Drejtoria Rajonale e Trashëgimisë Kulturore Shkodër publikoi shifrat e vizitorëve të muajit maj, në Kalanë e Rozafës. Shifrat tregojnë rritje të numrit të vizitorëve, vendas e të huaj, krahasuar me të njëjtin muaj të një viti më parë.

Vizitat turistike në Kalanë Rozafa kanë vijuar me ecuri pozitive ashtu siç kanë rezultuar edhe muajt e tjerë të vitit 2023.

“21442 vizitorë mikpritëm gjatë muajit maj ose 5116 vizitorë më shumë se gjatë të njëjtës periudhë në vitin 2022”, shkruan DRTK Shkodër sot, në faqet sociale.

Pak ditë më parë vetë ministrja e Kulturës, Elva Margariti informoi se gjashtëmujori i parë i këtij viti, ka regjistruar 41457 vizitorë. Ky shtim në numër i turistëve që vizitojnë kalatë e vendit, i dedikohet dhe faktit që në kalatë historike të Shqipërisë janë kryer restaurime, duke i kthyer ato në atraksione tërheqës për turistët vendas dhe të huaj./atsh/KultPlus.com

Kalaja e Rozafës është një sit i aksesueshëm si ditën ashtu edhe mbrëmjeve. Drejtoria Rajonale e Trashëgimisë Kulturore Shkodër po punon çdo ditë për përmirësimin e infrastrukturës në sitin arkeologjik të Kalasë së Rozafës, duke u fokusuar në mirëmbajtjen dhe sistemimin e rrjetit elektrik.

Ekspertët e DRTK Shkodër po evidentojnë problematikat dhe riparimin e defekteve për të garantuar ndriçimin e plotë të këtij atraksioni turistik, të vizitueshëm dhe rijetësuar edhe në mbrëmje.

DRTK Shkodër ka raportuar rritje të numrit të turistëve në Kalanë e Rozafës, duke krahasuar shifrat e dy viteve që lamë pas. Është vënë re një turizëm kulturor përgjatë gjithë vitit, duke reflektuar rritje të ndjeshme të numrit të vizitorëve vendas dhe të huaj në vitin 2022.

Kalaja e Rozafës është një prej kalave më të rëndësishme të Shqipërisë dhe objekti kryesor turistik në qytetin e Shkodrës./atsh/ KultPlus.com

Kalaja e Rozafës në Shkodër ka tërhequr një numër të lartë vizitorësh gjatë këtij, duke tejkaluar numrat e vitit të kaluar.

Drejtoria Rajonale e Trashëgimisë Kulturore Shkodër bëri të ditur se “gjatë periudhës janar-nëntor shifra e vizitorëve arriti në 92 327 ose 43 773 vizitorë më shumë se gjatë të njëjtës periudhë të 2021”.

Sipas DRTK, vizitat turistike në Kalanë Rozafa kanë vijuar me ecurinë pozitive në prag të sezonit turistik duke reflektuar rritje të numrit të vizitorëve vendas dhe të huaj.

Rikualifikimi i kalasë së Rozafës përmes ndriçimit, një investim i Ministrisë së Kulturës, e ka kthyer atë në një atraksion turistik, të vizitueshëm për turistët vendas dhe të huaj edhe në mbrëmje.

Kalaja e Rozafës është monument historik. Në muret rrethuese të kalasë, të cilat përfshijnë rreth 9 ha tokë, dallohen qartë ndërtimet e katër periudhave: Balshajve (shek. XIV), zotërimi venecian (shek. XV), pushtimi osman (shek. XVI-XVII), dhe e Bushatllinjve (shek. XVIII-XIX). E ndërtuar gjatë mbretërisë Ilire, përfaqësohet nga një legjendë që tregon mbajtjen e një premtimi, të besës legjendare. / KultPlus.com

Në kalanë e Rozafës në Shkodër ka nisur puna për restaurimin e saj për ringritjen e fragmentit të murit, në pjesën lindore të Kalasë.

