Etiketë: katar

Presidentja Osmani në Katar: Kosova me potencial të jashtëzakonshëm për investime

Posted on by Kult Plus

Presidentja e Republikës së Kosovës, Vjosa Osmani, e cila po qëndron për vizitë në Katar, ka marrë pjesë në tryezën ekonomike ndërmjet  Republikës së Kosovës dhe shtetit të Katarit që po mbahet në Doha ku po diskutohet për potencialin investues në vendin tonë.

Në këtë tryezë ekonomike me pjesëmarrje të Odës Ekonomike të Katarit dhe bizneseve anëtare katariane, kryetarit të Prishtinës z. Përparim Rama edhe disa nga bizneset më të suksesshme nga Kosova, u diskutua për mundësitë e shumta për parnteritete biznesore dhe investime në sektorë strategjik.

Duke folur për potencialin zhvillimor të Kosovës, Presidentja Osmani potencoi faktin se Kosova ka tashmë një infrastrukturë ligjore të përafruar me ligjet e BE-së, një sistem të standardizuar të taksave me standardet më të mira ndërkombëtare, një ambient miqësor për investitorët e huaj dhe potencial të jashtëzakonshëm për investim në fusha të ndryshme.

Presidentja Osmani ndër të tjera, veçoi mundësitë e shumta për bashkëpunim në industrinë e ushqimit dhe sigurisë ushqimore, energjisë, hotelerisë dhe turizmit malor, industrisë së drurit dhe asaj metalike.

Ndërkaq, Kryetari Rama prezantoi planin për zhvillimin e Prishtinës, me fokus te një sërë projektesh kapitale e infrastrukturore nga fusha e sportit, artit, transportit e më gjerë.

Kjo tryezë shërbeu edhe si platformë për bizneset kosovare për të promovuar bizneset e tyre dhe për të diskutuar mundësitë e bashkëpunimit të drejtpërdrejt me bizneset katariane.

Gjatë tryezës ekonomike u vunë në pah mundësitë e shumta për parneritete e projekte të përbashkëta dhe pritet që së shpejti një delegacion i bizneseve të Katarit ta vizitojë Kosovën me qëllim të konkretizimit të bashkëpunimit.

Gjatë kësaj vizite në Katar, Presidentja Osmani do të zhvillojë takime edhe me zyrtarë shtetëror të Katarit ku do të diskutohen mundësitë e zgjerimit të bashkëpunimit ndërmjet dy shteteve si dhe do të mbajë fjalim në Web Summit, i cili sivjet po mbahet në Doha./KultPlus.com

Distria kalon në rrethin e tretë në Botërorin e Katarit

Posted on by Kult Plus

Distria Krasniqi ka kaluar në rrethin e tretë të Kampionatit Botëror të xhudos, i cili ka nisur sot në Katar.

Xhudistja kosovare e kaloi rrethin e parë në kategorinë deri në 52 kilogramë pa luftë, ndërsa në atë të dytë e eliminoi gjermanen Mascha Ballhaus, shkruan “Gazeta Express”.

Kampionia olimpike kosovare shihet si njëra prej favoriteve për ta fituar medaljen e artë në Botërorin e Dohas.

Në kategorinë e “Disit” garoi edhe Erza Muminoviq, e cila u ndal qysh në luftën e parë. / KultPlus.com

Thyhet rekordi Guinnes në Katar, piktura sa një fushë futbolli

Posted on by Kult Plus

Artisti iranian Emad Salehi vendosi një rekord të ri botëror Guinness me veprën e tij artistike “Ball Story”, e cila mbuloi plot 9,652 metra katrorë duke u kthyer kështu në pikturën më të madhe të globit të realizuar ndonjëherë në kanavacë.

Krijimi i Salehit rrëfen historinë e Kupës së Botës që prej fillesave të saj, e deri në kampionatin botëror që po zhvillohet në Katar.

Ishte Ministria e Kulturës në Doha që prezantoi me krenari pikturën gjigante, e cila i solli Salehit çmimin e shumë lakmuar gjatë një ceremonie inaugurimi, të drejtuar nga kreu i kësaj ministrie, sheiku bin Hamad al Thani.

Piktura ka përmasat e një fushe futbolli, dhe është një prej homazhevece më të spikatura që i bëhen këtij sporti.

