Etiketë: kallezim penal

Shoqata “Krimet e luftës në Gjakovë” dorëzon kallëzim penal ndaj nënkryetarit të Kuvendit të Serbisë

Posted on by Kult Plus

Shoqata “Krimet e Luftës në Gjakovë”, ka dorëzuar sot kallëzim penal në Prokurorinë Speciale të Kosovës kundër ish- komandantit të Brigadës 549 të Motorizuar, Bozhidar Deliq.

Kujtojmë se Deliq tashmë është zgjedhur si nënkryetar i Kuvendit të Serbisë, gjë që ka indinjuar shumë qytetarët e Kosovës.

Deliq, tani ushtarak në pension, dyshohet se ka pasur përgjegjësi të drejtpërdrejtë në kryerjen e krimeve të luftës krimeve në Tërrnje të Suharekës, si dhe vrasjeve të qindra qytetarëve të tjera në Prizren, Rahovec dhe Dragash.

Në kohën kur u kryen këto krime më 1998-1999, Deliq ishte komandat i Brigadës së Motorizuar 549 të ushtrisë Jugosllave.

Në Kosovë, Deliq fëmijërinë e hershme e ka kaluar në fshatin e tij të lindjes, Lugbunar të Gjakovës.

Aty ka kryer shkollën fillore, për t’u zhvendosur më pas në Beograd të Serbisë ku përfundoi akademinë ushtarake.

Në biografinë e tij të publikuar pas zgjedhjes në pozitën e nënkryetarit të Kuvendit të Serbisë, mungon një pjesë e konsiderueshme e karrierës ushtarake.

Aty nuk përmenden fare pozitat e as përgjegjësitë që ka pasur gjatë luftës së Kosovës, përkatësisht në vitet 1998-1999.

Nga vitit 1977, në biografinë e publikuar, kalohet direkt në vitin 2002.

Bozhidar Deliq u pensionua nga ushtria serbe në vitin 2005 dhe më pas iu fut politikës.

Karriera e tij politike karakterizohet kryesisht me të qenit anëtar i Partisë Radikale në Serbi.

Më vonë u bë anëtar i Partisë Progresive të presidentit aktual, Aleksandar Vuçiq, por edhe nga kjo parti u largua.

Në janar të këtij viti themeloi një lëvizje politike të quajtur “Nuk ka kthim, Serbia qëndron prapa”.

Ai ka qenë disa herë deputet i Kuvendit të Serbisë. Kjo është hera e dytë që shërben si nënkryetar i këtij institucioni.

Deliq ishte dëshmitar i mbrojtjes në procesin gjyqësor në Tribunalin e Hagës ndaj ish-presidentit jugosllav, Sllobodan Millosheviq, dhe ish-udhëheqësit ushtarak, Vladimir Lazareviq, që u dënua për krime lufte në Kosovë. / KultPlus.com

Dorëzohet Kallëzim Penal për prerjen e drunjve 40-50 vjeçar në Gjakovë

Posted on by Kult Plus

Sot qyteti i Gjakovës u zgjua me një pamje të pakëndshme për qytetarët e vendit. Drunjtë 40 – 50 vjeçar u prenë në rrugën kryesore të qytetit “Nëna Terezë”, për t’u zgjeruar rruga për më shumë makina, për t’u ngushtuar trotuaret dhe për t’u vështirësuar ecja e këmbësorëve. Mirëpo, ky akt ka bërë që Dega e Lëvizjes Vetëvendosje në Gjakovë ka reaguar duke dorëzuar kallëzim penal, shkruan KultPlus.

Kallëzimi penal është dorëzuar në Prokurorinë Themelore të Gjakovës ndaj kryetarit të Komunës, Ardian Gjinit.

Më poshtë gjeni Kallëzimin e plotë Penal të publikuar në faqen zyrtare të Facebook-ut të Degës së Lëvizjes Vetëvendosje në Gjakovë.

Prokurorisë Themelore në Gjakovë

Adresa: Rruga “Tirana” p.n

Bazuar në nenin 79 të Kodit të Procedurës Penale të Republikës së Kosovës, se “Çdo përson ka të drejtë të kallëzojë veprën penale që ndiqet sipas detyrës zyrtare dhe detyrohet ta bëjë këtë në rastin kur moskallëzimi I veprës penale paraqet vepër penale”, ngrisim

KALLËZIM PENAL

Ndaj:

Z.Ardian Gjini, kryetar i Komunës së Gjakovës

ARSYETIM

I pandehuri Ardian Gjini, Kryetar i Komunës së Gjakovës, në kundërshtim me LIGJIN NR. 03/L-040 PËR VETËQEVERISJEN LOKALE neni 68, pika 68.3, ka mbajtur të fshehtë projektin për zgjerimin e rrugës “Nënë Tereza” në Gjakovë dhe për të njejtin projekt nuk ka zhvilluar procedurat ligjore konkretisht, konkursin e projektimit sipas LIGJI NR. 04/L-042 PËR PROKURIMIN PUBLIK NË REPUBLIKËN E KOSOVËS, neni 20, LIGJI NR.03/L-025 PËR MBROJTJEN E MJEDISIT, neni 29, LIGJI NR. 03/L-214 PËR VLERËSIMIN E NDIKIMIT NË MJEDIS, neni 7, shtojca 2, pika 10.5.

Për me shume kryetari i Komunës, përkundër peticionit të biznesve të rrugës “Nënë Tereza” në muajin Maj 2020, protestave të qytetarëve dhe kërkesës së vazhdueshme për publikim të projektit, në mënyrë të jashtë ligjshme ka filluar punimet për projektin e zgjerimit të rrugës “Nënë Tereza”, me 15.09.2020, ku prap kishte reagim qytetar.

Projekti i zgjerimit të rrugës nuk ka kaluar në debatin publik dhe nuk është trajtuar fare me banorë dhe qytetarë të Komunës së Gjakovës.

Ideja e kryetarit për zvogëlimin e trotuareve, shtimin edhe të një korsie tjetër për automjete dhe prerja e 156 drunjëve në rrugën “Nënë Tereza”, cenojn lirinë e lëvizjes për këmbësorët, nënat me fëmijë, përsonat me aftësi të kufizuara si dhe ngasësit e biçikletave.

Me këtë rast kërkojmë nga ana e Prokurorisë Themelore në Gjakovë fillimin e menjëhershëm të hetimeve për procedurat e ndjekura nga ana e Komunës së Gjakovës për realizimin e projektit të zgjerimit të rrugës “Nëna Terezë”, si dhe vendosjen e menjëhershme të masës së përpkohëshme, e cila do pezullonte çfardo lloj tentative për të realizuar punimet përmes një projekti të jashtëligjshëm.

Subjektet politike:
Qendra e Lëvizjes VETËVENDOSJE – Gjakovë dhe ALTERNATIVA – Gjakovë. / KultPlus.com