Sot ka vdekur veterani i Ansamblit Folklorik “Rugova”, Kapllan Nikçi.
Duke qenë anëtar i Ansamblit Folklorik Autokton ”Rugova”, ai për vite me radhë ka kultivuar dhe bartur kulturën dhe traditën rugovase.
Me pamje dhe zë jashtëzakonisht të veçantë, Nikçi në mënyrë autentike ka shpërfaqur rolin e malësorit dhe karakteristikat e banorëve të Grykës së Rugovës.
KultPlus ju sjell një nga interpretimet brilante të Nikçit:
Ka vdekur malsori dhe anëtari i dhe Ansamblit Folklorik Autokton “Rugova”, Kapllan Nikçi.
Kryeministri Albin Kurti ka shprehur ngushëllime duke thënë se Nikçi ishte figurë mbresëlënëse që la pas thesar të pasur kulturor dhe shpirtëror.
“Me zërin e tij, u bë urë lidhëse mes të kaluarës dhe së tashmes. U dha shpirt melodive që burojnë ndër shekuj Grykës së Rugovës.
Ngushëllime familjes, miqve dhe Ansamblit Folklorik Autokton “Rugova” për malësorin shallbardhë, Kapllan Nikçi.
Figurë mbresëlënëse që na la pas thesar të pasur kulturor dhe shpirtëror”, është shprehur Kryeministri Kurti në facebook./KultPlus.com