Etiketë: Kenga Magjike

Në pak minuta do të nisë edicioni i 23-të i festivalit  “Kënga Magjike” që do të transmetohet në Tv Klan. Artistë të rinj, vendas e të huaj por edhe të mirënjohur, do të ngjiten sonte në skenën e Pallatit të Koncerteve për të dhuruar performancat e tyre. Në një lidhje direkt në edicionin informativ, gazetarja Anisa Krraba zbulon një nga surprizat e festivalit.

Anisa Krraba: Nata e parë e festivalit do të hapet me artistët e rinj. Do të jenë 10 artistë të rinj, jo vetëm shqiptarë por edhe të huaj që do të çelin natën e parë të edicionit të 23-ë të “Këngës Magjike”. Kësaj nate do t’i shtohen edhe 15 performanca nga artistët “Big”.

“Big” të cilët do të vijnë dhe janë të mirënjohur nga skena shqiptare, por edhe artistë “Big” të cilët janë nga e gjithë bota sepse skena e “Këngës Magjike” është bërë vërtetë një skenë internacionale, një festival i cili jo vetëm është i madh muzikor në Shqipëri, por edhe në Ballkan e më gjerë sepse pret artistë që kanë prekur Sanremon, Eurovision  dhe madje janë edhe artistët më “in” të momentit në vendet prej nga vijnë, nga Estonia, nga Franca, nga Italia por  edhe artistë të tjerë të rinj të cilët sjellin traditën e tyre nga vende të tjera  të largëta si Amerika, Azerbajxhani e shumë të tjera.

Do të jetë një natë e cila do të jetë, do ta quaja një mozaik ose një natë tradite e muzikës së mirë, muzikës cilësore dhe muzikës e cila do të shpaloset në të gjitha kufijtë dhe do të jetë në të gjithë botën, ashtu siç janë edhe  përfaqësuesit. Surpriza do të ketë shumë, por unë do të zbuloj vetëm pak, vetëm njërën. Audienca jo vetëm në skenën e Pallatit të Koncerteve, por edhe ata të cilët do  ta ndjekin “Këngën Magjike” nga ekrani i Tv Klan, do të kenë mundësi të bëjnë edhe një udhëtim nëpër Shqipëri sepse sonte do  të shfaqen kartolina nga vendi ynë i dashur.

Në dy netët e para të festivalit do të prezantohen këngët e 50 artistëve. Në natën e tretë do të shkojnë 20 artistë shqiptarë në natën finale shqiptare. Vetëm 11 ose 12 prej tyre, të vendosur nga juria, do të përzgjidhen dhe 10 apo 11 artistë të huaj që do të shkojnë në natën e madhe ndërkombëtare, mbrëmjen e së shtunës. Natën fnale do të ndahen çmimet për muzikën shqiptare e të huaj dhe artistët e rinj./tvklan.al/ KultPlus.com

Është mbajtur sonte nata finale e edicionit të 22-të të festivalit më të madh shqiptar ‘Kënga Magjike’, shkruan KultPlus.

Përgjatë kësaj finaleje kanë performuar artist të shumtë e janë ndarë çmime të shumta.

Ishte Alban Ramosaj ai që fitoi çmimin kryesor me këngën ‘Thikat e mija’.

Ndërkaq ndër çmimet e para që u dha në ‘Këngën Magjike’ ishte ‘Artisti i ri më i mirë’ të cilën e rrëmbyen Urban Band me këngën ‘Edhe një natë’.

Kurse çmimi i dytë të ndarë gjatë kësaj nate ‘Artistja Ndërkombëtare e fitoi Nusta me këngën ‘We Are One’.

Nata e sotme krahas performancave që dhanë artistët në skenë u shoqërua edhe me prezencën e dy finalistëve të Eurovsionit, Gjon’s Tears dhe Anxhela Peristeri.

Më poshtë gjeni listën me pikët e grumbulluara nga secili konkurrent pjesëmarrës./ KultPlus.com

Ka filluar tashmë nata finale e edicionit 22-të të festivalit më të madh shqiptar ‘Kënga Magjike’, shkruan KultPlus.

Së bashku me producentin Ardit Gjebrea, sivjet kompeticioni muzikor po prezantohet edhe nga artistja Marsela Çibukaj.

