Këngëtarja shqiptare me renome botërore, Dua Lipa, ka qenë e ftuar së fundmi në emisioni ne famshëm “The Graham Norton Show”.
Ajo është pyetur nga prezantuesi i famshëm britanik për vitet e jetesës në Londër, dhe më pas shpërnguljen në Kosovë dhe rikthimin e saj përsëri në Mbretërinë e Bashkuar.
“Isha 11 vjeçe. Unë jam lindur dhe rritur në Londër dhe jemi zhvendosur në Kosovë kur isha 11 vjeçe. Dhe më pas jetova atje deri në moshën 15 vjeçe, dhe kur u bëra 15, u ktheva në Londër”, tha Dua.
Artistja e hitit “Blow Your Mind” u shpreh se ky vendim i saj kishte të bënte me faktin se ishte e pamundur të depërtonte në tregun e huaj të muzikës, nga Kosova.
“Unë doja të bëja muzikë. Aq shumë sa e doja jetën në Kosovë, ishte një eksperiencë ndryshe. Dua të them, tani është gjithçka ndryshe me dëgjueshmërinë, dhe ti mund të jesh kudo në botë dhe muzika jote të dëgjohet. Nuk e ndjeja këtë në atë kohë, kur po jetoja në Kosovë, kishte shumë artistë që doja t’i shihja. Thjesht ndjeva se duhet të rikthehesha duku ku kishte më shumë mundësi. Kështu që në moshën 15 vjeçare, u ktheva e vetme në Londër”, tha Lipa.
I çuditur, Graham pyeti se si ka mundësi që prindërit e lejuan të vetme një adoleshente 15 vjeçare të shpërngulej në Londër, gjë për të cilën Dua tha se e arriti falë faktit që ata e dërguan në një dhomë dyshe, nën kujdesin e një vajze më të madhe që ata e njihnin.
“Epo, unë isha duke jetuar në një dhomë të ndarë me një cimere. Dhe prindërit e mi njihnin prindërit e saj, ajo ishte duke studiuar këtu në Londër. Mendoj se kishim shumë botëkuptime të kundërta për shkak të moshës. Mendoj se vazhduam në pjesën më të madhe deri në momentin që ajo shkoi dhe fotografoi dhomën time rrëmujë, dhe ia dërgoi mamasë time. Ishte e tmerrshme, isha vetëm 15 vjeçe”, përfundoi Dua.
Dua përndryshe pati debutimin ne saj në muzikën britanike në verën e vitit 2015 dhe që atëherë nuk është ndalur së sjelli projekti të reja, dhe duke shijuar suksese të njëpasnjëshme. /KultPlus.com
Pothuajse 20 për qind e fëmijëve emigrantë nga Shqipëria të pashoqëruar që u morën nga Këshilli i Qarkut Kent në Angli këtë vit, janë zhdukur, zbulon BBC.
Autoriteti vendor ka marrë deri më 31 tetor 197 fëmijë shqiptarë, 39 prej të cilëve janë zhdukur.
Ecpat UK, e cila bën fushatë për të mbrojtur fëmijët nga shfrytëzimi, tha se shifrat ishin shumë shqetësuese.
Këshilli tha se kishte punuar ngushtë me Zyrën e Brendshme dhe policinë për të mbrojtur fëmijët e cenueshëm.
Shifrat u morën nga BBC përmes një kërkese për Lirinë e Informacionit.
Këshilli tha se 197 fëmijë shqiptarë që u pranuan në Njësinë e Pranimit në Kent të Ministrisë së Brendshme iu nënshtruan kujdesit nga 1 janari deri më 31 tetor.
Ai shtoi se deri më 7 nëntor, 39 ishin regjistruar si të zhdukur. Megjithatë, aty u tha se disa nga ata fëmijë do të kishin mbushur 18 vjeç.
Shifrat e qeverisë të mbledhura nga BBC tregojnë se 44,122 njerëz kanë kaluar me varka të vogla deri më tani këtë vit, krahasuar me 28,461 që mbërritën në 2021.
