Shtëpitë e lëvizshme dhe portokabinat do të përdoren në zonat e tërmetit për të akomoduar njerëzit e mbetur të pastrehë pas tragjedisë. Dërgesa e parë që mbante 350 njësitë fillestare, tashmë është nisur nga Katari për në Turqi dhe Siri.

Shteti i Gjirit është zotuar gjithashtu të dërgojë 10.000 njësi banimi të lëvizshme në zonat e tërmetit, tha Fondi për Zhvillim i Katarit në një postim në Twitter.

“Duke pasur parasysh nevojat urgjente në Turqi dhe Siri, ne kemi marrë vendimin për të dërguar kabinat dhe karvanët tanë në rajon, duke ofruar një mbështetje shumë të nevojshme dhe të menjëhershme për popullin e Turqisë dhe Sirisë”.

Turqia është goditur nga një tërmet i tmerrshëm me magnitudë 7.8 ballë, që ka tronditur themelet e vendit. Sipas vlerësimeve, numri i të vdekurve nga ka kaluar shifrën 36.000 me numërimin që pritet të rritet. Turqia ka kthyer vëmendjen e saj nga shpëtimi i njerëzve në sigurimin e strehimit dhe burimeve të nevojshme për ata që janë prekur nga tragjedia.

Katari kishte planifikuar gjithmonë të dhuronte njësitë e banimit, të cilat ishin instaluar për të strehuar fluksin e tifozëve që vizituan vendin arab gjatë turneut nëntor-dhjetor. / KultPlus.com

Vende si Dubai apo Katari janë gjithmonë në kërkim të gjërave të reja, e sidomos atyre arkitekturore, me koncepte dhe struktura gjithmonë e më të pazakonta.

Ndërtesat gjigante “që gërvishtin” qiellin në këto vende tashmë janë bërë të zakonshme.

Kësaj here ekipi turk “Hayri Atak Architectural Design Studio” ka shkuar më larg, pasi po ideon projektin e hoteleve lundruese, të cilët mund të gjenerojnë vetë energjinë elektrike, duke mbledhur dhe ripërdorur ujërat e shiut apo mbetjet ushqimore.

Struktura lundruese do të funksionojë në një mënyrë të ngjashme me një gjenerator, duke shfrytëzuar rrymën e ujit, turbinat e erës dhe fuqinë e baticave, duke e shndërruar të gjithë këtë në energji elektrike.

Ndonëse hoteli do të rrotullohet 360 gradë për të vënë në funksion sistemin e tij, mysafirët nuk kanë gjasa të përjetojnë ndonjë marramendje. I ideuar të ketë rreth 152 dhoma dhe një luks që i shkon përshtati vendeve të tilla, hoteli fillimisht do të ndërtohet në Katar, por projekti sipas dizajnerëve, mund të vendoset kudo për shkak të “tiparit të tij të lëvizshëm”.

Ekipi beson se pavarësisht vonesave për shkak të pandemisë, projekti pritet të përfundojë deri në vitin 2025. Megjithatë, synimi është që të punohet për 16 hotele të tilla luksoze. \ a2news/ KultPlus.com