Etiketë: kosova

Biblioteka Kombëtare në prestigjiozen “The Guardian” (FOTO)

Posted on by KultPlus

Photography by Valentin Jeck

Ekspozita “Toward a Concrete Utopia: Yugoslavian architecture 1948-1980” (Drejt një Utopie Betoni: Arkitektura në Jugosllavi 1948-1980) në Muzeun e Artit Modern në New York (MoMA) është bërë “sebep” që Biblioteka Kombëtare e Kosovës të ketë prezantim të gjerë në botë.

Kështu që vend kësaj biblioteke dhe shumë objekteve e memorialeve në gjithë ish-Jugosllavinë, i rezervoi një vend edhe prestigjiozja angleze “The Guardian”. Kjo gazetë në versionin online ka publikuar këtë ekspozitë nëpërmes fotografive.

Fotografia e cila ka zënë vend në këtë lajm, por edhe në gazetën angleze, është e bërë nga Valentin Jeck. E pjesë e kësaj ekspozite është edhe udhëheqësi i Fondacionit Kosovar të Arkitekturës Bekim Ramku dhe arkitekt të tjera nga ish-Jugosllavia, derisa shkrimi i përfaqësuesve të Kosovës është bërë nga arkitekti Arbër Sadiku.

Të kujtojmë se arkitekti i Bibliotekës Kombëtare të Kosovës është kroati Andrija Mutjakoviq. /KultPlus.com

Këto shtëpi të bukura gjenden në mes të Prishtinës (FOTO)

Posted on by KultPlus

Jo diku në Evropë, por në mes të Prishtinës gjenden këto shtëpi të bukura, të stolisura pafund me lule nga më të ndryshmet, shkruan KultPlus.

Po të ju bie rruga andej nga Bregu i Diellit, apo në Aktash, ju mund të hasni në njërën nga këto dy shtëpi që për një moment do të ju lënë pa frymë nga bukuria e tyre.

Nuk janë prej atyre shtëpive moderne, përplot xhama e me ndonjë fasadë të bukur, por janë shtëpi të stolisura për mrekulli me lule e gjethe nga më të ndryshmet.

Muret e këtyre dy shtëpive duken pak fare, janë lulet ato që i japin formën shtëpisë, aty ku nuk mungon as aroma e këndshme e tyre.

Fotografitë janë shkrepur nga Linda Shala, e cila si duket ka qenë një ndër personat që është magjepsur nga pamja e tyre.

Tutje nuk kanë munguar edhe komentet nga njerëzit, të cilët pyesnin se ku gjenden shtëpitë, kjo nga dëshira që ti shohin nga afër.

Njëri nga komentuesit është shprehur që në vendet perëndimore pushteti lokal për t’i stimuluar dhe motivuar të tjerët të bëjnë gjëra të bukura dhe që e zbukurojnë qytetin, i shpërblejnë ata me ndonjë çmim simbolik.

Ndërsa qyteti jonë Prishtina dhe të gjitha qytete tjera të Kosovës, kanë nevojë të jashtëzakonshme për gjelbërim dhe këso lloj pamje që të japin kënaqësi. / KultPlus.com

Mësuesja nga Luzerni: Kosova ka natyrë si Zvicra

Posted on by Kult Plus

Pak metra ngjitje, atëherë shikimi yt zgjerohet dhe sheh një panoramë të lirë magjepsëse. Mbi majë ka akoma borë, mes tjerash edhe lopë në livadhet e harlisura alpine. “Është vërtet si tek ne,” thotë Katharina. Ajo është mësuese dhe viteve të kaluara ka pasur shumë nxënës nga Kosova, të cilët e krahasonin shpesh natyrën helvete me vendin e tyre të origjinës. Ajo nuk mund ta besonte, ku tash si pensioniste ndodhet në trekëndëshin kufitar Kosovë-Shqipëri-Mali i Zi. Nxënësit kishin pasur të drejtë. Me një përjashtim: një xhami në lartësinë mbi 1100 metra mezi gjendet në Zvicër.

Grupi i eksploruesve zviceranë kanë pasur mundësi të njihen me natyrën e egër dhe romantike në fshatin Drelaj, pjesë e luginës së Rugovës. Gjatë turës 15 ditore ata kanë vizituar edhe Serbinë dhe Maqedoninë.

Pjesë e grupit janë edhe Heini Conrad dhe Elisabeth Kaestli, e para ka punuar gjashtë vjet me projekte nga Helvetas në Prishtinë, e dyta si gazetare ka shkruar artikuj dhe libra për banorët e Bosnjës, Serbisë dhe Kosovës.

Çfuqizohen paragjykimet

Veçanërisht e ngrohtë ishte mikpritja në hotelin Shqiponja, lartë mbi luginën e Rugovës. Osman Shala dhe familja e tij kanë përgatitur për grupin zviceran: kajmak, qumësht të freskët, perime nga kopshti dhe natyrisht fli, përcjell albinfo.ch.

Grupi zviceran ka vizituar edhe Pejën, ku tregon për manastirin e Deçanit dhe qytetit. Në qytet ata takojnë shumë shqiptarë që menjëherë shfaqen me respekt kur dëgjojnë dialektin zviceran të gjermanishtes. “Kam qenë edhe unë në Zvicër. Atje janë vitet më të bukura të jetës sime,” thonë disa shqiptarë të cilët kanë takuar grupin zviceran.

Ajo që u ka bërë përshtypje është edhe një porsche ose bentley e parkuar me regjistrime zvicerane në Pejë.

Ditët e fundit të grupit zviceran në Kosovë ata i shijuan në hotelin me kushte zvicerane në Graçanicë. Pas kthimit të tyre në Zvicër, ata njëherë nuk duan të bëjnë asgjë. “Kaq shumë përshtypje, kaq shumë informacione. Njëherë duhet ti tresim,” thotë 90 vjeçarja Edith e cila ishte pjesë e këtij eksplorimi.

U thanë se është vend i rrezikshëm, por francezët mbeten gojëhapur nga Kosova

Posted on by Kult Plus

Kosova? Po ku gjendet ky vend? Kush janë banorët e saj? Cila është historia e këtij vendi?

Siç ju treguam edhe në artikullin e mëparshëm, gjysma e njerëzve që takuam në Serbi na bindën se ky vend ishte i rrezikshëm dhe jointeresant.

1 / Mirësevini në Republikën e Kosovës. Kalimi i kufirit ishte i lehtë dhe pa problem, në kundërshtim me atë që disa na kishin njoftuar. Përveç kësaj, pika doganore është e vendosur në 1100 metra mbi nivelin e detit, nuk ka shumë njerëz. Me sa duket, për një automjet serb që dëshiron të kalojë vendin, procedura është pak më e komplikuar, por kalon. Një shenjë na informon, si në hyrjen e çdo vendi, mbi limitet e shpejtësisë. Ne habitemi që ende nuk e gjejmë shenjën e autostradës. Por, më vonë mësojmë se kjo është për arsye se këtu mungon lloji i kësaj rruge. (kufiri i Mutivodës), përcjell albinfo.ch.

2 / Gjendemi rreth 500 metra larg kufirit dhe duam ta vendosim tendën tonë këtu sepse peizazhi është i bukur. Kosova, këtë e premton! (kufiri i Mutivodës)

3 / Natën mbërrijmë në Prishtinë dhe tashmë kemi akomodimin tonë për të bujtur. Pranë pikës kufitare, në fshatin Prapashticë, takuam Sadikun, i cili na ofroi kafe në kopshtin e kamp shtëpisë së tij. Jemi të kënaqur që krijuam kontaktin tonë të parë me një kosovar dhe pyetjet dhe përgjigjet ndiqen njëra pas tjetrës. Përderisa kaluam një kohë të mirë së bashku, ai na ofroi të kalonim natën në shtëpinë e tij në kryeqytet, në mbrëmje. Gjeniale!

Republika e Kosovës ka 2 milionë banorë që jetojnë në këtë territor, dhe një milion shtesë jashtë vendit, ashtu si edhe mikpritësi ynë, i cili e kaloi jetën e tij në Zvicër dhe tani ai kalon kohën në të dy vendet, që kur u pensionua. Me të ardhurat e tij zvicerane, ai është në gjendje të investojë në strehimin kolektiv, të cilin ua jep me qira kryesisht studentëve.

Në mëngjes herët, qëllimi ynë i parë ishte gjetja e një harte, në mënyrë që të orientohemi dhe të vizitojmë qytetin. Është e pabesueshme, por këtu nuk ka zyrë turistike dhe asnjë hartë në dispozicion, bile as edhe në hotele. Edhe më e pakuptueshme: Kur pyesim vendasit nëpër lokale për të vizituar ndonjë vend turistik, apo ndonjë restorant të këndshëm për tu ushqyer, ata nuk janë në gjendje të na përgjigjen. Pronarja e një lokali nuk mund të gjejë as edhe dyqanin e saj në hartën e qytetit që e shet për 5 euro! Trafiku është i dendur dhe na bën presion. Nuk ka asgjë për të parë, asgjë për të vizituar. Qyteti është krejt i ri. Interesi i vetëm që gjejmë është arkitektura e jashtme e Bibliotekës Kombëtare. Në fakt, kam përshtypjen se kjo “palë e tretë nga jashtë” është për të “blerë kapital”, dhe e cila në fund të fundit duket si një kryq në mes të një kantieri dhe një qendre madhështore të një qyteti të tërë. Hmmm! Ju na njihni: Kjo është e gjitha që duam!

