Me rastin e 20 vjetorit tё Çlirimit tё Kosovёs Ambasada e Kosovёs nё Itali, nё bashkёpunim me artistet Alberta Troni – piano dhe Ana Lushi – soprano, organizojnё koncert tё muzikёs artistike, përcjellë KultPlus.
Koncerti do tё mbahet nё Teatro Torlonia – Teatro di Roma me
12 qershor nga ora 19:00. Koncerti i dedikohet ditёs sё ҁlirimit tё Kosovёs, ku
pianistja Alberta Troni nё bashkёpunim me Sopranon Ana Lushi e cila pёr vite tё
shumta jeton dhe vepron nё Roma -Itali do tё sjellin njё program tё bukur
artistik.
Programi i koncertit do tё ketё koncept tё gjysmё recital
pianistik me vepra nga F. Liszt, F. Chopin dhe M. Kaҁinari dhe pjesa tjetёr do
tё jenё arie nga Cavalleria Rusticana – “Romanza e Scena”, Chopin
Tristesse.., Verdi Aida – Grande scena di Amneris , si dhe pjesa tjetёr e programit
do tё ketё vepra nga kompozitorё shqiptar Prenk Jakova, Mark Kacinari dhe këngё
tё pёrpunuara si ‘Kenke nuri i bukurisё’, ‘Un’ o ty moj tё kam dashtё!’.
Koncerti ka karakter festiv dhe shёnon njё datё tё rёndёsishme nё historinё e shtet ndёrtimit tonё. / KultPlus.com
“Moj e mira te pojata” ishte kënga që hapi koncertin e mbrëmshëm të këngëtares Rona Nishliu e cila e promovoi albumin e saj të ri të titulluar “Mindil”, shkruan KultPlus.
“Mindil” i cili u promovua në ambientet e “Kino Armata”, përfshinte dhjetë këngë ku secila prej tyre i dedikohej dikujt dhe sillnin emocione dhe përjetime të ndryshme, këngë këto që paraqesin një trashëgimi muzikore qindra vjeçare. Disa prej këtyre këngëve ishin si: “Baresha” nga Rexho Mulliqi, “Me lule t’bukra” nga Tish Daija, “Rruga që shkela dikur” e Jusuf Gërvallës, “Moj e mira te pojata” në versionin e grupit MAK nga Mitrovica, “Mallëngjimi” nga Rashid Krasniqi e interpretim të Muharrem Qenës, etj. Gjatë gjithë mbrëmjes këngët u interpretuan live dhe gjatë gjithë kohës performanca e grupit muzikor u përcoll me duartrokitje.
Veçanti
e këtij albumi është dhe përfshirja e këngës Rome, “Kasmangjesa”, interpretuar
në versionin instrumental në filmin shqiptar “Tinguj Lufte”. Për të cili këngëtarja tha që e ka përzgjedhur
për arsye që muzika rome ka ndikuar në muzikën e Ballkanit në përgjithësi dhe
se mesazhi që jep kjo këngë është shumë i veçantë.
“Muzika rome ka pasur një ndikim shumë të madh te muzika jonë atëherë, jo vetëm te ne por te çdo popull ku ata janë e sidomos të Ballkanit, atëherë është një padrejtësi shumë e madhe që mos ta përfshijmë këtë këngë në krijimtarinë tonë. Kam hulumtuar për këtë këngë dhe kam gjetur tekstin origjinal të saj, kam kuptuar që fletë për muzikën që është ushqim shpirtëror dhe ushqim në çdo aspekt, për arsye që në kohën kur është krijuar kënga, muzika ka mbush barkun dhe shpirtin e atij populli”, tha Rona për KultPlus.
E
në lidhje me përzgjedhjen e këngëve për këtë album këngëtarja Rona Nishliu tha
që arsyeja është së këto këngë gërshetojnë emocione dhe përjetime të cilat çdo
njeri në përditshmëri i përjeton ato dhe se këta si grup muzikor dëshirojnë ti
shërbejnë trashëgimisë kulturore.
