Etiketë: Kujtim Gashi

Emërohen anëtarët e Task Forcës për luftimin e piraterisë

Posted on by KultPlus

Ministri i Kulturës, Rinisë dhe Sportit, Kujtim Gashi, në bazë të dispozitave ligjore në fushën e të Drejtës së Autorit dhe Strategjisë Kombëtare për Forcimin e Sistemit të së Drejtës së Autorit ka marrë vendim për emërimin e anëtarëve të Task Forcës kundër piraterisë në fushën e të drejtës së autorit.

Task Forca do të ketë në përbërje Drejtorin i Zyrës për të Drejtat e Autorit dhe të Drejtat e Përafërta nga MKRS -Kryesues; Kryeinspektorin e Inspektoratit të Tregut – MTI -Zëvendëskryesues; Përfaqësuesin e Prokurorisë së Shtetit; Drejtorin e Zyrës për Pronësi Industriale – MTI; Udhëheqësin e Sektorit të Pronësisë Intelektuale nga Dogana e Kosovës; Shefin e sektorit për Hetimin e Krimeve Ekonomike nga Policia e Kosovës; Shefin e Sektorit për Hetimin e Krimeve Kibernetike po ashtu nga Policia e Kosovës; dhe Kryeshefin e Agjencisë për Administrimin e Pasurisë së Sekuestruar ose Konfiskuar nga Ministria e Drejtësisë.

Sipas vendimit të nxjerrë Task Forca do të ketë në përgjegjësinë e saj Zbatimin e Strategjisë Kombëtare për Forcimin e Sistemit të së Drejtës së Autorit; Koordinimin e veprimeve të institucioneve në luftën kundër falsifikimit dhe  piraterisë me qëllim të ndërmarrjes së veprimeve konkrete nga ana e  institucioneve dhe organeve kompetente që janë pjesë e Task Forcës dhe institucioneve tjera që ndërlidhen me luftën kundër falsifikimit dhe  piraterisë në fushën e të drejtës së autorit; dhe Sensibilizimin e institucioneve të zbatimit të ligjit, dhe publikut në luftën kundër falsifikimit dhe piratërisë në fushën e të drejtës së autorit;

Me këtë hap, ka vlerësuar ministri Gashi, po ndërmerren veprimet konkrete në luftën kundër falsifikimit në njërën anë dhe kjo do të thotë mbrojtje e krijimtarisë dhe autorëve, duke dëshmuar kështu vendosmërinë e institucioneve për zbatim ligjit në kuadër të shtetit të së drejtës.

“Jam i bindur që vendimi i marrë sot do të jap frytet e veta. Task Forca do të jetë një mekanizëm dhe trupë e cila do të angazhohet në luftën kundër falsifikimit dhe piraterisë dhe shpresoj se kjo gjë do të shihet në terren,. Besoj se krijuesit e autorët do të ndjehen më të sigurt për punën e tyre dhe do të nxiten që t’i sjellin vendit tonë krijimtari e vepra me të cilët do të krenohemi”, tha ndër të tjera ministri. /KultPlus.com

Gashi: Kulla e Azem Galicës, pishtar i lirisë

Posted on by KultPlus

Ministri në detyrë i Kulturës, Rinisë dhe Sportit, Kujtim Gashi inspektoi punimet që po bëhen për restaurimin dhe konsolidimin e Kullës së Azem Bejtës, në Galicë të Vushtrrisë, të cilat po bëhen nën koordinimin dhe monitorimin e Qendrës Rajonale për Trashëgimi Kulturore në Mitrovicë.

Me këtë rast, siç njofton kumtesa për media, Gashi vlerësoi punimet që po realizohen në projektin që MKRS-ja po financon në kuadër të revitalizimit të Kullës.

Ai tha se “Ruajtja e monumenteve të rëndësishme historike të Republikës së Kosovës, do të mbetet përkushtimi i imi edhe në të ardhmen. Kulla e Azem Galicës, e ndërtuar në fund të shek. XIX, ishte djegur tri herë. Ajo ishte kullë fortesë dhe qëndrimi i përhershëm i komandantit në të, i dha popullit zemër dhe trimëri të shumëfishtë, me ç ‘rast u ngrit morali luftarak”.

“Në këtë kullë mbaheshin mbledhje dhe kuvende të rëndësishme, u morën vendime historike, andaj kjo kullë u bë pishtar i ndezur i lirisë”, shtoi tutje Gashi./KultPlus.com

Gashi: Në kuadër të Ditës Ndërkombëtare të Rinisë, shpërndahen certifikata për të rinjë

Posted on by KultPlus

Ministri i Kulturës, Rinisë dhe Sportit, Kujtim Gashi së bashku me kryetarin e Kuvendit të Republikës së Kosovës Kadri Veseli, morën pjesë në shpërndarjen e certifikatave për të rinj të cilët janë trajnuar në fushën e Ndërmarrësisë dhe Zhvillimit të Planit të Biznesit, ky aktivitet u realizua në kuadër të Ditës Ndërkombëtare të Rinisë 12 gushtin.

Duke u bazuar në Planin e Veprimit për Punësimin e të Rinjve 2018-2020, Ministria e Kulturës, Rinisë dhe Sportit ka mbështetur Organizatat Jo-qeveritare që veprojnë si ofruese të trajnimeve me projektet e tyre që kontribuojnë  në rritjen e punësimit përmes ofrimin e shërbimeve cilësore të punësimit për të rinj të moshës 18-24 vjeç.

Gjatë kësaj ceremonie ministri Gashi tha se “Sot kemi një ditë të rëndësishme për të gjithë të rinjtë e Kosovës, e veçanërisht për të rinjtë të cilët janë trajnuar në fushën e ndërmarrësisë, projekt ky i cili ka për qëllim krijimin e vendeve të punës përmes mbështetjes së drejtpërdrejtë ekonomike dhe trajnimeve për ndërmarrësi për të rinj”.

Tutje ministri Gashi tha se “qëllimi i realizimit të projekteve të tilla është që të rinjtë të zhvillojnë kapacitet profesionale në përputhje me nevojat e tregut të punës duke pasur parasysh që vendi ynë ka shume kuadro që janë të aftë t’i japin shoqërisë ide inovative për biznesi”.

Ndërkaq kryetari i Kuvendit të Republikës së Kosovës, Kadri Veseli tha se “Qytetarët duhet të marrin vendim si duhet të ec Kosova. Mund të forcohet rinia, është mundësi që rina të ketë angazhim të fuqishëm e më së shumti ta ruajmë atë që e kemi arritur si shtet i pa varur dhe sovran”. / KultPlus.com

Hapet ekspozita arkeologjike në Kalanë e Prizrenit

Posted on by KultPlus

Në Kalanë e Prizrenit është hapur ekspozita arkeologjike.

I pranishëm në hapjen e ekspozitës ishte edhe i pari i Ministrisë së Kulturës, Rinisë dhe Sportit, Kujtim Gashi.

Me këtë rast, ai tha se përmes kësaj ekspozite paraqitet trashëgimia dhe kujtesa, të cilat sipas tij, janë pjesë përbërëse e identitetit kulturor.

Sipas tij, dëshmitë e paraqitura në ekspozitë janë dëshmi të emancipimit kulturor e shoqëror të qytetërimit tonë.

“Kalaja e Prizrenit, është monumenti më i veçantë i trashëgimisë kulturore në Republikën e Kosovës, simbol i qytetit, pjesë e ndritshme e identitetit kulturor të Kosovës. Ministria e Kulturës ka mbi dhjetë vite që këtë monument të veçantë e ka përfshirë në prioritetet e veta dhe falë angazhimit të suksesshëm të stafit profesional të MKRS- së, Kalaja është shndërruar në njërin prej atraksioneve të turizmit kulturor dhe të politikave kulturore në vendin tonë”, thotë ai.

Gashi shton se trashëgimia kulturore e historike është pasqyrë e vlerave dhe e nivelit kulturor të një populli, dhe se, përmes kujtesës historike, e njohin dhe e nderojnë të kaluarën, traditën, rrënjët, gjurmët, frymëmarrjet tona nëpër shekuj.

