Filmi përmbyllës i edicionit të sivjetmë është filmi ‘Bota jonë’ i regjisores dhe skenaristes së mirënjohur Luana Bajrami.
Filmi ‘Bota Jonë’ do të shfaqet në natën e fundit, para ndarjes së çmimeve, me datë 15 shtator nga ora 19:00.
‘Bota jonë’ është bashkëprodhim mes Kosovës dhe Francës dhe trajton tema të rëndësishme si kërkimi për liri personale, miqësia, dhe sfidat e rritjes në një mjedis ku mundësitë janë të kufizuara.
Zoen dhe Volta, dy kushërira, të cilat vendosin ta braktisin fshatin dhe familjen për të studiuar në Prishtinë, por më shumë se kaq ato kërkojnë ta gjejnë veten dhe vendin të cilit i takojnë. Me njëra – tjetrën në krah, entuziaste e me ëndrra plot, ato marrin rrugën drejt Prishtinës. Megjithatë, ikja nga fshati e fillimet në Prishtinë për Zoen dhe Voltan nuk ishin edhe aq të lehta. Ky rrugëtim sa ambicioz, ishte edhe i vështirë e i shoqëruar me kriza e probleme të shumta shoqërore e ekonomike.
Regjia dhe skenari Luana Bajrami, producentë të filmit janë: Val Rahmani, Eric Toledano, Olivier Nakache, Nicolas Duval Adassovsky dhe Hervé Ruet.
Aktorët kryesorë; Albina Krasniqi, Elsa Mala, Don Shala, Aurora Ferati dhe Gani Rrahmani.
Ky është filmi i dytë i gjatë i Luana Bajramit dhe premierën botërore e pat vitin e kaluar në festivalin e Venecias. Filmi i saj i parë ‘Luaneshat e kodrës’ kishte premierën në festivalin e Cannes, si dhe fitoi dy çmime në PriFest 2021.
Edicioni i sivjetmë i PriFest do të mbahet prej 10 deri mw 15 shtator 2024./ KultPlus.com
Kanë filluar xhirimet e filmit të gjatë artistik “Gruaja e shtëpisë”, shkruan KultPlus.
Ky film, i shkruar dhe drejtuar nga regjisori i njohur Fatos Berisha, është një produksion i Agjencisë B2 nga Kosova në bashkëprodhim me Artalb Film Productions nga Shqipëria.
Projekti ka përfituar mbështetje financiare nga Qendra Kinematografike e Kosovës dhe Qendra Kombëtare e Kinematografisë, duke u bërë një nga projektet më të rëndësishme dhe më të pritura të kinematografisë shqiptare.
Në rolin kryesor të këtij filmi, shfaqet aktorja e njohur Luana Bajrami.
Me një ekip profesionistësh dhe një histori interesante dhe të pa trajtuar, “Gruaja e shtëpisë” premton të jetë një nga filmat më frymëzues dhe tërheqës të vitit. / KultPlus.com
Kosova e vitit 2007, vështirësitë e sfidat shoqërore, në një vend që kërkon pavarësi e ringritje pas luftës, u risjellën sërish në Prishtinë nëpërmjet premierës së filmit ‘Bota jonë’ të regjisores Luana Bajrami, film ky i cili edhe hapi Javën e Filmit Frankofon në Prishtinë, shkruan KultPlus.
Pas debutimit në Festivalin e Filmit në Venedik, ‘Bota jonë’ erdhi edhe në Prishtinë para publikut që flet shqip dhe që e bashkëndjeu çdo sekuencë të këtij reflektimi real të një periudhe të paharruar të një rinie të harruar.
‘Bota jonë’ ka në fokus Zoen (Elsa Mala) dhe Voltan (Albina Krasniqi), dy kushërira, të cilat vendosin ta braktisin fshatin dhe familjen për të studuar në Prishtinë, por më shumë se kaq ato kërkojnë ta gjejnë veten dhe vendin të cilit i takojnë. Me njëra – tjetrën në krah, entuziaste e me ëndrra plot, ato marrin rrugën drejt Prishtinës. Megjithatë, ikja nga fshati e fillimet në Prishtinë për Zoen dhe Voltan nuk ishin edhe aq të lehta. Ky rrugëtim sa ambicioz, ishte edhe i vështirë e i shoqëruar me kriza e probleme të shumta shoqërore e ekonomike.