“Misioni që i kemi venë vetës si grup, që do ti shërbejmë trashëgimisë kulturore, e ka bërë këtë proces shumë më special sepse kemi pasur një përgjegjësi më të madhe në punimin e këngëve, jo pse kemi dashur që patjetër të sjellim versionin që i tejkalojnë apo të bëjnë gara me njëra tjetrën por thjeshtë që këngët janë aq të bukura, kanë domethënie edhe për neve ka qenë si një sfidë me i sjellë ato dhe publiku me i duartrokit, por sonte kisha një përshtypje shumë të mirë që publiku i pëlqej dhe i duartrokiten shumë edhe ky është një motiv shumë i madh për neve dhe pa diskutim që sonte po ndjehemi ashtu si dikush që është i ledhatuar”, u shpreh tutje ajo.
Grupi muzikor “Quartet” përbëhet nga: Rona Nishliu- vokal, Edon Ramadani- pianist, Kiril Tufekcievski- kontrabas dhe Nesim Maxhuni- baterist. / Gzim Mujaj / KultPlus.com
Art Lokaj dhe bendi i tij do të jenë këtë të enjte në Tiranë për të dhënë një koncert live, shkruan KultPlus.
Në këtë koncert Lokaj
do të promovojë këngët e albumit të tij të parë i cili titullohet “Use you’. Ky
album e sjellë Artin në cilësinë e kantautorit dhe producentit.
Këtë koncert i cili do
të karakterizohet nga 8 këngë të padëgjuara më parë nga publiku i Tiranës, të
Art Lokajt të zhanrit funk, r’n’b, soul, do ta mirëpres ‘Tulla’ më datë 21
mars. Koncerti fillon në ora 21:00.
Krahas Artit, në këtë koncert do të performojnë edhe një numër i madh i muzikantëve të skenës vendore të cilët gjithashtu janë edhe bashkëpunëtor në incizimin e albumit. Në mesin e tyre janë Nesim Maxhuni, Fatjon Miftari, dhe artistë e muzicientë të tjerë që mbeten surprizë.
Albumi u incizua në shkurt 2019 në hapësirën e bashkëpunimit të muzikantëve Prishtinas, LICEU, iniciativë kjo gjithashtu e udhëhequr nga Art Lokaj. / KultPlus.com
Një koncert ndryshe po vjen në Prishtinë. Krejt kjo pas një pune të madhe të një grupi artistësh që kanë punuar fort për të sjellë një event të veçantë, shkruan KultPlus.
I titulluar “Event 55”, ky koncert i zhanrit Etno-Jazz do të sjell para publikut instrumentistë të dy zhanreve të ndryshme, të cilët kanë punuar në ri-aranzhimin e disa këngëve shqipe në një stil modern.
Orkestra e “Event 55” përbëhet nga Afrim Sadiku, Ilir Bajri,
Armend Xhaferi, Gëzim Sadiku, Fatlum Ferati, Aleksandar Jovevski, Sefjedin Kryeziu,
Mustafë Ramaj, Teoman Ukça. Nën shoqërinë e orkestrit me disa pika do të jenë
edhe këngëtarët Petrit Çarkaxhiu, Agona Shporta, Ganimete Asllani, Mustafë
Ramaj, Rijad dhe Mirhad Lecaj.
Për këtë koncert është bërë përzgjedhja e disa pikave muzikore ku Afrim Sadiku bashkë me Ilir Bajrin dhe Armend Xhaferin i kanë ri-aranzhuar dhe do t’i sjellin në zhanrin Etno-Jazz.
Ideja e tyre është të sjellin muzikë jazz por që tingëllon
shqip, e kështu përmes muzikës të identifikohet edhe prejardhja e performuesve,
pasi që ky koncert ka për qëllim të udhëtojë në disa shtete dhe festivale të
muzikës jazz.