Në mes të trafikut të rëndë, Gaëtani e kalon kufirin prej 4000 km. Nëpër rrugë, flamuj të Republikës së Kosovës dhe Shqipërisë. Ky qytet i nënshtrohet popullaritetit të tij të fundit si kryeqendër e re e Ballkanit dhe simbol i fitores së shqiptarëve mbi serbët. Ai tregon qartë ashurimin e tij ndaj SHBA-ve (Bulebardi Bush, Bulevardi Bill Clinton, flamuri amerikan kudo, përkthime sistematike në anglisht, shkollat ​​e gjuhës, shkollat ​​amerikane). Në rrugë, na afrohen: “A jeni amerikan?” Sikur të shpresonin ta takonim ndonjë, ndërkohë që flamuri ynë i trotuareve valëvitet dukshëm pas biçikletës së Gaëtanit. Në vitin 1999, NATO mori pjesë në konflikt duke vendosur ta bombardojë Serbinë, derisa të dorëzohej. Sigurisht, atmosfera ndonjëherë është e tensionuar (por jo e rrezikshme!), Sepse nuk mund të gjejmë bashkëbisedues neutral për të na treguar faktet. Shqiptarët na tregojnë për terrorin që serbët e kishin ushtruar ndaj tyre, ndërsa ata kanë qenë paqësorë. Dhe, ata pak serbë që i takuam (kanë mbetur edhe 10 për qind) na tregojnë për një pushtim të dhunshëm të shqiptarëve në territorin “e tyre”. Situata është e vështirë të kuptohet, edhe pse banorët na mirëpresin shumë lehtë dhe kurrë nuk ishim në rrezik, në këtë vend. Përkundrazi. (Prishtinë – kryeqytet).

4 / Pas aventurës në Prishtinës, e cila zgjati vetëm një mëngjes, ne marrim drejtimin e Graçanicës. Sipas hartës sonë serbe (e cila na tregon rrugët e Kosovës!), ekziston një vend i Trashëgimisë Botërore të UNESCO-s. Kur arrijmë në këtë qytet, vëmë re diçka të çuditshme: gjithçka shkruhet në qirilicë, ndërsa kosovarët përdorin alfabetin latin. Ka edhe pamflete për zgjedhjet rajonale që po zhvillohen në Serbi. Bile na folën edhe në gjuhën serbokroate. Në të vërtetë, këtu shumica e banorëve janë serbë dhe e pretendojnë Kosovën si një territor që i përket atyre. Mund të përdorim edhe dinarët tanë të fundit serbë, ndërsa monedha e vendit është euro. Ne jemi humbur. (Manastiri i Graçanicës)

5 / Përderisa ne kërkonim një vend për tu strehuar. Afrimi, një zvicerano-kosovar që jeton në zonën e Romandisë, na sfidon duke parë flamurin tonë francez. Ne ndalemi afër tij dhe fillojmë të bisedojmë. Shumë shpejt, ai na pyet për atë se përse kemi ardhur në këtë kodër, e cila nuk ofron shumë. Ne i përgjigjemi se duam vetëm një vend të sigurt për tendën tonë. Pesë minuta më vonë dhe ne gjendemi në shtëpinë e tij, të cilën na e la për mbrëmje, ndërkohë që ai shkon në një darkë familjare. Afrimi erdhi për të kontrolluar disa punë në shtëpinë e tij, kështu që ai pati kohë dhe na propozoi për të na treguar disa vende përreth. Natyrisht se e pranuam propozimin. I vizituam rrënojat romake të Ulpianës, si dhe Shpellën e mermerit.

6 / Afrimi pëlqen verë të mirë dhe raclette. Ai e ka edhe djathin që e ka sjellur nga Zvicra. Menjëherë, sytë e Gaëtanit xixëlluan. Ju duhet të jeni të vetëdijshëm se ai është e ushqimi i tij i preferuar. Mikpritësi ynë na fton të qëndrojmë edhe një natë shtesë, për të ndarë së bashku një raclette të madhe të shoqëruar me verë kosovare. E cila, në të vërtetë është e shkëlqyeshme!, transmeton albinfo.ch.

7 / Paraprakisht, ne ju kishim folur për problemin me identitetin dhe faktin se nuk e dimë nëse ky territor i takon Serbisë apo jo. Si nëpër shenjat e komunikacionit, të cilat rregullisht janë të shkruara me ndonjërin prej alfabeteve, shkruan “Oumenelevent.wordpress”, njofton Albinfo.ch.

Shenja të tjera që kanë ngjallën kuriozitetin tonë. Përse një tank? Ata datojnë nga lufta dhe vetëm informojnë tonazhin që të mos kalojë në pjesë të caktuara të rrugëve apo urave.

8 / Ky vend është shumë kodrinor. Do të kalojmë disa ditë për tu ngjitur në një lartësi mbidetare prej 1300 metrash, me biçikletat tona monstra. Moti është gjithmonë me ne, është kohë e mirë. Kalimet shpesh janë të pajisura me hotele dhe dyqane të të gjitha llojeve. Kemi simpati me tregtarët e prodhimeve vendore dhe na pëlqen të na përgëzojnë që mbërritëm lartë, ato na ofrojnë fruta ose djathë. Ndërsa unë nxitoj për ta gllabëruar. E pabesueshme kjo bujari!

9 / Prizreni, qyteti i dytë më i madh në vend, duket më mikpritës se kryeqyteti. Qyteti nuk është në ndërtim e sipër dhe ka një trashëgimi historike. Këtu, ka një përzierje të kulturës dhe fesë, përveç përkthimit të dyfishtë serbokroat dhe shqip, ka edhe përkthim turk. Trashëgimia e pushtimit otoman prej më shumë se 500 vitesh. Shumë monumente janë klasifikuar në UNESCO. Për fat të keq shumica janë në restaurim, kështu që ne nuk mund t’i vizitojmë ato. Për fat të keq! Këtu, nuk ju lënë jashtë. Ashtu sikur është Toni, të cilin e takojmë në rrugë dhe na fton ta kalojmë mbrëmjen me familjen e tij. Megjithëse mund të ndodhë që njerëzit nuk kanë kohë ose ndoshta nevojë për të na takuar, ne pothuajse gjithmonë na jepet një vend brenda, si dhe ushqim të ndryshëm. (Prizren, qyteti multikulturor)

Kalaja e kohës së Perandorisë Osmane dominon qytetin, një vend i përsosur për një mëngjes. Më vonë, ne vizitojmë xhaminë tonë të parë të udhëtimit dhe jo vetëm cilëndo: ate të arkitektit të famshëm Sinan Pasha. Dëgjohet ezani. Turistët largohen dhe besimtarët mblidhen nën kupolë. Gaetani vendos të qëndrojë aty dhe fillon t’i imitojë, si në kohën që ai kishte ndjekur mikpritësin tonë Mustafa në xhaminë e fshatit të tij të vogël, në Saharë. Është kënaqësi: ne gjunjëzohemi, ngrihemi. Kurdoherë që Imami thotë “All-llah”, ndryshon pozicionin në një përkulje të Perëndisë. Asgjë e keqe, përkundrazi. Ne kujtojmë se jemi ateistë, por që ky udhëtim ka për qëllim të përpiqet të kuptojë kultura të ndryshme nga tonat. Dhe për një herë, Islami është një skedar i mirë. Pra, ndryshe nga ata që mund ta konsiderojnë këtë praktikë si ekstreme, sepse imponon një disiplinë të rreptë (imazhi televiziv i mijëra muslimanëve që përulen sikurse të jetë vetëm një njeri në Mekë), ne shohim përmes përvojës sonë një moment të mbledhjes ditore dhe ndarjen në paqe dhe dashamirësi, të gjitha të përfshira në një ritual të mirë prej rreth 30 min. Një klishe që u shpërnda gjerësisht në Francë: Mungesa e higjienës nga ana e miqve tanë arabë? Myslimani lutet pesë herë në ditë, pas kryerjes së riteve të tij, dmth. Duke i larë duart deri në kyçet e dorës, fytyrën, qafën, veshët, gojën, mëngët dhe këmbët. Është gjithashtu koha që ata të marrin frymë më lirshëm në ditë, për t’u larguar nga jeta e përditshme për t’i shpëtuar mendimit të tyre shpirtëror dhe për t’u takuar me besimtarë të tjerë. Atje shkojnë shumë persona, lahen së bashku, pas lutjes, vishen së bashku dhe shpesh, marrim rastin të ftojmë njëri-tjetrin. Përherë buzëqeshjet janë të gjera dhe nuk shohim se dikush është i injoruar. Po, është gjithashtu një vend i socializmit. (Kështjella Osmane, Prizren)