Më shumë se vetëm jetën e dy vajzave të revoltuara nga idetë e prapambetura, filmi pasqyron një realitet të dhimbshëm, që pothuajse çdo i ri e adoleshent u përball në Kosovën e pasluftës, shumë prej të cilëve ëndrrat u mbetën në sirtar.
Se ky film ngjalli emocione e rikthim në kohë tek publiku, u vërejt edhe pas përfundimit të tij, teksa u përcoll me duartrokitje disa-minutëshe.
Pas një prezantimi të suksesshëm në Kosovë, regjisora Luana Bajrami tha për KultPlus se mbi të gjitha, për të, ndjenja më e veçantë është kur prezanton filmat e saj para audiencës në Prishtinë, e po kaq e rëndësishme ishte edhe kjo premierë.
“Për mua është gjithmonë ndjenjë e veçantë dhe e pres gjithmonë me dëshirë të madhe prezantimin në Kosovë dhe kam shumë dëshirë të intervenoj shumë më herët në procesin e filmit, kur shfaqet para publikut në Kosovë sepse ngjarja zhvillohet këtu, flet shqip dhe për problematikat e vendit, edhe pse gjithmonë e rikujtoj edhe aspektin universal”, tha Bajrami, duke shtuar mes tjerash se ndjeu emocionin në sallë dhe se ky film e kapi audiencën, e kjo shtoi edhe më shumë emocionet tek regjisorja.
Ajo foli edhe për filmit, ku u shpreh se ka dëshirë të vazhdojë të shfaqë filma që pasqyrojnë jetën dhe vështirësitë e rinisë dhe adoleshentëve kosovarë nëpër periudha të ndryshme.
Bajrami po ashtu foli edhe për kastin e aktorëve, të cilët ajo i vlerësoi lart për potencialin dhe profesionalizmin.
“Kur e kam bërë ekipin e aktorëve për filmin ‘Luaneshat e Kodrës’ kam menduar që i kam takuar krejt aktorët e rinj të Kosovës, në fakt kam qenë shumë gabim sepse kur e bëra ekipin e aktorëve për filmin e ‘Bota jonë’ kam takuar shumë aktorë të rinj, e kam parë potencialin e tyre dhe kam krijuar një lidhje shumë të veçantë me ta”, tha Bajrami për KultPlus.
Pas premierës së filmit, aktorja Elsa Mala, e cila edhe e portretizon rolin e Zoet, u shpreh shumë e lumtur për premierën dhe për prezencën në këtë film.
“Unë kam pasë fatin më të mirë në botë të punoj me këta aktorë të mrekullueshëm, secili më profesionist se tjetri dhe për një muaj xhirime, çdo ditë për mua ka qenë si një punëtori. Ndërkaq, për regjisoren, mund të them që Luana është ‘shtet ne vete’ është botë në vete dhe dita-ditës po e vërej çfarë mendje e kreativiteti ka dhe jam shumë e lumtur që kam pasë mundësinë të jem pjesë e këtij universi dhe kreativiteti të saj”, tha Mala për KultPlus.
Po kaq e lumtur për pjesëmarrjen në këtë film u shpreh edhe Albina Krasniqi, e cila në film paraqitet me rolin e Voltas. Krasniqi shprehet për KultPlus se si aktore e re ky është një fillim shumë i mbarë për të.
“Ka qenë hera e parë qe kam marrë pjesë në një festival të nivelit si “Venice Film Festival”. Ishte një ndër eksperiencat më të veçanta qe kam pasë deri sot, për faktin qe une, po edhe i gjithë ekipi kemi pasur mundesinë të promovojmë jo vetëm veten por edhe nje histori shume të ndjeshme te vendit ku jemi lindur e po jetojme”, tha Krasniqi
“Jam shumë e emocionuar për prezantimin e filmit edhe në Festivalin e Filmit frankofon në Kosovë sepse këtu kam lindur e po jetoj, këtu e kam gati gjithë shoqerinë, familjen, kolegët qe më njohin që nga fillimi dhe është ndjenjë e veçantë kur në fund diskuton me njerëz qe ju beson dhe kritikat e tyre kan vlerë të madhe për ty”, tha ndër të tjerash Krasniqi, duke shtuar në fund se ndjehet krenare që ka pasur mundësinë të sjellë në jetë storjen e një vajze të talentuar siç është regjisorja Luana Bajrami.