Kjo ngjarje njëherit shënon edhe rikthimin e Afrim Sadikut një prej instrumentistëve i cili ekzekuton me instrumentet me tela si sharki dhe çifteli që nga mosha 9 vjeçare. Gjatë karrierës së tij muzikore ka qenë drejtor artistik i ansamblit Azem Bejta, është marrë me komponimin dhe aranzhimin e këngëve të pothuajse gjithë estradës deri më sot. Atë e karakterizon stili i veçantë me të cilin i sjell këngët shqipe. Projekti i fundit ku ka marr pjesë është “Kënga e Ashikëve” e grupit Jericho. Në të kaluarën ka qenë pjesë edhe e projekteve tjera të rock’ut të grupit Troja.
Ndërsa koncerti “Event 55” do të mbahet në teatrin Oda më 2 mars me fillim nga ora 20:00. Ky është një event me ftesa, mirëpo të gjithë të interesuarit mund të shikojnë në faqen e eventit në Facebook për të kuptuar nëse ka vende të lira në sallë. / KultPlus.com
I njohur për punën e tij si krijues në kompozicion, por edhe me korin e filarmonisë së Kosovës, mjeshtri Rafet Rudi vjen me koncertin premierë “Cresendo Musicale”.
Muzika shpirtërore, që mbledh kompozitorë shqiptarë e të huaj, që nga koha e bizantit e deri në ditët e sotme, kësaj here bën bashkë 45 artistë të Teatrit të Operas & Baletit (TKOB) të Shqipërisë, kalendari artistik i të cilit vijon me premiera radhazi.
“Muzikë që ndoshta më pak kultivohet këtu. Pjesa e parë e programit është ‘acapella’, me muzikë të mjeshtrave të vjetër, kurse në pjesë të dytë do të jetë ‘Mesha’ e Moxartit”, u shpreh kompozitori Rudi, raporton Tch.
Në pjesën e parë trupa e korit të TKOB interpretojnë “acapella” e më pas programi vijon me orkestrën e dhe solistët e vokalit.
“Tek ne kultivohet këndimi ‘acapella’, në mungesë natyrisht të Operas dhe kanë qenë të interesuar pikërisht, që këtë lloj muzike ne ta prezantojmë. Dhe programi që është bërë ka qenë nën një akordim të përbashkët, pikërisht për shkak që në kemi një përvojë më të madhe në këndimin ‘acapella’”, tha Rudi. /KultPlus.com
Eda Zari feat. Rhani Krija, Gert Kapo, Visar Kuçi, Ilir Bajri, Hayden Chisholm sjellin “Udhëtim dimëror – Spiritual Jazz – kanellë dhe verë”, në Teatrin Oda, aty ku do të lexojë Sokol Çunga.
“Një program i pazakontë përmbush dëshira të vogla nostalgjike muzikale dhe kyçet me përmasën shpirtërore në muzikë. Përmes aranzhimeve të larmishme xhaz gërshetohen melodi aq të njohura, që tingëllojnë familjare, dhe përgatisin shpirtin për sezonin e festave të fundvitit.
Dimensioni shpirtëror në muzikë është jashtëzakonisht i rëndësishëm, ndaj shkojmë muzikalisht pas në histori, për të njohur vlerën e ritualeve, festave, simbolikave.
Ritualet që ngrohin zemrën janë gjithmonë të mira. Nuk janë domosdo vetëm pikëpamjet e tradicionale fetare. Janë, bashkë me to, dhe ato rituale laike që japin shembuj, na tregojnë, së pari, si të paqtohemi dhe të festojmë të gjithë së bashku, në emër të dashurisë dhe paqes.
“Ja na erdhi viti i ri”, “Silent Night” janë këngë të njohura për çdo moshë. Pothuajse kushdo mund të këndojë nën zë e me zë duke bërë të pranishme ndjesinë e bredhave plot borë, të nuhasim biskotat e sheqerit që vijnë nga furra, të shohim dritaret e kuzhinës me avull. Dëshirojmë t’ju kënaqim, ndonëse sezoni i festave ende nuk ka filluar, duke ju sjellë përjetimin e një nate dimri me tinguj nga muzikantë të përkushtuar, dhe “Përralla nga e shkuara“!”, thuhet në njoftim./ KultPlus.com
Një koncert me këngë shqiptare dhe gjeorgjiane është mbajtur në Lubjanë.