“Ky monument, falë përkushtimit të MKRS-së si dhe Fondit të Ambasadorit Amerikan ka marrë një pamje tjetër, krejtësisht solemne, është dhe mbetet Arkivi i Kosovës sidomos për epokën, historinë e periudhës mesjetare po ashtu Kalaja e Prizrenit është plotësuar edhe me një komponentë shumë të rëndësishme, pra Muzeun e Kalasë”, theksoi ai.

Tutje ministri tha se funksioni i këtij Muzeu është multidimensional, ku krahas ekspozitës së përhershme, në këto ambiente do të mund të organizohen aktivitete të ndryshme kulturore ndërkohë që, është krijuar ambienti i përshtatshëm edhe për stafin menaxhues të këtij aseti të trashëgimisë kulturore.

“Ekspozita, të cilën po e përurojmë përmban thesarin më të mirë të trashëgimisë kulturore të Republikës së Kosovës ku paraqiten eksponate të cilat janë zbuluar kryesisht nga zona e Prizrenit dhe në Kalanë e Prizrenit. Në Kala janë zbuluar struktura të shumta arkitekturore, objekte të ndryshme qoftë enë, armë, stoli, monedha të shume epokave,” tha ministri. / KultPlus.com

Gashi: Pas më shumë se 25 vjet pritje autorët së shpejti do të marrin çekun e parë për kompensimin e punës së tyre nga e drejta e autorit

Posted on by Kult Plus

Pas propozimit të Ministrit të Kulturës, Rinisë dhe Sportit, Kujtim Gashi, në mbledhjen e sotme të Qeverisë së Kosovës, është miratuar propozim vendimi për themelimin e komisionit për vlerësimin dhe propozimin e tarifave të përgjithshme për shfrytëzimin e lëndës së mbrojtur me të Drejtën e Autorit nga operatorët kabllor.

Ministri Gashi ka pohuar se për shfrytëzimin e çdo vepre të autorit ligji ka paraparë kompensim monetar, kur shfrytëzimi i veprave bëhet nga shumë përdorues dhe shfrytëzohen me mijëra vepra nga një shfrytëzues, ligji për të Drejtën e Autorit ka paraparë përcaktimin e tarifave të përgjithshme, pasi që është gati e pamundur të përcaktohet kompensim-tarifë për shfrytëzimin e çdo vepre. Tarifat është paraparë më ligj të përcaktohen me negociata, në mes të Shoqatave për Menaxhimin Kolektiv të drejtave të autorit dhe shfrytëzuesve të të drejtave, e nëse këto dështojnë palët duhet të shfrytëzojnë ndërmjetësimin, dhe vetëm kur dështon procesi i ndërmjetësimit atëherë ligji ka paraparë që tarifat i cakton Qeveria.

Ministri Gashi para kabinetit qeveritar tutje ka sqaruar se “procesi për caktimin e këtyre tarifave në fushën audio-vizuale, ka filluar në vitin 2013, negociatat në mes të shoqatës për menaxhimin e të drejtave të autorit në fushën e veprave audio-vizuale VAPIK dhe të përfaqësuesve të operatorëve kabllorë në vendin tonë, nuk kanë sjellë marrëveshje në mes të palëve të përfshira në proces dhe duke marr në konsideratë që faza e ndërmjetësimit e paraparë me ligj ka përfunduar pa u shfrytëzuar nga ana e palëve, jemi të obliguar të veprojmë konform kërkesë së Shoqatës së Menaxhimit Kolektiv VAPIK, që tarifat e përgjithshme të përcaktohen nga ana e Qeverisë së Kosovës”.

Gjithashtu, ministri Gashi tha se “në këtë aspekt propozoj që të themelohet Komisioni i cili do të shqyrtoj kërkesën e VAPIK dhe që do të merr parasysh qëndrimet e operatorëve kabllorë, komisioni pasi të dëgjojë palët dhe të shqyrtoj kërkesat e tyre, me ndihmën e ekspertëve, në pajtim me Ligjin për të Drejtën e Autorit të vendit tonë dhe me praktikat me të mira të rajonale dhe ato Evropiane të propozoj tarifat për aprovim nga Qeveria e Republikës së Kosovës”.

Gashi: Rruga “Marin Barleti” në Prizren do të revitalizohet me investim mbi 2 milionë euro

Posted on by Kult Plus

Ministria e Kulturës ka thënë se projekti “Revitalizimi dhe Integrimi Socio-Ekonomik i komunitetit lokal në rrugën Marin Barleti në Prizren” është një projekt ambicioz dhe tepër i rëndësishëm për qytetin e Prizrenit, pasi që ngërthen në vete trajtimin e 14 ndërtesave të banimit të cilat fatkeqësisht nuk janë në gjendjen e dëshirueshme.

Ministri Kujtim Gashi tha se edhe përkundër faktit që zbatimi i këtij projekti paraqet një ngarkesë buxhetore për MKRS-në, ai do të zbatohet në përpikëri, në respektim të standardeve të larta profesionale dhe në zbatim të legjislacionit në fuqi.

Hartimi i projekti në fjalë “Revitalizimi dhe Integrimi Socio-Ekonomik i komunitetit lokal në rrugën Marin Barleti në Prizren” ka filluar që nga viti 2017 dhe është trajtuar ne mesin e disa prioriteteve tjera qe ka pasur ministria. Procesi i hartimit të projektit është koordinuar nga Qendra Rajonale e Trashëgimisë Kulturore në Prizren dhe organizata EC Ma Ndryshe. I njëjti është financuar nga MKRS-ja, në vlerë prej 50 mijë eurosh si dhe është mbështetur nga Zyra e BE-së në Kosovë, Ambasada Britanike në Prishtinë dhe komuna e Prizrenit.

Ministri Gashi ka thënë se ky projekt hap rrugët për investime mbi 2 milionë euro në këtë lagje të rëndësisë së veçantë për qytetin e Prizrenit. Me këtë rast ministri falënderoi institucionet për përkushtim dhe angazhimin maksimal si dhe të gjitha palët e involvuara, përfshire këtu dhe pronarët e ndërtesave të lagjes të cilët siç tha ministri treguan gatishmëri për t’u bërë palë në këtë proces tejet të ndërlikuar por shumë të rëndësishëm për të ardhmen e tyre por edhe të qytetit të Prizrenit.

“Rruga ‘Marin Barleti’ zë pjesën kyçe të Qendrës Historike të Prizrenit, ndaj dhe revitalizimi urban dhe shoqëror i tij do të ndikon në krijimin e kushteve optimale për ruajtjen e vlerave të trashëgimisë kulturore dhe zhvillim të qëndrueshëm lokal në të gjithë Qendrën Historike të Prizrenit”, ka thënë ministri i Kulturës, Rinisë dhe Sportit, Kujtim Gashi.

Ministri Kujtim Gashi takoi Nuhi Bytyqin, autori i “Librit të Luftës”

Posted on by KultPlus

Ministri i Kulturës, Rinisë dhe Sportit, Kujtim Gashi, priti në një takim të veçantë autorin e “Librit të luftës”, gazetarin dhe publicistin, Nuhi Bytyçi.

Ministri Gashi, shprehu konsideratën e lartë të tij për punën dhe kontributin e jashtëzakonshëm të gazetarit të mirënjohur Nuhi Bytyçit në kohë të vështira, veçmas gjatë periudhës së luftës për liri e pavarësi.

 “Të rrallë janë ata gazetarë, sikur ishte Nuhi Bytyçi, i cili në vazhdimësi ishte në shërbim të interesave të publikut, duke rrezikuar vetëm për të informuar opinionin drejt për zhvillimet dramatike në Kosovë dhe në viset e tjera etnike shqiptare në rrethana të okupimit dhe të terrorit shtetëror serbo-jugosllav, duke thyer censurën e regjimit totalitar komunist, por edhe duke informuar opinionin botëror nga istikamet e luftës së Ushtrisë Çlirimtare të Kosovës, duke përçuar mesazhin e luftës së drejtë dhe sakrificën e madhe të popullit shqiptar për liri e pavarësi” tha ministri Gashi.

