BBC, transmetuesi pritës i Festivalit të 67-të të Këngës në Eurovizion, ka zbuluar skenën mbresëlënëse në të cilën 37 artistët do të performojnë në Liverpool këtë maj.
Julio Himede, skenografi për Liverpool 2023 e ka bazuar skenën e tij në parimet e “bashkësisë, festës dhe komunitetit”.
Dizajneri tha për Eurovision.tv: Arkitektura merr frymëzim nga një përqafim i gjerë, duke i hapur krahët Ukrainës, interpretuesve të shfaqjes dhe të ftuarve nga e gjithë bota. Unë u fokusova në aspektet kulturore dhe ngjashmëritë midis Ukrainës, Britanisë së Madhe dhe veçanërisht Liverpool-it. Nga muzika, kërcimi dhe arti tek arkitektura dhe poezia.’
Julio, i cili ka vite përvojë pune në ngjarje të mëdha si GRAMMY dhe MTV EMA, vazhdoi:
“Është detyra jonë si stilistë të përmirësojmë performancat përmes një peizazhi vizual bindës, duke rrëmbyer zemrën dhe shpirtin e Konkursit të Këngës në Eurovizion. / KultPlus.com
