Etiketë: koncert

Ron Atiqi, solist me kitarë në koncertin e Orkestrës së të rinjve të Cyrihut

Posted on by KultPlus

Pak muaj më parë ai ka fituar çmimin më të lartë që për kategorinë e tij ndahet në Zvicër. Ndërsa para një viti Roni pati marrë çmimin promovues të qytetit të Cyrihut për të rinjtë në muzikën klasike.

Orkestra Simfonike e të rinjve e Cyrihut (JSOZ), është një formacion elit i muzikës klasike në metropolin zviceran. Ajo vepron në kuadër të Konservatorit të Muzikës të Cyrihut (MKZ) dhe prej një viti funksionon si një orkestër që realizon projekte muzikore. Këto projekte nënkuptojnë punë intensive
në formë provash që kurorëzohen me koncerte e turne.

Këtë vit JSOZ shënon 30 vjetorin e themelimit dhe në këtë kuadër, gjatë kësaj vjeshte do të ndërmarrë një turne. Si solist gjatë turneut do të interpretojë kitaristi i ri, tashmë i njohur me prejardhje nga Kosova, Ron Atiqi, shkruan albinfo.ch. Ndryshe, në secilin rast kur përmendet emri i tij në njoftimet për koncertet ku ai merr pjesë, nuk harrohet pa u cilësuar nga organizatorët si “njëri ndër kitaristët më të talentuar të Zvicrës”. Dhe për këtë, Roni ka edhe dëshmitë përkatëse.

Pasi ka kaluar me sukses të gjitha nivelet në garat e kitaristëve të rinj, i riu me talent të rrallë ka fituar pak muaj më parë edhe çmimin më të lartë që për këtë kategori ndahet në Zvicër. Ai ka dalë i pari në finalen e Garës Zvicerane të Muzikës për të Rinj (SJMW) të mbajtur në Le Chaux de Fonds. Ndërsa para një viti pati marrë çmimin promovues të qytetit të Cyrihut për të rinjtë në muzikën klasike, për interpretim me kitarë.

Roni është lindur para 18 vitesh në një familje artdashëse të Mitrovicës që jeton në qytezën Elg afër Winterthurit në Kantonin e Cyrihut, shkruan albinfo.ch. Babai i tij, Ali Atiqi është po ashtu kitarist dhe merret edhe me pikturë.

Në koncertin e 26 tetorit Ron Atiqi do të interpretojë si solist veprën për kitarë, “Fantasia para un Gentilhombre të kompozitorit të njohur Joaquin Rodrigo.

Të ardhurat nga koncerti që mbahet më 26 tetor në Zollikon të Cyrihut në organizim të organizatës “Kiwanis” u dedikohen fëmijëve te varfër të Afrikës.

Koncerti fillon në ora 19:30 në Gemeindesaal Zollikon, Rotfluhstrasse 96 8702 Zollikon.
(Foto: Dominik Reichen). / KultPlus.com

Festivali ‘KamerFest’ shpalos programin për këtë edicion

Posted on by KultPlus

Kosova KamerFest, sonte nisë edicionin e 18-të të tij, shkruan KultPlus. Ky festival i cili përgjatë këtyre edicioneve ka sjellë emra të ndryshëm të muzikës klasike, në një konferencë të mbajtur sot ka shpalosur edhe programin e këtij edicioni.

Këtë vit festivali nisë me një koncert që i paraprinë hapjes së festivalit. Pre-KamerFest koncert do të mbahet sonte në Amfiteatrin e Bibliotekës së re të UP-ës me fillim nga ora 20:00. Ky koncert sjellë sopranon Silvia di Falco dhe pianisten Diana Nocchiero. Në program do të ketë arie botërore siç janë “Donde lieta” nga opera “La Boheme” e Giacome Puccinit. Arie të tjera nga ky kompozitor do të jenë edhe ato nga operat e mirënjohura si “Madame Butterfly” e “Gianni Schicchi”.

Ndërsa hapja zyrtare e Festivalit “Kosova KamerFest” që do të shënohet me koncertin e dytë me radhë, do të bëhet më datë 18 tetor në Amfiteatrin e Bibliotekës Universitare, në ora 20:00. Festivali do të vazhdoj tutje me koncertet e radhës, listën e të cilëve po ju sjellim më poshtë.