Veprimtaria e radhës, që përkon edhe me ditët kulturore shqiptare të muajit nëntor në Slloveni, ishte koncerti i mbrëmjes së të enjtes në Lubjanë.
Grupi muzikor i Shoqatës “KVALI”, kësaj radhe interpretoi muzikë dhe këngë shqiptare dhe gjeorgjiane.
Artistë sllovenë, gjeorgjianë dhe interpretuesja shqiptare Alma Bejtullahu sollën për publikun këngë të zgjedhura nga të dy popujt.
Në këtë ngjarje përveç publikut slloven dhe atij shqiptar dhe gjeorgjian, ishin pjesëmarrës edhe diplomatë nga ambasadat e Shqipërisë, Kosovës dhe Gjeorgjisë. /KultPlus.com
Ditën e dielë në datë 28, ora 11:00 do të organizohet një koncert bamirësie në Sheshin Skënderbej. Eventi do të organizohet nga Spitali Amerikan.
Përveç tingujve të muzikës dhe argëtimit, një vëmendje e veçantë do t’i kushtohet informimit dhe ndërgjegjësimit për zbulimin e hershëm të sëmundjes që po prek gjithmonë e më tepër moshat e reja.
Të ftuar special do të jenë këngëtarët: Rovena Dilo, Orgesa Zaimi, Irma Libohova, Jonida Maliqi, Ermal Mamaqi, Manjola Nallbani, Eranda Libohova, Era Rusi dhe Orinda Huta./KultPlus.com
Për ta mbajtur koncertin e saj në Shangai, Dua Lipa është dashur që të raportoj në Ministrin e Kulturës së Kinës për këngët që do t’i interpretojë gjatë koncertit të saj.
Përpara se artistët e huaj të mund të interpretojnë atje, Ministria e Kulturës e Kinës zhvillon kontrolle mbi artistët dhe ekipin e tyre, shkruan BBC, raporton Insajderi.
Ata gjithashtu kanë qenë të njoftuar të kërkojnë listat e këngëve pesë muaj para koncertit për të miratuar se a do të mbahet koncerti apo jo.
Në vitin 2006 reperit amerikan nuk i është lejuar të këndojë për shkak të këngëve të tij “vullgare”, ndërsa Rolling Stones ju është ndaluar të këndojnë pesë këngë për shkak të tematikave seksuale.
Mirëpo në koncertin të ciline mbajti mbrëmë Dua Lipa në Shangai nuk shkoi edhe aq mirë pasi që disa fansa të saj u larguan zvarrë nga koncerti pasi kanë valvituar flamurin e komunitetit LGBTI dhe kanë vallëzua gjatë koncertit.
Dëshmitarët kanë thënë për Daily Mail se disa fansa janë tërhequr zvarrë pasi po kundërshtonin largimin nga koncerti.
https://www.instagram.com/p/Bnqo8sol7xp/?hl=en&taken-by=dualipa
E qetë në fytyrë, këngëtarja ka thënë se ishte e pikëlluar dhe menjëherë filloi të qante kur ngushëlloi fansat.
“Dua të krijoj ambient të sigurt për ne dhe të kënaqemi. Dua që të vallëzojmë. Dua që të gjithë të këndojmë. Dua që të gjithë të kalojmë mirë”, ka thënë Dua. /KultPlus.com
Pas koncertit të Sting, Shkupi do të ketë edhe një ngjarje të madhe muzikore.
Në kuadër të turneut të tij botërore “Vita ce n’e” që do të përfshijë gjitha kontinentet, Eros Ramazzotti më 30 shtator do të mbajë koncert në “VIP Arena” në Shkup, njofton Telegrafi Maqedoni.
Koncertet dhe shfaqet e tij janë të njohura si më emocionueset në histori të muzikës pop.
Ramazzotti në Shkup do të vijë me produksionin e tij dhe Maqedonia do ta ketë mundësinë të sheh 100 për qind përjetimet nga koncertet e Eros Ramazzotti.
Koncerti i Ramazzottit në Maqedoni do të jetë më ekskluzivi në Evropë, siç ishte koncerti i Sting, duke pasur parasysh edhe kapacitetin e sallës.