Artisti nga Irani u tregua falenderues për ndihmën e marrë nga kjo ministri në realizimin e veprës së tij gjigande, e cila pritet të kthehet në një atraksion të vërtetë të kësaj kupe botërore. Tregimi i rrëfyer prej saj nis që në 1930-tën e kombinon kulturën, historinë e sported, ndërsa mishëron edhe vende kyçe apo ikona të të gjitha kohërave lidhur me turnetë e Kupës.

Prezantimi i kësaj vepre arti tejet të vecantë vjen në kohën kur vendi është në mesin e kampionatit botëror të futbollit, ndërsa përgatitet të festojë Ditën e tij Kombëtare më 18 dhjetor 2022./Top Channel/ KultPlus.com

Tifozëve në Katar iu desh të prisnin orë të tëra për ujë

Posted on by Kult Plus

Mijëra tifozë u detyruan të prisnin në radhë të gjata dy orëshe në temperatura të larta në parkun zyrtar të tifozëve në Doha.

Mbështetësit kishin vërshuar në zonën e tifozëve në Al Bidda Park për të hyrë në frymën e turneut përpara hapjes së nesërme të Kupës së Botës mes Katarit dhe Ekuadorit.

Parku, i cili mund të mbajë deri në 40,000 njerëz, do të hapej në orën 16:00 me kohën lokale, por tifozët filluan të mblidheshin më herët gjatë ditës për të siguruar një hyrje të shpejtë.

Linja të mëdha ishin krijuar tashmë në orën 15:30, por dyert nuk u hapën për një orë tjetër, me tifozët që nuk mund të blinin ujë për të qëndruar të hidratuar në nxehtësinë 31 gradë.

Nuk ka burime uji të vendosura rreth parkut ose pranë ndonjë prej stacioneve të metrosë aty pranë. /KultPlus.com

Këta janë këngëtarët që do të performojnë në hapjen e Kampionatit Botëror në Katar

Posted on by Kult Plus

Janë publikuar dy emrat e artistëve që do të perfomojnë në hapjen e madhe të Kampionatit Botëror 2022.

Faqja e FIFA-s ka publikuar një njoftim ku bën me dije se këngëtarët që do të performojnë janë Maluma dhe Myriam Fares.

“Le të fillojë festa! Fifa Fan Festival hapet më 19 nëntor në një hapje madhështore, Maluma dhe Myriam Fares po e nisin atë me stil në Al Bidda Park”, thuhet në njoftimin e FIFA-s.

Kujtojmë që më herët, Dua Lipa reagoi në ‘InstaStory’ ku shkroi se nuk do të performojë në “Kupën e Botës” dhe se as nuk do ta ndjekë skuadrën e saj Anglinë, në Katar. / KultPlus.com

REUTERS/Kai Pfaffenbach

Kritika për Kupën e Botës në Katar, artistët vazhdojnë të refuzojnë mundësinë për të performuar në hapjen e eventit

Posted on by Kult Plus

Kupa e Botës në Katar është afër dhe për pak ditë bota do të ndalet dhe do të shikojë ceremoninë e hapjes së ngjarjes më të madhe sportive në botë, konkretisht më 20 nëntor, transmeton KultPlus.

Në event zakonisht shfaqen artistët më të mirë në botë, këngët e të cilëve bëhen klasike kur bëhet fjalë për Kupën e Botës. Për shembull, hiti mitik “Waka Waka” nga Shakira në 2010.

Megjithatë, kritikat që janë drejtuar në Kupën e Botës në Katar kanë bërë që disa artistë të refuzojnë mundësinë për të qenë në ceremoninë e hapjes.

Ky është rasti me Dua Lipën dhe Rod Stewart, të cilët e kanë refuzuar këtë mundësi.

Sa i përket Shakirës, kolumbianja ka pasur çështjet e saj personale për t’u marrë dhe prania e saj në Kupën e Botës në Katar u kritikua në rrjetet sociale.

Mirëpo, sipas ‘El programa de Ana Rosa’, Shakira nuk do të performojë në ceremoni pasi ndryshoi mendje pak ditë para fillimit të Kupës së Botës.

“Më është konfirmuar që Shakira nuk do të performojë në ceremoninë e hapjes, por nuk do të thonë nëse do të ketë një rol tjetër gjatë Kupës së Botës”, tha Adriana Dorronsoro nga MARCA në program.