Kjo kontribuoi në mbipopullimin në qendrën e përpunimit Manston në Kent, e cila në një moment mbante më shumë se dyfishin e kapacitetit të saj, me rreth 4000 njerëz. /KultPlus.com
Shërbimi zjarrfikës i Londrës ka pasur ditën e tij më të ngarkuar që nga Lufta e Dytë Botërore, duke u marrë me disa zjarre në temperatura rekord të martën, tha kryebashkiaku i Londrës Sadiq Khan, transmeton KultPlus.
Kryeqyteti ishte një nga 15 zonat përreth Mbretërisë së Bashkuar që shpalli një incident të madh.
Zjarret filluan në një ditë që pa një temperaturë rekord prej 40.3 C në Coningsby, Lincolnshire.
Një paralajmërim i verdhë është lëshuar nga Met Office për shi të dendur dhe stuhi të cilat mund të sjellin përçarje në Anglinë lindore dhe juglindore këtë pasdite.
Moti gjithashtu po vazhdon të ndikojë në transport – me udhëtarët të këshilluar që të udhëtojnë vetëm nëse është e nevojshme.
Network Rail tha të mërkurën se nuk kishte trena të drejtpërdrejtë midis Londrës dhe Skocisë, për shkak të dëmtimit të linjave elektrike ajrore në linjën kryesore të Bregut Perëndimor.
Në Wennington, në lindje të Londrës, 100 zjarrfikës luftuan një flakë që shkatërroi disa shtëpi.
Duke folur për programin Today të BBC Radio 4, Khan tha se kishte më shumë se një duzinë zjarre në të njëjtën kohë.
Ai tha: “Dje ishte dita më e ngarkuar për shërbimin zjarrfikës në Londër që nga Lufta e Dytë Botërore.
“Normalisht marrim 350 telefonata në ditë, në një ditë të ngarkuar mund të marrim deri në 500 telefonata. Dje shërbimi zjarrfikës ka pasur më shumë se 2600 thirrje në ditë.” /KultPlus.com
Boris Johnson do të japë dorëheqjen si lider konservator sot, pas dorëheqjeve të mëtejshme ministrore këtë mëngjes, njofton BBC.
Por ai planifikon të vazhdojë të shërbejë si kryeministër deri në vjeshtë për të lejuar që një garë për udhëheqje konservatore të zhvillohet në verë.
Disa deputetë konservatorë po bëjnë thirrje që ai të tërhiqet menjëherë pasi më shumë se 50 ministra dhe ndihmës të qeverisë u larguan nga qeveria e tij, transmeton KultPlus.
Udhëheqësi i Laburistëve Keir Starmer e mirëpret lajmin, duke thënë se konservatorët kanë “shkaktuar kaos në vend” gjatë një krize të kostos së jetesës.
Sekretarja e Jashtme Liz Truss – e cila ka qëndruar e heshtur për ditë të tëra – po ndërpret një udhëtim jashtë vendit dhe po kthehet në Londër.
Ndërsa sekretarja e re e arsimit Michelle Donelan dhe sekretari i Irlandës së Veriut Brandon Lewis dhanë dorëheqjen nga kabineti. /KultPlus.com
Armend Rexhepagiqi dhe Aida Baraku e kanë në repertorin e tyre edhe këngën “Dugi”. Aktoret Yllka Gashi, Teuta Krasniqi, Edona dhe Loca, aktori Shkumbin Istrefi dhe emra të tjerë janë pjesë e videoklipit të realizuar vite më parë.