Detajet tjera rreth këtij koncerti do të dalin gjatë ditës së sotme./KultPlus.com
Grupet muzikore të mirënjohura austriake dhe shqiptare do perfomojnë bashkë në një koncert live në Tiranë.
Ambasada austriake në Tiranë shprehet se në kuadër të vitit kulturor Austri-Shqipëri 2018, në bashkëpunim me bashkinë e Tiranës, kanë kënaqësinë t’ju ftojnë në Music-Film Tirana-Festival në 13-20 shtator 2018, tek “Pazari i Ri” në Tiranë.
“Bazuar mbi modelin e Festivalit të Filmit të bashkisë së Vjenës, do të ofrohen koncerte live me grupe muzikore të mirënjohura austriake dhe shqiptare, filma muzikorë të zgjedhur austriakë dhe shqiptarë, si edhe specialitete kulinare, një kombinim i përsosur për mbrëmje të paharrueshme shtatori”, shprehet Ambasada austriake Tiranë. /r.e/KultPlus.com
Më 18 gusht në Lumbardh do të performojë orkestra e njohur si “No Borders Orchestra”, shkruan KultPlus.
No Borders Orchestra përbërë nga muzikantët të njohur nga çdo vend, grup fetar dhe etnik i ish-Jugosllavisë. Orkestra është një mishërim i gjërave që kanë rëndësi për Evropën moderne: diversiteti, integrimi dhe fryma e miqësisë.
Me muzikën e shkëlqyer muzikore, No Borders Orchestra, thyen kufijtë e të gjitha llojeve: midis vendeve, klasave dhe etnive, midis sallave të koncerteve klasike të elitave dhe skenave në sheshet me plot njerëz.
Programi: P. I. Tchaikovsky: Serenade – Pezzo in forma di sonatina
A. Vrebalov: Pannonia Boundless
J. S. Bach: Concerto for violin and viola C minor
A. Schoenberg: Transfigured night
Dirigjenti i kësaj mbrëmje do të jetë Premil Petrović.
Koncerti në Prizren mbështetet nga Ambasada e Amerikës në Kosovë, Ministria e Kulturës si dhe Raiffeisen Bank.
“No Borders Orchestra” do të performojë më 20 gusht në Sarajevë ndërsa më 22 gusht në Beograd.
Tiketat për koncertin i cili do të mbahet në Lumbardh në Prizren duke filluar nga ora 21:00 janë falas. /KultPlus.com
Një “Tornado” e ka quajtur kryebashkiaku i Tiranës, ardhjen e tyre në Tiranë mbrëmjen e 7 shtatorit. Por nuk bëhet fjalë për një tornado të vërtetë.
Ata janë 5 pjesëtarët e grupit aq të famshëm nga Tetova “Elita 5”, krijuar në vitin 1978 e që këtë vit mbushin plot 30 vite karrierë.
Tre dekada krijimtari, banda e rokerëve ka vendosur t’i festojë në Tiranë përmes një koncerti madhështor në Amfitetarin e Liqenit, një ngjarje e rëndësishme, të cilën kanë vendosur ta kremtojnë pikërisht në Tiranë, ku do të këndojnë për publikun shqiptar këngët e tyre më të mira ndër vite.
“Elita 5” në 30 vite karrierë numëron më shumë se 120 kënge, ku “Al Capone”, “Nuk jam unë diktator” “Fol vetëm fol”, janë vetëm disa nga hitet më të njohura të cilat do të këndohen në Amfitatrin e Tiranës për gati 2 orë.
Krahas 30 vjetorit të krijimit ‘Elita 5” ka edhe arsye tjetër për festuar: lancimin e albumit te ri, duke e çuar në 8 totalin e albumeve të këtij grupi. Këto dy ngjarje të rëndësishme do të sjellin në Tiranë bandën shqiptare nga Maqedonia, në datën 7 shtator në ora 20.00, në një koncert live në Amfitetarin e Liqenit./ KultPlus.com
Reperi më i famshëm shqiptar, Unikkatil, sonte po mban koncert në Durrës, në një koncert madhështor dhe kjo është hera e tij e parë në Shqipëri, shkruan KultPlus.