Festivali i Muzikës Kamertale ‘Kosova KamerFest’ do të zgjasë deri më 9 nëntor. / KultPlus.com



Pirgu e Myshketa pjesë e operës së Guiseppe Verdit në Napoli (FOTO)

Posted on by Kult Plus

Në Teatrin më të vjetër të Evropës ‘San Carlo’ në Napoli, tashmë po shfaqet me sukses opera monumentale e Giuseppe Verdit ‘Simon Boccanegra’.

Në këtë operë në rolet e dy prej protagonistëve figurojnë dy artistët shqiptarë me karrierë ndërkombëtare që janë tenori Saimir Pirgu dhe baritoni Gëzim Myshketa.

Një gjë të tillë e ka treguar për KultPlus, baritoni Myshketa i cili është shprehur tejet i kënaqur me debutimin e këtij roli në këtë tempull të lirikës italiane.

Opera me regji të Sylvano Bussottit që vjen nën dirigjimin e Stefano Ranzanit, ka dy kaste këngëtarësh të kalibrit internacional dhe po shfaqet nga data 7 deri më 14 tetor. Myshketa me pas do vijoj stinën lirike me turnetë në Toulouse, Vjenë, Rome, Oman Emiratet e Bashkuara, Laipcig e Shtuttgart./ KultPlus.com

Nesër mbahet koncerti që i paraprinë KamerFest-it

Posted on by Kult Plus

Kosova KamerFest, sivjet nis edicionin e 18-të të tij, shkruan KultPlus. Ky festival i cili përgjatë këtyre edicioneve ka sjellë emra të ndryshëm të muzikës klasike, këtë vit nis me një koncert që i paraprinë hapjes së festivalit.

Pre-KamerFest koncert mbahet nesër të martën e 10 tetorit, në Amfiteatrin e Bibliotekës së re të UP-ës me fillim nga ora 20:00.

Ky koncert sjellë sopranon Silvia di Falco dhe pianisten Diana Nocchiero. Në program do të ketë arie botërore siç janë “Donde lieta” nga opera “La Boheme” e Giacome Puccinit. Arie të tjera nga ky kompozitor do të jenë edhe ato nga operat e mirënjohura si “Madame Butterfly” e “Gianni Schicchi”./ KultPlus.com

Studentët shqiptarë të Lozanës organizojnë koncertin e Elina Dunit

Posted on by Kult Plus

E themeluar para më se 20 vitesh, Shoqata Studentore Shqiptare e Universitetit të Lozanës (AEAUL) është më e vjetra shoqatë e studentëve shqiptarë të Zvicrës dhe njëra ndër më aktivet.

Në radhën e aktiviteteve të shumta të saj është edhe koncerti me këngëtaren e njohur shqiptaro-zvicerane të xhazit, Elina Duni, .që mbahet në Lozanë.

Me këtë rast AEAUL u drejtohet anëtarëve dhe miqve të saj me ftesën në vijim:

I nderuar mik, e nderuar mikeshë
Viti akademik që sapo ka filluar premton të jetë i pasur me aktivitete. Ne dëshirojmë qe ai të mbushet dhe me më shumë projekte të koordinuara bashkë me partnerët tanë.
Shoqata Studentore Shqiptare e Universitetit të Lozanës (AEAUL) dëshiron të ju falënderojë për besimin që kemi ndërtuar, duke ju ofruar 2 vende për koncertin e yllit të muzikës sonë, Elina Duni.
Do të jemi të lumtur t’iu mirëpresim në Théâtre du Cazard, nga ora 19 në 13.10.2017.

Me padurim që të shihemi përsëri, ju ofrojmë të shijoni një nga interpretimet e saj:

https://www.youtube.com/watch?v=XevrqZGMGoE

Në emër të të gjithë anëtarëve të Shoqatës sonë, ju dërgojmë falënderimet më të sinqerta.
Me respekt, AEAUL

Orkestra London City Philharmonic interpreton veprën ‘Arbëreshës sime’ në Londër

Posted on by Kult Plus

Orkestra London City Philharmonic, ka mbajtur një koncert madhështor nën dirigjimin e dirigjentit shqiptar Olsi Qinami në Londër, shkruan KultPlus.

Në këtë koncert morën pjesë edhe pianisti shqiptar nga Maqedonia Shkëlzen Baftiari dhe violinistja nga Kosova Pranvera Govori.