Dugi ishte mbret i podiumit tonë Dugi ishte vizion e motivacion Dugi ishte seksi. Dugi ishte transi ishte zanzi-zanzi
Sa ‘pasione’, sa ‘fashion’ sa shumë dëshirë to ‘fight’ me këtë ‘boogie-woogie’-Dugi ‘on a saturday night’
Pa dilema ai ish’simbol i çdo të riu bar për kokëdhembje, si Bekim Fehmiu as Faruk Begolli nuk isht aq ‘boogie’ sikur Dugi
Tash nga Londra erdhi Dugi luan ‘boogie-woogie’ jem’me ngjyrë e jem’pa frymë e nesër çdo gjymtyrë le të dhemb se nga Londra erdhi Dugi luajm ‘boogie-woogie’ veç ai ka ide sa ‘boogie’ jemi ne
Që nga mbrëmja e maturës s’pati gëzim Dugi lidhi këpucët e u nis në udhëtim as bimë, as gjësend s’mbet indiferent shkoi pa ‘happy-end’
S’ka viza për kriza orar, o, shpirti im jemi helm për egoista, nëse kemi guxim
S’është as vendi e as koha për filozofime vulë e jetës sate, vulë e jetës sime formalisht e normalisht është ‘boogie-woogie’ edhe Dugi./ KultPlus.com
Billie Eilish e ndaloi shfaqjen e saj në mes të performancës, në mënyrë që të mund të ndihmonte fansat që po u binte të fikët mes temperaturave të larta në Londër.
Ylli amerikan i popit është filmuar duke ndalur muzikën dhe duke u thënë fansave në O2 Arena: ‘Njerëzve po u fikët dhe po barten jashtë’.
Billie Eilish më pas pyet: ‘A jemi mirë? Më njoftoni. Është nxehtë.’
Pjesëmarrësit e koncertit në ambientet me kapacitet 20,000 i thonë asaj se po ‘shtyhen’ dhe po shohin se po barten nga stafi i sigurisë mes turmave të mëdha dhe temperaturave maksimale prej 23 gradë Celsius dje në Londër.
Më pas ajo u thotë fansave që të tërhiqen nga skena gjatë turneut të saj më të lumtur se kurrë dhe rifillon koncertin.
Siguria e fansave ishte gjithashtu një shqetësim këtë muaj në një festival muzikor britanik, të cilin pjesëmarrësit e koncertit e kritikuan për menaxhimin e dobët të tij pasi mijëra të ftuar dyshohet se u shtypën ndërsa përpiqeshin t’i shpëtonin stuhive të shiut të rrëmbyeshëm. / KultPlus.com
Paraqitjet e Dua Lipës në publik gjithnjë kanë marrë vëmendje të veçantë sikurse nga publiku ashtu edhe nga mediat, përcjell KultPlus.
Së fundmi, 26 vjeçarja është nominuar për nëntë kategori në “Billboard Music Awards”, derisa ajo është edhe duke zhvilluar turneun e saj të albumit “Future Nostalgia”.
DailyMail shkruan përshkruan veshjen e Lipës nëpër rrugët e Londrës si veshje e thjesht, por edhe anën e modës, pasi u pa e veshtur me një kapuç monogram të markës Marc Jacobs, me vlerë 484 euro.
Lipa është rikthyer në shtëpinë e saj në Londër, pasi ka zhvilluar disa koncerte në Shtetet e Bashkuara të Amerikës.
Në anën tjetër, këngëtarja e hitit “Levitating” është një adhuruese e madhe e yogas. /KultPlus.com
Me zërin e saj unik, Dua Lipa, ka arritur që të bëjë njerëzit nga e gjithë bota të bien në dashuri me të dhe së fundmi ajo është paraqitur edhe si ylli i kopertinës dixhitale të revistës “Wall Street Journal”, e këta të fundit zhvilluan edhe një intervistë me yllin e muzikës pop, shkruan KultPlus.
Në intervistën e saj të fundit në Wall Street Journal, Lipa ndanë rrëfime nga jeta e saj personale dhe si arriti të bëhej një “brend” në industrinë e muzikës
Babai i Duas, Dukagjin Lipa, ishte këngëtar i një grupi rock në Kosovë. Por ndërsa tensionet u rritën në Ballkan gjatë viteve ’90, ai dhe nëna e Duas, Anesa, u transferuan në Londër, ku ajo lindi.
Duke u rritur, ajo kultivoi muzikën e artistëve të preferuar të babait të saj – Radiohead, Paul Weller, The Doors, Sting – ndërsa ishte e fiksuar pas muzikës pop që dëgjonte në radio.