Ndërkaq, edicioni i sivjetmë i Javës së Filmit Frankofon do të vazhdojë deri më 18 tetor. Ky edicion i festivalit fokusohet në portretizimin e grave në kinema, ato prapa kamerave dhe atyre para saj./KultPlus.com
Ministri i Ministrisë së Kulturës, Rinisë dhe Sporteve Hajrulla Çeku pjesëmarrjen e kineastëve kosovarë në Festivalin e Filmit në Venecia e ka vlerësuar lart, duke shtuar se kineastët tanë po shfaqin talentin dhe kreativitetin e tyre në mesin e krijuesve të shquar nga e gjithë bota, shkruan KultPlus.
KultPlus ju sjell të plotë reagimin e ministrit Çeku.
Kineastët tanë po shfaqin talentin dhe kreativitetin e tyre në mesin e krijuesve të shquar nga e gjitha bota, në ngjarjet më të mëdha të filmit e artit në botë.
Premiera e filmit “Bota Jonë” nga regjisorja Luana Bajrami u dha mbrëmë në Festivalin e Filmit në Venedik. Gjithashtu u shfaqën “House keeping for beginners”, me aktore Ilire Vinca dhe Rozafa Çelaj, si dhe “A Short Trip” i Erenik Beqirit.
Gjithmonë krenarë me përkushtimin dhe angazhimin e tyre. Suksese në garë!/ KultPlus.com
Kryeministri i Republikës së Kosovës Albin Kurti ka marr pjesë në premierën botërore të filmit “Bota jonë”, me regji të Luana Bajramit, e cila në festivalin e Venecias po prezantohet në kategorinë “Orizzonti Extra”, shkruan KultPlus.
Për pjesëmarrjen e kryeministrit Kurti kanë njoftuar edhe nga MKRS, njoftim që mund ta lexoni të plotë.
“Bota jonë” shfaqet krahas filmave të tjerë ndërkombëtarë të nivelit më të lartë kinematografik në Festivalin e Venedikut
“Bota jonë” filmi i regjisores 22 vjeçare, Luana Bajrami, u shfaq mbrëmë në Festivalin e Filmit në Venedik, dhe po garon në kategorinë “Orizzonti Extra”.
Filmin e ndoqën kryeministri Kurti, bashkë me regjisoren Bajrami, producentët Valbone Rahmani dhe Eric Toledano, aktorët e roleve kryesore, Elsa Mala, Albina Krasniqi, Don Shala, Aurora Ferati, Gani Rrahmani, Uratë Shabani dhe Tristan Halilaj, ambasadoren Lendita Haxhitasim, Blerta Zeqirin, drejtoren e QKK-së si dhe Rozafa Imamin, këshllitare politike në MKRS.
I gjithë ekipi u përshëndet dhe u përgëzua nga Roberto Ciccutto, Presidenti i Bienales së Venedikut gjatë koktejit të organizuar nga Ambasada e Kosovës në Itali.
“Bota jonë” është produksioni i parë që përfiton nga marrëveshja e bashkëprodhimit kinematografik që Franca dhe Kosova nënshkruan në Festivalin e Filmit në Kanë 2022. Para tij, në Venedik janë shfaqur “House keeping for beginners”, me aktore Rozafa Çelaj e Ilire Vinca, për të vazhduar me “A Short Trip” të Erenik Beqirit nga Shqipëria, ku luajnë edhe Luana Bajrami e Arben Bajraktaraj./ KultPlus.com
Regjisorja shqiptare e njohur, Luana Bajrami, po përjeton shumë momente emocionuese në festivalin e njohur të Venecias, shkruan KultPlus.