Me një shkrim dhe disa fotografi, këtë lajm e ka bërë të ditur nëpërmjet rrjetit social Facebook, ambasadori i Kosovës në Londër Lirim Greiçevci, i cili ka treguar se me interpretimin e veprës ‘Arbëreshës sime’(melodi e vjetër Arbëreshe) përpunuar për orkestër nga Gerti Druga (koncertmaster/violin solo Alina Hiltunen) ishte kulminacioni i mbrëmjes.

Në këtë koncert u interpretuan edhe vepra të tjera si: Koncertit për piano i kompozitori shqiptar nga Maqedonia Fatos Lumani (solist Shkëlzen Baftiari), Bruch Kol Nidrei për violincel dhe orkester (soliste Alexandra Fletcher), Dvorak Slavonic Dance No. 2 dhe Tchaikovsky Symphony 4./ KultPlus.com

Dua Lipa elektrizoi skenën për publikun në Londër (VIDEO)

Posted on by KultPlus

Dua Lipa ka publikuar në rrjetet sociale disa momente nga performanca e saj e mbrëmshme në koncertin e radhës në Londër.

Ajo ka performuar në teatrin “Brighton Dome”, dhe nga pamjet vërehet që publiku nuk ka munguar, përderisa salla ka qenë e mbushur plot e për plot.

Nga atmosfera e krijuar, shihet mjaft qartë se Dua ka elektrizuar skenës për të pranishmit.

“New Rules” mbetet hiti i saj i padiskutueshëm, dhe njëherësh edhe kënga më e pëlqyer e fansave të saj për momentin.

“Nata e mbrëmshme ishte magjike”, ka shkruar Dua në mbishkrimin e një prej videove në rrjetin social Instagram. / KultPlus.com

Last night was magic. Night 1 of The Self-titled tour Brighton. #NewRules (video by @y_albusairi )

A post shared by DUA LIPA (@dualipa) on

Prishtina nikoqir i ‘The Homesick’

Posted on by Kult Plus

Bendi i njohur holandez i muzikës pop-rock, “The Homesick”, vjen në Prishtinë këtë javë.

Adhuruesit kosovarë të muzikës mund t’i dëgjojnë nga afër këngët e bendit holandez të enjten, me fillim prej orës 20:00, në Teatrin Oda në Prishtinë.

Sipas një njoftimi të organizatorit të turneut Spielmaschina, bendi holandez do të jetë i pranishëm në Prishtinë. Bendi sipas të dhënave të publikuara në ngjarjen e promovuar në Facebook, është një prej më të njohurve në Holandë të veçuar për tingujt e muzikës pop-rock.

“Që prej publikimit të albumit të tyre të parë tre vjet më parë, atëkohë kur këta djem e kishin të ndaluar të porosisnin birra për shkak të moshës së re, popi i tyre ka evoluuar në diçka më të guximshme, të zhurmshme dhe eksperimentale”, thuhet në njoftimin e klubit të natës nga Prishtina.

Bendi në fjalë ka filluar një turne evropian i cili ka filluar më 22 shtator në Londër, dhe përfundon më 1 nëntor në kryeqytetin holandez, Amsterdam, raporton Insajderi.

Në mesin e këtij turneu evropian, “The Homesick” do të ndalojnë edhe në kryeqytetin kosovar të enjten e kësaj jave./ KultPlus.com

Sulm me armë gjatë një koncerti në Las Vegas

Posted on by Kult Plus

Të paktën dy persona raportohen të jenë vrarë dhe 24 të tjerë kanë mbetur të plagosur gjatë një sulmi me armë në një koncert në Las Vegas. 12 prej të plagosurve raportohen se janë në gjendje kritike për jetën.

Një person i armatosur hapi zjarr gjatë një festivali të muzikës country në një vend të hapur pranë kazinosë ‘Mandalay Bay’, ku raportohet te ishin rreth 40 mijë të pranishëm. Sulmuesi mendohet të ketë qëlluar mbi turmën nga kati i 30-të i një pallati. Sipas policisë të shtëna me armë ka pasur dhe në pjesë të tjera të qytetit.

Dëshmitarët në vendngjarje tregojnë se të shtënat kanë vijuar për më shumë se 5 minuta. Qindra njerëz u larguan nga vendi i ngjarjes, ndërkohë që zhurma e breshërive të automatikut dëgjohet lehtësisht në videot e postuara në mediat sociale. Policia tha se një i dyshuar “ishte poshtë”. Ka njoftime për të paktën një incident tjetër në rripin e Las Vegasit. Pjesë të zonës u mbyllën pasi policia e armatosur arriti në vendin e ngjarjes në rrugën Route 91 Harvest.