Viktor Palokaj, reperi më rebel dhe i shumëpërfolur në gjithë rrjetet sociale, si një artist që me tekstet e tij ka krijuar shumë debate, derisa ka perforuar në stadiumin e Durrësit ka krijuar një atmosferë mbarëkombëtare.
I njohur për karakterin e tij enigmatik, ai shfaqet shumë rrallë nëpër videoklipet e tij.
Reperi më i famshëm shqiptar, Unikkatil, mban sot (e shtunë) në Durrës një koncert madhështor dhe kjo është hera e tij e parë në Shqipëri.
Viktor Palokaj, reperi më rebel dhe i shumëpërfolur në gjithë rrjetet sociale, si një artist që me tekstet e tij ka krijuar shumë debate, do të performojë në stadiumin e Durrësit me një atmosferë mbarëkombëtare.
I njohur për karakterin e tij enigmatik, ai shfaqet shumë rrallë nëpër videoklipet e tij.
Fondacioni Lumbardhi kësaj radhe prezanton koncertin ‘Këngë te Kopshti’, që do të mbahet më datë 28 korrik, në orën 21:00 në Lumbardh.
Në këtë koncert do të performojnë tre bende fenomenale: SYTË, Oborri dhe BLLA BLLA BLLA…
SYTË:
EP e parë e bendit tregon historinë e dy shpirtrave të lidhur së bashku nga yjet. Vokali i sinqertë lundron nëpër tingujt e ëmbla të sintit dhe gitarave bittersweet, të cilat e ngjyrosin bazamentin që e krijon basi dhe tupanat hip hop, për të përshkruar një dashuri që duket sikur është përzgjedhur nga një konstelacion.
OBORRI:
Oborri është një duo bend i formuar në vitin 2014 në Prishtinë, Kosovë, i përbërë nga Arbër Salihu dhe Tomor Kuçi. Pasi që ishin aktivë për 8 vite në skenën e muzikës në Prishtinë , duoja nxori albumin “Oborri” në 2017. Grupit i bashkohet kompozitori Liburn Jupolli dhe bubnjari Vedat Hasani, kështu që në performanca live grupi bëhet me 4 anëtarë .
BLLA BLLA BLLA…:
Blla Blla Blla… është një bend shumë i njohur nga Shkupi. Në 2000 bendi nxorri albumin e tyre të parë dhe shumë të suksesshëm “Blla Blla Blla”. Ata janë edhe autorë të albumeve “Over the Blakanshire Reform”, “Lamtumirë ” dhe “Brum për Medioker”.
Biletat kushtojnë 2 euro para koncertit dhe mund të blihen në Prizren te Lumbardhi kurse në Prishtinë në Dit’e’Nat. Biletat te dera do të kushtojnë 4 euro.
Sponsor i programit veror janë Raiffeisen Bank dhe Ministria e Kulturës Rinisë dhe Sportit./KultPlus.com
Robert Bisha kompozitori i njohur shqiptar, multiinstrumentisti i talentuar i cili me interpretimet e tij ka mrekulluar gjithmonë publikun jo vetëm shqiptarë por edhe atë Evropian, kësaj radhë do të ketë ndalesë në Ohrid, shkruan KultPlus.
Koncerti i Robert Bishës do të jetë në kuadër të ‘Ohrid Summer Festival’ dhe do të mbahet më datë 08.10.2018 duke filluar në ora 21:00.
Robert Bisha do të interpretojnë së bashku me Iso Polyphonic Choir – Kori Iso-Polifonik të cilët së bashkë dinë të sjellin atmosferë magjike.