10 / Jo, jo, nuk është verë, por është mu ashtu në mes të tetorit. Ne jemi në pantallona të shkurtra dhe i heqim trikotë kur ngjitemi në Grykën e Prevallës. Kemi marrë një vështrim të plotë nga çdo kënd, i cili na bën të harrojmë se jemi ngjitur për 18 km. Ky kalim është më i larti që nga fillimi i aventurës, me këto 1515 metra. (Kolegji i Prevallës)

11 / Duke arritur në maje, zbulojmë se ai është një vend ultra turistik, ka dhjetëra hotele e restorante. Donim ta kalonim natën, por nuk është e mundur. Pak kilometra nga takimi, ne pamë një shtëpi të braktisur dhe një burim. Nuk kishim nevojë për më shumë, për këtë natë. Zbritëm tre kilometra dhe bëmë një kalim të vogël në banjë, në ajër të pastër, për të liruar djersën e ngjitjes. (Gryka e Prevallës)

12 / Këtu, do të jetë bujtina për sonte. Nuk mund të shpresonim më mirë. Një pamje mahnitëse e luginës, një qiell i mbushur me yje dhe ne jemi me fat për të parë disa yje të ndritshëm. (Gryka e Prevallës)

13 / Për një çast, zbuluam origjinën e mbiemrit Gaëtan. Xhoni, është me origjinë kosovare-serbe. Me sa duket disa prej këtyre paraardhësve kishin bërë një pasuri nga vaji. Por, ai preferonte të udhëtonte me biçikletë !!

14 / Në tre kilometra para kufirit, kalojmë fshatin e fundit të Kosovës, Hani i Elezit. Po planifikonim natën ta kalonim në Maqedoni. Por si gjithmonë ndryshojnë planet dhe bujaria e kosovarëve përsëri ka goditur. Besimi na mirëpret për natën. Diskutuam shumë tema duke përfshirë përvojën e tij në Zvicër. Ai shpjegon 13 vjet të jetës së tij ka jetuar në Lozanë, si një kuzhinier – ai do të na bëjë një darkë të shkëlqyeshme. Në kohën kur pasaporta jugosllave ishte e fortë, nuk kishte asnjë problem për të udhëtuar. Për fat të keq, Qeveria zvicerane vendosi të mos lëshonte më leje pune dhe Besimi ishte detyruar të kthehej.

Për viza udhëtimi drejt Bashkimit Europian, kosovarët sërish po përballen me një sfidë. Në kryeqytet, Shpëtimi, pasi kishte jetuar në Zvicrën frankofone, na ftoi për një kafe. Ai është xhaxhai i Lorik Canës, ish kapiteni i Olympique Marseille dhe ekipit kombëtar të Shqipërisë. Natyrisht se folëm edhe për futbolli: Me krenari na i tregoi fotot e tij me Ribery, Nasry, … Më vonë, ai na kërkoi ndihmë për të marrë një vizë për Francë, për te dhe djalin e tij.

Një vizë: Më parë, në kohën e ish Jugosllavisë, kosovarët kishin qasje të lehtë në të dy blloqet (SHBA dhe BRSS) dhe aleatët e tyre qëkur ky shtet ishte pozicionuar si i painkuadruar. Pasaporta jugosllave ishte një nga më të fuqishmet, deri në atë masë që ajo u shit me një çmim të lartë në tregun e zi. Pastaj, ishte e mjaftueshme për ta deklaruar atë si “të humbur” për të marrë një të re. Në atë kohë, shumë persona gjithashtu zgjodhën të emigronin në Europë dhe sa i përket Kosovës, kryesisht në Zvicër. Sot, marrja e një vize për Europë për kosovarët nuk është e lehtë. Ata kanë nevojë për një ftesë dhe disave ju kushton një rrogë e tërë – mesatarisht fitojnë mes 200 dhe 350 euro në muaj.

15 / Babai i Besimit përkujdeset për lopën e tyre në mëngjes dhe mbrëmje. Djathi, kosi dhe qumështi që hanë këtu, janë rezultat i punës së tyre. 12 litra në ditë qumësht të freskët. Një ditë më parë, Gaëtan vëzhgon, të nesërmen fillon negociatat dhe ndërmerr masa. Gjyshi bujar, por kokëfortë nuk është i lehtë për tu ndihmuar. Së fundi, ai do të ketë të drejtën për 3 minuta vizatim dhe jo më shumë. Por të paktën ai e njeh ndjenjën e “vapën e nxehtë në duart e tij” siç thotë ai. Përtej mjeljes, shohim punën e madhe të prodhimit të qumështit tonë, të cilin e hamë pothuajse çdo ditë.

16 / Kosova, ne jemi befasuar mrekullisht nga këto peizazhe të jashtëzakonshme, nga këta banorë dhe këto kontraste. Peizazhet dhe malet e pakta së paku do të na i freskojnë sytë për një kohë. Kalimi i këtij vendi do të ketë qenë i shkurtër, 9 ditë, dy gryka më shumë se 1300 m dhe 300 km. Por do të mbajmë mend sidomos bujarinë e këtyre banorëve, buzëqeshjet e tyre të gjera dhe historinë e tyre.

Përpara në Maqedoni, për aventura të reja!

DokuFest thotë “I’ll Be Your Mirror” (VIDEO)

Posted on by Kult Plus

Tema e reflektimit do të theksohet në këtë edicion të DokuFest, i cili organizohet nga data 03-11 gusht në Prizren.

Përmes një njoftimi për media, ky festival ka njoftuar se tema do të trajtohet përmes kampanjës së festivalit si dhe përmes një kombinimi të programit të filmave, ekspozitave digjitale, bisedave me artistë, punëtorive dhe performancave muzikore.

Frymëzuar nga kënga e Velvet Underground “I’ll Be Your Mirror”, programi i DokuFest synon të shndërrohet në pasqyrë të botës ku jetojmë, si një pikënisje të asaj se kush dhe çka jemi./ KultPlus.com

Sislej Xhafa sot ‘pushton’ Kosovën me veprat e tij artistike

Posted on by Kult Plus

Prej 5 Korrik deri 25 Gusht 2018, Galeria Kombëtare e Kosovës organizon ekspozitën e artistit Sislej Xhafa me titullin “Love you without knowing” (Të dua pa e ditur), kuruar nga Jérôme Sans, kurator, kritik arti dhe drejtor institucionesh të artit bashkëkohor nga Parisi, përcjell KultPlus.

“Love you without knowing” është prezantimi i parë i këtij artisti me famë botërore në Kosovë, pas shumë ekspozitash në muze e galeri prestigjioze të botës. Ekspozita në fjalë, vjen pas përfaqësimit tejet dinjitoz të shtetit të Kosovës nga Xhafa në Bienalen e 57të të Venedikut më 2017, me veprën “Lost and found”.

Kjo ekspozitë u mundësua nga Ministria e Kulturës , Rinisë dhe Sportit, si dhe me përkrahjen e Ambasadës Amerikane në Prishtinë dhe Komunës së Prishtinës. Po ashtu realizimin e ekspozitës e ndihmuan me pjesëmarrjen e tyre Kuvendi i Kosovës dhe Komuna e Pejës, Ansambli i Komunës së Gjakovës, si dhe kompania ndërtimore Bavaria.

Eventet rreth hapjes së ekspozitës zhvillohen në pesë lokacione të ndryshme si vijon:

BAZENI ME DYMBËDHJETË KITRRA
5 Korrik, ora 11:00, Shtegu i Shëndetit (afër Bazenit) në rrethinë të Pejës
Konferenca për shtyp dhe inaugurim në bashkëpunim me Komunën e Pejës (nisja për
Pejë për mediat e interesuara bëhet nga Galeria Kombëtare me transport të
organizuar në orën 8:30 më 5 Korrik. Paraprakisht duhet të konfirmohet në numrin
kontaktues të mëposhtëm.)

BILBILI ( vetëm për mysafirët me ftesa të veçanta)
5 Korrik, ora 18:00, Salla e Kuvendit të Kosovës
në bashkëpunim me Ansamblin e Komunës së Gjakovës

LEPURI I BARDHË
5 Korrik, ora 20:00 , Galeria Kombëtare e Kosovës
Në ekspozitën e parë individuale në Kosovë, Xhafa do të prezantohet me projektin e
ri woven soil dhe me një përzgjedhje retrospektive veprash të realizuara gjatë
karrierës së tij 20-vjeçare, të ekspozuara në muzetë më të njohur botëror.

LEPURI I ZI
6 Korrik, ora 12:00, Salla Armata, sheshi Zahir Pajaziti në Prishtinë
Bisedë publike me artistin Sislej Xhafa dhe Kuratorin

Sislej Xhafa zbulon detaje rreth ekspozitës “Të dua pa e ditur”

Posted on by Kult Plus

Sislej Xhafa është duke punuar në ekspozitën e tij “Të dua pa e ditur” e cila do të hapet të enjten duke filluar nga ora 20:00 në Galerinë Kombëtare të Kosovës. Mirëpo artisti ka gjetur kohë për të dhënë një intervistë për Ambasadën Amerikane në Kosovë ku ka zbuluar më shumë për ekspozitën dhe titullin e saj, përcjell KultPlus.