Ajo ndoqi shkollën e teatrit Sylvia Young deri në moshën 11-vjeçare, kur ajo dhe familja e saj u kthyen në Kosovë. Në atë kohë lufta kishte mbaruar dhe vendi vazhdoi të shpallte pavarësinë nga Serbia në vitin 2008.
E inkurajuar nga një mësuese në Kosovë, e cila e kërkoi të performonte hitet e Alicia Keys dhe Toni Braxton në shkollë, Lipa filloi ta merrte më seriozisht ëndrrën e saj në këndin e lojërave për të kënduar dhe i bindi prindërit e saj që ta linin të kthehej në Londër kur ajo ishte 15 vjeç. Duke jetuar me miqtë, ajo ia doli të kalonte shkollën e mesme, por dështoi në vitin e parë të A Levels pasi ndjekja e festave me miqtë e saj kishin përparësi përpara shkollës.
E turpëruar për t’u thënë miqve të saj, Lipa tha se gjeti një program intensiv studimi njëvjeçar, u drejtua në As dhe u pranua në katër universitete. Në vend që të qëndronte në shkollë, ajo filloi të punonte në një restorant në Londër, ndërsa regjistronte këngë të ndryshme dhe i postonte në rrjetet sociale. Ndërsa përpiqej të gjente rrugën e saj në biznesin e muzikës, ajo mori punë shtesë në modelim, duke përfshirë një paraqitje në një reklamë për The X Factor. Pasi kjo tërhoqi vëmendjen e dikujt në ekipin e Mawson (që punonte me kantautoren amerikane Lana Del Rey), ajo la punën e saj në restorant. “Ajo sigurisht që nuk ishte formuar plotësisht si artiste”, thotë Mawson.
“Ajo kishte një zë shumë të mirë, por këngët nuk ishin aty. Por ajo e përmendi Madonën si një person për t’u imituar, dhe mendova se ky ishte lloji i ambicies sime.”U desh pak kohë për të goditur hapin e saj; këngët e saj të para dolën mirë në Evropë, por asgjë nuk klikoi me të vërtetë derisa shpërtheu me këngën e saj të titulluar “New Rules” sfiduese në verën e 2017.
Videoja e këngës arriti një miliard shikime në YouTube dhe albumi i Dua Lipa përfundimisht kaloi pesë milionë shitje në mbarë botën .
Lipa ka ruajtur një lidhje të fortë me trashëgiminë e saj kosovare, duke organizuar një festival (ku ka paraqitur artistë të tillë si Miley Cyrus dhe Calvin Harris) për të mbledhur para për bamirësi lokale. Përpjekja u njoh me një çelës për kryeqytetin e Prishtinës.
Përpos gjithave, 26 vjeçarja ka arritur që të përfshihet edhe në botën e modelizimit, e për këtë gjë rrëfehet edhe pronarja e kompanisë së njohur, Donatella Versace, e cila e sheh stilin e Lipës që nuk mundohet shumë, por është gjithnjë e lezetshme.
“Ecja në një pasarelë nuk është aq e thjeshtë sa duket nëse nuk jeni mësuar me të dhe nëse të gjithë pas jush kanë ecur me qindra prej tyre”, thotë ajo. “[Dua] më dha një vështrim tjetër në etikën e saj të punës. Mënyra se si ajo e zotëroi atë moment është vetëm një shembull tjetër i talentit të saj dhe, në fakt, mund të themi me siguri se ajo e vrau atë me atë syrin para fotografëve.”
Lipa aktualisht është thellë në realizimin e albumit të saj të radhës. “Kam bërë një pjesë të madhe të shkrimit: Ka filluar të marrë formë; Unë kam shumë të regjistruara”, thotë ajo.
“Ka një vizion. Ajo ka një emër, mendoj – tani për tani. Ka qenë thjesht argëtuese duke eksperimentuar. Unë gjithmonë do të bëj muzikë pop, por ajo ka tingullin e vet unik, i cili është emocionues dhe diçka që ndihet si një lëvizje nga Nostalgjia e së Ardhmes. Albumi i ri është ende në formën e foshnjës, kështu që ne do të shohim se si përparon”, thotë ajo në fund.