Festivali Veror i Ohrit këtë vit shënon edicionin tij të 57-të, kjo gjë dëshmon se ekzistenca e tij është falë vlerave që ata prezantojnë dhe festivali mbështetet në diçka që me të vërtetë paraqet një traditë të madhe. Kjo traditë vjen nga vendi që është dhënë nga Perëndia, nga qyteti i Ohrit – kryeqyteti shpirtëror i Maqedonisë, qyteti antik me liqenin magjik blu, një qytet me një histori kulturore të shënuar me vlerat e qytetërimit të lashtë, qytetin e Ohrit universiteti i parë sllav në Evropë, qyteti i mbretërisë së Samuilit dhe më në fund – qyteti që përfaqëson tërë historinë kulturore dhe shpirtërore maqedonase.
Robert Bisha ka lindur në Vaun e dejës (Shkodër) në vitin 1984. Kompozitor por mbi të gjitha Improvizues në piano dhe poli instrumentist. Ka kompozuar pjesë për piano për muzikë dhome në një rrymë që tejkalon muzikën klasike dhe muzikën xhaz. Kritika e ka vlerëson si improvizues i veçantë, i pa arritshëm dhe virtuoz i pianos. Në Itali vazhdon karrierën e tij artistike.
Ka sjell, për herë të parë në historinë e Shqipërisë, në Teatrin e Operës dhe të Baletit në Tiranë, një koncert për piano i tëri i improvizuar. Një mendim shumë i thellë mbi muzikën dhe mbi mënyrën e komunikimit. Larg vullnetit të interpretimit dhe të imitimit. Afër kërkimit të brendshëm po ashtu në lidhje me totalitetin.
“Muzika është kombinim tingujsh brenda shumë formave. Forma duhet eliminuar për më ardhur tek tingulli në mënyre direkte. Njeriu ka nevojë për formën vetëm kur nuk është gjithnjë në kërkim të vetvetes; kjo ndoll edhe kur format janë të shumta”, përfundon Bisha./ KultPlus.com
Reperi i njohur i cili ka mbajtur me dekada një profil diskret, tashmë po bëhet më publik me postime në rrjete sociale e koncerte.
E nisi në Europë dhe duket që s’do ndalet.
Unikkatil më datë 4 gusht do të mbajë një koncert madhështor në Durrës. Tashmë kanë dalë edhe biletat në shitje. Më poshtë po ju sjellim lokacionet ku mund t’i siguroni ato. / KultPlus.com
Këngëtarja me prejardhje shqiptare, Rita Ora, ka anuluar pjesëmarrjen e saj në festivalin muzikor “Wow” që do të mbahej në Rishon Lezion.
Sipas drejtuesve të koncertit, Rita ka informuar kompaninë organizative se do të mungojë në koncert për shkaqe shëndetësore. Mediat në Jerusalem raportojnë se ajo i ka thënë “Bluestone Group” se i duhet të bëjë një operacion shkaku i problemeve shëndetësore, transmeton Koha.net.
Krijuesja e hitit “Girls” do të performonte më 1 gusht përkrah këngëtarit Jason Derulo. Edhe pse e ka anuluar koncertin në Izrael, Rita pritet të performojë në Britani të Madhe më 28 korrik dhe në Lituani më 3 gusht.
Gjatë muajit maj, Rita Ora anuloi një koncert në Bristol për shkaqe shëndetësore. / KultPlus.com
Banka PorCredit, tashmë e ka kthyer në traditë organizimin e koncerteve madhështore në qendër të kryeqytetit kosovar.
Vitin e kaluar parku i Bibliotekës Kombëtare të Kosovës, u stërmbushur me njerëz nga të gjitha anët e vendit, për të shijuar tingujt e magjishëm të Alban Skenderajt si dhe pamjen e mahnitshme të fishekzjarrëve që u lëshuan.
Kësisoj, sivjet më 14 korrik, i njëjti vend me të njëjtit organizator mirëpresin këngëtaren e njohur shqiptare Elvana Gjata. Ky koncert LIVE në parkun e Bibliotekës Kombëtare të Kosovës, do të jehojë me këngët e reja dhe ato më të njohurat të Elvanës e cila tashmë po punon fort edhe për karrierë ndërkombëtare.
