Etiketë: Laura

‘Ngjashëm me foton ikonike’, The Telegraph krahason foton e Laura Fazliut me të Muhammad Alisë

Posted on by Kult Plus

Laura Fazliu arriti të bronztën sot në Olimpiadën e Parisit pasi mposhti kroaten Katarina Krishto me “pikë të artë”.

Ndonëse fillimisht fitorja iu dha kroates Krishto, dhe dy garueset dolën në tatami për të uruar njëra-tjetrën, gjithçka u rrotullua në pak sekonda.

Pasi gjyqtari shikoi përsëritjen e rrëzimit të Fazliut nga ana e Krishtos, vërejti se kjo e fundit kishte bërë një gabim – e kishte kapur nën rrip Fazliun, gjë që është e ndaluar në sportin e xhudos, raporton Klankosova.tv.

Kjo bëri që gëzimi të kalojë nga Krishto te Fazliu, e cila arriti kështu medaljen e saj të parë olimpike, por edhe të parën të bronztë për Kosovën në gara olimpike.

E fotoja e shkrepur pasi Krishto mendoi se e fitoi medaljen, media e madhe britanike “The Telegraph” e ka krahasuar me atë të legjendës së boksit, Muhammad Ali, kur ky e kishte mposhtur Cleveland Williams.

“Ngjashëm me një foto ikonike. Nuk është shkrepja e shkëlqyer dhe e famshme e Muhammad Alisë pasi rrëzoi në dysheme Cleveland Williamsin, por megjithatë kjo është një foto e mirë. Laura Fazliu e Kosovës me Katarina Krishton e Kroacisë në tatami”, shkroi “The Telegraph”.

Fjala është për foton ikonike të cilën e ka shkrepur fotografi Neil Leifer për “Sports Illustrated”, më 25 maj, 1965, që mund ta shihni më poshtë.

muhamed ali

Më tej, kjo media, Kosovën e quan “vatër të xhudos”.

“Laura Fazliu ka fituar medaljen e bronztë për Kosovën në 63 kg për femra. Kjo është medalja e pestë për Kosovën në historinë olimpike, dhe të gjithë janë në garat e xhudos”, tha më tej media britanike.

Kosova ka gjithsejtë pesë medalje olimpike – tri të arta, 1 të argjendtë dhe 1 të bronztë. /Klankosova.tv/ KultPlus.com

Laura Fazliu me medaljen e bronzte
Laura Fazliu me medaljen e bronztë në Lojërat Olimpike “Paris 2024”. Foto: Steph Cham

Laura Fazliu: Tash duhet të kthehem dhe të punoj edhe më shumë që ta fitoj edhe medaljen e artë

Posted on by Kult Plus

Xhudistja kosovare, Laura Fazliu, ka thënë se është e lumtuar që ka arritur ta fitojë medaljen e bronztë në Lojërat Olimpike Paris 2024 dhe njëkohësisht ka theksuar se i duhet të punojë për të arritur edhe më shumë në të​​​​​​​ ardhmen. 

Të martën Fazliu e ka mposhtur xhudisten kroate, Katerina Kristo, duke i dhënë Kosovës medaljen e dytë olimpike, pas asaj të argjendtës të fituar nga Distria Krasniqi. 

“Jam shumë e lumtur. Kemi qenë shumë të përgatitura. Me rëndësi është që medalje kam marrë. Medalja olimpike është diçka shumë e madhe”, ka thënë Fazliu për RTK. “Majlinden e kam pasur gjithmonë afër, pastaj Toni që jam me të prej që kam qenë e vogël”

Edhe pse e kënaqur me këtë sukses, Laura ka treguar ambicien për të ardhmen. “Tash duhet të kthehem dhe të punoj më shumë dhe të shpresoj që të arrij edhe medaljen e artë”, ka theksuar ajo.

Ambasadori Hovenier uron Laura Fazliun për medaljen e bronztë në Lojërat Olimpike ‘Paris 2024’

Posted on by Kult Plus

Ambasadori i Shteteve të Bashkuara të Amerikës në Kosovës, Jeffrey Hovenier, e ka uruar Laura Fazliun për medaljen e bronztë në Lojërat Olimpike “Paris 2024”.

“Urime Laura” , ka shkruajtur Hovenier në një postim në platformën X, derisa e ka shpërndarë një shkrim të Komitetit Olimpik të Kosovës në të cilin i urohet medalja e fituar Laurës.