Dua Lipa është shndërruar nga një fëmijë i “zakonshëm” në një yll të vërtet, duke përmendur gjithmonë faktin se puna me përkushtim ju sjellë detyrimisht suksesin. /KultPlus.com
Londra ka anuluar festimet e planifikuara për Vitin e ri për shkak të rritjes drastike të rasteve të variantit Omicron. Lajmi është njoftuar nga kryebashkiaku laburist i Londrës, Sadiq Khan, sipas të cilit infeksionet kanë arritur nivele rekord në kryeqytetin britanik.
“Me infeksionet Covid-19 në nivele rekord në qytetin tonë dhe në të gjithë Mbretërinë e Bashkuar, unë jam i vendosur të bëj gjithçka që është e mundur për të ngadalësuar përhapjen e variantit të ri dhe për të siguruar që shëndeti publik të mos mbingarkohet nga ky dimër. Kjo do të thotë se ne nuk do të organizojmë më festimin e Vitit të Ri me 6500 persona në sheshin Trafalgar”, njoftoi ai.
Ai tha se qendër e festimeve të Vitit të Ri në Londër do të jetë një spektakël i shkëlqyer që do të transmetohet live në BBC dhe do të nxjerrë në pah momentet kryesore të vitit 2021.
109 vjet më parë fillojë punimet Konferenca e Londrës, në të cilën pas disa muajve u vendos përgjysmimi i trojeve shqiptare dhe fati i saj.
Konferenca e Ambasadorëve i filloi punimet në dhjetor të 1912-s, duke vazhduar deri më 29 korrik 1913.
Ajo mund të ketë qenë përcaktuese e të ardhmes së Shqipërisë mbi pavarësinë e vendit, por siç dihet nga ajo konferencë Shqipëria doli e përgjysmuar në kufijtë e saj. Konferencë u diktua prej shpërthimit të luftës së parë ballkanike.
Morën pjesë fuqitë e mëdha të Evropës, përfaqësuesi i perandorisë osmane dhe përfaqësues të fuqive ballkanike, me përjashtim të Shqipërisë (që nuk njihej) dhe të Greqisë (që nuk e kishte nënshkruar armëpushimin).
Nga kjo konferencë doli Traktati i Londrës, mbi ndarjen e territoreve që dolën jashtë perandorisë osmane prej fuqive të mëdha dhe aleatëve të tyre.
Ky Traktat mbeti i fshehtë deri në Konferencën e Versajës (1918). Të gjitha fuqitë e mëdha paraqitën versionin e tyre të hartës së Shqipërisë.
Harta më e favorshme për shqiptarët ishte ajo e propozuar nga Austro-Hungaria. Në këtë konferencë Shqipëria u njoh si principatë, që do të thoshte se forma e qeverisjes do të ishte monarkike, pushteti i trashëgueshëm, ndërsa pavarësia e kushtëzuar, sepse principata nuk arrin deri tek e drejta e shtetësisë. /KultPlus.com
Në numrin e janarit, në shitje tani, Julia Llewellyn Smith ka një audiencë me Rina Lipën, aktoren përrallore magjepsëse në rritje dhe sensacion në Insta, transmeton KultPlus.
E stilizuar në Richard Quinn dhe Vivienne Westwood, ajo është padiskutim një figurë madhështore dhe madje ngjanë shumë edhe me motrën e saj Dua Lipën.
Në intervistë për gazetën Tatler, duke kujtuar fëmijërinë e saj, duke jetuar në Prishtinë, kryeqytetin e vendlindjes së prindërve, Rina thotë se argëtimi i saj i preferuar ishte të lundronte nëpër garderobën e motrës së madhe Dua.
“Unë kisha një admirim të madh për të. Përpiqesha gjithmonë të vishesha si ajo, t’i vidhja rrobat. Kur i vishja, do ndjehesha më e vjetër. Është ende kështu, kaloj nëpër dollapin e saj dhe i them: “Mmm, nuk e ke veshur për një kohë.” Ajo menjëherë më thotë “O Zot, ktheje atë!”