Siç e dimë të gjithë ProCredit Bank, është një shtyllë shumë e rëndësishme e kulturës në Kosovë. Ajo çdo vit përkrahë financiarisht festivalet kulturore në vend e poashtu edhe koncerte e evente të ndryshme për klientët e saj dhe jo vetëm
Elvana Gjata në këtë koncert të organizuar nga ProCredit, do nisë performancën e saj me fillim nga ora 19:00 ndërsa përpos saj në këtë koncert të pranishmit do të kenë mundësi të kënaqen edhe nën tingujt e DJ Gamblemani & The Band e po ashtu qielli i Prishtinës do të ndriçohet nga fishekzjarrët e shumtë që do të lëshohen në sinkronizim të muzikës. Në këtë koncert hyrja do të jetë falas! / KultPlus.com
Në ambientet e përshtatshme për koncerte, të kishës katolike “St. Peter dhe Paul” në qendër të kryeqytetit helvetik, grupi “Trio Osmanaj”, ka shfaqur një koncert me muzikë klasike shqiptare, të enjten, shkruan KultPlus.
Koncerti është organizuar nga ambasada e Republikës së Kosovës në Bern, në kuadër të programit për diplomacinë publike, për të shënuar Ditën Botërore të Muzikës.
Në emër të ambasadës dhe ambasadores Nazane Breca, Ministri-Këshilltar, Mustafë Xhemaili, i përshëndeti të pranishmit që kishin ardhur nga ambasadat e ndryshme si dhe mërgimtaret shqiptarët të pranishëm, dashamirësit e muzikës klasike.
“21 qershori, është Dita Botërore e Muzikës. Si gjithkund në botë, edhe në Kosovë, mbahen koncerte të ndryshme për të gjitha moshat. Sonte ‘Trio Osmanaj’ ka ardhur nga kryeqyteti i Kosovës dhe bashkë me Ambasadën e Republikës së Kosovës në Bernë, kanë organizuar këtë koncert. ‘Trio Osmanaj’ përbëhet nga vëllezërit Osmanaj, që janë nga Prishtina, muzicientë të njohur, virtuoz në instrumente, që interpretojnë dhe kultivojnë muzikën klasike shqiptare”, u shpreh Mustafë Xhemaili gjatë prezantimit të instrumentistëve.
Tutje ai theksoi se ajo që ka më së shumti rëndësi është së tani grupe muzikore të zhanreve të ndryshme, zhvillojnë aktivitetet e tyre muzikore lirshëm në Republikën e Kosovës. Grupe, me dashuri të madhe për muzikën, që rriten dhe zhvillohen nën kujdesin profesional të ekspertëve.
Pas fjalës së tij Fidan Osmanaj në klarinetë, Dardan Osmanaj në violinë dhe Shkodran Osmanaj në kontrabas, interpretuan para të pranishmëve vepra të ndryshme të muzikës klasike shqiptare që me shekuj është zhvilluar në Ballkan.
Kështu “Trio Osmanaj” solli në këtë mbrëmje muzikë nga Kosova, Shqipëria e Mesme dhe nga Shkodra, një qytet shumë i lashtë e me tradita muzikore në Shqipërinë veriore.
Me koncertin e tyre 60 minutash, “Trio Osmanaj” shënuan Ditën Botërore të Muzikës dhe bënë që muzika shqiptare të dëgjohej në këtë festë, krahas muzikës së më shumë se 120 shteteve që e shënojnë këtë ditë. / KultPlus.com
Sonte në Drammen të Norvegjisë, kitaristi kosovar Agron Peni mbanë koncert bashkë me Lindita Otarsson, shkruan KultPlus.
Në këtë koncert Peni fillimisht do të prezantohet si solist me pesë vepra ndërsa pastaj do të bashkohet edhe Lindita Otarssonme të cilën do të promovojnë albumin “Udhë”, album ky i realizuar nga dyshja vitin e kaluar.
“I gjithë koncerti do të përmbajë vepra shqipe, një rast shumë i mirë ky për ta promovuar në mënyrë shumë profesionale muzikën shqipe te publiku norvegjez”, tha për KultPlus, Agron Peni.
Koncerti mbahet sonte më 20 qershor me fillim nga ora 19:00 dhe është mbështetur nga Komuna e Drammenit./ KultPlus.com