Mitrovicasja bëhet xhudistja e dytë kosovare në Paris që arrin të kurorëzohet me medalje. Para saj, Distria Krasniqi, e rrëmbeu të argjendtën.

Fitorja e “Lakit” erdhi në Golden Score, pasi kundërshtares së saj iu dhanë tri “Shido”, për pasivitet në luftë. Kjo është hera e parë që 23-vjeçarja kosovare merr pjesë në Lojëra Olimpike.

Ministri Çeku pas triumfit të Laura Fazliut: Faleminderit që po lartësoni shtetin tonë

Posted on by Kult Plus

Ministri i Kulturës, Rinisë dhe Sportit, Hajrulla Çeku ka shkurar një mesazh urimi pasi Laura Fazliu fitoi medaljen e bronztë në Lojërat Olimpike “Paris 2024”.

Ministri Çeku fitoren e xhudistes Fazliu e ka cilësuar si të jashtëzakonshme.

“E jashtëzakonshme. Edhe një medalje nga Parisi.
Fantastike Laura Fazliu. Çfarë krenarie.
Urime dhe faleminderit që po lartësoni shtetin tonë”, ka shkruar Ministri Çeku./ KultPlus.com

Medalja e dytë për Kosovën, Presidentja Osmani: Krenari e jashtëzakonshme

Posted on by Kult Plus

Presidentja e Kosovës Vjosa Osmani, është shprehur tej mase e gëzuar për fitoren e Laura Fazliut.

Osmani tha se medalja e dytë për Kosovën është krenari e jashtëzakonshme.

“Krenari e jashtëzakonshme që na sollën xhudistja Laura Fazliu, trajnerja e saj Majlinda Kelmendi dhe maestro Toni Kuka”, tha Osmani.

“Faleminderit pafundësisht!”, tha ajo.

Xhudistja nga Mitrovica e mori medalje e bronztë pasi mposhti kroatën, Katarina Kristo.

Fitorja e Fazliut, erdhi në Golden Score pasi Kristo i mori tri shido nga referi, për shkak të pasivitetit në luftë.

Laura Fazliu në çerekfinale të Kampionatit Evropian, Loriana Kuka eliminohet

Posted on by Kult Plus

Laura Fazliu ka treguar paraqitje fantastike, për të kaluar në çerekfinale të Kampionatit Evropian, ndërsa Loriana Kuka është eliminuar në raundin e tretë.

Laura në raundin e dytë pati punë me garuesen nga Ukraina Yuliia Hrebenozhko, të cilën e kaloi pa vështirësi, duke e mposhtur me IPPON, për të kaluar në çerekfinale të kategorisë deri në 63 kilogram.

Në çerekfinale do të ketë punë me francezen Clarisse Agbegnenou, ku do të kërkojë me çdo kusht një vend në gjysmëfinale.

Në anën tjetër, Loriana Kuka edhe pse ishte shumë aktive dhe e fitoi raundin e dytë, pasiviteti ia humbi ndeshjen në raundin e tretë ndaj holandezes Sanne Van Dijke, kështu për të mbyllur eksperiencën e saj në këtë Kampionat Evropian./Nacionale/KultPlus.com

Trajneri Kuka pas fitores së Fazliut në Masters: Ditë e lumtur, sporti po i shfaq vlerat gjithmonë

Posted on by Kult Plus

Sot, me fitoren e xhudistes kosovare, Laura Fazliu, trajneri Driton Kuka është shprehur se ndihet i lumtur, duke thënë se sporti po arrin shfaq t’i vlerat gjithmonë, shkruan KultPlus.

Sportistja Fazliu, sot në podium ka ka arritur të mposhtë dy Japoneze ish-Kampione Botërore dhe Clarise francezen 6 herë Kampione.

