Militantë ambientalistë, të përfshirë në fushatën e protestës kundër naftës ”Just Stop Oil” lëshuan një lëng, ndoshta domatesh, sipas informacioneve paraprake, kundër një prej veprave më të famshme të Vinsent Van Gog ”Luledielli”, e ekspozuar në Galerinë Kombëtare në Londër.
Fushata ”Just Stop Oil”, e nisur kundër hapave pas në politikën e emergjencës klimatike nga Liz Truss dhe qeveria konservatore, ka nisur në BM prej disa ditësh, me aksione kundër vendeve dhe transportit publik nga skuadrat e aktivistëve radikalë.
Imazhet e blicit në Galerinë Kombëtare tregojnë dy militante shumë të reja në veprim.
🥫 JUST STOP OIL SUPPORTERS CHOOSE LIFE OVER ART 🥫
— Just Stop Oil ⚖️💀🛢 (@JustStop_Oil) October 14, 2022
🎨 Human creativity and brilliance is on show in this gallery, yet our heritage is being destroyed by our Government’s failure to act on the climate and cost of living crisis.#VanGogh #FreeLouis #FreeJosh #CivilResistance pic.twitter.com/gXXGLsi0ej
Të dyja hyjnë në muze të veshura me bluza të bardha me fjalët ”Just Stop Oil” dhe më pas hedhin dy kanaçe me lëng domate, me sa duket, kundër pikturës së Van Gogut.
”Luledielli” i Galerisë Kombëtare është një nga pesë versionet e së njëjtës temë të pikturuar nga artisti i madh holandez dhe ka një vlerë fillestare prej 80 milionë eurosh. / KultPlus.com