Mirëpo, edhe pse është konfirmuar nga burime jo-zyrtare që ajo nuk do të performojë në hapje të Kupës së Botës, Shakira veçse ka qenë e ftuar si performuese, prandaj duhet të dërgojë një deklaratë për të shpjeguar se çfarë ka ndodhur. /KultPlus.com

Osmani takoi Emirin e Katarit: Jemi të përkushtuar të thellojmë raportet ndërshtetërore

Posted on by Kult Plus

Presidentja e Republikës së Kosovës, Dr. Vjosa Osmani Sadriu ka takuar Emirin e Shtetit të Katarit, Sheikh Tamim bin Hamad Al Thani gjatë vizitës zyrtare në Doha.

Osmani falënderoi Emirin për marrëdhëniet e shkëlqyera në mes të dy vendeve tona dhe shprehu gatishmërinë për të thelluar bashkëpunimin diplomatik, ekonomik dhe tregtar. Veç kësaj, Presidentja e informoi Emirin për progresin e gjithmbarshëm në Kosovë, duke përfshirë sektorët e bujqësisë, turizmit dhe infrastrukturës si fusha potenciale për investim nga Shteti i Katarit.

Presidentja Osmani përmendi ndihmën e popullit dhe Shtetit të Katarit ndaj Kosovës përgjatë ditëve më të errëta për popullin tonë si dhe pas shpalljes së pavarësisë. “Populli i Kosovës nuk do ta harrojë asnjëherë zemërgjerësinë e Shtetit të Katarit në momente të vështira e deri më sot. Ne mbesim të përkushtuar që të thellojmë raportet ndërshtetërore” ka thënë ndër tjera Presidentja. 

Presidentja Osmani po qëndron në Doha të Katarit për të marrë pjesë në edicionin e njëzetë të Forumit të Dohas i cili ka mbledhur liderë botëror, politikbërës, studiues dhe përfaqësues të shoqërisë civile për të diskutuar hapat përpara pas zhvillimeve të shkaktuara nga pandemia në të gjitha aspektet e jetës dhe zhvillimeve të fundit gjeopolitike, përfshirë luftën në Ukrainë. /KultPlus.com

Çifti afgan në kërkim të birit dymuajsh që ia dorëzuan ushtarit në aeroportin e Kabulit

Posted on by Kult Plus

Derisa turma po shtyheshin dhe po bënin të pamundurën që të futen në aeroportin e Kabulit gjatë 19 gushtit, duke tentuar të futen nëpër aeroplanët transportues për t’i shmangur dhunës dhe represionit të talebanëve që kishin marrë nën kontroll tërë territorin e Afganistanit, një çift bashkëshortor ia kishin dorëzuar të birin e tyre dymuajsh ushtrisë amerikane që ishte në ndërtesën e aeroportit të rrethuar me tela gjembor. Atë e bënë për ta shpëtuar.

Porta ishte vetëm pesë metra larg, por kur arritën ta futin brenda, Sohali prej asaj kohe nuk dihet se ku gjendet. Tani zyrtarët amerikanë që janë të informuar për situatën, kanë njoftuar se të gjitha shërbimet janë informuar dhe janë duke e kërkuar djaloshin e vogël i cili ishte bërë kryelajm i mediave ndërkombëtare.

Atë vendim të vështirë prindërit e tij e morën kur masa po shtypej dhe ata me vete kishin edhe katër fëmijë tjerë. Gjithçka ndodhi kur Mirza Ali Ahmadi dhe gruaja e tij Suraya ia dorëzuan djalin një ushtri, i cili matanë rrethojë i pyeti nëse janë mirë.

Pikërisht atëherë, talebanët filluan t’i shtyjnë qindra njerëz tutje nga porta, dhe kësaj familje i ishte dashur më shumë se gjysmë ore që të futet në aeroport – e pasi që edhe ia arritën, nuk kishte as edhe një gjurmë të birit të tyre.

Siç raporton ‘Reuters’, Mirza Ali i cili për dhjetë vite punoi si sigurim në ambasadën amerikane, filloi të pyes të gjithë zyrtarëve se ku gjendej djali i tij.

Një komandant i kishte thënë se aeroporti është shumë i rrezikshëm për fëmijët dhe ndoshta mund ta kenë dërguar në një vend të dedikuar për ata, por kur komandanti i dërgoi në atë hapësirë – nuk ishte askush.

“Ai erdhi me mua kudo për ta kërkuar”, tha Mirza Ali i cili kurrë nuk e mësoi se si quhej komandanti, pasi që nuk e flet gjuhën angleze dhe mbështetej në kolegët afganë nga ambasada që e ndihmonin të komunikoj me ushtarakun.