Lajmin e ka bërë të ditur ministrja e Kulturës Elva Margariti e cila ka publikuar foto nga punimet që po kryhen në këtë Kala.

“Kalaja e Rozafës është kurora dhe emblema e qytetit të Shkodrës. Tashmë ka nisur puna në zbatimin e projektit për ringritjen e fragmentit të murit, në pjesën lindore të Kalasë. Në hartimin e këtij projekti, specialistët e DRTK Shkodër janë konsultuar me dokumentacionin arkivor fotografik, sipas të cilit kjo pjesë e murit rezultonte e dëmtuar që nga fillimi i shek.XX. Kishte ardhur koha e restaurimit si për të siguruar monumentin, ashtu edhe nga ana estetike”, shprehet Margariti.

Kalaja e Rozafës ngrihet mbi një kodër që rrethohet nga lumi Drin,Kiri dhe Buna. Muret e kësaj kalaje rrethojnë pjesën e sipërme të kodrës në të cilën ndodhet kjo kala. Kalaja e Rozafës është shpallur monument kulture i kategorisë së parë në vitin 1948. Gjurmët e mureve të kësaj kalaje Ilire datojnë që nga shekulli I III para Krishtit./atsh/ KultPlus.com

Sezoni turistik i këtij viti ka shënuar një rritje të konsiderueshme të turistëve në monumentet e kulturës në gjithë vendin.

Kalaja e Rozafës në Shkodër, një vend atraktiv ku historia, arkitektura, peizazhi fantastik ndërthuren në mënyrë të përkryer, po mahnit gjithnjë e më shumë turistët e huaj dhe ata vendas.

Numri i vizitorëve është gjithnjë në rritje në këtë atraksion turistik, i cili përveç bukurive mban dhe misterin e historisë së Rozafës.

Kalaja e Shkodrës në periudhën janar- korrik 2018 është vizituar nga 58,241 turistë, nga të cilët 16.105 përfituan nga hyrjet falas në ditët e përcaktuara nga Ministria e Kulturës.
Gjatë këtij viti ka pasur një rritje të konsiderueshme të vizitorëve, krahasuar me të njëjtën periudhë të vitit të kaluar , ku kalaja u vizitua nga 22,823 turistë.

Kalaja e Rozafës ngrihet mbi një kodër shkëmbore në perëndim të qytetit, e rrethuar nga ujërat e tre lumenjve: Drinit, Bunës dhe Kirit. Kështjella Rozafa është monumenti historik më antik.

Në muret rrethuese të kalasë dallohen qartë ndërtimet e katër periudhave: Balshajve (shek. XIV), zotërimi venecian (shek. XV), pushtimi osman (shek. XVI-XVII), dhe e Bushatlinjve (shek. XVIII-XIX).

E ndërtuar gjatë mbretërisë Ilire, përfaqësohet nga një legjendë që tregon mbajtjen e një premtimi, të Besës legjendare.

Si qendër e fortifikuar ilire përmendet për herë të parë gjatë sundimit të mbretit ilir Gent. Kështjella del me emrin Rozafa në periudhën e mesjetës, gjatë së cilës u pushtua herë nga sllavët dhe herë nga bizantinët.

Brenda mureve të saj ruhen ruhen një sërë mjedisesh si garnizone, depo, një ndërtesë administrative, etj. Sipërfaqja e brendshme ndahet nga muret e tre oborreve , me porta mes tyre.

Objekte të tjera me vlera të mëdha kulturore e që tregojnë shumë për historitë e kaluara të popullit tonë janë ,cisternat e ujit të shek XV, katedralja e shek XIII, e cila pas pushtimit osman u kthye në xhami. Po kështu aty ndodhet edhe muzeu i Rozafës, i cili shpjegon periudhat e ndryshme të kalasë./ ata