Etiketë: kanionet

Rama: Kanionet e Osumit, paketë e plotë turistike me aventurë, sport dhe trajtime kurative

Posted on by Kult Plus

Kanionet e Osumit në Berat janë kthyer në një paketë turistike e mbushur me aventurë, histori, sport dhe trajtime kurative.

Kryeministri Edi Rama ndau sot në rrjetet sociale momente nga vizita e turistëve të huaj në kanionet e Osumit, të cilët përveç rafting po përdorin baltën edhe për trajtime kurative.

“Kanionet e Osumit, një paketë e plotë turistike e mbushur me aventurë, histori, sport dhe trajtime kurative, po tërheq gjithnjë e më shumë vëmendjen e turistëve të huaj”, shkruan Rama.

Guidat e Beratit tashmë janë përshtatur me kërkesat e turistëve të huaj dhe po e kthejnë natyrën e Kanioneve në një paketë të plotë turistike.

Vitet e fundit Kanionet e Osumit janë kthyer në destinacionin e preferuar për aventurierët e sporteve të “adrenalinës”./ atsh/ KultPlus.com

AKZM apel turistëve: Kujdes kur zgjidhni të eksploroni shtigje, kanione e lumenj

Posted on by Kult Plus

Turizmi në Shqipëri është duke u zhvilluar me ritme shumë të shpejta, veçanërisht turizmi i aventurës dhe ndjekja e shtigjeve janë kthyer ndër atraksionet më të kërkuara momentalisht nga turistët vendas dhe të huaj.

Referuar ngjarjeve tepër të rënda të ditëve të fundit dhe jo vetëm, Agjencia Kombëtare e Zonave të Mbrojtura i bën thirrje të vazhdueshme të gjithë të interesuarve të jenë të kujdesshëm dhe të mirë informuar mbi çdo nismë që dëshirojnë të ndërmarrin në natyrë.

AKZM i bën apel turistëve vendas e të huaj që të kenë kujdes veçanërisht kur zgjedhin të eksplorojnë shtigje me vështirësi të lartë ose zona të tilla si: kanione, lumenj, male të thepisur, etj.

“Shtigjet natyrore janë sa të bukur, aq edhe të rrezikshëm. Ju duhet gjithmonë të shoqëroheni nga specialistët e duhur. Guidat turistike të licencuara, rojet mjedisore, të cilët janë pjesë e 12 Administratave Rajonale të Zonave të Mbrojtura dhe Qendrat e Vizitorëve, janë informuesit dhe shoqëruesit e duhur për të gjithë ju”, tha AKZM. / atsh / KultPlus.com