Presidentja Vjosa Osmani sot do t’iu bashkohet liderëve nga e gjithë bota për të marrë pjesë në ceremoninë e rihapjes së Katedrales Notre Dame.
Osmani dhe zotëria i parë, Prindon Sadriu janë ftuar për këtë ceremoni nga presidenti francez Emmanuel Macron.
Përveç ceremonisë në katedrale, ata janë ftuar edhe në Pallatin Élysée , në një darkë të organizuar nga presidenti Macron për krerët e shteteve që do të marrin pjesë në ceremoni.
Presidentja do të jetë në Paris krahas presidentit të sapozgjedhur të SHBA-ve, Donald Trump dhe liderëve të tjerë nga vende të ndryshme të botës.
Katedralja e Notre Dame, monument 850 vjeçar i trashëgimisë kulturore, është restauruar pas zjarrit shkatërrues të pesë viteve më parë.
Punimet po shkojnë drejt fundit në godinën historike të Katedrales Notre Dame në Paris.
Punimi në pikturë i Virgjëreshës Mari dhe fëmijës së saj, i realizuar në shekullin XIX nga arkitektja Viollete le Duc, sapo është rikthyer në pozicionin e saj origjinal.
“Kjo kreshtë peshon 270 kilogramë, pak a shumë; ndaj kemi elementë të shumtë: pjesën finale, që është dhe pjesa më e madhe, si dhe gozhdët që janë pjesa më e vogël. Kemi ende katër operacione për të përfunduar dhe jemi në fund të procesit”, deklaroi Sinkron William Bloy, shef i ekipit të punëtorëve.
Megjithatë, katedralja pritet të rihapet për publikun vetëm më 8 dhjetor, që do të thotë se spektatorët që do të vizitojnë qytetin për Lojërat Olimpike nuk do të mund ta shohin strukturën e mrekullueshme.
Pas zjarrit në prill të 2019-s, presidenti francez Emmanuel Macron premtoi se godina historike do të restaurohej brenda 5 vitesh.
Në vigjilje të Pashkëve sot mbahet mesha në Katedralen “Shën Nënë Tereza”.
Kësaj meshe do t’i prijë ipeshkvi Imzot Dodë Gjergji, përcjell Klankosova.tv.
Mesha e Pashkëve pritet të fillojë nga ora 11:00.
Ndërkaq, mbrëmë ipeshkvi foli edhe për rëndësinë e festës së Pashkëve dhe rolin e Shën Nënë Terezës që shërbeu për të mirën e njerëzimit në mbarë botën.
“Drita e Krishtit mbi ne dhe zjarri i dashurisë që ndizet brenda nesh e ka bërë botën më të mirë, nëpërmes të shenjtëve të kishës dhe një nga ato ka qenë Shën Nënë Tereza, bija e kishës sonë që ia kemi kushtuar këtë katedrale”, është shprehur ai.
Muzeu i Hidroelektranës dhe Katedralja “Zonja Ndihmëtare” në Prizren, janë asete të trashëgimisë kulturore të cilat janë në procesin e restaurimit përmes projektit “Trashëgimia kulturore si nxitës për dialogun ndër-komunitar dhe kohezionin social”, shkruan KultPlus.
Për të shënuar Ditën Ndërkombëtare të Monumenteve dhe Lokaliteteve, ministri Hajrulla Çeku, ambasadori i BE-së në Kosovë Tomas Szunyog, dhe përfaqësuesja e përhershme e UNDP-së Maria Suokko, kanë vizituar këto lokacione për të parë së afërmi punimet në këto asete me rëndësi për trashëgiminë kulturore.
“Katedralja u ndërtua në fund të shekullit të 19-të dhe ka qenë objekti kryesor fetar i komunitetit katolik për rajonin e Prizrenit, ndërsa Hidroelektrana u ndërtua ndërmjet viteve 1926 dhe 1928 duke e furnizuar Prizrenin me energji elektrike deri në vitin 1973. Në vitin 1979 u shndërrua në Muzeun e Energjisë Elektrike.”, thuhet në njoftimin e MKRS në facebook.
Punimet restauruese në Katedralen”Zonja Ndihmëtare” kanë përfunduar, kurse punimet në Muzeun e Hidroelektranës janë duke vazhduar ende./ KultPlus.com
Pasi Katedralja e Shën Vasilit u përfundua në mes të shekullit të 16-të, një legjendë filloi të qarkullonte për kishën eklektike Ortodokse të vendosur në zemër të Moskës.