Ministri Gashi e përgëzoi autorin Bytyçi për publikimin e memoareve të tij në një libër voluminoz me titull “Libri i luftës”, për të cilin tha se “është një projekt shumë serioz, jo vetëm gazetaresk e publicistik, por edhe historik, ngase në mënyrë kronologjike përfshin të gjitha ato ngjarje e zhvillime dramatike të historisë sonë më të re.”

Në takim, doajeni i gazetarisë kosovare, Nuhi Bytyçi, e informoi ministrin Gashi lidhur me përmbajtjen e “Librit të luftës” në botim të shtëpisë “Armagedoni”.

“Puna e gazetarit nuk është aspak e lehtë. Gazetari gjithmonë është në luftë, në luftë për të vërtetën, në shërbim të së mirës së atdheut të tij dhe të njerëzimit, në shërbim të publikut”, pohoi me këtë rast Nuhi Bytyçi.

Ai shtoi se “unë kështu e kam kuptuar gjithmonë gazetarinë dhe në këtë frymë jam angazhuar me tërë përkushtimin tim në të gjitha kohërat”.

 Bytyçi përkujtoi se “si pjesëmarrës i drejtpërdrejt i shumë ngjarjeve dhe proceseve politike e ushtarake në Kosovë dhe në mbarë hapësirën etnike shqiptare, qe disa vite kam punuar në prezantimin e tyre në librin tim, i cili është mirëpritur nga opinioni i gjerë. Besoj se do të shërbejë si dëshmi edhe për historianët tanë, të cilët janë duke punuar në shkrimin e historisë sonë më të re kombëtare”.

Publicisti Nuhi Bytyçi ia dhuroi ministrit Gashi librin e tij dhe njëkohësisht e falënderoi atë për mbështetjen për botimin e librit.

Ministri Gashi: Katalogu që po promovojmë, dëshmi që jemi afër personave të verbër

Posted on by KultPlus

Muzeu i Kosovës për nder të Ditës Ndërkombëtare të të Drejtave të Njeriut ka shënuar këtë ngjarje me një aktivitet. Në ambientet e Muzeut është bërë promovimi i katalogut me imazhe taktile dhe të përkthyer në Brail, në bashkëpunim me Shoqatën e të Verbërve në Kosovë.

Në këtë aktivitet mori pjesë edhe Kujtim Gashi, Ministër i Kulturës, Rinisë dhe Sportit.

Me këtë rast ministri Gashi u shpreh me kënaqësinë më të madhe po e promovojnë këtë katalog të rëndësishëm.

“Ky katalog sigurisht që promovohet me ju dhe përtej katalogut promovojmë bashkëpunimin e gjate tuajin me Muzeun e Kosovës. Imazhet taktile të paraqitura në këtë katalog, përmes shqisës së prekjes sjellin një pjesë të koleksionit të Muzeut më afër te personat e verbër dhe me dëmtime në të parë”, theksoi ministri Gashi, duke vlerësuar se shkrimet në alfabetin e Brail-it do t’u japin mundësi atyre të kuptojnë më shumë për historinë dhe tregimin e objekteve në Muzeun e Kosovës.


Ministri Gashi tha se MKRS-ja do të vazhdojë të përkrah aktivitete të kësaj natyre dhe t’u gjendet afër edhe kësaj kategorie të njerëzve. “Me lejoni t’ju siguroj se ky bashkëpunim do të vazhdojë, do të jemi së bashku edhe në shumë aktivitete tjera kurse në fund dua të falënderoj dhe përgëzoj stafin e Muzeut të Kosovës për përkushtimin e tyre dhe bashkëpunimin me ju”, u shpreh ministri.

Katalogu që u promovua sot në Muzeun e Kosovës, me imazhe taktile, përmes prekjes përmban kryesisht objekte nga sektori arkeologjik i Muzeut.

Ndërkaq, Daut Tishuku nga Shoqata e të Verbërve të Kosovës, e falënderoi ministrin Gashi, MKRS-në dhe Muzeun e Kosovës që bënë të mundur realizimin e këtij projekti të jashtëzakonisht të rëndësishëm për personat e verbër dhe me dëmtim në të parë.

“Kjo do të jetë një mundësi shtesë për ne që të njohim të kaluarën e popullit tonë, që përmes ndjesisë së prekjes të njohim arkeologjinë e Kosovës”, tha mes tjerash Tishuku. /KultPlus.com

Nënshkruhet marrëveshja për bashkëpunimin e të rinjve të Kosovës dhe Shqipërisë

Posted on by Kult Plus

Në kuadër të Mbledhjes së dy qeverive, të Republikës së Kosovës dhe asaj të Shqipërisë, e cila po mbahet në qytetin e Pejës, në mesin e një sërë marrëveshjesh, u nënshkrua edhe marrëveshja për bashkëpunim në fushën e rinisë.

Në emër të Ministrisë së Kulturës, Rinisë dhe Sportit së Republikës së Kosovës nënshkroi ministri Kujtim Gashi, ndërkaq në emër të Ministrisë së Arsimit, Rinisë dhe Sportit të Republikës së Shqipërisë nënshkroi ministrja Lindita Nikolla.

Në bazë të marrëveshjes që do të zgjasë tri vjet, palët synojnë bashkëpunim institucional të të dy vendeve në fushën e rinisë në mbështetje të politikave dhe programeve të përbashkëta si dhe të nismave rajonale dhe evropiane.

Inkurajimi i pjesëmarrjes aktive të të rinjve në vendimmarrje, nxitja e edukimit të rinisë me vlerat më të mira evropiane për bashkëjetesë, tolerancë dhe integrim, hartimi dhe zbatimi i projekteve për shkëmbimin e të rinjve, përmes trajnimeve dhe projekteve të përbashkëta, bashkëpunimi në fushën e rinisë në hartimin e programeve dhe aktiviteteve të përbashkëta, nxitja e pjesëmarrjes në konferenca e seminare rajonale e ndërkombëtare si dhe në aktivitete të tjera rinore, me synim forcimin e miqësisë ndërmjet të rinjve, janë fushat e bashkëpunimit që parasheh marrëveshja e nënshkruar.

Bashkëpunimi sipas marrëveshjes në fjalë do të realizohet për format e ndryshme sikurse organizimi i konferencave dhe aktiviteteve, zhvillimi i panairit të shoqatave/organizatave rinore, organizimi i sesioneve informuese, shkëmbimi i organizatave rinore, sportistëve të rinj, inkurajimi i sipërmarrjes, organizimi i kampeve të përbashkëta, krijimi i komiteteve të përbashkëta organizative, këshillave koordinuese si dhe angazhimi të rinjve në aktivitete vullnetare.

Marrëveshja parasheh edhe nxitjen e partneritetit mes organizatave rinore si dhe programin e përbashkët të aktiviteteve i cili dakordësohet gjatë muajit dhjetor të çdo viti.

Ministri Kujtim Gashi e ka vlerësuar të rëndësisë së veçantë nënshkrimin e marrëveshjes, ngase mundëson një bashkëpunim më të madh të të rinjve shqiptarë këndej dhe matanë kufirit.

“Duke qenë të bindur se të rinjtë mund të kontribuojnë në zhvillimin e mëtejshëm të frymës së mirëkuptimit, tolerancës, miqësisë dhe bashkëpunimit ndërmjet dy vendeve, të vetëdijshëm se të rinjtë e të dy vendeve përballen me sfida të njëjta, të ndërgjegjshëm se rinia është forca më e gjallë që do të ndërtojë të ardhmen evropiane të rajonit tonë sot do të jetësohet kjo marrëveshje në fushën e rinisë”, tha ndër të tjera ministri Gashi.