Gazetarja Llewellyn Smith bën krahasime midis familjes Lipa dhe Kardashians ose – ndoshta më saktë, Hadids, jo më ndryshe pasi Dua është në lidhje me Bella dhe vëllain e Gigi, Anwar, që dy vite.
Rina shpjegon sinqerisht: “Ne jemi të gjithë krijues. Ne shoqërohemi me Hadidët dhe ata janë vërtet të bukur.’
Gjatë intervistës, tutje Rina shpjegon se Dua i ka treguar planet e saj për t’u kthyer në Londër dhe për t’u bërë yll i popit që në moshën 15-vjeçare.
“Ishte e re, por ishte e pjekur, ishte gati”, thotë ajo. “Prindërit e mi nuk e lanë të ikte lehtë – gjithçka u bë në një mënyrë shumë të kontrolluar. Ajo duhej të kthehej në momente të caktuara dhe tëjetonte me një mik të familjes. Por ishte e vështirë. Më ka marrë malli për të. Ajo punoi shumë, shumë fort. Unë me të vërtetë e kam kërkuar atë për këtë dhe e bëj edhe sot e kësaj dite”.
Rina është padyshim një yll në rritje për t’u ndjekur: ajo do të shfaqet në një film thriller horror të ardhshëm të drejtuar nga regjisori italian Gianluigi Carella. /KultPlus.com
Në Londër ka më shumë statuja të kafshëve sesa të ndonjë gruaje, ka gjetur një auditim i Art UK, transmeton KultPlus.
Sipas raportit, në të gjithë kryeqytetin britanik janë 1,500 monumente, prej të cilave 50 paraqesin gra specifike, ndërkaq afërsisht 100 janë të kafshëve.
Po ashtu, në Londër janë vetëm tri statuja që u dedikohen grave jo-të bardha, gjë që e ka shtyrë kryetarin e Bashkisë, Sadiq Kha, që të deklarohet se “ka nevojë urgjente” që të përmirësohet diversiteti, në hapësirat publike të qytetit.
Ndërkohë City Hall ka bërë të ditur se do të ofrojë 1 milion funta, për një vepër arti të re, më gjithëpërfshirëse.
Ky fond “Tregime të pathëna” do të mbikëqyret nga një “komision i diversitetit në sferën publike” dhe do të lejojë organizatat e udhëhequra nga komuniteti të bëjnë oferta për financim për të rifreskuar hapësirat e tyre publike.
Komisioni u shpall vitin e kaluar pasi rrëzimi i një statuje të tregtarit të skllevërve Edward Colston në Bristol ndezi një debat kombëtar rreth asaj se si kujtohet historia e Britanisë. / KultPlus.com
‘Bridgerton’, një ndër serialet më të shikuar në platformën Netflix, publikoi trailerin e parë të sezonit të dytë. ‘Bridgerton’ bazohet në serinë e librave të Julia Quinn me po të njëjtin titull, transmeton KultPlus.
Sezoni i parë i serisë ‘Bridgerton’ u transmetua për herë të parë në platformën Netflix, gjatë Krishtlindjeve të kaluara. Seria arriti një sukses të menjëhershëm dhe u prit shumë mirë nga publiku.
Bazuar në romanet e Julia Quinn, ‘Bridgerton’ është një serial romantik i trilluar historik, që zhvillohet në Londrën e epokës ‘Regency’ në vitin 1813, ku paraqitet familja aristokratike ‘Bridgerton’, tetë fëmijë dhe nëna e tyre e ve.
Seria ‘Bridgerton’, në Netflix, u krijua nga Chris Van Dusen dhe prodhohet nga Shonda Rhimes.
‘Bridgerton’ është seriali më i shikuar në platformën Netflix, me një shikueshmëri prej 82 milion njerëzish. / KultPlus.com
Vera Kallmet GeG e restorantit të mirënjohur, Mrizi i Zanave është vlerësuar me dy medalje, një argjedi dhe një bronzi, në konkursin Decanter World AWARDS në Londër.
