Etiketë: Led Zeppelin

Jimmy, kitaristi i ”Led Zeppelin”, mbush 80 vjeç

Posted on by Kult Plus

Legjenda James Patrick “Jimmy” Page, një nga kitaristët më me ndikim në historinë e rock-ut, mbush 80 vjeç.

Në vitin 2012, së bashku me Robert Plant dhe John Paul Jones, ai mori nderimet e Qendrës Kennedy nga Presidenti Obama, nderimi më i lartë që u jepet njerëzve që kanë ndikuar në kulturën amerikane përmes arteve.

Në fushën muzikore ai ka marrë çdo lloj vlerësimi: ka hyrë dy herë në ”Rock and Roll Hall of Fame”, si anëtar i ”Yardbirds” dhe ”Led Zeppelin”.

Ai krijoi një stil dhe një konceptim të rolit të instrumentit që janë bërë një kod universal, transversal ndër zhanre dhe breza. Në vitin 2010 ai u rendit i dyti në listën e Gibson-it me pesëdhjetë kitaristët më të mirë.

Para se të hynte në skenën e madhe, në gjysmën e dytë të viteve ’60, fillimisht me ”Yardbirds” dhe më pas me ”Led Zeppelin”.

Page ishte, së bashku me Big Jim Sullivan, kitaristi më i kërkuar në studiot angleze të regjistrimit.

Ashtu si shumica e rockerëve anglezë të moshës së tij, Page mbush 80 vjeç.

Në vitin 1998 ”Led Zeppelin” ishin të ftuar në ”Festivalin e Sanremos”, ku ata kënduan, në playback, ”Most Hight”.

Vdekja e Bonham dhe fundi i ”Led Zeppelin” shënojnë një kufi në karrierën dhe jetën e Jimmy Page. / atsh / KultPlus.com

5 librat që shërbyen si frymëzim për të shkruar disa nga këngët tona të preferuara

Posted on by Kult Plus

Muzika dhe librat ndikojnë mjaft shumë në jetën tonë, por sa kanë ndikim këto dy të fundit te njëra-tjetra?

Më poshtë KultPlus ju sjell 5 librat që shërbyen si frymëzim për të shkruar disa nga këngët tona të preferuara: 

“1984”

Romani distopian nga shkrimtari George Orwell është një roman i mirënjohur që trajton tema të pushtetit, manipulimit dhe dhunës. Kjo vepër frymëzoi artistin e rokut, David Bowie. Pas përpjekjes së tij të dështuar për të krijuar një përshtatje muzikore të romanit, ai u frymëzu të shkruaj albumin e dashur ‘Diamond Dogs’. Albumi përmban këngë të titulluara “1984” dhe “Big Brother”, të dyja të lidhura drejtpërdrejt me librin.

“The Lord of the Rings”

“The Lord of the Rings” e J.R.R. Tolkien nuk është vetëm një roman dhe seri televizive e njohur, por edhe frymëzimi që qëndron pas këngës “Ramble On” të Led Zeppelin, ku përmenden disa nga termat e romanit brenda teksteve, ‘Mordor’, ‘Gollum’ dhe ‘The Evil One’.

“Romeo & Juliet”

“Romeo & Juliet” e Shekspirit, frymëzoi këngën ‘Love Story’ të Taylor Swift, këngë nga albumi ‘Fearless’. Ajo përdor të dy emrat e personazheve, Romeo dhe Juliet, në tekstet e saj dhe për fat të mirë kënga ka përfundim të lumtur!

“On The Road”

Vepra “On The Road”, e Jack Kerouac, frymëzoi albumin, ‘Teenage Dream’, nga Katy Perry, veçanërisht këngën, ‘Firework’.

“Perfume: The Story of a Murder”

“Perfume: The Story of a Murder”, ky roman fantastik historik ndjek kuptimet emocionale të aromave, përmes jetës së një jetimi në Francën gjatë shekullit të 18 -të. Nirvana ishte ajo që e përshtati këtë roman, në këngën e tyre “Scentless Apprentice”. / KultPlus.com

Dokumentari “Becoming Led Zeppelin” do të shfaqet në festivalin e Venecies

Posted on by Kult Plus

Dokumentari i ardhshëm “Becoming Led Zeppelin”, i autorizuar nga anëtarët e grupit, do ta shënojë premierën në kuadër të edicionit të sivjetmë të Festivalit të filmit në Venecie, i cili mbahet muajin e ardhshëm.

Projekti me regji të Bernard MacMahonit do të përfshijë intervista të reja me muzikantët si: Jimmy Page, John Paul Jones dhe Robert Plant, si dhe intervista të rralla nga arkiva bateristin e ndjerë, John Bonham, i cili vdiq në vitin 1980.