Sislej Xhafa fillimisht është shprehur shumë i lumtur që është rikthyer në Kosovë për të prezantuar punën e tij në këtë ekspozitë e cila është ekspozita e tij e parë në Prishtinë.

“Titulli është “Të dua pa e ditur” dhe për mua është shumë e rëndësishme sepse për mua në dashuri nuk ka as hapësirë e as kohë dhe është diçka që nuk mund ta definojmë. E duam nënë, vëllain , motrën, shoqen, partneri, dikë të veçantë dhe çdo kush mund të gjejë në të këdo që dëshiron. Për mua marrëdhëniet me vendin ku kam lindur dhe më atë ku tani jetoj, New York, është një dashuri në të cilën nuk ka dallime por që është një dhuratë”, është shprehur ai.

Tutje ai ka theksuar se për të, arti është një lloj sfidë dhe veçanërisht kjo ekspozitë e mënyra sesi ajo është projektuar. Ai po ashtu ka treguar se në këtë ekspozitë do të përfshihen punime të tij të mëparshme por edhe të reja.

“Kemi zgjedhur punime të cilat theksojnë kompleksitetin e botës , që nuk lidhen vetëm me ambientin në Kosovë por me pyetje universale” , ka theksuar Xhafa.

Tutje artisti Sislej Xhafa ka diskutuar edhe për artin dhe familjen e tij ku edhe babi dhe motra, merren me art.
“Tani nuk flasim shumë për artin në familje sepse e kemi një lloj autonomie dhe nuk dimë as se çfarë tjetri është duke punuar. Kjo e ka anën e bukur të saj në mënyrën sesi ne evoluojmë në punën tonë duke qenë se jemi tre anëtarë të familjes që merremi me art”, tha ai duke treguar se sigurisht që ata janë të afërt me njëri-tjetrin por nga ana profesionale mundohen që të respektojnë këtë hapësirë mes tyre.

Artisti, ka diskutuar edhe për jetën që po e bënë tani në New York dhe për zhvendosjen në Amerikë. Ai ka diskutuar edhe për ndikim që ka pasur pikërisht ky vend në punën e tij dhe në konceptin e tij për demokracin, duke mos harruar edhe artin dhe mënyrën sesi arti paraqitet atje.

Sipas tij kjo ekspozitë është një ndërlidhje në mes të eksperiencave që ai ka pasur gjatë jetës duke përfshirë këtu faktin që ka lindur në Kosovë dhe jetën e tij në Amerikë.

Duke përdorur titullin “Të dua pa e ditur” për ekspozitën, Sislej Xhafa, është shprehur se ka arritur që të theksojë këto dy eksperienca në mënyrë të shëndetshme pasi që janë përbërësit e duhur që e nxisin artistin për të pyetur vetën, një rezistencë e vazhdueshme në një term më ndryshe./ KultPlus.com

https://www.facebook.com/kosovo.usembassy/videos/2564696926889780/

“Bilbili” sjellë në Kuvendin e Kosovës artistin me famë ndërkombëtare Sislej Xhafa

Posted on by Kult Plus

Prej 5 korrik deri më 25 gusht, Galeria Kombëtare e Kosovës organizon ekspozitën e artistit Sislej Xhafa me titullin “Love you without knowing” (Të dua pa e ditur), kuruar nga Jérôme Sans, shkruan KultPlus.

“Love you without knowing” është ekspozita e parë e Sislej Xhafës, artistit kosovar të njohur ndërkombëtarisht, në atdheun e tij. Njëkohësisht kjo do të jetë ekspozita ndër më të mëdhatë që është organizuar në vend, pasi që, do të hapet në 5 lokacione të ndryshme të Kosovës.

“Bilbili” është njëra ndër ngjarjet e të enjtes së 5 korrikut që do ta sjellë Sislej Xhafën në Kuvendin e Kosovës. Ngjarja nis me fillim nga ora 18:00 ndërsa do të jetë vetëm me ftesa e krejt kjo vjen në bashkëpunim me Ansamblin e Komunës së Gjakovës.

Rikujtojmë, se kjo është hera e parë që Sislej Xhafa vjen me ekspozitë në Kosovë, ndërsa vlen të theksohet se vitin e kaluar Sislej Xhafa erdhi në Kosovë në kuadër të eventit të organizuar nga KultPlus “Ta zbardhi ftyrën”- edicioni i parë i ciklit të rrëfimeve./ KultPlus.com

Flamuri i Kosovës në “Tarragona 2018” u hoq me ndërhyrjen e Qeverisë së Spanjës

Posted on by KultPlus

Flamuri i Kosovës nuk figuron në sajtin zyrtar të Lojërave Olimpike Mesdhetare “Tarragona 2018” që po mbahet në Spanjë.

Në fillim flamuri i Kosovës ishte prezent në sajt aty ku përfshihen ekipet pjesëmarrëse, megjithatë ai është larguar një ditë pasi xhudistet Nora Gjakova e Distria Krasniqi kishin rrëmbyer medaljet e arta.

Kryetari i KOK-ut, Besim Hasani për Koha.net ka thënë se flamuri është tërhequr me ndërhyrje të Qeverisë së Spanjës, gjë që sipas tij ka marrë edhe mbështetjen nga Komiteti Ndërkombëtar i Lojërave Mesdhetare – ICMG, si dhe nga Komiteti Olimpik Ndërkombëtar – IOC.

“Ka ndërhyrë Qeveria e Spanjës dhe deri në një masë kanë gjetur mbështetjen në ICMG dhe KON. Tash për tash kaq mund të them. Tjerat i sqarojmë me kumtesë ose konferencë për shtyp”, ka thënë Hasani për Koha.net.

Për këtë çështje Koha.net ka provuar të kontaktojë edhe me ministrin e Kulturës, Rinisë dhe Sportit, Kujtim Gashi, por që deri tani nuk ka pasur asnjë reagim nga ana e tij. Që të dy, Gashi e Hasani aktualisht gjinden në “Tarragona” si pjesë e delegacionit të Kosovës që po merr pjesë për herë të parë në këto lojëra.
Tani për tani Kosova në sajt është e paraqitur me inicialet “KOS”.

Spanja vazhdon të mos e njohë Pavarësinë e Kosovës, dhe në fillim nuk kishte dashur as të pranonte sportistët kosovarë, por pas presionit ndërkombëtar ishte zmbrapsur. Megjithatë, Spanja po vazhdon ta trajtojë si jo të barabartë Kosovën.

Kujtojmë gjithashtu se Kosova është e pranuar në ICMG dhe KON me të drejta të plota. / KultPlus.com

“Kosova” e Jusuf Buxhovit në Universitetin e Kanadasë

Posted on by Kult Plus

Botimi anglisht i “Kosovës”, me autor Jusuf Buxhovi tashmë po depërton edhe në Universitete e Kanadasë, si literaturë për historinë e Europës Juglindore, përcjell KultPlus.

“Përhapjes po i ndihmon edhe shtëpia botuese “Jalifat Publishing” me donacionet e veta të vazhdueshme në gjithë botën. Këto ditë, botuesi amerikan, Ramiz Tafilaj, Universitetit Quest i dorëzoi dy komplete të “Kosovës” në anglisht”, thuhet në njoftimin e autorit Buxhovi, në rrjetin social Facebook.

Koordinatorja e studimeve të universitetit Deidre Plaatjes me rastin e pranimit të kësaj vepre tha se i vjen mirë që edhe Biblioteka Universitare po pasurohet me këtë vepër historike që u ka munguar.

“Në si qytetar të Kanadasë jemi krenar që kemi marrë pjesë në rrjedhat historike që nxorën shtetin e Kosovës”, pohoi ajo, duke vazhduar të thotë se është e njoftuar me punën e historianit Buxhovi, jo vetëm nga indeksi i literaturës universitare ku ato tashmë janë të përfshira, por edhe se shumë nga studentët shqiptarë, që kanë studiuar aty, ndër ta edhe Drenusha dhe Kaltrina, kanë folur për historianin Buxhovi dhe veprën e tij që ka thyer gënjeshtrën serbe për Kosovën.

Plaatjes tha se pret me interesim praninë e historianit në Universitetin e Kanadasë dhe ligjëratën e tij. Ramiz Tafilaj falënderoi nikoqiret e Universitetit dhe u zotu se me rastin e qëndrimit të autorit në këtë Universitet do të sjell edhe një kontingjent tjetër librash nga historiografia shqiptare, në mënyrë që me vepra të njihet historia objektive e shqiptarëve./ KultPlus.com

Një shqiptar dhe një serbe mbajnë flamujt e njëri-tjetrit në duar, “Politika e Ballkanit ta shpif”

Posted on by Kult Plus

Pas ndeshjes mes Serbisë e Zvicrës në kampionatin botëror, ku Zvicra triumfoi me dy gola të shënuara nga dy futbollistë nga Kosova, fotografitë e tyre me simbolin e shqiponjës pushtuan edhe mediet botërore, shkruan KultPlus.

