje me një ekskluzivitet më të madh si DC Universe i James Gunn.

Pas disa muajsh pa ndonjë përditësim të madh, Joker: Folie à Deux debuton një logo të re (nëpërmjet Collider). Meqenëse kjo logo nuk është publikuar ende zyrtarisht nga Warner Bros në materialet promovuese, Screen Rant ka kontaktuar me WB për konfirmim të drejtpërdrejtë. Nëse është zyrtar, kjo do të shënonte përditësimin e parë solid në versionin e vetëm të ardhshëm të DC në 2024. / KultPlus.com

Shihni imazhin më poshtë:

Lady Gaga konfirmon rolin në filmin e dytë “Joker”

Posted on by Kult Plus

Këngëtarja e shndërruar në aktore, Lady Gaga, e ka konfirmuar lajmin se do të luajë në filmin e dytë “Joker”, krahas yllit të kinematografisë Joaquin Phoenix.

Gaga, emri i vërtetë i së cilës është Stefani Germanotta, të enjten (4 gusht) e ndau një postim në rrjetet sociale, përmes së cilit i informoi fansat se ajo dhe Phoenix do të ketë role protagoniste në projektin e ri me titull, “Joker: Folie à Deux”.

Në qershor të këtij viti, regjisori Todd Phillips e konfirmoi lajmin se një vazhdim i hitit të vitit 2019, “Joker”, ishte në realizim e sipër. Ai e ndau me ndjekësit online ballinën e skenarit të këtij projekti, që vjen i shkruar nga ai dhe skenaristi Scott Silver. Menjëherë pas këtij lajmi, u raportua se Lady Gaga ishte një bisedime e sipër për t’u angazhuar me rolin e Harley Quinni në film, psikiatrja e Jokerit në spitalin “Arkham Asylum”, e cila bien ë dashuri me të, e ndihmon të largohet nga spitali dhe eventualisht bëhet e dashura dhe ndihmësja e tij në krim.

Ylli i muzikës pop ka luajtur në disa projekte filmike këto vjetët e fundit, si “A Star Is Born” ku luajti krahas aktorit të famshëm, Bradley Coper, dhe “House of Gucci”.

Konfirmimi i Gagas për përfshirjen e saj në projektin e ardhshëm kinematografik, vjen pak kohë pasi u bë e ditur data e lansimit të filmit. “Joker: Folie à Deux” pritet të fillojë së shfaquri nëpër kinema më 4 tetor të vitit 2024, saktësisht pesë vjet pas lansimit të filmit të parë dhe jashtëzakonisht të suksesshëm, “Joker”.

Sipas portalit “Deadline”, xhirimet e “Joker: Folie à Deux” do të fillojnë në dhjetor të këtij viti./koha/ KultPlus.com

Foto: AP/Associated Press

Del në shitje kostumi i famshëm i “Joker”, kjo është shuma që mund të arrijë

Posted on by Kult Plus

Kostumi i famshëm “Joker” i veshur nga aktori Jack Nicholson në filmin “Batman” i Tim Burton del në ankand nga Heritage Auctions.

Xhaketa me vija vjollce, portokalli dhe me dy krahë dhe pantallonat e ngjashme, këmisha portokalli me mëngë të gjata saten, kravata me vija Christian Dior, një palë çizme kyçi Robot të prodhuara në Mbretërinë e Bashkuar dhe kapela ngjyrë vjollce Dobbs shiten për një çmim fillestar prej 65,000 dollarë.

Sipas Heritage Auctions, stilisti i kostumeve Bob Ringwood ka punuar në këtë kostum me vetë Nicholson dhe ka arritur linjat dhe ngjyrën e guximshme të një gangsteri klasik të filmave vizatimorë duke e lejuar aktorin të bëhet qesharak dhe i frikshëm në të njëjtën kohë, shkruan shqip.com

Njollat jeshile mund të gjenden në jakën dhe supet e këmishës portokalli nga prodhimi së bashku me mbetjet e grimit të bardhë në kapelë, por mendohet se janë në gjendje shumë të mirë deri në mirë. / KultPlus.com

Lady Gaga do të luajë Harley Quinn në vazhdimin e ‘Joker’

Posted on by Kult Plus

Lady Gaga do të luajë Harley Quinn në vazhdimin e filmit “Joker”, i cili do të shohë Joaquin Phoenix të kthehet në rolin e tij kryesor, transmeton KultPlus.