Ndërkaq, homologia nga Shqipëria, ministrja Lindita Nikolla, tha se me nënshkrimin e marrëveshjes i hapet rrugë të rinjve që të angazhohen më tepër për interesat e tyre./ KultPlus.com

Pas propozimit të ministrit Kujtim Gashi, Kuvendi i Kosovës miratoi një sërë ligjesh

Posted on by KultPlus

Sot në Seancën Plenare të Kuvendit të Kosovës, deputetët kanë miratuar në lexim të parë projektligjet: Projektligji për Ndryshimin dhe Plotësimin e Ligjit Nr. 04/L-097 për Bibliotekat; Projektligji për Ndryshimin dhe Plotësimin e Ligjit Nr. 2004/22 për Kinematografinë; Projektligji për Ndryshimin dhe Plotësimin e Ligjit Nr. 05/L-075 për Parandalimin dhe Sanksionimin e Dhunës dhe Dukurive Negative në Ngjarjet Sportive; Projektligji për Ndryshimin dhe Plotësimin e Ligjit Nr. 05/L-090 për Sponzorizime në Fushën e Kulturës, Rinisë dhe Sportit; Projektligji për Ndryshimin dhe Plotësimin e Ligjit Nr. 2003/24 Ligji i Sportit dhe Ligji Nr. 04/L-075 për Ndryshimin dhe Plotësimin e Ligjit Nr. 2003/24 për Sport dhe Projektligji për Ndryshimin dhe Plotësimin e Ligjit Nr. 04/L-065 për të Drejtat e Autorit dhe të Drejtat e Përafërta.

Ministri i Kulturës, Rinisë dhe Sportit (MKRS), Kujtim Gashi, falënderon në rend të parë Deputetët e Kuvendit të Kosovës që votuan pro miratimit të këtyre ligjeve që janë në interes për fushat që ka në përgjegjësi MKRS-ja. Gjithashtu, ministri Gashi ka falënderuar edhe të gjithë ata që kanë kontribuuar drejtpërdrejtë në përgatitjen e projektligjeve në fjalë.

“Hartimi dhe zbatimi efektiv i legjislacionit përkatës mbetet prioritet i rëndësishëm. Së këndejmi, Ministria e Kulturës, Rinisë dhe Sportit, përmes Projektligjeve të sipërshënuara ka bërë harmonizimin e dispozitave përkatëse. Prandaj, kalimi i propozimeve të MKRS-së nga ana e Kuvendit, plotëson objektivat strategjike të ministrisë por edhe kompleton harmonizimin e këtyre projektligjeve me ligjet tjera të Kosovës”, është shprehur ministri Gashi. /KultPlus.com

Filmat kosovarë dëshmojnë për vlerat dhe talentin që kanë artistët nga Kosova

Posted on by KultPlus

Ministri i Kulturës, Rinisë dhe Sportit, Kujtim Gashi, ka pritur në takim regjisoret Lendita Zeqiraj, Blerta Zeqiri dhe aktoren Aurita Agushi, protagoniste të filmave, të cilët janë kualifikuar për edicionin e 91-të të çmimeve të Akademisë – Oscar, e cila do të mbahet Los Angjelos të SHBA-së më 24 shkurt 2019.

Blerta Zeqiri me filmin e metrazhit të gjatë “Martesa”, Lendita Zeqiraj me filmin e metrazhit të shkurtër “Gardhi” dhe Aurita Agushi, aktorja kryesore në filmin “Ajo”, janë filma të cilët Qendra Kinematografike e Kosovës i ka përkrahur financiarisht.

Ministri Gashi u shpreh se ndjehet jashtëzakonisht i lumtur dhe krenar njëkohësisht që kreativiteti dhe produktiviteti i artistëve të Kosovës po vlerësohet ndërkombëtarisht. Kjo tregon se filmi në Kosovë tashmë ka krijuar një bazë dhe traditë të mirë për gjeneratat që vijnë pas.

“Tre filmat të cilët janë kualifikuar për Oscars rrugëtimin deri tek ky nivel e kanë siguruar duke fituar çmime të shumta prestigjioze nëpër festivale të shumta ndërkombëtare të filmit dhe kjo tregon për cilësinë dhe vlerat artistike që kanë këto projekte”, tha ministri.

“Pas suksesit të filmit ‘Shok’, tani vetëm sa e kemi rritur produktivitetin dhe kjo ka ardhur me rritjen e përkrahjes nga ana e ministrisë për Qendrën Kinematografike të Kosovës, gjë që e kemi paralajmëruar muaj më parë. Buxheti për QKK-në do të dyfishohet për përkrahjen e filmave”, është shprehur ministri Gashi duke thënë se Kosova posedon talente të jashtëzakonshëm si në prodhimin e filmave si dhe në realizimin e tyre.

Ndërkaq, mysafiret e falënderuan ministrinë për përkrahjen që po jep për industrinë e filmit në Kosovë në përgjithësi. Gjithashtu, ato u treguan mirënjohëse për angazhimin e ministrit Gashi në mbështetje dhe mirëkuptim për njerëzit dhe botën e filmit. /KultPlus.com

Objekti gati, MKRS-ja brenda dy javësh zhvendoset në Prizren

Posted on by Kult Plus

Ministri i Kulturës, Rinisë dhe Sportit (MKRS), Kujtim Gashi për Ekonomia Online ka bërë të ditur se një pjesë e stafit të ministrisë brenda dy javëve pritet të zhvendoset në objektin e ri të ministrisë në qytetin e Prizrenit.

Ai ka thënë se kjo zhvendosje është për të qenë sa më afër qytetit më kulturor të Kosovës, Prizrenit.

“Tashmë jemi në fazën finale të pajisjes së zyrës së Ministrisë së Kulturës, Rinisë dhe Sportit me orenditë e duhura besoj se brenda disa ditësh do të kemi objektin e gatshëm, tashmë gjitha pajisjet, infrastruktura ka përfunduar në zyrat e MKRS-së në qytetin e Prizrenit dhe besoj që për disa ditë ndoshta dy javë do ta kemi të gatshëm objektin që natyrisht do ta përurojmë”.

“Një pjesë e ministrisë së Kulturës, përkatësisht kabineti i ministrit dhe një pjesë e departamentit të trashëgimisë kulturore dhe departamentit të kulturës do të jenë pjesë e këtij objekti në qytetin e Prizrenit në mënyrë që të jenë më afër aktiviteteve kulturore dhe gjithsesi pjesës së trashëgimisë kulturore në qytetin e Prizrenit”, tha Gashi.

Ministri Gashi tha se arsyeja e vonesës së kësaj zhvendosjeje është Komuna e Prizrenit, e cila nuk kishte arritur t’ia dorëzojë me kohë objektin ministrisë.Sipas tij, objekti është pajisur dhe tani edhe stafi i ministrisë është i gatshëm për zhvendosjen e tyre.

“Besoj që e kemi bërë një punë jashtëzakonisht të madhe, kemi pas ndoshta pak vonesa për faktin se komuna jo me kohë na ka dorëzuar objektin dhe zyrat, por besoj se tashmë gjithçka ka përfunduar dhe është e gatshme që ne një pjesë do të zhvendosemi në qytetin e Prizrenit”, tha Gashi.

Gashi tha se kabineti i ministrisë do të ndahet ku njëra do të operoj në Prishtinë, ndërsa tjetra në Prizren, kjo zhvendosje po bëhet në mënyrë që të mbulohet i tërë territori i Kosovës me shërbime të Ministrisë së Kulturës, Rinisë dhe Sportit, raporton EO.

“Brenda 2 javë, një pjesë e ministrisë do të bartet në qytetin e Prizrenit, ndërsa pjesa tjetër do të operoj ashtu siç është edhe sot në kryeqytetin e Kosovës, në Prishtinë, në objektin aktual ku edhe sot operojmë”.“Do të kemi një ndarje të kabinetit ku një pjesë do të operoj në Prizren dhe një pjesë në Prishtinë në mënyrë që ta mbulojmë gjithë territorin e Kosovës edhe me shërbime, por edhe aktivitetet e nevojshme”, tha ai.

Ministri Gashi për Ekonomia Online ka folur edhe për bibliotekat e Kosovës dhe furnizimin e tyre me tituj të rinj. Ai ka thënë se zhvillimi i teknologjisë ka bërë që librat të jenë më pak në përdorim se sa në të kaluarën nga lexuesit. Por, megjithatë ai tha se Ministria është e gatshme të rris fondet në mënyrë që të mos mbyllet asnjë bibliotekë në Kosovë dhe të ketë sa më shumë libra dhe tituj në raftet e bibliotekave.

