“Terr e Dritë” është libri i autorit Krenar Xhaferi, i cili u promovua në Prishtinë. Libri flet për periudhën e errët të viteve të 90-ta në Kosovë.
Në këtë libër përshkruhet historia dhe vuajtja përmes rrëfimeve personave të ndryshëm përgjatë kësaj periudhe, në librin “Terr e Dritë” të autorit Krenar Xhaferi.
Nuhi Rexhepi Redaktor i librit tha se ky libër vë në pah dy gjendje terrin dhe dritën
Autori tha se promovimin e këtij libri e ka përzgjedhur pikërisht në përvjetorin e miratimit të Kushtetutës së Kaçanikut./rtk/ KultPlus.com
Krenar ‘Hije’ është kënga e parë e publikuar nga këngëtari i cili në muzikë vjen me emrin artistik Krenar, shkruan KultPlus.
Në një prononcim për KultPlus pas publikimit të këngës, ai thotë se më herët nuk është marrë me muzikë por vetëm ka bërë mësime vokale.
“Mësime vokale për teknikë të zërit marr që katër vite, por aktivisht me muzikë nuk jam marrë para këtij projekti”, u shpreh ai.
Ai po ashtu shprehet që pas kësaj kënge, ka në plan dhe shpreson që do të vijë edhe me projekte të radhës.
“Stili kryesisht do të jetë i tillë, por besoj qe edhe eksperimente dhe testime të limiteve do të ketë”, deklaroi ai për KultPlus.
Ndërkaq kënga hije është realizuar nga Tomor Kuçi si tekstshkrues dhe producent. Videoklipi është bërë nga Ard max, kurse veshjet në klip janë punuar nga Flutura Dedinja.
Më poshtë mund ta dëgjoni këngën e re të Krenar./KultPlus.com
KultPlus ju sjell 25 vajzat dhe gratë e Kosovës që u shndërruan në zërin e vajzave, djemve, grave dhe burrave të Kosovës.
Vajzat dhe gratë e Kosovës po vazhdojnë të shkëlqejnë në fusha të ndryshme, duke shndritë nëpër botë.
Me rastin e 8 Marsit, KultPlus ka përzgjedhë 25 vajza e gra që nëpërmjet fjalimeve, performancës, muzikës, sportit, filmit e biznesit kanë ngritë dhe kanë përfaqësuar vendin në mënyrë dinjitoze, e duke shndërruar Kosovën në një Kosovë të artë, në një Kosovë që synon Oscar, në një Kosovë që me rrëfimet e nxjerra po nga ky vend, i ka treguar botës po për dhimbjen, kurajën dhe guximin e vajzave dhe grave të vendit më të ri në kontinentin e vjetër.
Po këto vajza dhe gra u shndërruan në inspirimin e shumë vajzave, djemve, grave e burrave, të cilët kuptuan se ëndrrat nuk duhet dhe nuk mbeten vetëm ëndrra.
KultPlus ju sjell në vazhdim pianisten Anila Aliu, e cila ka marrë pjesë në disa prej skenave më prestigjioze në vitin e fundit, duke arritur kështu suksese madhështore.
Aliu, ka fituar çmimin e parë në garat ndërkombëtare “Golden Classical Music Awards”, ku performoi në një ndër sallat prestigjioze në botë, “Carnegie Hall”, në New York. Ajo gjithashtu ishte edhe fituese e çmimit “Grand Award” në Bangkok, duke vendosur Kosovën në arenat e njohura kombëtare. /KultPlus.com