Sipas Hollywood Reporter, Lady Gaga është në radhë për të marrë rolin e Harley Quinn-it, ish-psikiatres sw Arkham Asylum, e cila është shfaqur rregullisht në narrativat e lidhura me Batman-in si ndihmëse dhe e dashuruar pas Joker-it.

Margot Robbie luajti personazhin në filmin e vitit 2016 me titull “Suicide Squad”, si dhe në vazhdimin e tij të vitit 2021, “The Suicide Squad 2”.

Versioni i Robbiet ishte gjithashtu figura qendrore në filmin superhero të vitit 2020 Birds of Prey.

Nuk janë zbuluar detaje të komplotit të filmit, por “Reporter” thotë se Quinn e Joker 2 do të “ekzistojë në një univers të ndryshëm.

Reporter gjithashtu thekson se Joker 2 do të jetë “një muzikal”, megjithëse nuk ofron detaje të mëtejshme. /KultPlus.com

Konfirmohet lajmi për vazhdimin e filmit ‘Joker’

Posted on by Kult Plus

Zyrtarisht është konfirmuar lajmi për vazhdimin e filmit “Joker”.

Lajmin e ka bërë të ditur regjisori Todd Phillips i cili ka zbuluar se titulli për vazhdimin do të jetë Joker: Folie à Deux.

Phillips, i cili drejtoi dhe shkroi filmin e parë Joker me Joaquin Phoenix, po bashkohet sërish me bashkë-skenarin Scott Silver në vazhdim.

Ai ndau kopertinën e kuqe të skenarit në faqen e tij në Instagram./ KultPlus.com

Aktori Joaquin Phoenix tregon se ”pse pati frikë” gjatë fjalimit në Academy Awards 2020

Posted on by Kult Plus

Aktori Joaquin Phoenix, ka zbuluar se kishte mjaft frikë përderisa mbajti fjalimin e tij të gjatë për të drejtat e kafshëve, pasi e fitoi çmim si aktori më i mirë për interpretimin si Arthur Fleck në filmin Joker.

Phoenix, i cili është i njohur për aktivizmin e tij mjedisor dhe është një mbrojtës i hapur i veganizmit, e përdori kohën e fjalës së tij në Academy Awards 2020, për të bërë një lutje të pasionuar për të drejtat e kafshëve, e cila tronditi audiencat në të gjithë botën.

”Unë nuk doja të ngrihesha askund dhe të bëja asgjë. Nuk isha i ngazëllyer për mundësinë”, tha ai për Sunday Times.

Phoenix, që ishte rritur si vegjetarian që në moshën tre vjeçare, tha se ai dhe vëllezërit e motrat e tij vendosën të bëheshin veganë, pasi sipas tij, panë mënyrën brutale në të cilën trajtoheshin peshqit gjatë një udhëtimi me anije mallrash nga Miami në Venezuelë.

“Unë mendoj se kjo më bëri të mos kem besim, dhe të ndihemt i zemëruar dhe i frikësuar nga njerëzit. Thjesht mendova se ishte një abuzim kaq i rëndë i pushtetit në një farë mënyre. Mendoj se gjatë atij momenti e dinim që nuk do të hanim më mish”, shtoi ai, shkruan Dailymail, përcjell klankosova.tv

Në fjalimin, i cili u transmetua gjatë Çmimeve të 92-të të Akademisë në vitin 2020, Phoenix tha: ‘Unë mendoj se ne jemi bërë shumë të shkëputur nga bota natyrore. Shumë prej nesh janë fajtorë për një pikëpamje egocentrike të botës dhe ne besojmë se jemi qendra e universit./klankosova/KultPlus.com

“Filmi ‘Parasite’ mund të duket befasi, por për akademinë ishte ideal”

Posted on by Kult Plus

Në mëngjesin e sotëm pas ndarjes së cmimeve Oscars, filmi “Parasite” i Bong Joon Ho është i pari film nga Koreja e Jugut që mori këtë cmim të madh, shkruan KultPlus.

Pati shumë kritika dhe reagime nga më të ndryshmet, u diskutua për këtë film, e madje u kritikua edhe akademia.

Kritikja e filmit Manohla Dargis thotë se për të ka qenë befasuese dhe kënaqësi e papritur.

“Të them të drejtën mendova se filmi ‘Joker’ do të triumfoi në fund, nuk e prisja që një histori koreane do ta rrëmbente çmimin kryesor”.