“Ndoshta kjo është për shkak të zhvillimit të teknologjisë, megjithatë ne e inkurajojmë edhe Bibliotekën Kombëtare të Kosovës që të ofroj projekte dhe kërkesën në Ministrinë e Kulturës, ne do të jemi të gatshëm të rrisim edhe fondet në mënyrë që asnjë bibliotekë të mos mbyllet në Kosovë dhe të mos të ketë më pak tituj, por përkundrazi të kemi sa më shumë tituj në mënyrë që lexueseve, studentëve e gjithë atyre që kanë nevojë për libra të i ofrojmë mundësi”, tha Gashi.

“Si ministri jemi të interesuar që të mos të kemi mbyllje të asnjë biblioteke, përkundrazi të kemi hapje të bibliotekave dhe furnizim të gjitha bibliotekave qofshin ato ndërkomunale, por në të njëjtën kohë edhe biblioteka që janë nëpër shkolla sepse ministria e kulturës tashmë ka rritur edhe buxhetin për librin”.

“Jemi të gatshëm të i financojmë edhe Bibliotekën Kombëtare dhe bibliotekat ndërkomunale të cilat janë kompetencë e komunave, por duke pa rëndësinë e bibliotekës dhe librit si ministri jemi jashtëzakonisht të interesuar dhe të gatshëm që të mbështesim financime të reja”, shtoi Gashi./ KultPlus.com

Objekti gati, MKRS-ja brenda dy javësh zhvendoset në Prizren from Ekonomia Online on Vimeo.

U nënshkrua memorandum për aktivitete që aftësojnë të rinjtë e Kosovës

Posted on by KultPlus

Sot u nënshkrua memorandum bashkëpunimi midis Ministrisë së Kulturës, Rinisë dhe Sportit (MKRS) dhe Institutit për Bashkëpunim Ndërkombëtarë të Bashkësisë së Shkollave të Larta Popullore Gjermane (DVV International).

Memorandumi, që në emër të MKRS-së nënshkroi Kujtim Gashi, ndërkaq për DVV International nënshkroi Ramadan Alija, Drejtor Ekzekutiv i zyrës së DVV-së në Kosovë, parasheh rritjen e bashkëpunimit dhe koordinimit të aktiviteteve. Konkretisht, fuqizimi i rinisë, përgatitja e të rinjve për treg pune, nxitja e pjesëmarrjes së të rinjve në të mësuar përmes edukimit jo-formal, mbështetja e vizitave studimore dhe shkëmbimi i përvojave, fuqizimi i rrjeteve dhe qendrave rinore në Republikën e Kosovës janë ndër objektivat dhe aktivitetet që pritet të realizohen përmes këtij dokumenti që do të vlejë deri në fund të vitit 2021.

Me rastin e nënshkrimit ministri Gashi theksoi se përmes këtij dokumenti po hapim rrugën për intensifikimin e aktiviteteve për të rinjtë në Kosovë duke marrë edhe nga përvoja gjermane.

Ndërkaq, përfaqësuesi i DVV International, Ramadan Alija tha se dokumenti që kanë nënshkruar ka zyrtarizuar një bashkëpunim në dobi të të rinjve. /KultPlus.com

Ministri Gashi: Ta ruajmë identitetin tonë të krijuar në të kaluarën

Posted on by Kult Plus

Me interesim të madh kam ndjekur debatin e zhvilluar, argumentet dhe kundërargumentet e hedhura në opinionin publik për domosdoshmërinë e ruajtjes së objekteve, gjurmëve dhe vlerave të trashëgimisë kulturore apo kujtesës historike kolektive përmes të cilave ne ruajmë identitetin tonë të krijuar në të kaluarën. Jam i lumtur që ky debat është zhvilluar në këtë mënyrë.

Publiku, profesionistët, shoqëria civile, opinioni publik në përgjithësi, shpeshherë janë një nga pikat referente më të rëndësishme për të përcaktuar nëse një aset të trashëgimisë kulturore, duhet ruajtur apo jo.

Ministria që unë drejtoj ka për detyrë themelore të zhvillojë dhe zbatojë legjislacionin e standardet ndërkombëtare profesionale të përcaktimit të regjimit të mbrojtjes, ruajtjes dhe promovimit të trashëgimisë kulturore në Republikën e Kosovës dhe në këtë drejtim do të nxisë gjithnjë e më shumë përfshirjen e palëve të interesuara nga jashtë ministrisë në funksion të transparencës dhe fuqizimit të zbatimit të ciklit të mbrojtjes efektive të vlerave që i kemi krijuar nëpër kohë.

Në këtë drejtim, institucioneve dhe profesionistëve të Ministrisë së Kulturës, u janë krijuar kushtet që të zhvillojnë një proces profesional, transparent të inventarizimit, shqyrtimit dhe vlerësimit me detaje të propozimeve përkatëse të objekteve dhe aseteve të rëndësishme me vlera të trashëgimisë kulturore si dhe kemi kërkuar, të jenë kujdesshëm në adresimin e shqetësimeve që janë ngritur në opinion nga profesionistë dhe qytetarë të angazhuar publikisht.

Lista e re e trashëgimisë kulturore për mbrojtje të përkohshme, është finalizuar nga komisionet përkatëse të institucioneve vartëse dhe MKRS-së dhe do të hy në fuqi me datë 10.10.2018, në të cilën janë përfshirë mjaft propozime të reja të aseteve që do të jenë nën mbrojtje.

Gjithashtu, Institucionet e Trashëgimisë Kulturore janë duke hartuar politika dhe projekte konkrete, të bazuara në analiza dhe vlerësime profesionale, të cilat do të adresojnë në mënyrë shumë më gjithëpërfshirëse domosdoshmërinë e ruajtjes së zonave, lagjeve, komplekseve e strukturave të ndryshme arkitektonike me qëllim që të ruajmë identitetin e qyteteve tona, ashtu siç bëjnë shtetet e civilizuara. /KultPlus.com

Ministri Gashi: Të rinjtë kanë ide brilante, do t’i ndihmojmë ata të përgatiten për tregun e punës

Posted on by KultPlus

Ministri i Kulturës, Rinisë dhe Sportit, Kujtim Gashi, mori pjesë në shënimin e Ditës së Rinisë të organizuar nga “World Vision”.

Qëllimi i këtij organizimi ishte diskutimi me mbi 200 të rijnë nga qytetet të ndryshme të Kosovës, me këtë rast të rinjtë kishin mundësinë të diskutojnë mbi punësimin, sipërmarrjen dhe se për problematikat që ata i shohin në komunitetet ku jetojnë, po ashtu të rinjtë gjatë këtij aktiviteti shpalosën idetë, dëshirat dhe aftësitë që kanë fituar për të festuar arritjet po ashtu edhe sfidat në të cilat kanë hasur.

Me këtë rast gjatë bashkëbisedimit me të rinjtë ministri Gashi tha se “MKRS është e fokusuar tek të rinjtë që t’i specializoj dhe t’i ndihmoj në çështjen e punësimit , ne do të mbështesim çdo projekt i cili është në dobi për të rinjët dhe do të përkrahim çdo aktivitet që organizohet për të rinjët” tha ministri Gashi.

“Si ministri drejtpërdrejt nuk e mbulojmë çështjen e punësimit, por duke pasur parasysh se të rinjtë e Kosovës i takojnë moshës së re dhe rinisë, ne në programin tonë kemi paraparë një objektivë të veçantë, që ka të bëj me aftësimin dhe përgatitje për tregun e punës, javën e kaluar kemi certifikuar rreth 250 të rinj që kanë marrë pjesë në këtë projekt”, tha ministri Gashi.

Ai po ashtu tha se “Viti 2019 do të jetë viti i të rinjve sepse kështu e kemi paraparë në strategjinë e re për rini , për herë të parë ne do të kemi fondin rinor që do të jetë 1 milion euro i pari i këtij lloji në regjion që ka të bëjë me mbështetjen e të rinjve për ndërmarrësi dhe punësim”, tha ministri Gashi.