Ngjarja u regjistrua rreth orës 22:30 sipas orës lokale. Dëshmitarët raportuan se qindra të shtëna u qëlluan./ KultPlus.com

Së shpejti koncerti vjetor i Orkestrës së Qytetit të Prizrenit

Posted on by Kult Plus

Orkestra e Qytetit të Prizrenit sjellë koncertin vjetorë, shkruan KultPlus.

Ky koncert vjen më 4 tetor në sallën e Kino Lumbardhit, për të gjithë qytetarët e artdashësit e muzikës klasike. Koncerti që mbahet të mërkurën nis me fillim nga ora 20:00./ KultPlus.com

Filharmonia e Kosovës sonte hapë sezonin

Posted on by Kult Plus

Filharmonia e Kosovës sonte hapë sezonin me koncertin i cili do të mbahet në Sallën e Kuqe të Pallatit të Rinisë dhe Sportit në kryeqytet, shkruan KultPlus.

Këtë koncert do ta dirigjojë Boian Videnoff i cili kthehet në Prishtinë për herë të katërt dhe tashmë është shndërruar në një mik të Filharmonisë së Kosovës.

Po ashtu, bashkë me të do të jenë edhe dy solistë mysafir të jashtëzakonshëm, pianistja Maria Meerovitch dhe trumbetisti më në zë i kohës, virtuozi Sergei Nakariakov.

Në program do të interpretohen vepra nga Haydn, Tchaikovsky dhe Brahms.

Filharmonia e Kosovës premton një nga koncertet që do t’i mbani mend gjatë.
Koncerti do të mbahet sonte më 1 tetor në ora 20:00 në Sallën e Kuqe, Prishtinë. / KultPlus.com

Arsyeja e pazakontë përse Dua Lipa do të mbajë edhe një koncert në Irlandë

Posted on by KultPlus

Këngëtarja shqiptare Dua Lipa ka njoftuar për një show të dytë në kryeqytetin e Republikës së Irlandës, Dublin.

Ky koncert do të mbahet në vitin 2018, pasi për koncertin e planifikuar më 10 prill biletat ishin shitur për pak sekonda.

Tani ajo ka vendosur të ketë edhe një mbrëmje në Dublin dhe do të këndojë edhe më 9 prill në kuadër të turneut për vitin 2018.

Ky sukses i madh i Dua Lips vjen pas hitit “New Rules” që po vazhdon të dominojë në top-listat irlandeze, duke kaluar kështu javën e pestë në krye të top-listave, shkruan Albinfo.

Edhe albumi i saj i parë është në top-dhjetëshe të albumeve në gjashtë javët e fundit. / KultPlus.com

Orkestra e RTSH-së solli koncert me krijimtarinë e kompozitorit Aleksandër Peçi

Posted on by KultPlus

Koncerti simfonik i Orkestrës së Radio-Televizionit Shqiptar mbrëmjen e djeshme me krijimtarinë e kompozitorit Aleksandër Peçi, u duartrokit nga artdashësit kryeqytetas.

Në koncertin e dhënë në sallën e Universitetit të Arteve, ku ishin të pranishëm njerëz të njohur të artit, artdashës etj, 3 muzikantët, dirigjenti Eno Koço, violinisti Klaidi Sahatçi si dhe pianistja Merita Rexha Tërshanam, të shoqëruar nga orkestra e RTSH, interpretuan “Rapsodia Koncertale për Violinë, Piano dhe Orkestër” e kompozitorit Aleksandër Peçi.

“Është hera parë që luaj me orkestrën simfonike të RTSH dhe ndaj skenën me partneren Merita Rexha Tershana dhe kam kënaqësinë e madhe të luaj me të” , është shprehur Klaidi. “Është detyra jone dhe misioni ynë si muzikantë që të luajmë muzikë bashkëkohore, sepse muzika ka nevojë por edhe vendi ynë ka nevojë”, ka thënë ai.

Violinisti Klaidi Sahatçi dhe pianistja Merita Rexha, janë një dyshe muzikore që solli përveç tingujve muzikorë dhe teknikës së lartë edhe një elegancë në interpretim.

“Këtë herë jam dyfish më e kënaqur, e para sepse luajta muzikë shqiptare të Aleksandër Peçit, e dyta sepse luajta me Klaidin”, tha pianistja Rexha.