“Kjo zgjedhje nga akademia më mbush me shpresën se do të ndodh ndryshimi: pra që të vlerësohet filmi edhe po të qe ai aziatikë sikurse “Parasite”, thotë Dargis.

Në shqip: B. M. /New York Times /KultPlus.com

Gjithçka gati për ceremoninë e “Oscars 2020”

Posted on by Kult Plus

Gjithçka është gati ose pothuajse gati në Los Angeles për natën e madhe të filmit. Ceremonia për edicionin e 92-të të ”Oskar”, mbrëmjen e së dielës, është vetëm kulminacioni i një seri festimesh dhe ngjarjeve në të cilat marrin pjesë VIP-a dhe të famshëm dhe që e bëjnë qytetin e engjëjve vendin e kultit për momentin.

Filmi më i mirë

Sipas parashikimeve më të besueshme, ‘Viti 1917’ do të jetë fitues i statujës së lakmuar për ‘filmin më të mirë’.

Aktori më i mirë

Duket se Joaquin Phoenix është i destinuar të fitojë Oskar për interpretimin e tij në filmin ‘Joker’.

Aktorja më e mirë

Edhe aktorja më e mirë duket se tashmë është në duart e Renee Zellweger, interpretuesja kryesore e filmit ‘Judy’ me regji nga Rupert Goold.

Nata e Çmimeve të mëdha nuk është vetëm e Oskar-it. Ethet e statuetave tashmë janë të larta sidomos edhe në kuzhinë ku imagjinata dhe krijimtaria shkojnë krah për krah me temën kryesore që mbetet statuja e Oskar. Për 500 të ftuarit është gati një ushtri prej 200 personash në kuzhinë për të përgatitur një menu që është 70% me bazë bimore. /KultPlus.com

“Joker”, në garë edhe për muzikën e filmit

Posted on by KultPlus

Jo vetëm për rrëfimin dhe rolet e aktorëve, por filmi “Joker” ka hyrë në garë edhe për kolonën zanore të filmit.

Është 36-vjeçarja, Hildur Gudnadottir, e cila është bërë gruaja e parë që ka fituar çmimin “Golden Globe” për krijimin e muzikës në filmin “Joker”.

Ajo është nominuar edhe për shpërblimet “Oscar” dhe “Bafta”, raporton KTV.

Islandezja deri tash ka bërë jetë të qetë në Berlin, por tani ajo pritet t’iu bashkohet yjeve të Hollivudit në tepihun e kuq.

36-vjeçarja thotë se ka ushtruar që nga mosha 4-vjeçare derisa suksesin e saj e lidh edhe me fat.

“Ka pasur shumë diskutime për rolin e gruas në industrinë e filmit e atë të muzikës. Në përgjithësi duam të dimë se ku janë gratë”, ka deklaruar ajo.

Ajo është gruaja e pestë kompozitore që nominohet për “Oscar” në 92 vjet.

Ajo thotë se zakonisht krijon tingujt pasi që të përfundojnë filmat. Në rastin e filmit “Jocker”, ajo e ka marrë skenarin më herët dhe me punën e saj, ka ndikuar direkt edhe në skena sikurse ajo e vallëzimit në banjë.

Ajo thotë se kur e ka krijuar muzikën për “Chernobyl” ka udhëtuar deri në Lituani që të arrijë ta përçojë mesazhin për pasojat e rrezatimit.

E kur të përfundojë ndarja e çmimeve, Gudnadottir thotë se do të pushojë nga muzika e filmave për t’u marrë me muzikë si solo këngëtare.

Çmimet “Grammy” do të ndahen më 26 janar derisa ato “Oscars” më 10 shkurt. / KultPlus.com

Joker prin në nominimet për çmimet filmike Oscar

Posted on by KultPlus


Akademia e Arteve dhe Shkencave në Shtetet e Bashkuara ka bërë të ditura nominimet e filmave në 24 kategori për çmimet Oscar, për të nderuar përkushtimin e bërë në fushën e filmit më 2019.

Filmi Joker është nominuar në 11 kategori, duke përfshirë atë për filmin më të mirë, aktorin më të mirë dhe për tetë çmime tjera.

Tre filmat tjerë: The Irishman, 1917 dhe Once Upon a Time… in Hollywood, kanë secili nga 10 nominime.