Dokumentari është vendosur të shfaqet jashtë konkurrencës për “Luanin e Artë”, në festivalin e njohur italian i cili mbahet nga 1 deri më 11 shtator, në qytetin e bukur, Venecie. 

Kjo është hera e parë që anëtarët e bendit “Led Zeppelin” kanë marrë pjesë në një dokumentar, në këto 50 vjetët e fundit. Bendi madje i ka ofruar regjisorit MacMahon qasje të paparë në arkivat e tyre. 

Ende nuk ka datë të lansimit të filmit “Becoming Led Zeppelin”, për publikun e gjerë. / KultPlus.com

21 vjet më parë, Led Zeppelin kishte performuar për Kosovën

Posted on by KultPlus

Kitaristi legjendar i bendit “Led Zeppelin”, Jimmy Page, ka rrëfyer një tregim që pakkush e kishte ditur përmes profilit të tij në “Instagram”.

Përmes rubrikës së tij të shpeshtë “në këtë ditë” Page ka treguar se 21 vjet më parë kishte performuar në Londër për Kosovën.

Në këtë postim Jimmy tha se organizimi ishte bërë nga UNICEF-i në ndihmë për Kosovën dhe paqen në botë në përgjithësi, transmeton KultPlus.

Kitaristi legjendar tha se ka performuar versionin instrumental të këngës “Dazed and Confused”.

“Këtë ditë më 1999-n performova në ‘Unicef Kosovo Appeal’ në Londër. Kur trazirat në Kosovë më në fund morën fund u organizua një ngjarje bamirësie në ‘Whitehall’. M’u kërkua të interpretoja në këtë ngjarje dhe luajta me grupin tim të asaj kohe: Michael Lee në bateri dhe Guy Pratt në bass. Luajta versionin instrumental të ‘Dazed and Confused’”, tha Page në postimin e tij të djeshëm në “Instagram”.

Shumë ndjekës të tij u mahnitën me këtë rrëfim. E dashura e tij, Scarlett Sabet, e cilësoi si “të mrekullueshëm”.

Një fans i tij me emrin Bashar tha: “Duhesh të performosh sërish. Është një gjeneratë e tërë që vdes të të shoh”.

Një fanse tjetër me emrin Ana Eisenberg shkroi: “Jimmy, faleminderit për këto kujtime. Është shumë e fuqishme”. / KultPlus.com

Kohë të mira, kohë të këqija

Posted on by Kult Plus

Nga: Led Zeppelin

në ditët e rinisë sime
m’ tregonin se çka do të thotë me qenë burrë,
derisa e arrita atë moshë
u përpoqa t’i bëj gjërat sa më mirë
por sado u mundova
në rrugën time u bllokova

në jetën time kam pasur
kohë të mira dhe të këqija,
gruaja më pat lënë dhe qe larguar nga shtëpia
për njëfarë burri me sy t’kaftë
por s’më intereson ajo punë tashmë

16 vjeç kur isha në një vajzë të ëmbël u dashurova,
asaj iu deshën vetëm ca ditë që të shpëtonte prej meje
m’u betua se do t’jetë e imja dhe do të më donte deri n’fund t’jetës,
por kur i pëshpërita në vesh, oh, e humba edhe si mike

e di si është me qenë krejt vetëm,
s’më plas fare çka thonë fqinjët tash,
do të të dua ty
çdo ditë e më shumë,
mund t’i ndjesh rrahjet e forta të zemrës sime,
kuptoje, vogëlushe e ëmbël,
kurrë s’do të jemi pjesë të ndara /bm /KultPlus.com

Dokumentari për Led Zeppelin në nderim të 50 vjetorit të bendit

Posted on by Kult Plus

Dokumentari i ri për bendin legjendar britanik, Led Zeppelin, do ta shënojë 50 vjetorin e themelimit të tyre.

Nën regjinë e Bernard MacMahon, ky projekt ende i patituluar përcjell ngritjen e të katër anëtarëve të grupit përgjatë viteve të 1960-ta.

Ky dokumentar gjithashtu mbulon vitet e hershme të bendit duke kulmuar me albumin e vitit 1970, “Led Zeppelin II”, që çimentoi reputacionin e tyure duke rrëzuar albumin e The Beatles, “Abbey Road” nga maja e toplistave amerikane, shkruan NMË.

Aty po ashtu do të ketë intervista edhe me Robert Plant, Jimmy Page dhe John Paul Jones, si dhe do të shfaqen intervista të papara më herët të të ndjerit John Bonham.

Për momentin, ky projekt është në post-produksion, dhe konceptin e tij e kanë sjellë Bernard MacMahon dhe Allison McGourty.