Komisioni Përzgjedhës i Festivalit të Këngës në RTK ka bërë përzgjedhjen e 18 këngëve finaliste të edicionit të parë të Festivalit të Këngës në Radiotelevizonin e Kosovës. Pas një mbledhje katërorëshe, komisioni përzgjedhës ka nxjerrë listën e këngëve finaliste të Festivalit të Këngës në RTK.
Tetëmbëdhjetë këngëtarë/bende janë përzgjedhur që të marrin pjesë në netët finale të Festivalit të parë të Këngës, të organizuar nga Radiotelevizioni i Kosovës.
Tre netët live të Festivalit të Këngës në RTK do të zhvillohen në datat 26, 27 e 28 tetor 2023.
Edicioni i parë i “Fest 2023” realizohet në Prishtinë, në Sallën e Madhe të Pallatit të Rinisë dhe transmetohet live në Radio Kosovë dhe në Televizionin e Kosovës.
Drejtori artistik i festivalit, Florent Boshnjaku, para pak javësh, në një intervistë në RTK kishte thënë se ‘Festivali i Këngës’ në RTK këtë vit do të jetë më shumë festë sesa festival.
“Duhet me qenë festë, duhet me qenë një fillim me në një moment që kënga nga Kosova të përfaqësohet në “Eurosong”. Po shpresoj se ai moment të vjen sa më shpejt dhe RTK të jetë pjesë e EBU-së sa më parë, si dhe që të hapet rruga që kënga fituese të jetë pjesë e “Eurosong”, tha ai.
Për të gjithë krijuesit e interesuar, afati i fundit për aplikim në këtë festival ishte 9 shtatori. Nga dhjetëra aplikime, komisioni përzgjedhës i festivalit zgjodhi 18 këngët finaliste.
Më poshtë sjellim listën e artistëve, titujt e këngëve dhe kompozitorët e tekstshkruesit pjesëmarrës në edicionin e parë të Festivalit të Këngës në RTK. / KultPlus.com
| Artisti/Grupi | Titulli | Kompozitor | Teksti | |||||
| Agron Hajdari Inorga | ‘Shume here me nervozojne’ | Inorga | Inorga | |||||
| Albin Nikprelaj | ‘Ajo’ | Enis Mullaj | Erjona Rushiti | |||||
| Arbana Zahiti | ‘Dukat’ | Arbana Zahiti | Arbana Zahiti | |||||
| Arber Salihu | ‘Oj Kosove’ | Arber Salihu | Arber Salihu | |||||
| Ariela krasniqi | ‘ Emri grua’ | Gjergj Jorgaqi | Gjergj Jorgaqi | |||||
| Auron Deva | ‘Çmimi I dashnise ‘ | Korab Shaqiri | Korab Shaqiri | |||||
| Adea Pula | Nuk me ke meritu’ | Elsa Rraqi/Adea Pula | Elsa Rraqi | |||||
| Angus Dei | ‘Nje zemer per dy’ | Erjon Zaloshnja | Erjon Zaloshnja | |||||
| Ermal Demiri | ‘Merri’ | Gezim Hasani | Gentiana Azizi | |||||
| Franc Koruni | ‘Shqip’ | Franc Koruni | Franc Koruni | |||||
| Mentor Mripa | ‘Po ju rrefehem’ | Riza Dolaku | Bekim Bislimi | |||||
| Neki Emra | ‘ Heroi Im’ | Neki Emra | Neki Emra | |||||
| Nita Latifi | ‘Marrezi’ | Nita Latifi | Nita Latifi | |||||
| Saranda Alija | ‘Mendoj ku je’ | Arber Krasniqi | Arber Krasniqi | |||||
| Teuta Statovci | ‘Sekreti I tij ‘ | Dardan Gjinolli | Yll Limani/Arianit Abazi | |||||
| Urban Band | ‘Endrrat s’kan faj’ | Klodian Rexghepaj | Endrik Beba | |||||
| Klea Dina | ‘ Trenat’ | Memli Kelmendi | Drenusha Zajmi | |||||
| Hilmi Obertinca | ‘Pa ty s’me rrihet’ | Hilmi Obertinca | Hilmi Obertinca |