Në kategorinë për filmin më të mirë janë nominuar projektet: Ford v. Ferrari, The Irishman, Jojo Rabbit, Joker, Little Women, Marriage Story, 1917, Once Upon a Time … in Hollywood dhe Parasite.

Në kategorinë e aktorit më të mirë janë nominuar: Antonio Banderas, për rolin e tij në filmin, Pain and Glory, Leonardo DiCaprio, për rolin në filmin, Once Upon a Time … in Hollywood, më pas Adam Driver në filmin, Marriage Story, Jonathan Pryce, në filmin, The Two Popes, dhe Joaquin Phoenix për rolin që ka në filmin, Joker.

Për rolin e aktores më të mirë, në garë për të fituar Oscar janë: Kathy Bates për rolin në filmin, Richard Jewell, Laura Dern në Marriage Story, Scarlett Johansson në filmin, Jojo Rabbit, Florence Pugh për rolin që ka në filmin, Little Women, dhe Margot Robbie, për rolin e saj në filmin, Bombshell.

Në kategorinë e filmit më të mirë ndërkombëtar në garë janë filmat: Corpus Christi, Honeyland, Les Miserables, Pain and Glory dhe Parasite.

Edhe këtë vit, sikurse në të kaluarin, çmimet do të ndahen nga aktorët, pasi nuk do të ketë nikoqir.

Ceremonia e 92-të e ndarjes së këtyre çmimeve do të mbahet më 9 shkurt në Llos Angjelles në Teatrin Dolby.

Kanali televiziv, ABC do ta transmetojë këtë ngjarje, e cila vitin e kaluar është ndjekur nga 29.6 milionë persona/REL / KulPlus.com

“Joker” arkëton mbi 1 miliard dollarë, filmi më fitimprurës i të gjitha kohërave

Posted on by KultPlus

Duket se asgjë nuk mund t’i ndalojë sukseset e kompanisë filmike, Warner Bros dhe filmit të DC-së, “Joker”, kjo pasi që ky film ia doli të kalojë shifrën mbi 1 miliard dollarë, shifër kjo e fituar me shitje të biletave në box office botëror.

Sipas Box Officit Mojo, filmi nga shitja e këtyre biletave arriti të fitojë 1.017 miliard dollarë amerikan, me 694 milionë dollarë të fituara jashtë tregut amerikan.

Me këtë fitim, “Joker” u bë filmi i parë në listën e filmave më fitimprurës R-rated movie. Ky sukses u arrit përkundër asaj se në Kinë u anulua shfaqja e tij, këtë duke qenë në dijeni se ky vend siguron tregun e dytë më të madh në botë sa i përket filmit. Në Kinë, ai u anulua për shkak se ka skena shumë të dhunshme.

Filmi Joker u realizua me një buxhet prej 62.5 milionë dollarë, dhe shifra që arriti në box office e bën atë filmin më fitimprurës të të gjitha kohërave të bazuar në strip. Me fjalë të tjera, “Joker” me këtë arritje iu bashkua tre filmave të Warner Bros, me superheronj të DC: “Aquaman” i cili u realizua në vitin 2018, e që fitoi 1.148 miliard dollarë. “The Dark Knight Rises” të vitit 2012, që fitoi 1.081 miliard dollarë dhe “The Dark Knight” të vitit 2008, që fitoi 1.005 miliard dollarë.

Filmi Joker u shfaq premiere në festivalin e 76-të të filmit në Venedik, më 31 gusht 2019, ku edhe u shpërblye me çmimin Luani i Artë. Megjithatë, ky film nxiti polemika në mes të kritikëve, ku disa prej tyre e vlerësuan si të dhunshëm, me frikën se mund të nxisë dhunë edhe në botën reale. Por përkundër kësaj, ai arriti sukses, duke u bërë kështu filmi i shtatë më fitimprurës 2019, ndërkaq i 43-ti me radhë në radhë të filmave më fitimprurës të të gjitha kohërave.

“Joker” deri tani i ka fituar 1 miliard dollarë vetëm nga shfaqja nëpër kinema

Posted on by KultPlus

Filmi “Joker” është në rrugën e duhur për t’u bërë filmi i parë me vlerësimin R, i cili deri në këtë moment në biletaritë kinematografike botërore i ka inkasuar më shumë se 1 miliard dollarë, raporton Business Insider.

