Presidentja e Hungarisë, Katalin Novak, sot po qëndron në Kosovë për vizitë zyrtare.
Ajo u prit nga presidentja e vendit, Vjosa Osmani, me ceremoni të lartë shtetërore.
Fillimisht, ajo u prit në aeroport nga kryediplomatja Donika Gërvalla.
Pas takimit në Presidencë, Osmani dhe Novak do të dalin në konferencë për media./ KultPlus.com
Parlamenti hungarez ka zgjedhur Katalin Novak, një aleate e ngushtë e kryeministrit Viktor Orban, si presidenten e parë femër të anëtarit të BE-së.
Novak, e cila së fundmi shërbeu si ministre për politikën familjare, e portretizoi zgjedhjen e saj të enjten si një fitore për gratë.
“Ne gratë rritim fëmijë, kujdesemi për të sëmurët, gatuajmë, jemi në dy vende në të njëjtën kohë nëse është e nevojshme, fitojmë para, mësojmë, fitojmë çmime Nobel, pastrojmë dritaret,” tha Novak në një fjalim para votimit, përcjell KultPlus.
“Ne e dimë fuqinë e fjalëve, por mund të heshtim dhe të dëgjojmë nëse duhet, dhe të mbrojmë familjet tona me një guxim përtej atij të burrave nëse rreziku kërcënon”, tha 44-vjeçarja, preseidentja më e re e shtetit të Hungarisë.
“Është për shkak se unë jam një grua, dhe jo përkundër kësaj, dua të jem një presidente e mirë e Hungarisë,” tha ajo.
Më herët, ajo ka postuar një foto të saj, të bashkëshortit dhe tre fëmijëve në rrjetet sociale, duke thënë se “do të thotë shumë për mua që familja ime është këtu me mua”.
Novak ka qenë fytyra e politikave të qeverisë, duke përfshirë lehtësime bujare të taksave dhe fletëpalosje të krijuara për të inkurajuar familjet e reja që të kenë më shumë fëmijë./ KultPlus.com
