Etiketë: Lara Colturi

Skiatorja e Shqipërisë, Lara Colturi arriti rezultatin më të mirë në karrierën e saj në Kupën e Botës.

17-vjeçarja vendosi kohën më të mirë në zbritjen e dytë, 23 të qindtat më e shpejtë se Mikaela Shiffrin që fitoi garën.

Në këtë mënyrë Lara Colturi u ngjit me 17 pozicione nga zbritja e parë, raporton Tvklan.al.

“Jam shumë e lumtur për këtë garë. Më në fund arritja të bëj atë që kam dhënë në stërvitje. Në zbritjen e parë u nisa e 60 në radhë pista ishte jo në gjendje të mirë, por u kualifikova në të dytën ku dhamë maksimumin dhe realizova atë kohë”.

Ndalesa e radhës për 17-vjeçaren do të jetë fundjavën e ardhshme në Jasna të Sllovakisë.

Colturi merr pjesë në garat e Kupës së Botës nga Nëntori i 2022-tës. /KultPlus.com

Skiatorja shqiptare, Lara Colturi ka regjistruar paraqitje tejet pozitive gjatë garave të slalomit “World Levi Cup” në Finlandë.

Komiteti Olimpik Kombëtar Shqiptar (KOKSH) bëri të ditur sot se, Colturi është renditur në vendin e 22-të gjatë ditës së parë mes 65 skiatoreve, ndërsa në garën e 30 skiatoreve më të mira të botës, ajo u pozicionua në vendin e 25-të.

Vajza e kampiones olimpike, Daniela Ceccarelli, u rikthye të garojë pas një dëmtimi të marrë në gju vitin e kaluar.

KOKSH nënvizon se, falë saj, Shqipëria po bëhet e njohur kudo në botë edhe në këtë disiplinë sportive.

“World Levi Cup” bën bashkë sportistët më elitarë të skive, duke u përfaqësuar denjësisht me paraqitjet e Lara Colturi-t. /KultPlus.com

Skiatorja Lara Colturi bëhet atletja më e re që garon në Kampionatin Botëror.

Lajmin e dha kreu i bashkisë së Tiranës, i cili u shpreh në një postim në rrjetet sociale se “në moshën 15-vjeçare, Lara Colturi, bëhet atletja më e re që garon në Kampionatin Botëror”.

Veliaj theksoi se, “skiatorja e talentuar do të debutojë në Kampionatin Botëror në hapjen madhështore në Sölden, më 22 tetor”.

Laura Colturi që përfaqësoi Shqipërinë në garën në Kili u rendit në vendin e parë, në një garë ku morën pjesë 40 skiatorë. Ajo la pas vendin e dytë me mbi 6 sekonda, ndërsa arriti rekordin me 28.5 pikë për Shqipërinë. /atsh /KultPlus.com

Sportistja shqiptare Lara Colturi ka fituar 4 medalje ari në garat e skive që ka zhvilluar në Kili.

Ministrja e Arsimit dhe Sportit, Evis Kushi uroi sot sportisten kuqezi duke u shprehur se sportistja ka tejkaluar çdo pritshmëri.

“Sportistja jonë kuqezi Lara Colturi arrin rezultate të jashtëzakonshme në 4 garat e saj që u zhvilluan në Kili. Ajo fitoi 4 medalje ari , 2 në Giant Sllalom dhe 2 në Sllamom, duke tejkaluar çdo pritshmëri nisur nga mosha 16-vjeçare”, u shpreh Kushi në një postim në rrjetet sociale.

“Lara tashmë është në Argjentinë, ku do të zhvillojë 4 garat e rradhës në kuadër të sezonit të Amerikës Latine. I urojmë shumë suksese Laras për këtë përfaqësim dinjitoz të flamurit shqiptar”, theksoi Kushi. /KultPlus.com