Për shkak të suksesit të madh, tashmë ca kohë është duke u spekuluar se ky film mund ta ketë edhe vazhdimin. Megjithëse ende nuk ka ndonjë konfirmim zyrtar, regjisori i filmit Todd Phillips nuk e përjashton këtë mundësi. Duke folur për Los Angeles Times, ai deklaroi se vazhdimi “duhet ta ketë një rezonancë tematike”.

“Ky sigurisht se nuk do të ishte një film tjetër i egër dhe i çmendur për një hero të stripave. Ai duhet ta ketë një rezonancë tematike në të njëjtën mënyrë siç e ka ‘Joker”. E dini, kur kjo tematikë ekziston, vetëm atëherë filmi e ka kuptimin,” tha Phillips.

Ai më parë deklaroi se “Joker” gjithmonë duhej të ishte një tregim i pavarur, pa asnjë vazhdim. Sidoqoftë, muajin e kaluar, ai tha për GameSpot se do të bënte gjithçka që do të dëshirojë ylli i filmit Joaquin Phoenix, por edhe atëherë e përsëriti se filmi nuk ishte caktuar për xhirim të vazhdimit.

Filmi “Joker”, që nga shfaqja në ekranet kinematografike nga fillimi i tetorit, i ka inkasuar 988 milionë dollarë globalisht, megjithëse ekipi i filmit e kishte një buxhet produksioni prej vetëm prej 55 milionë dollarësh.

Ky është një injeksion i konsiderueshëm financiar për shtëpinë Warner Bros., e cila e përjetoi një vit zhgënjyes kur bëhet fjalë për shfaqjet kinematografike të materialeve të tyre. /koha.net/ KultPlus.com

“Joker” thyen rekord, filmi me më shumë fitime në të gjithë globin

Posted on by KultPlus

Filmi “Joker”, i vlerësuar maksimalisht nga kritika dhe publiku, është bërë zyrtarisht filmi për audiencë të rritur me më shumë fitime në të gjithë globin.

“Warner Brothers” konfirmoi se prodhimi me protagonist Joaquin Phoenix, kishte grumbulluar plot 788 milion dollarë nga shfaqja në kinematë botërore.

Ndërkaq i përqendruar tek origjina e personazhit të keq të “Batman”, “Joker” përflitet si kandidat i mundshëm për çmim “Oskar”./Opinion.al /KultPlus.com

Joker ‘në krye’ të protestave masive në Kili

Posted on by KultPlus

Për më shumë se një javë vijojnë protestat masive në Kili, të cilat kulmuan të premten me rreth 1 milion qytetarë që protestuan në kryeqytetin Santiago.

Të paktën 19 vetë kanë humbur jetën e qindra të tjerë janë plagosur gjatë një jave protestash, që e morën shtysën nga rritja e çmimit të biletës së metrosë, për t’u shndërruar më pas në një demonstrim masiv të pakënaqësisë me pabarazinë e thellë që ka mbërthyer njërin prej vendeve më të pasura të Amerikës Latine.

Protestuesit kërkojnë me çdo kusht dorëheqjen e presidentit Sebastian Pinera, por ky i fundit ka vendosur që të shkarkojë vetëm ministrat, por jo të largohet vetë nga posti.

E megjithatë, ajo që bie në sy është se figura qëndrore e këtyre protestave është Jokeri, personazhi i luajtur nga Joaquin Phoenix në filmin me të njëjtin titull.

Filmi Joker flet për një klloun të margjinalizuar që kryen një seri vrasjesh të njerëzve me pushtet dhe që vijnë nga klasa e të pasurve. Këto vrasje më pas shkaktojnë trazira në vend, me qytetarët që ndihen të shkelur dhe të pamundur, kundër klasës së pasur të shoqërisë.

Me gati 800 milionë dollarë të mbledhur nga shitja e biletave në mbarë botën, Joker, filmi i ndaluar për minorenët, praktikisht ka thyer rekordet. Jokeri deri tani në SHBA, ka mbledhur mbi 260 millionë dollarë.

Është ky personazh që po përdoret nga mijëra të rinj protestues në Kili. Ata shfaqen shpesh të vizatuar në fytyrë me pamjen e Jokerit, apo figurën e tij e kanë vendosur në pankarta.

Pamja e Joker u shfaq edhe në protestat e fundit antiqeveritare të zhvilluara në Liban, shtet në Lindjen e Mesme.