Kurse juria e këtij edicioni janë Enkel Demi, Jonida Maliqi, Markelian Kapidani, Arben Skënderi dhe Kozeta Kurti.

Në finalen e sotme do të konkurrojnë jo vetëm artistë të njohur shqiptarë, si Soni Malaj, Eneda Tarifa, Fifi, Flor Mumajesi Klajd-i Haruni, por edhe artistë të huaj dhe këngëtarë të rinj./ KultPlus.com

Festivali më i madh i muzikës shqiptare, Kënga Magjike, do të rikthehet sërish pas 1 viti mungesë dhe të gjithë po presin me padurim të mësojnë më shumë detaje nga ky edicion. Pak javë më parë në emisonin “E diela shqiptare” drejtuesi i festivalit, Ardit Gjebrea, zbuloi emrat e artistëve BIG që do të konkurrojnë këtë vit.

Alban Ramosaj, Ardit Stafa & Salije Bajrami, Eneda Tarifa, Enxhi Kumria, Era Rusi, Erik Lloshi, Eva Alikaj & Çlirim Denaj, Fifi & Bruno, Fitnete Tuda & Don Duli, Gerta Mahmutaj, Julian Lekocaj, Klajdi Haruni & Flori Mumajesi, Krusita, Lindita, Lorenc Hasrama, Marjona Metohu, Marsela Çibukaj, Orgesa Zaimi, Semi Jaupaj, Soni Malaj, Xhesika Polo & Klint Çollaku, Xhon Jesku, Aurel Thëllimi, Eltina Minarolli & Dea Strica, janë artistët që do të garojnë në “Kënga Magjike”.

“Kënga Magjike” do të nisë nga data 21 mars dhe finalja do të mbahet në 29 maj. Këtë edicion nuk do të mungojë as juria, që do të gjykojë artistët e rinj që konkurrojë në festival. Burime për “Revista Who” kanë bërë të ditur se juria përbëhet nga Arben Skënderi, Enkel Demi, Jonida Maliqi, Markelian Kapedani dhe Kozeta Kurti.

Këta dy të fundit i bashkohen jurisë së spektaklit për herë të parë dhe kanë pasur gjithmonë lidhje të ngushta me muzikën. Markelian Kapedani është pianist dhe kompozitor shumë i njohur, ndërsa Kozeta Kurti është marrë vazhdimisht me organizimin e koncerteve në vend kohët e fundit.

Kurse Arben Skënderi, Jonida Maliqi dhe Enkel Demi kanë qenë edhe më herët pjesë e jurisë dhe tashmë janë të mësuar me këtë rol kaq të rëndësishëm në zbulimin e talenteve të rinj. /konica/ KultPlus.com

Festivali ‘Kënga Magjike’, i cili tash e sa vite drejtohet nga Ardit Gjebrea, këtë vit do të mbahet në muajin mars, shkruan KultPlus.

Gjebrea ka zbuluar edhe datat dhe disa detaje tjera se kur dhe si do të mbahet edicioni i sivjetëm i këtij festivali.

‘Në 21 mars 2012 fillojmë tek @edielashqiptare dhe në 29 maj përfundojmë finalen’, ka njoftuar Gjebrea përmes një postimi në rrjetin social Instagram.

Por ky vit do të vijë më ndryshe, artistët pjesëmarrës do të shpërblehen me para. Ky solidaritet është bërë për të nxitur artistët që të mbajnë gjallë magjinë e këngës shqipe.

Këtë njoftim e ka dhënë vetë moderatori dhe producenti Ardit Gjebrea në një postim në Insatagram duke zbuluar se artistët pjesëmarrës do të shpërblehen me nga 200 mijë lek ndërkaq fituesi do të marrë 500 mijë lek.

‘Interesimi i artistëve për festivalin magjik na ka prekur. Edhe pse në një situatë pa aktivitete, përsëri dëshira për të investuar për dashurinë e tyre- këngën, është impresionuese. Ndaj, në shenjë mirënjohjeje, produksioni i “Kënga Magjike” ka vendosur që për çmimin e parë të festivalit të japë 500.000 lekë, ndërsa për 19 finalistët e tjerë, nga 200.000 lekë secilit. Është ky një solidaritet me artistët, për të mbajtur në këmbë magjinë e këngës shqipe’, ka shkruar Gjebrea në Instagram. / KultPlus.com