Komuna e Vushtrrisë do të mbajë nesër duke filluar nga ora 20:00 një koncert me muzikë rock në Kalanë e qytetit, shkruan KultPlus.
Koncert ishte paraparë të mbahej javën e kaluar por ishte anuluar për shkak të vdekjes së veprimtarit Adem Demaçi.
“Të dashur mërgimtarë, me keqardhje iu njoftojmë se aktivitetet e planifikuara nga Drejtoria për Kulturë, Rini dhe Sport; Koncerti Rock i planifikuar të mbahet më 27.07.2018 e (premte), në Kalanë e Qytetit dhe Koncerti i AKV “Hasan Prishtina” i planifikuar të mbahet më 29.07.2018 e (diele) në Bajgorë, do të shtyhen për shkak të respektimit të vendimit për shpalljen e tri ditëve, DITË ZIE me rastin e vdekjes së veprimtarit të shquar të çështjes kombëtare Adem Demaçi”, ka njoftuar komuna e Vushtrrisë në faqen e saj zyrtare.
Njoftimi tutje tregon se koncerti rock do të mbahet më 30.07.2018 e (hënë) ora 20:00, në Kalanë e Qytetit, ndërsa koncerti i AKV “Hasan Prishtina” do të mbahet më 31.07.2018 e (marte) në ora 12:00, në Bajgorë”./KultPlus.com