Çmimi “Goncourt”, që është vlerësimi më prestigjioz letrar francez, iu dha shkrimtarit senegalez Mohamed Mbougar Sarr për romanin “La plus secrète mémoire des homme”, frymëzuar nga fati i keq i shkrimtarit nga Mali, Yambo Oulologuem.
Mohamed Mbougar Sarr, 31 vjeç, është shkrimtari i parë nga Afrika Subsahariane që merr këtë çmim.
“Ai mori gjashtë vota në raundin e parë”, njoftoi Philippe Claudel, sekretari i përgjithshëm i jurisë së çmimit.
Ndër veprat e tjera në garë ishin edhe “Milwaukee Blues” nga shkrimtari haitian Louis-Philippe Dalembert, “Le Voyage dans l’Est” i Christine Angot dhe “Enfant de salaud” nga Sorj Chalandon. / KultPlus.com