Ai theksoi se ka biseduar me më shumë se 20 persona. E ka pyetur çdo zyrtar dhe ushtarët që e ka takuar, nëse dinë diçka për të birin e tij. Një prej zyrtarëve i tha që Sohali ndoshta ishte evakuar, pasi nuk kanë resurse që të kujdesen për fëmijët në aeroport.

Mirza Ali, 35-vjeç dhe gruaja e tij Suraya, 32, dhe fëmijët e tjerë të moshës 17, 9, 6 dhe 3 vjeç, janë evakuar dhe u dërguan në Katar, nga ku vazhduan rrugëtimin për në Gjermani, e tani gjenden në SHBA, në Teksas – së bashku me refugjatët e tjerë ku po presin që t’ju tregohet se ku do të qëndrojnë.

Ata nuk kanë të afërm atje. Mirza Ali tha se nuk kanë qenë prindërit e vetëm që tentuan të shpëtojnë fëmijën e tyre – por kurrë nuk menduan se i biri i tyre do të zhduket. Një numër i madh i zyrtarëve amerikanë i ka lutur që ta ndihmojnë.

“Të gjithë po premtojnë se do të bëjnë çfarë e mundur, por mbeten vetëm premtime”, thotë ai. / KultPlus.com

Liverpooli refuzon vendosjen në hotelin ku shkelen të drejtat e punëtorëve

Posted on by KultPlus

Liverpooli ka refuzuar të vendoset në një hotel luksoz të caktuar për të në Doha të Katarit, pasi ka zbuluar një seri të çështjeve të shkeljeve të të drejtave të njeriut që kanë ndodhur në këtë hotel me pesë yje.

Liverpooli do të jetë në Lindje të Mesme në dhjetor për të garuar në Botërorin e klubeve, në të cilin është kualifikuar pasi fitoi Ligën e Kampionëve në qershor.

Liverpoolit i është ofruar qëndrimi në “Marsa Malaz Kempinski”, një hotel luksoz në ishullin artificial Pearl-Katar, por skuadra angleze refuzoi këtë për shkak të së kaluarës së njollosur të hotelit.

Lajmi për refuzimin e Liverpoolit është bërë i ditur nga “The Athletic”, që ka treguar se skuadra mori këtë vendim pas informatave për të kaluarën e hotelit.

Në tetor të vitit 2018, një hetim i “The Guardian” kishte zbuluar se punëtorët emigrantë të punësuar në hotelin “Marsa Malaz Kempinski” po marrin paga nën minimale në Katar dhe po operohej në kundërshtim me ligjet e punës. / Koha.net / KultPlus.com

Katari ndërton bibliotekën më të madhe në botë, ky është numri i librave

Posted on by KultPlus

Plot fëmijë rrëmojnë në raftet e saj ose ulen me libra në duar, në këmbët e shtyllave të mëdha, që mbështesin mega-strukturën e “Rem Koolhaas”, prej 45.000 metra katrorësh.

Në 6 muajt e parë të vitit, thonë drejtues të saj, çdo libër i seksionit të fëmijëve është huazuar, çka tregon se përpjekjet për të tërhequr dhe më të vegjlit, kanë dhënë fryt.

QNL-ja, e shitur si një bibliotekë “e zhurmshme”, përmban një auditor me 120 vende dhe një zonë eventesh në zemër të hapësirës, së mbushur me dritë natyrale, e cila të kujton një aeroport modern.

“Të gjithë librat që shihni në këtë vend mund të huazohen nga përdoruesit. Ndryshe nga shumë biblioteka kombëtare, ne kemi një funksion të bibliotekës publike që bashkërendohet me funksionin kombëtare dhe atë kërkimor”, është shprehur Stuart James Hamilton, zëvendës drejtori ekzekutiv i bibliotekës.

Me mbi një milion libra dhe 500,000 botime digjitale, biblioteka e ndodhur në Doha, është më e madhja në Lindjen e Mesme.

Megjithatë konkurrenca nuk mungon, Emiratet e Bashkuara Arabe po përpiqen t’ia kalojnë Katarit me bibliotekën më të re, në Dubai, “Mohammed Bin Rashid”, e cila kur te çelet, thuhet se do ti ofrojë plot 1.5 milion libra, publikut për lexim.