“Strategjinë për rini ne do ta ndryshojmë sepse dhjetë vite e fundit gjithçka ka ndryshuar, dhe se sot teknologjia është në kulm të zhvillimit, rrjetet sociale kanë efekt të madh në shoqërinë tonë, dhe kjo na detyron që ta ndryshojmë strukturën e departamentit të rinisë në mënyrë që t’iu përshtatemi rrethanave dhe kërkesave te të rinjve”, tha ministri Gashi

Ndërsa drejtoresha e World Vision për Ballkanin Perëndimor, Eljona Boqe Elmazi tha “se “world vision është gjithmonë aty ku është nevoja dhe ne jemi organizatë që në zemrën tone kemi fëmijët, që të arrihet mirëqenia e tyre duhet të funksionoj mirë çdo pjesë tjetër shoqërisë nuk mund të harrosh, familjen, institucionet kështu që ne do zgjerojmë programet tona sepse ka nevojë të punojmë me të rinjët në Shqipëri, Kosovë, më Bonje dhe vende tjera”, tha Boqe./KultPlus.com

Gashi në Obiliq: Shtëpia e Kulturës përfundon këtë vit

Posted on by Kult Plus

Ministri i Kulturës, Rinisë dhe Sportit, Kujtim Gashi, ka vizituar sot komunën e Obiliqit. Ministri fillimisht është pritur nga Kryetari i Komunës, Xhafer Gashi, i cili e ka shoqëruar për vizitë në Shtëpinë e Kulturës në Obiliq dhe në stadiumin “Agron Rama”.

Gjatë kësaj vizite, në prononcimin për media, ministri Gashi fillimisht shprehu kënaqësinë për takimin në Komunën e Obiliqit. Ai tha se ky është takimi i takim i katërt në muajt e fundit me qëllim të koordinimit të aktiviteteve sa i përket investimeve.

“Ministria e Kulturës, Rinisë dhe Sportit, është duke investuar në ndërtimin e Shtëpisë së Kulturës në Obiliq, një projekt rreth 750 mijë euro dhe besoj që jemi te faza e fundit e këtij projekti. Sot jam edhe për ta vizituar kryetarin por edhe për të parë nga afër punimet që po zhvillohen në atë objekt”, tha ministri Gashi.

Ministri Gashi po ashtu foli edhe rreth projektit të tri fushave ndihmëse, që është njëri prej projekteve kapitale që e financon UEFA.

“Është një projekt i përbashkët trepalësh mes Ministrisë së Kulturës, Rinisë dhe Sportit, Komunës së Obiliqit dhe Federatës së Futbollit të Kosovës. Punimet do t’i menaxhojë Federata kurse financimin do ta bëjë UEFA. Ministria dhe kryetari kanë qenë jashtëzakonisht të përkushtuar që në afat rekord të sigurojmë edhe hapësirën edhe parcelën dhe në të njëjtën kohë të mundësojmë këtë investim që do të jetë njëri prej investimeve më të mëdha në Komunën e Obiliqit në infrastrukturën sportive dhe natyrisht ky projekt është në kuadër të ngritjes së cilësisë, avancimit të infrastrukturës sportive në Republikën e Kosovës”, theksoi ministri Gashi.

Ai po ashtu falënderoi dhe përgëzoi kryetarin Gashi për përkushtimin e tij për ndarjen e hapësirave të lokacionit për ndërtimin e tri fushave ndihmëse.

Ministri Gashi, duke i uruar qytetarët e komunës së Obiliqit për objektin e Shtëpisë së Kulturës por edhe për tri fushat ndihmëse, shprehu gatishmërinë për të bashkëpunuar edhe për projektet tjera duke theksuar se “Ministria e Kulturës do të jetë e interesuar por në të njëjtën kohë e gatshme për realizimin e të gjitha kërkesave të qytetarëve të komunës së Obiliqit, që kanë të bëjnë me kulturën, rininë dhe sportin”.

Ndërkaq, kryetari Komunës së Obiliqit, Xhafer Gashi, falënderoi ministrin Gashi për vizitën e tij. Për projektin e objektit të Shtëpisë së Kulturës ai tha se “kemi filluar një projekt madhor dhe shumë të domosdoshme për qytetarët e Obiliqit”. Kryetari Gashi po ashtu foli edhe rreth stadiumit duke falënderuar ministrin për angazhimin e tij. Ai tha: “këto janë takime të rregullta ku ne konsultohemi bashkë për bashkëpunim”.

Gjatë vizitës në stadiumin “Agron Rama”, prezent ishte edhe kryetari i Federatës së Futbollit të Kosovës, Agim Ademi. Ai tha se “falënderimi i takon kryetarit të Komunës dhe asamblistëve të Obiliqit të cilët kanë vendos të japin këtë pronë në shërbim të kampit nacional të futbollit që do të bëhet në koordinim me UEFA-n dhe FIFA-n”. Kryetari Ademi po ashtu falënderoi edhe ministrin Gashi për angazhimin e tij në krijimin e kushteve për të investuar në infrastrukturën sportive në vend.

Ministri Gashi vizitoi atelienë e skulptorit Gëzim Muriqi

Posted on by Kult Plus

Ministri i Kulturës, Rinisë dhe Sportit, Kujtim Gashi, i shoqëruar nga kryetari i Komisionit Qeveritar për Vitin e Skënderbeut, ka vizituar sot atelienë e skulptorit Gëzim Muriqi, punimi i të cilit është përzgjedhur nga ana e komisionit për kompozicionin e shtatoreve për tre Liderët e Lidhjes Shqiptare: Ymer Prizreni, Avdyl Frashëri dhe Sylejman Vokshi.

Kjo vizitë nga ana e ministrit Gashi, është bërë pak ditë pas nënshkrimit të memorandumit të bashkëpunimit për mbështetjen financiare të projektit Kompozicion për tre liderët e Lidhjes Shqiptare të Prizrenit, në kuadër të kremtimit të Vitit Mbarëkombëtar Gjergj Kastrioti-Skënderbeu si dhe në vitin jubilar të shënimit të 140 vjetorit të Lidhjes Shqiptare të Prizrenit.

Sipas memorandumit të nënshkruar, MKRS-ja mbështet projektin me 20 mijë euro, projekt i cili duhet të përfundojë deri më 27 nëntor 2018. Ndërkaq, Komisionin Ndërministror bashkëfinancion projektin me vlerën financiare prej 150 mijë euro.

Ministri Gashi ka parë nga afër punimet për kompozicionet e shtatores së Sylejman Vokshit me ç’rast u nda tepër i kënaqur me punën e skulptorit Muriqi.

Me këtë rast ministri Gashi tha: “Jam tepër i lumtur që shoh nga afër punën e mrekullueshme të skulptorit Muriqi. Jam këtu për ta motivuar atë dhe garantuar se MKRS-ja do të jetë në mbështetje të plotë të tij dhe komisionit përkatës deri në përfundimin e këtij projekti me rëndësi për vendin dhe kombin tonë”.

Kompozicioni i shtatoreve të tre liderëve të Lidhjes, pritet të përfundohet në muajin nëntor të këtij viti./ KultPlus.com

Ekspozita në GKA, takim informal i tre ministrave të Kulturës

Posted on by Kult Plus

Të pranishëm në hapjen e ekspozitës së artistes Flaka Haliti në Galerinë Kombëtare të Arteve në Tiranë, tre ministrat e Kulturës të Shqipërisë, Kosovës dhe Maqedonisë zhvilluan një takim informal, që sipas ministres Kumbaro, ishte i një rëndësie të veçantë. Kështu, në ceremoninë e hapjes Kumbaro u takua me ministrin e Kulturës, Rinisë dhe Sportit të Kosovës, Kujtim Gashi, si dhe ministrin e Kulturës së Maqedonisë, Asaf Ademi.

“Në takim u diskutua për një bashkëpunim më të frytshëm kulturor midis tri vendeve, për krijimin e një trekëndëshi komunikimi kulturor që do të jetë bazë për forcimin e marrëdhënieve edhe në fushat e tjera”, thotë ministrja Kumbaro.

Në këtë ngjarje artistike të rëndësishme në fushën e arteve pamore në Tiranë morën pjesë artistë, artdashës, profesionistë të kulturës nga Shqipëria dhe Kosova si dhe vizitorë të ardhur nga jashtë dhe përfaqësues të institucioneve ndërkombëtare që jetojnë në Shqipëri.

