Njё performancё revolte kundër ngacmimeve seksuale nё rrugë, shpaloset nesër nё sheshin Nёnё Tereza (pёrmabllё Ministrisë së Kulturës, Rinisë dhe Sporteve), shkruan KultPlus.
Nёn organizimin e Qendrёs pёr Art dhe Komunitet-Artpolis nё bashkëpunim me Kvinna til Kvinna, kjo performancё artistike qё adreson ngacmimet seksuale, vjen përmes aktoreve: Daniela Markaj, Qendresa Kajtazi, Halime Bici, Diana Markaj, Genta Ramadani, Margarita Ukaj dhe Kosovare Thaqi.
Kësaj perfomance artistike do ti bashkëngjitet një mysafire speciale, aktiviste për të drejtat e grave dhe atlete e njohur nga Suedia, e cila njëherësh e lufton dukurinë e ngacmimit seksual në vendin e saj, znj. Linnéa Claeson. Dhe, krejt në fund, znj. Claeson do të ndajë eksperiencat e saj duke krijuar një atmosferë interaktive me publikun.
“A jeni lodhë t’u qenë çdo ditë pre e ngacmimeve seksuale në rrugë?! A ka fillu gjithë ky proces intrigues me ju kalu në përditshmëri?! Rutinë që t’i mbyllë sytë, veshët dhe gojën?! A jeni gati me ua përplasë realitetin në fytyrë agresorëve të rrugës?!”, thuhet nё paralajmërimin e Artpolis.
Kjo performancё vjen tё premtёn mё 6 tetor me fillim nga ora 12:00, tek sheshi Nëna Terezë (përballë Ministrisë së Kulturës, Rinisë dhe Sporteve) në Prishtinë./ KultPlus.com