Ervin Kurti dhe Manuela Janićijević janë paraqitur me një fotografi krejt tjetër, duke bashkuar flamujt e dy shteteve dhe duke mbajtur flamurin e shteteve të njëri-tjetrit.

“Mendoj se politika në Ballkan ta shpif. Të rinjtë e rajonit tonë duhet ta duan vendin e tyre, duhet ta kujtojnë të kaluarën por mbi të gjitha duhet të shikojnë kah e ardhmja. E ardhmja e Ballkanit, e ardhmja jonë është Evropa”, ka shkruar Kurti në fotografinë e publikuar. / KultPlus.com

Kosova ka 722 mijë ‘dembelë’

Posted on by KultPlus

Agjencia e Statistikave thotë se numri i ‘dembelëve’ në Kosovë është rritur në tremujorin e parë të vitit 2018 krahasuar me periudhën e njëjtë të vitit 2017. Kjo Agjenci në anketën e fuqisë punëtore i kategorizon si persona jo-aktivë të gjithë ata që gjatë periudhës referente nuk ishin as të punësuar dhe as të papunë.

Në këtë kategori hyjnë ata që nuk janë të punësuar dhe nuk kanë qenë aktivë në kërkim të punësimit gjatë katër javëve të kaluara dhe/ose nuk janë të gatshëm të fillojnë punë brenda dy javësh. “Nga popullsia në moshë pune, 60.8 % nuk janë ekonomikisht aktivë, që do të thotë se ata nuk janë të punësuar dhe nuk kanë qenë aktivë në kërkim të punësimit gjatë katër javëve të kaluara dhe/ose nuk janë të gatshëm të fillojnë punë brenda dy javësh”, thuhet në raportin e Agjencisë së Statistikave, shkruan “Kallxo”.

Nëse e kthejmë përqindjen në numra, i bie që në tremujorin e parë të këtij viti kanë qenë 722 mijë e 314 persona jo-aktivë. Prej tyre, 231 mijë e 70 persona ishin burra dhe 491 mijë e 244 persona ishin gra. Në tremujorin e parë të vitit 2017, shkalla e personave jo-aktive ishte 58.3 për qind.

Kosova pjesë e shpërblimit të madh të arkitekturës Europiane

Posted on by Kult Plus

Kosova para disa dite është bërë pjesë e shpërblimit të madh të arkitekturës Europiane “European Union Prize for Contemporary Architecture – Mies van der Rohe”.

Pjesëmarrja e Kosovës në shpërblimin më të madh të Europës vjen pas pranimit të Kosovës në programet e grandeve kulturore të Unionit Europian dhe lobimit të komunitetit arkitektonik pranë organizatorëve të shpërblimit.

Shpërblimi “Mies van der Rohe” jepet çdo dy vite dhe shpërblen projektet më të mira në kontinentin e Europës. Shpërblimi ka për qëllim promovimin e cilësisë së arkitekturës Europiane. Nga çdo shtet nominohen një numër i caktuar i projekteve kurse nominues për Kosovën është emëruar udhëheqësi i Fondacionit Kosovar të Arkitekturës Bekim Ramku.

Javën e parë të korrikut përgjatë Festivalit të Arkitekturës në Kosovë, sekretari dhe kuratori i shpërblimit “Mies van der Rohe”, Ivan Blasi do të mbajë një ligjëratë për shpërblimin si dhe do të jetë pjesë e një punëtorie dy javore.

Këtu mund të shihni më shumë informata rreth shpërblimit dhe rreth kuratorit:

http://kosovoarchitecture.com/ivan-blasi/
ëëë.miesarch.com

“Kosovo NEXT10”, ekspozita që paraqet vizionin e të rinjve për Kosovën

Posted on by Kult Plus

Më 27 qershor në Muzeun e kosovës, do të hapet ekspozita “Kosovo NEXT10”, shkruan KultPlus.

Kjo ekspozitë do t’i paraqes në mënyrë virtuale vizionet e më shumë se 50-të të rinjve për të ardhmen e Kosovës në 10 vitet e ardhshme. Këto vizione do paraqiten përmes artit interaktiv të dizajnuar nga dizajner Tajvanez.

“Për të festuar hapjen, ne do të mbajmë një konferencë për media dhe një festë në mbrëmje. Konferenca do të fillojë në ora 16:00 dhe do mbarojë në orën 17:00, duke përfshirë edhe një ciceron për ekspozitën. Festa do të fillojë në ora 21:00 deri 00:00, ne kemi ftuar grupin RRETH që ju të kënaqeni atë natë! Ushqimin dhe pijet do i mbulojmë ne”, thuhet në njoftim.

Ekspozita dhe konferenca mbahen në Lapidariumin e Muzeut të Kosovës, ndërsa nisin që nga ora 16:00 e deri në 00:00. Ekspozita do të qëndrojë e hapur deri më 22 korri./ KultPlus.com

Formacioni i Kosovës në Kampionatin Botëror

Posted on by Kult Plus

Image of Kosovo, kanë publikuar një fotografi që tregojnë “Ekipin e Kosovës” në Kampionatin Botërorë të 2022, shkruan KultPlus.

Emrat e njohur që kthyen sytë e botës nga vendlindja e tyre Kosova, përbëjnë këtë formacion prej 11 personash, aq sa ka një ekip futbolli.

Rita Ora, Dua Lipa, Era Istrefi, Majlinda Kelmendi, Bebe Rexha, Action Bronson, Ramë Lahaj, Haxhi Krasniqi, Herolind Nishevci, Akil Gjakova dhe Ilir Latifi, janë lojtarët e Kosovës që po mahnitin botën./ KultPlus.com

“Lulëzimi” i “Cities of Peace”, zbërthen gjurmët e kulturës e historisë së Kosovës në tri periudha (FOTO)

Posted on by Kult Plus

Gili Hoxhaj

Përplot dy muaj punë intensive janë shkrirë në një pikturë monumentale, mbi të cilën janë ngulitur fort gjurmë të rëndësishme të historisë së vendit. Kjo pikturë monumentale që kishte mbledhur gjurmë të artistëve, studentëve, studiuesve e personaliteteve të njohura që e kishin vizituar, me një interaktivitet ngjyrash e simbolesh përfaqësonte rrugëtimin e Kosovës, përmes rrugëve e hartës së kryeqytetit. Pikturë ndriçuese mblodhi pranë vetes plot mysafirë.

Kjo pikturë ndërvepron me të tashmen e të kaluarën duke kaluar në rrugëtimin e dhimbshëm drejt një lulëzimi në ndërtim të paqes, i cili vazhdimisht evoluon rreth hapësirës së vet. Këto tri qarqe ndahen përmes tri ngjyrave të ndryshme të arit, duke përfaqësuar tri kohë të ndryshme në përthekim të identitetit që vjen përmes simboleve të ndryshme. Ngjyrë e arit në ngjyrë të shampanjës është më e zbehtë dhe si e tillë paraqet të ardhmen, e cila ende është e padukshme por pret të ndriçohet dhe të forcoj shkëlqimin. “Okarina”, “Vrapuesja e Prizrenit”, “Ylli i Davidit”, “Labirinti i Smires”, “Kultri i gjarpërit”, “ Kulti i Diellit”, simboli që simbolizon lyerjen e nuseve më të bardha”, Notat që flasin për vallëzimin tradicional të “Shotës”, janë disa nga simbolet që kanë zënë vend në pjesën e djathtë të pikturës, e që bëjnë vizitorët kureshtar për të zbërthyer kuptimin e tyre. Përveç rrugëve, aty janë të përfshira edhe hapësirat e jeshilta.

Kjo pikturë është pjesë e koleksionit “Qytetet e Paqes”, i cili ka dhjetë vite që ka frymuar nëpër qytete si Jerusalemi, Bagdad, Kabuli, Jerusalemi, Beijingi, Hiroshima, New York e Lhasa. Si i tillë nderon historinë dhe kulturën e qyteteve botërore që kanë përjetuar konflikte dhe trauma të mëdha, e përmes muraleve duke e gërshetuar historinë e kulturën e tyre. Themeluesja e këtij projekti Ellen Frank tenton të krijoi një kulturë globale të vlerësimit të asaj që është e ndryshme.

Katër lloje të arit të çmueshëm duke përfshirë fletët e palladiumit shndritin këtë pikturë monumentale, që prek historinë 8000 vjeçare të vendit. Ajo përmbledh punën e studentëve, artistëve, studiueseve, nga etni dhe 38-të komuna të ndryshme, Prishtina. Përmes vijave të hollave të filigranit lëviz historia rreth lules që lulëzon në të tashmen. Vijat e holla të filigranit lidhin periudha të ndryshme, të cilat vazhdimisht janë në interaktivitet me njëra-tjetrën. Përmes gjashtë gjuhëve është gdhendur fjala “lulëzim”, duke e bërë të komunikueshme edhe me komunitet tjera në Kosovë.

