Etiketë: Kori i Grave Muza

Kori i Grave “Muza” të Gjilanit do të prezantohet me një koncert dedikim për Ditët Rozë, koncert që do të mbahet më 25 tetor, në ora 18:00.

Në këtë koncert do të interpretohen 10 këngë, nëpërmjet të cilave do të prezantohen gratë e këtij kori.

“Përmes muzikës, synimi ynë është të theksojmë rëndësinë e kujdesit për shëndetin dhe rritjen e ndërgjegjësimit për parandalimin e kancerit të gjirit. Ky muaj është një mundësi për të reflektuar jo vetëm për gratë që po përballen me këtë sëmundje, por për të gjithë ne – për të mbështetur ato që po përballen me kancerin, për të inkurajuar ato që e kanë kaluar këtë sfidë, dhe për të kujtuar me nderim ato që fatkeqësisht e kanë humbur betejën, si dhe për të përkrahur familjet e tyre që kanë kaluar nëpër këtë sfidë së bashku me ato”, thuhet në njoftimin e organizatorëve.

Koncerti do të mbahet në Teatrin e Qytetit të Gjilanit./ KultPlus.com

Kori i Grave “Muza” po vjen me koncertin “Zërat e Marsit”, koncert ky dedikuar Ditës Ndërkombëtare të Gruas.

Koncerti do të mbahet më datë 6 Mars, ora 18:00, në Teatrin e Qytetit – Gjilan.

Kori i Grave përmes një njoftimi në rrjetet sociale, ka ftuar të gjithë që të bëhen pjesë e këtij koncerti.

“Ju ftoj të vini nesër burra e gra në teatër pa ftesa, pa bileta sepse kësaj radhe do marshojmë, protestojmë e festojmë me këngë të interpretuara nga Muzat, fjalime motivuese e poezi”, thuhet në njoftim. / KultPlus.com

Muzika, një forcë e pazëvendësueshme në jetën tonë, ka ndikim të madh në aspekte të ndryshme të jetës, duke përfshirë socializimin, argëtimin, shëndetin mendor, dhe vetë-besimin. Në këtë kontekst, profesoresha e muzikës, Albina Jakupi, në muajin maj të këtij viti krijoi Korin e Grave “Muza” me synimin për të sjellë diçka të re dhe frymëzuese për gratë, duke përdorur muzikën si mjet për të shprehur emocionet dhe historitë e tyre, shkruan KultPlus.

Profesoresha Jakupi shprehet se kori është një mundësi e re dhe një derë e hapur për secilën grua që ka pasion muzikën.

Gjithashtu, Jakupi inkurajon gratë të mos kenë frikë të ndjekin ëndrrat e tyre, pavarësisht moshës, duke sjellë si shembull korin “Muza”, një grup i përbërë nga 19 gra të pasionuara, të cilat tashmë këndojnë në skenë. Kjo është një dëshmi se muzika nuk njeh kufij moshe dhe se ëndrrat mund të realizohen në çdo moment të jetës.

Kori i Grave “Muza”, më datë 25 nëntor do të sjell një koncert ku do të interpretohen dhjetë këngë të mirëfillta shqipe nën drejtimin e pianistes Etrita Hasani dhe violonçelos Arzije Jusufi.

Në përfundim, Jakupi fton komunën e Gjilanit të mbështesë projektet e tyre të ardhshme, duke shpresuar që skena muzikore të mbushet edhe më shumë me gra të talentuara. Ajo shpreh bindjen se vetëm duke i dhënë mbështetjen e duhur nismave të tilla, ata do të krijojnë një hapësirë të re dhe motivuese për gratë në botën e muzikës.

Koncerti mbahet më datë 25 nëntor, ora 18:30, në Shkollën e Muzikës në Gjilan. / KultPlus.com