Më poshtë gjeni postimin e plotë të trajnerit Kuka:

Çfarë Laure 🏅
World Judo Masters 2023
Laura Fazliu e artë!
Çfarë podiumi dy Japoneze Ish Kampione Botërore dhe Clarise Francezja 6 x Kampione Botërore e Kampione Olimpike e Laura Fazliu e artë 🏅
Një performancë e shkelqyeshme e saj.
Dominoj ajkën Botërore.
1800 Pikë Olimpike dhe ajo tashmë po paralajmërohet si një ndër favoritet për medalje Olimpike në #paris2024
Një ditë e bukur dhe e lumtur për mua.,ekipin dhe shtetin tonë që përmes sportit po shfaq vlerat gjithmonë!
Laura sot drejt të artës mposhti të dy japonezet,Izraeliten Gefen dhe Rumunen Ivanescu !
Performancë të mirë dhe tashmë me 488 pikë do hyj nē Normë Olimpike kishte edhe Akil Gjakova fitoj dy lufta dhe pësoj dy herë vendi i 7 dhe tash lirisht po them që u rikthye në krye të detyres.
Kosova mbi të gjitha …
Foto pas garës na u bashkangjit Clarise Agbegnenou legjenda e xhudos që sot ishte e bronztë në kategorinë e Laures deri 63 k./KultPlus.com

Laura Fazliu, e bronztë në Grand Slamin e Kazakistanit, mposhti rusen

Posted on by Kult Plus

Xhudistja kosovare, Laura Fazliu e ka fituar medaljen e bronztë në Grand Slamin e Kazakistanit.

Fazliu në përballjen për medalje të bronztë fitoi ndaj ruses Dali Liluashvili me waza-ari, në kategorinë deri në 63 kilogramë.

Laura Fazliu shënoi dy fitore dhe humbi një deri në ndeshjen për repasazh.

Ndërkohë sot garuan edhe Akil Gjakova dhe Loriana Kuka, por që nuk arritë medalje.

Teksa dje Nora Gjakova siguroi medaljen e bronztë. /Klankosova.tv./KultPlus.com

Laura dhe Petrarka, dashuri që nënshtroi me zjarrin e pasionit një zemër dhe ndërtoi një monument

Posted on by Kult Plus

Nga Albert Vataj

Të merituara do të ishin gjithëçfarë nderimi dhe mirënjohje për t’rrallin burrë që kultivoi një gjuhë, që hyjnizoi një ndjenjë dhe jetësoi modelin e tokësorit që preku apogjeun. T’pamatën ndjenjë që s’reshti së s’kalituri me daltën e pasionit një dashuri epike.

Dashuria marroke për Laureta de Noves, 336 sonetat-psalme hyjnizese të këtë marrëdhënie, kësaj dashurie që harbohej pengimesh e zjarresh pasionuese, i mëkoi amshimin “babait të Rilindjes Italiane”. Krejtçfarë sendërtoi këtë personalitet krejt të pazakontë, të dijes dhe kulturës, humanizmit dhe sharmit estetik, u kredh në gjunjët e kësaj dashurie platonike, e cila shkreptiu në mëngjesin e 6 prillit të vitit 1327 në Avinjon, ku ai behte i mirëpirtur në oborrin papal, pas studimeve të jurisprudencës që i kishte kryer në Monpelie dhe Bolonjë. Ishte ky shigjetim Kupidi që do të tejpërtejtë zemrën e tij dhe do të plazmonte shkëlqimin më të ambroztë të memories italiane, prej lirikave që ky shpirt pasionesh të stuhishme gatoi.

Po Laura kush është, ajo së cilës Petrarka i këndoi që nga çasti që e njohu, me rimat më të ëmbla dhe tinguj të panjohur. Letërsia që po lindte pas muzgun e Mesjetës i është mirënjohës këtij takimi, këtij akti sublim, të dashurisë me shikim të parë. Sikundër Beatriçe e Dantes, edhe Laura ishte një tjetër italiane e mrekullueshëm, së cilës i detyrohet aq shumë letërsia e atij vendi. Aq me shkëlqim e ëmbëlsi, ngjyra dhe pasion, kushtim e amshim iu këndua asaj gruaje, sa asokohja dhe e mëvonshmja, do ta kishte të pamundur ta besonin se ishte një person real. Mosbesuesit dhe të mëdyshtit thanë se Petrarka nuk bëri as më pak e as më shumë se atë që bënë piktorët e mëdhenj, para dhe pas tij, të cilët krijuan një përfytyrim idilik, të një gruaje të virtytshme, një kreaturë të kulluar, për të derdhur në të format magjepsëse frymëzimet e tyre. Kundërshtitë dhe dilemat, zelli për të hedhur dritë mbi të vërtetën çoi deri atje sa të hapej varri ku preheshin eshtrat e Laurës, dhe kjo ndodhi diku në shekullin e XVI. / KultPlus.com