Patriarku i Kishës Ortodokse serbe Irinej ka vlerësuar se çështja e Kosovës nuk bën të zgjidhet shpejt dhe se Serbia nuk duhet të heqë dorë nga lufta për ta ruajtur territorin e vet, transmeton Koha.net.
Ka theksuar se Kosova me popullin e vet serb dhe me shenjtoret e saj nuk mund të lihet në mëshirën dhe në pamëshirën e atyre që,sipas tij, deri më dje,e kanë shkatërruar .
“Kosova është toka e shenjtë sllave, është Jerusalemi ynë”, citon “blic” i Beogradit të ketë thënë Irinej.
Ka shtuar se “qe një mijë vjet populli serb jeton në Kosovë. Atje i ka ngritur faltoret. I ka zbukuruar e sot të fuqishmit e kësaj bote po duan të na e rrëmbejnë ashtu siç e kanë pushtuar. Nuk mund të lejojmë kurrë që Kosova të jetë vend i dikujt tjetër” .
“Fuqia merr vende e shtete, nëse duan le ta marrin. Le ta pushtojnë, por ne nuk guxojmë kurrë ta japim vendin tonë të shenjtë sepse populli thotë: Ajo që merret me forcë, kthehet disi e për këtë kemi dëshmi popullin hebre i cili ka pritur 2 mijë vjet që t’i kthehet Jerusalemi dhe ai është kthyer”, ka përfunduar Irinej.