Lajmin e ka bërë të ditur vetë stafi i restorantit përmes një postimi në rrjetin social Facebook, ku krahas çmimeve të fituara publikohet dhe fotografia e dy vëllezërve Prenga, në përditshmërinë e tyre të punës, mes vreshtave me vjeljen e rrushit safi, nga i cili del vera e shkëlqyer aq shumë e preferuar jo vetëm në Shqipëri, por edhe më gjerë.
Kjo është hera e parë që një kantinë shqiptare merr këtë vlerësim, ndërsa vëllezërit Prenga shprehen tejet të lumtur që puna e tyre e cila filloi me kantinën në vitin 2019, sot po iu vlerësohet. / newsbomb.al / KultPlus.com
Vepra të artistëve, përfshirë edhe ato të Marina Abramoviqit, do të shfaqen në Londër vitin e ardhshëm në atë që konsiderohet si pëlhura digjitale më e madhe në botë. Janë bërë të ditura detaje për programin e jashtëzakonshëm artistik përfshirë vendosjen e ekraneve me 360 shkallë dhe rezolucion 8K, në 2 mijë metra katrorë afër stacionit të metrove në “Tottenham Court Road” të Londrës.
Artisti Marco Brabilla do të kurojë një program për të cilin shpreson që do të ketë një paraqitje ambicioze dhe entuziazmuese të ngjashme me atë që ka “Turbine Hall” në galerinë e njohur “Tate Modern”.
“Nuk besoj që ka diçka të kësaj madhësie në botë e që është kaq emocionuese”, ka thënë ai. “Pasi që të fillojë, shpresoj që të arrijë ‘Turbine Hall’. Mendoni për ato instalacionet epike si ‘Weather Project’ i Olafur Eliassonit ose instalacioni i zërit i Bruce Nauma. Ambiciet janë që të krijohet një seri e instalacioneve të ngjashme”.
Ekranet janë pjesë e një rizhvillimi komercial të hapësirës në rrugën “Denmark Street” në qendër të Londrës. Rruga njihet edhe si “Tin Pan Alley” dhe njëherë ishte zemra e skenës muzikore të kryeqytetit. Projekti, “Outernet” përfshin tregje me pakicë, bare, restorante, zyre, apartamente dhe një hapësirë për muzikë në 2 mijë metra katrorë, që do të jetë hapësira më e madhe për muzikë live e ndërtuar në Londër që nga vitit 1940.
Pjesa kryesore është struktura katrore me ekranet në të cilat do të shfaqen reklamat, promocione të ndryshme, por gjithashtu edhe vepra arti, ku hyn edhe projekti që drejton Brambilla. Ai ka thënë se veprat që do të shfaqen mund të jenë provokative, të mrekullueshme, por ka kohë kur ato janë edhe intime.
Një nga prurjet e tij do të jetë edhe shpalosja e krijimtarisë së artistes nga Beogradi, Abramoviq, e njohur në botën e artit bashkëkohor dhe një pioniere e performancave, që përdor trupin e saj për të testuar limitet e saj fizike dhe mentale, për më shumë se katër dekada.
Detajet e fundit pritet që të bëhen publike, ndërkohë, por një nga veprat që do të shfaqet është një version ekskluziv i “Seven Deaths of Maria Callas” në të cilën Abramoviqi rikrijon skenat e vdekjeve në skenë të divës operistike, Maria Callas. Paraqitja e saj do të përkojë me paraqitjen e saj të vonuar e goxha problematike në “Royal Academy of Arts”.
Planet e tjera përfshijnë edhe shfaqjen e filmit “Crossroads” të Bruce Conner, që ka përdorur imazhet e papublikuara e të deklasifikuara nga testimi i bombës hidrogjenike nga SHBA-ja në vitin 1946 në Bikini Atoll.
Brambilla, po ashtu, është duke realizuar vepra digjitale të gatshme. Ai ka thënë se teknologjia ofron mundësi “për të treguar vepra të një rezolucioni që të japin pamje reale, është në një mënyrë si një dritare”.