Kënga epike “Baresha”, ishte ajo që dëgjohej në sfond pak para se të fillonte ceremonia e hapjes së ekspozitës, përcjellë më këngë të zgjedhura që i përkasin muzikës së vjetër shqipe. Drejtori i Muzeut të Kosovës, Skënder Boshtrakaj përshëndeti të pranishmit dhe falënderoi të gjithë ata që kanë kontribuar në jetësimin e pikturës monumentale. Ai tha se Ellen Frank me “Qytetet e paqes”, e ka sjellë një përvojë unike e krejtësisht të papërsëritshme në Kosovë.

“Ky është një projekt i rëndësishëm për paqen globale. Për një dekadë Elleni në vende te ndryshme ka bërë një punë të mrekullueshme, me fletë ari e rikujton të kaluarën dhe nga ai vend dërgon mesazhe të paqes. Këtë vit në Kosovë mblodhi rreth vetes një grup të rinjve dhe me qindra qytetarë e përfaqësues të institucioneve u ndërtua një vepër me motive të trashëgimisë kulturore e që si koncept e ka filigranin dhe si mjeshtëri dore por edhe si vend ka prodhuar ari e argjend me shekuj e që ende se dimë a ka qenë fat a fatkeqësi e këtij vendi”, u shpreh Boshtrakaj, duke shpresuar që kjo vepër nga tetori do të jetë në mesin e veprave të tjera “Qyteteve të paqes “në ndërtesën e Kombeve të Bashkuara.

Pas tij, fjalën e mori zëvendësministrja e Kulturës, Rinisë dhe Sportit- Burbuqe Bakija, e cila falënderoi drejtoreshën e projektit që ka zgjedhur që Prishtina të jetë në hartën e qyteteve që do të vazhdojnë tutje të prezantojnë vlerat e trashëgimisë dhe ato artistike të Kosovës.

“Kjo vepër që ka motive të trashëgimisë kulturore, duke u bazuar në të kaluarën e duke kaluar në të tashmen jep mesazhin për paqe për të ardhmen e kombeve tona”, u shpreh Bakija gjatë fjalës së saj.

Richard Mei nga Ambasada e Shteteve të Bashkuara tha ne emër të ambasadës amerikane se ndihen të nderuar që kanë bashkëpunuar në këtë projekt të veçantë.

“Dua të them se jemi të nderuar që të bashkëpunojmë në këtë projekt, me Ellen Frank dhe çdo njërin që ka punuar në këtë projekt. Shpresoj që përmes kësaj mesazhi i paqes. I uroj këtij projekti më të mirën dhe do ta vazhdoni ta bashkoni botën”, tha në fjalën e tij Mei.

Edhe Universiteti i Prishtinës ka qenë njëri nga përkrahësit e këtij projekti. Rektori i UP-së, Marjan Dema në emër të Universitetit të Prishtinës, studentëve e stafit e falënderoi Ellen Frank dhe “Qytetet e Paqes që i kanë ofruar Kosovës një dhuratë kaq të çmueshme.

“Unë ndihem mirë që edhe UP ka dhënë një ndihmë ne këtë projekt kaq të madh. Ellen, ka qenë kënaqësi e imja të të njoh, sa herë të shoh kam një ndjenë që po e shoh Nënë Terezën”, tha Dema në fjalën e tij drejtuar të pranishmëve dhe Ellen Frank.

Krejt në fund, para se të zbulohej piktura “Lulëzimi”, Themeluesja dhe Drejtoresha artistike e “Cities of peace”, Ellen Frank iu drejtua të pranishmëve. Me modesti, ajo gjithë suksesin ua dedikoi atyre me të cilët ka punuar aq gjatë në këtë projekt, duke i ftuar kështu gjithë studentët të bashkohen në skenë me të.

“Unë jam duke qëndruar këtu dhe njerëzit që kane punuar janë duke qëndruar këtu po ashtu. Ejani këtu, kjo skenë është për ju. Këta janë e ardhmja e Kosovës. Të talentuar, të përkushtuar, duke punuar aq gjatë, duke dhënë gjithçka ditën e natën. Jeni të mrekullueshëm. Kjo pikturë është e juaja”, u shpreh Ellen Frank.

Pasi publiku ndjekur hapat e saj për të zbuluar monumentin, Ellen Frank së bashku me studentët u sqaruan të pranishmëve punën e tyre. Ardona Hajdaj, njëra nga studentët që ka bashkëpunuar në këtë projekt tha se kanë vendosur shumë punë, energji dhe emocion në këtë pikturë.

“Shpresoj që do të ju pëlqej puna jonë e lodhshme dhe shumë delikate. Kjo është për Kosovën, popullin tonë dhe të gjitha komunitetet që bëjnë pjesë në të”, tha Hajdaj në fjalën e saj.

Kjo pikturë është bashkëpunim mes CHwB Kosovës, Ambasadës Amerikane, Universitati i Prishtinës, Qyteteve të Paqes dhe Muzeut të Kosovës./ KultPlus.com

Islanda më paqësorja në botë, Kosova më jopaqësorja në Ballkan

Posted on by Kult Plus

Instituti për Ekonomi dhe Paqe, me seli në Sidnej, publikoi të mërkurën Indeksin e Paqes Globale, duke radhitur 163 shtete dhe territore në bazë të nivelit të tyre të paqes.

Lista u përpilua me matjen e gjendjes në tri fusha: siguri sociale, konflikt të brendshëm dhe ndërkombëtar dhe militarizim. Islanda mbetet vendi më paqësor në botë, një pozicion që ka që nga viti 2008, ndërsa Siria mbetet e fundit në listë për të pestin vit me radhë.

Nga vendet e rajonit të Ballkanit, Kosova radhitet më së keqi – në vendin e 92-të, pastaj vjen Bosnja në pozitën numër 89, Maqedonia 87, Mali i Zi 58, Serbia 54 dhe Shqipëria 52./Evropa e Lire

Adem Mikullovci kërkon që Kodi i Ri Penal të bazohet në Kanunin e Lekë Dukagjinit (VIDEO)

Posted on by Kult Plus

Sot në seancën e radhës në Kuvendin e Republikës së Kosovës, është diskutuar për Kodin e Ri Penal, shkruan KultPlus.

Sa i përket kësaj, në këtë seancë fjalën e mori edhe deputeti i Lëvizjes Vetëvendosje, Adem Mikullovci, i cili tregoi se është i pakënaqur me ligjin dhe ai kërkoi që të merren parasysh edhe Kanuni e edhe Pleqnarët. Sipas tij, ligjit nuk po i vije era shqip, dhe kësisoj siç e tha ai: “po bëhemi më Papë se Papa”.

Adem Mikullovci në këtë deklaratë skandaloze, thotë edhe: “Mandej, le të flasin ata çka të donë, por pa e rrahë fëmijën, fëmija nuk bëhet terrbije, dijeni”.

Ai po ashtu merr një shembull dhe i pyet deputetët se çfarë mendojnë: “Ta marrë veç një shembull, sipas këtij Kanuni, sipas këtij Ligji sipas këtij Kodi, nëse gruaja e padit burrin e burri shkon në burg, më tregoni a e prit ajo grua burrin në shtëpi, hajt më tregoni”.

Po sjellim të plotë deklaratën e aktorit, e tash edhe deputetit në Kuvendin e Republikës së Kosovës, Adem Mikullovcit:

“Unë dua të them, ju e dini që nuk jam jurist, por e shfletova materialin dhe u mundova të kuptoj ca gjëra. Por e vërejta dhe nuk më pëlqeu që këtij kodi nuk po i vije era shqip. Mendoj që është dashtë të mbështetën ata ekspertët e juaj pak edhe në tradita e edhe në pleqnarë. Pleqnia jonë ka ditur të zgjidhë konfliktet që nuk kanë ditur as juristët t’i zgjidhin. Por unë u ndala edhe në dhunën familjare. Të kuptohemi që dhuna familjare nuk mund të aplikohet si në Amerikë e Angli e ata tjetër atje, ne jemi tjerë dhe duhet të iu tregojmë që jemi tjetër. Ta marrë veç një shembull, sipas këtij Kanuni, sipas këtij Ligji sipas këtij Kodi, nëse gruaja e padit burrin e burri shkon në burg, më tregoni a e prit ajo grua burrin në shtëpi, hajt më tregoni. Mandej, le të flasin ata çka të donë, por pa e rrahë fëmijën, fëmija nuk bëhet terrbije, dijeni. Mandej këtu e përkrahi plotësisht Mialim Zekën, dhe mendoj që pak tepër po mundohemi të bëhemi anglez, si thotë ajo fjala popullore më papë se Papa, nuk po vjen era shqip, e kjo më ka penguar”, ka thënë ai./ KultPlus.com

https://www.facebook.com/GOInsajderi/videos/2520407978185017/UzpfSTEyNzE0OTY2NzI6MTAyMTU4NTUxNDE1OTI3NDA/

POLIP, tri netët letrare që i dhanë ngjyra magjike Kosovës (FOTO)

Posted on by Kult Plus

Gili Hoxhaj

Festivali POLIP mbrëmë përmbylli rrugëtimin e edicionit të 8-të të tij. Në ulëset e në skenën e këtij festivali mungonte njëri nga poetet, Kujtim Paçaku. Mirëpo nuk mungonin fjalët e kujtimi për të. Në nderim të tij filloi dhe përfundoi edicioni i 8-të i Festivalit Ndërkombëtar të Letërsisë “POLIP”.

