Etiketë: Karnevalet e Korces

“Karnavalet e Korçës” vijnë në Teatrin Kombëtar

Posted on by Kult Plus

Komedia “Karnavalet e Korçës” zbret në Teatrin Kombëtar nga data 15 deri më 22 shtator. Lajmin e ndau në rrjetet sociale edhe ministri i Ekonomisë, Kulturës dhe Inovacionit, Blendi Gonxhja, ku shkroi se “Karnavalet e Korçës” është një komedi me trajtim e spektakël dinamik e cila do sjellë në skenën e Arturbina një gërshetim midis komedisë e serenatava gjithë ajër “pe Korçe”.

Komedia, sipas motiveve të Spiro Çomorës, vjen me regji nga Erion Isai dhe sapo u shpall fituesja e festivalit “Koko Fest 2024”, i zhvilluar në qytetin e Korçës.

“Karnavalet e Korçës” e trupës së Teatrit “Andon Z.Çajupi” u vlerësua si shfaqja më e mirë në edicionin e 11-të të Festivalit Mbarëkombëtar të Komedisë.  Komedia ishte në program në natën e fundit të festivalit dhe mori duartrokitjet e vlerësimet e publikut, të cilit i solli të qeshura pa fund./atsh/KultPlus.com

“Karnavalet e Korçës” në TKOB

Posted on by KultPlus

Rikthimi i “Karnavaleve të Korçës” në skenën madhështore të TKOB-it, pas 45 vjetësh, solli një atmosferë festive. Publiku e ka mirëpritur këtë prodhim dinjitoz dhe kjo duket edhe nga fakti që TKOB ka publikuar prej ditësh se biletat janë shitur.

Inva Mula erdhi kësaj here në rolin e regjisores së kësaj vepre, si një homazh për krijuesit: kompozitorin Avni Mula dhe libretistin Luigj Gurakuqi, dy figura shumë të rëndësishme në historinë e TKOB. Opera “Karnavalet e Korçës” u vu në skenë nga dy kaste të mrekullueshme artistësh, me Orkestrën Simfonike dhe Korin e TKOB-së, dirigjuar nga Elda Laro dhe Dritan Lumshi.

Artdashësit shqiptarë e të huaj përjetuan gjallërinë e Karnavaleve, linjën e bukur të dashurisë, “pazaret e krushqisë” si dhe shëmbëllimin e familjeve borgjeze korçare. Këto u bënë të mundura falë edhe një skenografie mahnitëse me kalldrëmet e qytetit dhe kostumografi që të kthen pas në vitet ’30.

Puna për të arritur këtë sukses zgjati më shumë se 1 muaj për të përcjellë te publiku një perlë vizuale dhe lojë interesante, që shkriu në një humorin e hollë dhe linjën e dashurisë.