“Teknologjia vetëm sa po bëhet më e mirë dhe unë mendoj se ka shkuar deri në një pikë ku teknologjia nuk është pjesë e bisedës, pasi që biseda bëhet për çfarëdo materiali që ne duam të përdorim”, ka thënë ai.
Rizhvillimi i rrugës “Denmark Street”, që pritet që të përfundojë në vjeshtën e vitit 2021, do të përfshijë edhe hapësira falas për incizimin e muzikës dhe hapësira dedikuar për të performuar në rrugë.
Një hotel do të zërë vend në hapësira, që më parë ishin shtëpi e “Sex Pistols” me ndërtuesit që zotohen se do të ruajnë grafitin e Johnny Rotten.
Philip O’Ferrall, shefi ekzekutiv i “Outernet Global”, ka thënë se ai është i emocionuar për mundësitë që kanë “pëlhurat digjitale, epike të tyre”. “’Outernet Arts’ është për një hapësirë kreative për paraqitjen e veprave që janë gjithëpërfshirëse dhe të qasshme për të gjithë, dhe Marco është personi i duhur për të drejtuar gjithë këtë. Ai është një vizionar inspirues dhe me të vërtetë kreativ”./ The Guardian/ KultPlus.com
Me qindra e mijëra njerëz janë bashkuar në rrugë për të parë fishekzjarrët dhe për të festuar Vitin e Ri 2018 në Britaninë e Madhe. Ndërkohë rreth 10 mijë njerëz kanë blerë bileta për ta shijuar këtë ngjarje, në të cilën krahas fishekzjarrëve kanë dëgjuar edhe këngën e Dua Lipës “Be the one”, përcjellë KultPlus.
Më shumë se 10,000 fishekzjarrë ndriçuan qiellin në çdo ngjyrë. Kjo ngjarje zgjati rreth 12 minuta, ndërsa “The London Eye”, ishte elementi kryesor rreth të cilit ndriçonin fishekzjarrët.
Në ngjarjen e këtij viti u dëgjuan zërat e këngëtareve femra, për të shënuar kështu edhe 100 vjetorin e dhënies së votës nga gratë. Në mesin e shumë këngëtareve, në këtë ngjarje të njohur botërore nuk ka munguar as zëri i këngëtares nga Prishtina, Dua Lipa. Këngëtarja Lipa ka paraqitur në Instagramin e saj një pjesë të transmetimit të hitit të saj “Be The One”, dhe ka ndarë me fansat emocionet e saj lidhur me këtë ngjarje.
“Be The One u lëshua gjatë ndezjes së fishekzjarrëve në Londër, ndërsa unë ndihem si një nënë krenare. Përshëndetje 2018”, ka shkruar këngëtarja në rrjetin e saj Instagram.
Po ashtu gjatë kësaj ceremonie festive janë dëgjuar edhe këngë të Aretha Franklin, Annie Lennox, Florence Welch dhe Ariana Grande. /KultPlus.com
Në Kishën e Apostujve të Shejt në Londër, sot është mbajtur Meshë e Falënderimit kushtuar Shën Nënë Terezës, në shenjë të njëzetë vjetorit të vdekjes dhe një vjetorit të shenjtërimit të saj, shkruan KultPlus.
Në këtë meshë ka marë pjesë edhe ambasadori i Kosovës në Londër, Lirim Greiçevci i cili edhe ka njoftuar për këtë ngjarje.
“Sot kisha nderin të marr pjesë në Meshën e Falënderimit kushtuar Shën Nënë Terezës, në përkujtim të 20 vjetorit të vdekjes si dhe një vjetorit të shenjtërimit të saj. Në meshë, e cila u mbajt në Kishën e Apostujve të Shejt në Londër, morën pjesë komuniteti katolik shqiptar në Britani të Madhe dhe Belgjikë. Mesha u kryesua nga Ipeshkvi i Katedrales së Southëark, Peter Smith. Një falënderim i veçantë i dedikohet Meshtarit të komunitetit katolik shqiptar, Atë Gary Walsh”, ka shkruar ai./KultPlus.com