Sasa Ilić e kujtoi takimin me të në vitin 2010 dhe tha se ai ishte një nga poetët e parë të cilin e ka takuar. Ai e lexoi një pjesë të shkruar nga ai, e me përkthim të Shkëlzen Maliqit. Ilić tha se këtë mbrëmje ia dedikon Kujtim Paçakut.

Festivali “Polip” solli për tri ditë radhazi mjaft shumë aktivitete letrare, duke përfshirë lexime e diskutime të shumta që lidhen me letërsinë por duke i lidhur me rrethanat e historisë e të aktualitetit. Këtë vit festivali u realizua nën moton “Republika e Lirë e Letërsisë”.

Susanna Rafart (CAT), Alida Bremer (CRO/DE), Zora Del Buono (CH), Tinka Kurti (RKS), Agron Tufa (ALB), Ilire Zajmi (RKS), Peter Wawerzinek (DE), Elona Çuliq (ALB), Clemens Meyer (DE), ishin emrat që ishin ulur pranë skenës e publiku po i priste e përcillte me duartrokitje.

Mbrëmë ky festival shënoi edhe natën e fundit të tij, duke mbledhur kështu mjaft shumë artistë shqiptarë e të huaj të cilët zbërthyen krijimet në emocione përmes interpretimit. E gjithë hapësira ku po zhvillohej kjo mbrëmje u mbush me njerëz që kishin ardhë t’i shijonin vargjet e shkrimtarëve që vinin në gjuhë të ndryshme.

Fillimisht të pranishmit njoftoheshin me biografinë e autorëve që ngjiteshin në skenë. E para në skenë erdhi Susanna Rafart nga Katalonia. Ajo solli leximin e poezisë “The voice”, për të vazhduar “You are welcome to enter”, më pas Alida Bremer nga Kroacia / Gjermani e Zora Del Buono nga Zvicra lexuan krijimet e tyre në gjuhën gjermane, ku në ekranin e madh vinin të përkthyera në gjuhën angleze.

Zora Del Buono e lindur në Cyrih është një arkitekte, gazetare dhe shkrimtare zvicerane. Ajo ka rreth pesë libra të botuar. Ajo tregoi se ishte kurioze që të vinte në këtë festival dhe eksperienca që ka fituar është e mrekullueshme.

“Për mua ka qenë një përvojë shumë e mirë për shkak se kam takuar mjaft shumë njerëz dhe libri im i radhës ka të bëjë pikërisht me Jugosllavinë me Titon. Këto janë gjëra që kam dëgjuar nga familja ime ndërsa këtu kam takuar edhe njerëz që janë ekspertë të kësaj fushe dhe mund të më ndihmojnë edhe më tutje”, u shpreh Del Buono për KultPlus.

Pas tyre në skenë erdhi Tinka Kurti e cila solli interpretimin e vargjeve të poezive të thella me titujt “Unë quhem Izmir”, “Ne” dhe “Përbindëshat”.

Pas saj para publikut erdhi shkrimtari i njohur nga Shqipëria, Agron Tufa. Para se të filloi recitimin e poezive të tij “Liria e vërtetë”, “Fryma mbi ujëra” e “Elegji”, ai u shpreh se qëndrimi në rezidencën e këtij festivali i ka krijuar ndjesinë për të shkruar diçka vendimtare, madje thotë se ia ka dalë që me sukses të shkruar disa monologje të vogla të cilat do t’i vë në skenë.

Me shumë duartrokitje e ndriçim të dritave, u prit shkrimtarja Ilire Zajmi që fillimisht lexoi poezinë “Këshilla vetes”, e më pas “Helenë e panjohur”, “Akt terrorist” e “Dëshirat”.

Ilire Zajmi, e cilësoi këtë festival si të jashtëzakonshëm e që prezanton emra të njohur të letërsisë ndërkombëtare. Përmes tryezave të diskutimeve që solli ky festival, Zajmi tha se ishin një mundësi shumë e mirë për t’i dëgjuar trajtimin e këtyre temave nga autorë të ndryshëm.

“Të krijohet përshtypja që me të vërtetë jemi në një “Republikë të Letërsisë” sepse kemi pasur mundësinë të dëgjojmë poezi në gjuhë të ndryshme të cilat edhe pse nuk i kuptonim, tingëllojnë aq bukur. Pavarësisht se kishte përkthim, mundësia për t’i dëgjuar në gjuhën origjinale ka qenë e mahnitshme”, tha Zajmi për KultPlus.

Peter Wawerzinek solli një atmosferë ndryshe me një stil të veçantë interpretimi. “I’m Dylan Thomas not Bob Dylan”, shkruhej në ekranin prapa tij. Me lëvizje të shpejtë të duarve rreth vetes e zërit melodik ai duke kënduar solli poezitë e tij tek publiku e konteksti i të cilave shpesh ngjallte të qeshurat e tyre.

Pas tij erdhi autorja nga Shkodra, Elona Çuliq e cila njihet për interpretimet e saj të mrekullueshme Slam. Një të tillë e solli edhe gjatë natës së mbrëmshme derisa publiku shijoi interpretimin e saj. Pas Çuliq në skenë u ngjit Clemens Meyer nga Gjermania i cili lexoi një fragment të titulluar “Eins, zwei, drei”.

“Polip” njihet si festivali më i madh kushtuar letërsisë në Kosovë, duke i ofruar publikut diskutime e artit letrat të rreth tridhjetë shkrimtarëve të njohur të letërsisë botërore. Jeton Neziraj është njëri nga drejtorët e këtij festivali. Ai tha se këtë edicion e cilëson si të suksesshëm dhe se ky vit ka pasur një laramani të autorëve që nga ata gjerman, kroat, zviceran e katalonas.

“Për mua ky është edicioni më i mirë i festivalit deri më tash. Tri net festë letrare, lexime, diskutime që shpesh nuk janë shumë të lehta për shkak të temave që trajtohen por në tersi janë të dobishme. Mbrapa këtij eventi të vogël qëndron një numër i madh i njerëzve të cilët punojnë gjatë gjithë vitit që ta bëjnë të mundshëm. Një staf prej gjashtë vetash nga “Multimedia” dhe një numër i bashkëpunëtorëve artistik të cilët gjatë vitit sugjerojnë tema dhe autorë. Si rezultat është ky festival modest i cili besoj që është freski për jetën letrare në Kosovë”, u shpreh Neziraj për KultPlus.

E gjithë mbrëmja u përmbyll me muzikë e interpretim të veçantë nën tingujt e zërit të Nezafete Shala & band. / KultPlus.com

Fotografia e refugjatit të vogël nga Kosova që i dhuroi çmimin Pulitzer fotografes amerikane (FOTO)

Posted on by Kult Plus

16 prilli është data kur në Kukës shënohet Dita e Eksodit, si shenjë falënderimi dhe respekti për të gjithë ata që hapen dyert e veta për të pritur vëllezërit e tyre shqiptarë nga Kosova, shkruan KultPlus.

Fotografja Carol Guzy, ka kapur shumë pamje të refugjatëve nga Kosova që po shkonin drejt Kukësit gjatë luftës së Kosovës. Por me një pamje atje, ajo ka arritur të marr çmimin Pulitzer. Në këtë fotografi shihet një fëmijë refugjat me emrin Agim Shala. Ai në atë kohë 2 vjeçar, shihet teksa gjyshërit e tij e kalojnë përmes gardhit të telave me gjemba tek familjarët e tjerë që po vendoseshin në një kamp në Kukës të Shqipërisë.

“Gardhi ishte skena e shumë ribashkimeve. Kur u nënshkrua marrëveshja e paqes, ata u kthyen në Prizren për të gjetur shtëpitë e tyre që kishin mbetur të dëmtuara lehtë. Kishte lot gëzimi dhe trishtimi nga familja pasi fëmijët kalonin përmes gardhit, simbolik e pafajësisë dhe tmerrit e konfliktit”, shkruhet në përshkrimin e fotografisë.

Ajo thotë se imazhet që ka bërë atje, janë imazhe të dhimbjes dhe shpresës, por çka veçon ajo është se këto pamje e përvoja e kanë prekur atë emocionalisht në momentet kur ka marr rrugën e kthimit.
“Ndihesha shumë fajtore sa që më duhej të hyja në avion dhe t’i leja mbrapa meje shumë nga këto vende. Por unë mendoj se mënyra më e mirë për tu përballur me këtë që t’ia bëni me dije vetes se ajo çfarë po bëni është një mision, kjo nuk është vetëm një punë”, ka thënë Guzy.

“Është një fotografi e mbushur edhe me lumturi”, thotë Guzy. “Familjet që kishin shpëtuar nga spastrimi etnik nuk e dinin nëse të dashurit e tyre kishin mbijetuar apo jo. Kur një familje shihte të afërmit në anën tjetër të telit me gjemba, ata gëzoheshin dhe ua dorëzonin fëmijët e tyre të vegjël, duke pritur që të ribashkohen”, ka thënë fotografja e Washington Post.
Po ashtu në një intervistë, ajo ka treguar se Pulitzer e pranon si dedikim ndaj atyre që janë pjesë e fotografisë.

