Etiketë: Kiana Kryeziu

Skiatorja Kiana Kryeziu është vetëm edhe një hap drejt Olimpiadës

Posted on by Kult Plus

Lajme fantasike kanë ardhur nga përfaqësuesja e Republikës së Kosovës e cila po merr pjesë në garat ndërkombëtare në Kronplatz të Italisë, përcjell KultPlus.

Kiana Kryeziu ka arritur rezultatin e katërt, rezultat i cili e dërgon para edhe një hap drejt Olimpiadës. Tani mjafton vetëm edhe një rezultat i tillë dhe Kosova do të ketë përfaqësuesen e saj të parë femër në Lojërat Olimpike Dimërore!

Rezultate shumë të mira në një konkurrencë të fortë, tregoi edhe Arba Pupovci me 241 pikë të FIS.

Federata Skitare e Kosovës i ka uruar suksese skiatores Kryeziu e cila me mjeshtri po vazhdon të udhëhiqet nga selektori, Agim Pupovci / KultPlus.com

Kiana Kryeziu plotëson kriterin e tretë, afër të sigurojë normën olimpike

Posted on by Kult Plus

Skitarja Kiana Kryeziu, ka plotësuar kriterin e tretë për normën olimpike për Lojërat Olimpike Dimërore Pekini 2022, shkruan KultPlus.

Kryeziu ka mbledhur sot më pak se 160 pikë të Federatës Ndërkombëtare të Skitarisë (FIS), në garën e Ravascletto Sutrio të Italisë, disiplina e sllallomit të madh.

Nga 31 garues që po merrnin pjesë në këtë garë, skitarja nga Kosova u rendit në pozitën e 19-të.

17-vjeçares i duhen edhe dy rezultate të tilla nga garat e ardhshme për të arritur normën olimpike Pekini 2022.

Periudha për të fituar normën skadon më 16 janar 2022. /KultPlus.com

Kiana Kryeziu vazhdon shkëlqimin, fiton medalje për Kosovën

Posted on by Kult Plus

Skitarja kosovare, Kiana Kryeziu, ka arritur që të fitojë medaljen e argjendtë në garën ndërkombëtare të Federatës Ndërkombëtare të Skitarisë (FIS), që po mbahet në Kollashin të Malit të Zi, shkruan KultPlus.

Përfaqësuesja e Kosovës ishte e udhëheqhur nga selektori Agim Pupovci, i cili po arrinë rezultate të jashtëzakonshme në arenën ndërkombëtare, garave të FIS, e cila është prova më e mirë për punën kualitative dhe angazhimin e të gjithë stafit të federatës, duke u nisur nga garuesit, trajnerët dhe Bordi i FSK-së!

Në garën e sotme ku po marrin pjesë 18 vende të ndryshme, Kiana u radhit e 2-ta në disiplinën e Sllallomit (SL) dhe të cilës i duhen edhe 3 rezultate për të e kompletuar normën Olimpike.

Me këto suksese, rruga drejt Pekin 2022 po bëhet gjithnjë e më e sigurtë për përfaqësuesen e Kosovës! /KultPlus.com

May be an image of 3 people and people standing

Kosova me suksese edhe në ski, Kiana Kryeziu shkruan histori

Posted on by Kult Plus

Garuesit e Kosovës janë udhëhequr nga Selektori Agim Pupovci, ku gjatë ditës së sotme kanë shkëlqyer në disiplinën e Sllallomit të Madh (GS), shkruan KultPlus.com

Kiana Kryeziu u radhit e 4-ta dhe bëhet femra e parë në historinë e Kosovës që arrinë rezultatin e parë për përmbushjen e normës Olimpike me 148.61 pikë të FIS-it.

Drin Kokaj pas suksesit të djeshëm në SL sot ai ka fituar edhe normën e parë olimpike edhe në Sllallom të Madh (GS) me 148.80 pikë. Ai u radhit i 12-ti.

Arbi Pupovci u radhit i 9-ti dhe arriti 114.08 pikë të FIS-it, i cili me këtë rezultat përmbush kriterin edhe për disiplinën e GS.

Arba Pupovci radhitet e 10-ta dhe ka arritur pikët më të mira në karrierën e saj me 215 pikë në GS. /KultPlus.com

May be an image of 1 person and skiing

Skitarja Kiana Kryeziu shkruan historinë duke fituar medaljen e argjendtë në Mal të Zi

Posted on by Kult Plus

Skitarja Kiana Kryeziu ka fituar medaljen e argjentë në disiplinën sllallom, në garën e Kolashinit që u mbajt sot në Mal të Zi, shkruan KultPlus

17 vjeçarja ka shkruar historinë duke i sjellur Kosovës medaljen e parë nga arena ndërkombëtare në skijim.

Ajo përfundoi garën me kohë 2:12.46 minuta.

Pjesëmarrës në garë ishin 18 garuese, ndërsa 12 prej tyre nuk e përfunduan njërin nga dy lëshimet. Bashkë me to ishte edhe Arba Pupovci, që nuk e përfundoi lëshimin e dytë.

Kiana, 17-vjeçare është zgjedhur këtë vit nga KOK-u pjesë e listës prej 24 bursistëve “Shpresa Olimpike 2021”, që do të marrin bursa mujore gjatë tërë vitit 2021./ KultPlus.com

Kiana Kryeziu bëhet skitarja e parë femër⛷🇽🇰 që ngjitet në podium🥈 në një garë ndërkombëtare👏👏👏