“Është detyrë e instrumentistëve shqiptarë, të cilët janë ata që duhet ta luajnë këtë muzikë, sepse Brahmsin dhe Bet’hovenin e luan gjithë bota, kurse muzikën shqiptare na takon ne ta luajmë”, është shprehur ajo.

Pjesë e koncertit të orkestrës së RTSH-së ishte kompozitori Aleksandër Peçi me Valsi i trëndafilave, Fryn veriu dhe Valle scherzante e Tiranës (Tre pjesë për orkestër harqesh)- Rapsodia Koncertante për Violinë, Piano dhe orkestër-Premierë Botërore , me solistë Klaidi Sahatçi, Violinë Merita Rexha Tërshana, Piano; kompozitori P.I.Tchaikovsky – Fantasy -Uverturë nga Romeo dhe Juliet; kompozitori Camille Saint-Saens me Introduksion &Rondo kapriçioza./ KultPlus.com

Artistët shqiptarë me koncert në Vjenë

Posted on by Kult Plus

Më 30 shtator në Vjenë do të mbahet koncerti i mbështetur nga shumë artistë që veprojnë në Austri, shkruan KultPlus.

Ky koncert i cili do ta mbahet në Ruckergasse në Vjenë, sjellë artistët shqiptar që janë Agim Llapashtica-Gima, Flaka Goranci, Menan Bërveniku, Flamur Ahmeti, Petrit Carkaxhiu dhe Fatlind Dehiri-Paja nga Jericho dhe Duo Ela- Alfred Bushi, Elizabeta Okonska dhe violinisti Ferdi Fanaj.

Ky koncert është organizuar për të mbështetur përfaqësuesin shqiptar Januz Saliuka, i cili nga radhët e partisë social-demokrate SPÖ kandidon në zgjedhjet nacionale të 15 tetorit për deputet në Parlamentin e Austrisë.

Ky koncert mbahet më 30 shtator me fillim nga ora 19:00./ KultPlus.com

Shkëlzen Doli interpreton veprën e kompozitorit Florent Boshnjaku

Posted on by Kult Plus

Maestro i violinës, Shkëlzen Doli, më 23 shtator në sheshin ‘Skënderbej’ në Tiranë, do të sjellë magjinë e interpretimit përmes projektit të tij ‘Albanian Soul’.

Ky koncert tashmë është paralajmëruar që do të ketë një program të pasur artistik duke u bazuar në muzikën e të gjitha trevave shqiptare por nuk do të mungojnë edhe perlat e muzikës botërore.

Ky koncert që pritet të jetë madhështor në Tiranë, do të përmbyllet me një pikë të kompozuar nga kompozitori kosovar Florent Boshnjaku. Këtë gjë e bëri të ditur për KultPlus, vetë kompozitori Boshnjaku, i cili tregoi se kjo pikë është kompozuar enkas për këtë koncert dhe do të luhet nga mjeshtri i violinës Shkëlzen Doli.

“Në këtë koncert do të luhen një pjesë e veprave të njohura klasike të ri-orkestruara dhe pastaj do të luhet një program me muzikë shqipe (këngë të dëgjuara të ri-orkestruara, ku edhe këtu e kam një orkestrim timin). Pastaj ka edhe pika origjinale të kompozuara enkas për koncert. Numri im do ta përmbyllë koncertin dhe është origjinal, pra i kompozuar enkas për këtë koncert dhe luhet nga Shkëlzen Doli bashkë me orkestër dhe bend”, ka thënë për KultPlus Florent Boshnjaku.

Vepra quhet ‘E bukura’, ndërsa më 23 shtator në sheshin ‘Skënderbej’, kjo vepër do ta përmbyll koncertin e Shkëlzen Dolit ‘Albanian Soul’./ KultPlus.com

Vokalisti i ‘Deep Purple’ performon sonte në Kosovë

Posted on by KultPlus

Në Aeroportin Ndërkombëtarë “Adem Jashari” në Prishtinë, sot bëhet pritja zyrtare e legjendës së rockut, Joe Lynn Turner, ish vokalist i grupit Deep Purple dhe Rainbow.

Joe Lynn Turner, do të performojë sot në koncertin e festës së vjeljes së rrushit “HardhFest 2017”.

Ndryshe, Hardh Fest këtë vit mbahet në datat 7, 8, 9 dhe 10 shtator, nën sloganin “Mbas verës, vjen vera”. / KultPlus.com