Ishte një arritje arkitektonike – struktura më e lartë në qytet, falë njohurive të reja të tullave nga italianët – dhe ishte një shfaqje e fuqisë së Rusisë në fund të një lufte shekullore. Sipas fjalëve, Princi i Madh i Moskës, me nofkën famëkeqe “Ivan i Tmerrshëm”, i kishte verbuar arkitektët e saj, kështu që ata kurrë më nuk mund të projektonin një ndërtesë kaq madhështore.
Megjithatë, origjina e strukturës mbetet kryesisht e mbuluar me mister. Gati pesë shekuj më vonë, identiteti i arkitektëve nuk mund të konfirmohet, megjithëse përgjithësisht besohet se janë dy arkitekt, të quajtur Barma dhe Postnik Yakovlev. Disa historianë thonë se të dy emrat në të vërtetë i referohen një personi të vetëm dhe se “Barma” ishte në të vërtetë pseudonimi i Postnik Yakovlev.
“Është me të vërtetë befasuese se si disa nga faktet më themelore nuk janë vërtet të verifikueshme”, tha William Brumfield, një historian i arkitekturës ruse dhe autor i librit të fundit “Udhëtime nëpër Perandorinë Ruse”, gjatë një thirrje me video konferencë.
Dokumentacioni është i pakët, duke i lënë historianët si Brumfield të kërkojnë të dhëna.
“Ne e hasim këtë problem shumë herë në historinë e arkitekturës ruse, madje edhe në fund të shekullit të 18-të. Kishte shumë zjarre dhe pushtime. Moska u dogj në 1812 gjatë pushtimit Napoleonik. Dokumentet shpesh thjesht nuk janë atje”, shpjegoi Brumfield.
Sot, Shën Vasili, i njohur zyrtarisht si Katedralja Pokrovsky, qëndron si një seri kishash me tulla të kuqe që rrethojnë formën më të madhe, qendrore. Çdo kishë është në krye me një kupolë me ngjyra të gjalla. Katedralja është e njohur në të gjithë botën për pamjen e saj përrallore dhe tërheq rreth 400,000 vizitorë në vit dhe është bërë një simbol i rëndësishëm kulturor.
Kryevepra, e vendosur në Sheshin e Kuq të qytetit, ka pësuar ndryshime, zgjerime dhe restaurime të rëndësishme gjatë shekujve, dhe madje ka ndryshuar ngjyrën. Fillimisht e quajtur Katedralja e Trinitetit, ndërtesa u dogj në 1583 dhe u rindërtua gjatë dekadës së ardhshme. Historianët nuk janë të sigurt se si dukej katedralja para zjarrit, por bazuar në përshkrimet e shkruara në atë kohë dhe një gdhendje të shekullit të 17-të.
Ndërtesa kaloi një zjarr tjetër të dëmshëm në 1737; gati u hodh në erë nga gjenerali ushtarak francez Napoleon Bonaparta në 1812 dhe u përball me kërcënimin e prishjes nën udhëheqjen e udhëheqësit komunist Joseph Stalin. /telegraf/ KultPlus.com
Mëngjesin e së dielës Kroacia u godit nga një tërmet i fuqishëm 5.3 ballësh me epiqendër 7 kilometra në veri të Zagrebit.
Tërmeti shkaktoi dëme në shumë ndërtesa të kryeqytetit kroat, Zagrebit, e në mesin e objekteve të dëmtuara është edhe katedralja ikonike e Zagrebit, me ç’rast njëra nga kupolat e kullave u rrëzua.
Katedralja e Zagrebit që, gjendet në Kaptol është një institucion i Kishës Katolike dhe është objekti më i lartë në Kroaci, 108 metra. Ajo reprezanton objektin më monumental fetar të stilit gotik në juglindje të Alpeve.
Katedralja është tipike Gotike, aq sa është fetare, e që është një vlerë e madhe arkitekturale.
Katedralja është ndërtuar në vitin 1217 dhe u shenjtërua nga mbreti Andrew II i Hungarisë. Ajo u shkatërrua nga mongolët në vitin 1242 për tu rindërtuar disa vite më vonë nga peshkopi Timotej.
Kjo katedrale ishte dëmtuar edhe një herë tjetër nga tërmeti në vitin 1880, pjesa kryesore ishte rrëzuar dhe kulla ishte dëmtuar përtej riparimit. Riparimi saj pastaj në stilin Neo-Gotik u udhëheq nga Hermann Bolle, duke e sjellur katedralen në dukjen e saj të deritanishme./Ndertimi.info