Flaka Haliti shprehu emocionet e saj për hapjen e kësaj ekspozitë, dhe falenderoi edhe një herë Ministritë e Kulturës së Shqipërisë dhe Kosovës që bënë të mundur realizimin e “Këtu – Apo Atje, Është Më Atje” në Galerinë Kombëtare të Arteve. Artistja e sheh këtë bashkëpunim midis dy qeverive si një mundësi shumë të mirë për artistët nga Shqipëria dhe Kosova për të ndarë përvojat e tyre në fushën e arteve pamore dhe për tu prezantuar tek publiku i të dy vendeve.

Flaka falenderoi gjithashtu të gjithë stafin e Galerisë për punën e tyre dhe dedikimin maksimal në këtë ekspozitë./ ata

Ministri Gashi inspektoi punimet në kullën e Fazli Boqollit në Raushiq

Posted on by Kult Plus

Ministri i Kulturës, Rinisë dhe Sportit, Kujtim Gashi ka vizituar kullën e familjes së Fazli Boqollit në Raushiq. Gjatë kësaj vizite, ministri Gashi ka parë nga afër punimet që po bëhen në këtë kullë, investim i MKRS-së, shkruan KultPlus.

Ministri Gashi u shpreh i kënaqur me punimet që janë duke u realizuar në këtë kullë dhe tha se si ministri, kanë ndarë mjetet e mjaftueshme sipas kërkesës së Qendrës Rajonale të Trashëgimisë Kulturore në Pejë, me qëllim që këtë kullë, por edhe kullat e tjera në rrafshin e Dukagjinit t’i restaurojmë. Sipas tij këto kulla kanë domethënie jashtëzakonisht të madhe dhe historike të periudhave të ndryshme.

“Ne jemi të përkushtuar që t’i ruajmë dhe t’i rikthejmë këto kulla në funksion, varësisht prej rolit që kanë pasur në të kaluarën dhe tani dhe besoj që edhe viti 2019 do të jetë vit i veçante sa i përket investimeve në këto kulla” ka thënë ministri Gashi.

Ministri Gashi i përgëzoj familjarët për bashkëpunimin, dhe gatishmërinë që këtë kullë ta rikthejmë në funksion, sepse në shumë lokalitete, kullat e tilla, tashmë janë shkatërruar. Por këto që ekzistojnë, jemi të interesuar si ministri që t’i funksionaliojme.

Ndërkaq, drejtoresha për Trashëgimi Kulturore në Pejë, Shpresa Gjonbalaj falënderoi ministrin për mbështetjen dhe angazhimin që ka shprehur për t’i parë nga afër punimet e restaurimit të kullës së Fazli Boqollit.

“Kjo kullë ka vlera të veçanta historike, ndihet për veprimtari patriotike, gjatë viteve të 90’ ky monument ka qenë në shërbim të lëvizjes për pajtimin e gjaqeve në krye me Anton Çettën. Në oden e kësaj kulle atëkohë janë pajtuar shumë gjaqe. Po ashtu, ka qenë edhe si shkollë shqipe në kohën e sistemit paralel në Kosovë. Gjithashtu, ka shërbyer edhe në punimin dhe riparimin e armëve në kohën e rezistencës çlirimtare për nevojat e UÇK-së” tha Gjonbalaj.

Ndërkaq kryefamiljari Fazli Boqolli falënderoi ministrin Gashi për kontributin dhe angazhimin që ka treguar për restaurimin e kësaj kulle me vlera historike po ashtu shprehu falënderim për të gjithë ata të cilën janë angazhuar rreth këtij restaurimi.

Kulla përmban karakteristikat e objekteve fortifikuese familjare, e që janë tipike edhe për ndërtimin e tipit të njëjtë në Rrafshin e Dukagjinit. Si ndërtim u realizua në gjysmën e dytë të shek. XVIII-të.
Monumenti disa herë ka pësuar djegie, fillimisht gjatë Luftës së Dytë Botërore. Është djegur e mandej është rinovuar pa humbur elementet bazë të kullës. Edhe gjatë luftës së fundit 1998/99, nga forcat serbe kulla u dogj, duke lënë vetëm muret të cilat në mungesë të intervenimit po rrënohen vazhdimisht. Për këtë arsye MKRS-ja për shkak të të vlerave saja si në aspektin arkitektonik, historik, shoqëror e shpirtëror e ka vlerësuar që sa më parë të intervenojë në këtë monument./ KultPlus.com

Ministri i Kulturës paralajmëron masa ndaj grevistëve

Posted on by KultPlus

Ministri i Kulturës, Rinisë dhe Sportit, Kujtim Gashi e ka cilësuar të papritur dhe të pakuptimtë grevën e aktorëve të Teatrit Kombëtar të Kosovës, të pjesëtarëve të Filarmonisë dhe ansamblit “Shota”.

Në “Express Intervistën” në KTV, Gashi ka thënë se veprimet e njëanshme më nuk do të tolerohen nga ministria. Ai ka paralajmëruar reforma dhe masa të tjera për çdo shkelje që ndodh në institucionet e kulturës.

Gashi ka thënë se asnjëherë s’ka dhënë datë për rritje pagash të aktorëve dhe performuesve tjerë. Ai ka thënë se e cilëson si të pakuptimtë hyrjen në grevë dhe anulimin e shfaqjeve pasi, sipas tij, të gjithë ishin në dijeni se vendimi për rritje pagash do të votohet javën e ardhshme në qeveri. Ai ka bërë të ditur se Ministria e Financave dy herë ka kthyer përgjigje negative për rritje pagash.

“Do ta demantoj shoqatën sindikale të Teatrit sepse asnjëherë s’kam dhënë data për rritje pagash. Madje në takimin e parë ka qenë kërkesë për rritje pagash për aktorët dhe pas analizës kam ardhur në përfundim që jo vetëm teatri, e aktorët, por të gjithë performuesit dhe të gjithë punëtorët tjerë kanë paga të ulëta dhe kam vendosur për ndryshim apo rritje page për të ofruar një pagë dinjitoze. Jemi dakorduar me të gjithë sepse s’pajtohesha me kërkesën e teatrit për rritje pagash vetëm për aktorët”, ka thënë ai.

Gashi ka deklaruar po ashtu se MKRS-ja më nuk do të lejojë shkelje nga individë brenda institucioneve të Kulturës.

“Janë disa individë që kanë probleme me ligjin dhe pas fillimit të realizimit të pagave, MKRS-ja do të merret me secilin punëtor të ministrisë dhe secilin njeri që s’do të kryejë punën e vet të caktuar me kontratë. Është mesazh që pas rregullimit të pjesës financiare duhet ta kemi të qartë të gjithë që institucionet e kulturës duhet të kthehen me rregull dhe në rend. Ka probleme të shumta dhe dilema që do të hiqen përgjithmonë. Kemi ankesa nga shumë aktorë që s’kanë arritur të dalin në skenë pasi s’ua kanë mundësuar individë e grupe të caktuara. I kam paralajmëruar se veprimet e njëanshme nënkupton që ky proces mund të kthehet prapa. Mund të dëmtohet sepse nuk pranoj që dy apo tre aktorë të vendosin të mos shfaqet një shfaqje. Qytetarët nuk e dinë pse nuk po realizohet premiera. Programi kulturor nuk duhet të ndërpritet pavarësisht problemeve dhe sfidave që mund të kemi. Insistimi jonë është që pagat të jenë retroaktive nga muaji janar dhe qeveria vendos përfundimisht për këtë”, ka shtuar ai, teksa ka theksuar se ka aktorë që mbajnë dy vende pune dhe ikin nga orari i punës për të incizuar seriale për çka ka paralajmëruar se më nuk do të lejohet.

Ai ka bërë të ditur se paga e aktorëve do të sillet rreth 700 euro./KultPlus.com

Gashi takoi ekipin punues për Hartimin e Projektligjit për Trashëgimi Kulturore

Posted on by Kult Plus

Ministri i Kulturës, Rinisë dhe Sportit, Kujtim Gashi, ka pritur sot në kabinetin e tij anëtarët e ekipit punues për Hartimin e Projektligjit për Trashëgimi Kulturore. Ky takim vjen pas miratimit të koncept dokumentit për Trashëgimi Kulturore nga Qeveria e Kosovës dhe emërimit të këtij ekipi me vendim të Sekretarit të Përgjithshëm të MKRS-së.