“Unë nuk besoj se çmimet Pulitzer na përkasin neve, unë mendoj se ne vetëm i pranojmë ata për njerëzit që janë në tregimet tona. Ata janë të guximshmit, janë ata që e tregojnë hapur jetën e tyre në mënyrë që të mund t’i marrim ato fotografi dhe të tregojmë historitë e tyre “, kishte thënë Guzy. / KultPlus.com

Dua Lipa: Gjyshi im u pushua nga puna sepse nuk pranonte të shtrembëronte historinë e Kosovës

Posted on by Kult Plus

Këngëtarja shqiptare, Dua Lipa edhe pse në moshë të re, ajo po prek majat e suksesit në muzikën ndërkombëtare. Viti që shkoi e nxori atë si këngëtaren më të dëgjuar në Spotify, ndërsa kënga e saj “New Rules”, mblodhi përplot 1 milion klikime.

Dua Lipa nuk e ka mohuar asnjëherë vendlindjen e saj, kështu dhe në intervistën e fundit për “The Guardian”, ajo ka treguar për historinë e familjes së saj, për luftën në Kosove dhe Bosnjë, për sakrificat e prindërve dhe gjyshërve të saj.
“Dukagjin Lipa ishte djali i historianit të njohur, Seit Lipa që në atë kohë ishte kryetari i Institutit të Historisë. Kur filloi konflikti në Kosovë, përfundoi edhe karriera e gjyshit”, ka treguar tutje Dua, duke thënë se kjo ka ndodhur pasi që gjyshi i saj, nuk pranonte assesi të shtrembëronte historinë e Kosovës.
“Kur erdhën serbet, ata kërkonin nga historianet të rishkruanin historinë e Kosovës. Ta ndryshojnë atë, të thonë se Kosova ka qenë gjithnjë pjesë e Serbisë dhe asnjëherë pjesë e Jugosllavisë dhe gjyshi im ishte nga ata njerëzit që nuk mund ta bënin, kështu ai e humbi punën pasi që nuk donte të shkruante diçka të cilën nuk e besonte”, ka treguar Dua.

Tutje ajo ka treguar për prindërit e saj të cilit kanë shkuar si refugjat në Londër, në vitin 1992, ndërsa gjyshërit kishin mbetur në Kosovë dhe Bosnie, përcjellë KultPlus.
Dua gjatë kësaj interviste ka treguar se gjyshi i saj kishte vdekur në vitin 1999, pas luftës në Kosovë mirëpo për shkak se kufijtë kishin qenë të mbyllur, babai i saj, Dukagjin Lipa nuk kishte pasur mundësi ta vizitonte babain e tij, Seit Lipa.

Ajo tutje ka shpjeguar se si prindërit e saj kanë punuar dhe në të njëjtën kohë kanë ndjekur studimet.
“I kam parë prindërit e mij duke punuar çdo ditë të jetës time”, ka thënë tutje, Dua Lipa, e cila ka shtuar se derisa ajo shkonte në shkollë edhe prindërit e saj shkonin në shkollë.

Ajo po ashtu në këtë intervistë ka folur rreth refugjatëve dhe rëndësinë e Kosovës për t’u anëtarësuar në Bashkimin Europian.
Ylli botëror nga Kosova, pritet që këtë verë të vizitoi kryeqytetin e Kosovës, Prishtinën. / KultPlus.com

Dua Lipa: Gjithmonë kemi folur shqip në shtëpi

Posted on by Kult Plus

Këngëtarja shqiptare, Dua Lipa edhe pse në moshë të re, ajo po prek majat e suksesit në muzikën ndërkombëtare. Viti që shkoi e nxori atë si këngëtaren më të dëgjuar në Spotify, ndërsa kënga e saj “Neë Rules”, mblodhi përplot 1 milion klikime.

Dua Lipa nuk e ka mohuar asnjëherë vendlindjen e saj, kështu dhe në intervistën e fundit për “The Guardian”, ajo ka treguar për historinë e familjes së saj, për luftën në Kosove dhe Bosnjë, për sakrificat e prindërve dhe gjyshërve të saj, përcjellë KultPlus.

Tutje ajo ka treguar për prindërit e saj të cilët kanë shkuar si refugjat në Londër, në vitin 1992, ndërsa gjyshërit kishin mbetur në Kosovë dhe Bosnie.
Dua Lipa ka qenë në përfundim të shkollës fillore kur prindërit i dhanë asaj lajmin se po ktheheshin në Kosovë pasi që babai i saj, Dukagjin Lipa kishte diplomuar dhe atij i ishte ofruar një punë në kryeqytetin e Kosovës, në Prishtinë.
“Të gjithë shokët e mij ishin duke shkuar në shkolla të ndryshme. Ndërsa unë u thoja atyre “Um, unë po shkoj në Kosovës”, ka treguar Dua për “The Guardian”.

Ajo tutje ka thënë se është ndjerë shumë e lumtur të kthehet dhe të takoj të afërmit që nuk kishte pasur mundësi t’i shihte më herët.
“Isha shumë e emocionuar, ne gjithmonë kemi folur shqip në shtëpi. Atje kisha kushërinj që nuk i kisha takuar asnjëherë”, është shprehur Dua Lipa për “The Gurdian”./ KultPlus.com

“Mollëkuqet” e Gjilanit përfaqësojnë Kosovën në Bjellorusi

Posted on by Kult Plus

Kryetari i Komunës së Gjilanit, Lutfi Haziri, ka pritur sot në takim përfaqësuesen e qendrës kulturore “Mollëkuqet”, Arta Haziri Nuhiu, e cila së bashku me katër talentet na Gjilani, Edisa Ahmeti, Ilda Nuhiu, Valenta Selimi dhe Yllka Dema, do të nisen për në Minsk të Bjellorusisë për ta përfaqësuar Kosovën në festivalin ndërkombëtar të muzikës “Lemari”.

Kryetari Haziri, pasi u ka uruar suksese në këtë festival, ka thënë se ky është shembulli më i mirë i talenteve që ka Gjilani në këtë dhe disa fusha tjera.

“Unë ju uroj shumë suksese dhe shpresoj shumë që do ta në bëni krenarë të gjithëve me rezultatet e arritura. Mbështetjen e Komunës do ta keni në vazhdimësi”, ka thënë Haziri.

Ndërkaq, drejtoresha e qendrës kulturore “Mollëkuqet”, Arta Haziri Nuhiu, e ka falënderuar kryetarin Haziri për pritjen dhe mbështetjen e madhe që i ka dhënë festivalit “Mollëkuqet”.

“Do ta bëjmë të pamundurën që ta përfaqësojmë shtetin tonë në mënyrë sa më dinjitetshme dhe të rikthehemi me trofe të fituar nga ky event i madh ndërkombëtar, ku Kosova për herë të parë po merr pjesë. Më 17 prill do të jetë nata finale dhe besojmë që do ta bëjmë krenar vendin tonë”, ka thënë Haziri Nuhiu.

Në këtë takim, suksese i kanë uruar talenteve të Gjilanit edhe kryesuesja Shpresa Kurteshi Emini dhe drejtoresha e Arsimit, Majlinda Hoxha./ KultPlus.com

Vepra e Mid’hat Frashërit, Uran Butka: Parashikoi çlirimin e Kosovës, foli edhe për çamët (VIDEO)

Posted on by Kult Plus

Vepra historike të botuara në shtypin periodik prestigjioz të Parisit, Londrës, Brukselit e Gjenevës, por edhe çështja e Epirit, marrëdhëniet e Shqipërisë me Italinë, Turqinë dhe marrëdhëniet shqiptaro-sllave, shohin dritë në vëllimin e dytë dedikuar veprës së Mid’hat Frashërit.

Nipi i Abdyl, Sami e Naim Frashërit, ligjërimet e Mid’hat Frashërit, figurës historike në mbrojtjen e çështjes shqiptare në Konferencën e Paqes në Paris dhe Lidhjen e Kombeve nën cilësinë e Kryetarit të Delegacionit Shqiptar, vijnë për lexuesin për herë të parë nën optikën e një njeriu avangardë, që e shihte të ardhmen e Shqipërisë, shumë vite përpara.

“Ai sa një njeri që parashikon ngjarjet, është një parashikues gjenial i zhvillimeve historike në Shqipëri, parashikon edhe çlirimin e Kosovës, parashikon edhe zhvillime të tjera shqiptare, por në këtë botim veçoj shqetësimin e tij të madh për çështjen çame, që është edhe aktuale sot dhe pastaj relacionet e marrëdhëniet mes Shqipërisë dhe Greqisë, një kontribut shumë i madh, por edhe një mësim shumë i madh për politikën, për historinë, por edhe qytetarinë shqiptare”, tha Uran Butka, shkrimtar, studiues.

Butka shton se nga vepra e pasur e Lumo Skëndos janë ende 13 vëllime të tjera të pabotuara si edhe një biografi e tij./Top Channel/ KultPlus.com