Ministri Gashi përgëzoi grupin punues për punën dhe ju ofroi mbështetje të vazhdueshme duke u zotuar që të punojnë bashkërisht për të finalizuar hartimin e Projektligjit për Trashëgimi Kulturore.

Ai tha: “Sot takova ekipin punues për Hartimin e Projektligjit për Trashëgimi Kulturore, i cili është përgjegjës të punoj për Hartimin e Projektligjit për Trashëgimi Kulturore. Është takimi i parë i ekipit punues për Hartimin e Projektligjit për Trashëgimi, në kuadër të planifikimeve tona për avancimin e infrastrukturës ligjore duke pasur parasysh që ligji aktual nuk i plotëson kërkesat e kohës dhe duhet të punojmë që të shtyjmë përpara këtë ligj”.

Nga ekipi punues, ministri Gashi kërkoi që të kenë bashkëpunim me shoqërinë civile dhe me organizatat ndërkombëtare në mënyrë që të kemi një ligj i cili i ka konsultuar të gjitha palët.

“Përkushtimi im si ministër i MKRS-së, ka qenë dhe mbetet përmirësimi kushteve të punës, investimi në Institucionet e Kulturës, por edhe ngritja performancës institucionale dhe pasurimi i jetës kulturore dhe mbrojtja e trashëgimisë kulturore në vendin tonë”, shtoi ministri Gashi. Ai po ashtu tha:“Plotësimi dhe avancimi i kornizës ligjore dhe infrastrukturore konform praktikave dhe standardeve ndërkombëtare mbetet një ndër prioritetet e mia si ministër i Kulturës Rinisë dhe Sportit i përcaktuar edhe në Programin e Qeverisë së Republikës së Kosovës.

Për Hartimin e Projektligjit për Trashëgimi Kulturore, ministri Gashi u shpreh se është një ndër masat e shumta legjislative dhe zbatuese në fushën e trashëgimisë kulturore, që po ashtu koincidon edhe me fillimin e Vitit Evropian.

“Trajtimi i trashëgimisë kulturore duhet bërë në mënyrë të integruar, si trashëgimia arkitekturale, trashëgimia shpirtërore, ajo arkeologjike, peizazhet kulturore si dhe të gjitha asetet nën mbrojtje të shtetit duhet të mbrohen, ruhen, studiohen e promovohen sa më shumë dhe të bëhen objekte të hartës turistike të Republikës së Kosovës”, tha ai.

“Ruajtja, mbrojtja dhe promovimi i trashëgimisë kulturore mbetet në vazhdimësi prioritet i imi si ministër i Kulturës Rinisë dhe Sportit dhe i Qeverisë së Republikës së Kosovës i përcaktuar me Kushtetutën e Kosovës si sektor i veçante me rol kyç në zhvillimin e shtetit”, përfundoi ministri Gashi.

Ndërkaq anëtaret e ekipit punues u zotuan se do të jenë të përkushtuar maksimalisht që të punojnë deri në finalizimin e Hartimit të Projektligjit për Trashëgiminë Kulturore./ KultPlus.com

Zhvendosja në Prizren e kabinetit të ministrit të Kulturës – brenda një muaji

Posted on by Kult Plus

Ministria e Kulturës ka nisur punimet për adaptimin e objektit të ish-rektoratit të Universitetit të Prizrenit, “Ukshin Hoti”.

Zyrat e këtij objekti, që ndodhen në qendër të qytetit jugor janë duke u bërë gati, që aty të zërë vend një pjesë e kabinetit të ministrit të Kulturës, Kujtim Gashi. Por, përderisa kabineti i ministrit pret të zhvendoset në Prizren brenda një muaji, ende nuk dihet se kur do të fillojë punë për restaurimin e konservimin e objektit, ku do të vendosen një pjesë e administratës së MKRS-së në Prizren.

Ministri i Kulturës, Rinisë dhe Sportit, Kujtim Gashi, ka thënë se si MKRS-ja kanë nënshkruar kontratë me Komunën e Prizrenit për të shfrytëzuar dy objektet.

“Sa i përket objektit të ish-rektoratit jemi duke i përgatitur zyrat dhe do të vendosemi sapo të përfundojnë. Ndoshta brenda një muaji”, ka thënë ministri i Kulturës, Kujtim Gashi, i cili vjen nga Prizreni, shkruan Koha Ditore./ KultPlus.com

Gashi: Do të formojmë komisionin për menaxhimin e planeve arkeologjike

Posted on by Kult Plus

Ministri i Kulturës, Rinisë dhe Sportit (MKRS), Kujtim Gashi, ka vizituar sot lokalitetin e Dresnikut, për të parë nga afër punimet që po bëhen nga Instituti Arkeologjik i Kosovës atje.

Ministri Gashi ka thënë se përmes kësaj vizite, ka dashur t’i shohë punimet nga afër dhe të njoftohet me nevojat që ka stafi i arkeologëve.

“Është një prej lokaliteteve shumë të rëndësishme të trashëgimisë kulturore dhe në këtë kuadër jam shumë i interesuar që me komunën, autoritetet lokale të bashkëbisedojmë edhe për çështjen e pronave, t’u e pasur parasysh që pronat janë private, dhe në të njëjtën kohë jemi të interesuar që bashkë me institucionet përkatëse të formojmë edhe Komisionin për hartimin e planit të menaxhimit, jo vetëm për lokalitetin e Dresnikut, por edhe për pjesët tjera”, ka thënë Gashi.

Ministria e Kulturës sipas Gashit është e interesuar që për të gjitha gërmimet që po ndodhin në lokalitetet si Dresnik, Ulpianë, të ndahen edhe mjete shtesë sipas nevojës në koordinim me planin e punës që kanë këto institucione, në mënyrë që të sjellin rezultate që kanë sukses. Vitin 2018, Gashi e ka quajtur si viti të trashëgimisë kulturore.

Ndërsa Elvis Shala, udhëheqës i këtij projekti, ka treguar se MKRS po i financon punimet që shtatë vite, dhe ka thënë se nëse investimet vazhdojnë, ky lokalitet do të bëhet një pikë turistike. Ai ka thënë se në bazë të punimeve, mendohet se ky ka qenë rezidencë e Perandorisë Romake.

“Pjesa kryesore është rezidenca e fund shekullit III dhe me gërmime të deri tashme e dimë për ekzistencën e murit rrethues, pallati numër 1 dhe pallati numër 2. Të gjitha këto struktura, janë kry gërmimet dhe konservimet, tash presim në vitet e ardhshme të zbulojmë edhe stadiumin edhe monumente tjera përcjellëse”, ka thënë Shala.

Në Dresnik aktualisht po bëhen gërmime për një pallat historik. Në vizitë kanë qenë edhe drejtori i Institutit për Mbrojtjen e Trashëgimisë Kulturore, Enver Rexha, edhe drejtoresha e Departamentit të Trashëgimisë Kulturore të këtij instituti./ KultPlus.com

Nevojitet koordinim më i madh për avancimin dhe fuqizimin e rinisë në Kosovë

Posted on by KultPlus

Ministri i Kulturës, Rinisë dhe Sportit, Kujtim Gashi, ka zhvilluar takim me zyrtarët rinor të Komunave të Kosovës.

Ndër temat e takimit kanë qenë qasja e re e MKRS-së për t’i koordinuar aktivitetet rinore në vitin 2019, avancimin i infrastrukturës rinore dhe ndryshimi i kornizës ligjore për të rinjtë, konkretisht ligjin dhe strategjinë për rini. Muaji i Rinisë dhe temat tjera që prekin rininë dhe që kanë për qëllim fuqizimin e rolit të të rinjve në Kosovë.

Ministri Gashi i ka falënderuar zyrtarët rinor nëpër Komuna për përkrahjen që kanë për të rinjtë. Ministri tha se MKRS-ja do të jetë mbështetësja e tyre e vazhdueshme në interes të avancimit dhe fuqizimit të të rinjve anekënd Kosovës.

Ministri i porositi të pranishmit për të rritur edhe më tej koordinimin dhe komunikimin për një sektor më të fuqishëm dhe më vendimmarrës të rinisë në Republikën e Kosovës./KultPlus.com