Bajrami bashkë me ekipin e saj do të shijojnë premierën e filmit të saj të fundit, “Bota jonë”. Ky film, i cili është përfshirë në kategorinë Orizzonti të këtij festivali prestigjioz.
Në këto momente të pasura me emocione, Luana Bajrami është burimi i vëmendjes së medias dhe publikut të pranishëm në Venecia.
Përveçse është e emocionuar për shfaqjen e filmit të saj në një prej festivaleve më të njohura të botës, Luana Bajrami është edhe një shembull frymëzues për të rinjtë e pasionuar për kinemanë në Kosovë dhe Shqipëri.
Festivali i Venecias vazhdon të jetë një platformë e rëndësishme për artistët dhe krijuesit e filmit të gjithë botës, dhe përfshirja e Luana Bajramit në këtë eveniment të madh është një moment i rëndësishëm për kinematografinë shqiptare. /KultPlus.com
“Bota jonë” është filmi i fundit i regjisores së re kosovare Luana Bajrami, e cila do të prezantohet sonte me premierë botërore në Festivalin e Venecias, shkruan KultPlus.
Ky film është realizuar në bashkëprodhim mes Kosovës dhe Francës dhe për audiencën e Venecias do të shfaqet në ora 21:00, në sallën Giardino, në kategorinë “Orizzonti”.
Me role kryesore në këtë film do të paraqiten aktorët: Don Shala, Tristan Halilaj e Armend Smajli, kurse me role janë përfshirë edhe aktorët: Uratë Shabani, Elsa Mala, Aurora Ferati, Albina Krasniqi, Gani Rrahmani…
Luana Bajrami ka treguar sukses edhe me filmin e saj debutues “Luaneshat e Kodrës”, dhe pritjet janë që edhe me këtë film të shënojë sukses./ KultPlus.com
Filmi i metrazhit të shkurtër, “Një Udhëtim i Shkurtër” i regjisorit Erenik Beqiri është përzgjedhur zyrtarisht për edicionin e 80-të të Festivalit të Filmit në Venecia në seksionin Orizzonti, përcjell KultPlus.
Regjisori Erenik Beqiri është shprehur i nderuar për këtë sukses dhe ka falënderuar të gjithë ekipin e filmit.
“Është një nder i madh të jesh pjesë e një eventi kaq prestigjioz kinematografik. Një falënderim nga zemra për të gjithë ata që e bënë të mundur këtë dhe qëndruan pranë, veçanërisht për kastën e talentuar dhe ekipin punëtorë, pa të cilët ky film nuk do të ishte i mundur”, ka shkruar regjisori Beqiri.
Në këtë film një prej roleve kryesore është aktorja dhe regjisorja kosovare, Luana Bajrami e cila poashtu do të jetë pjesë e Festivalit të Filmit në Venecia me filmin e saj “Bota jonë”. Luana do të ketë një paraqitje të dyfishtë në këtë festival, si aktore dhe regjisore.
Në qendër të filmit “Një Udhëtim i Shkurtër” është Klodi dhe Mira. Një çift i ri shqiptar, vendosin të martojnë Mirën me një francez për pesë vjet në këmbim të parave, për të marrë nënshtetësinë franceze. Më pas ata duhet të zgjedhin burrin e duhur për të dhe të mësojnë të heqin dorë nga njëri-tjetri.
Në këtë film luajnë aktorët: Luana Bajrami, Tristan Halilaj, Arben Bajraktaraj dhe Walid Afkir. / KultPlus.com
Sapo është ndarë çmimi ‘Nobel’ për Letërsi për vitin 2022. Këtë vit çmimi shkoi për shkrimtaren franceze, Annie Ernaux, shkruan KultPlus.
Annie Ernaux është një shkrimtare dhe profesoreshë franceze e letërsisë. Vepra e saj letrare, kryesisht autobiografike, mban lidhje të ngushta me sociologjinë. Ernaux u nderua me Çmimin Nobel 2022 në Letërsi “për guximin dhe mprehtësinë klinike me të cilën ajo zbulon rrënjët, largimet dhe kufizimet kolektive të kujtesës personale”.
Letërsia e saj shpesh është kthyer në film. Deri më tani katër filma janë realizuar duke u bazuar në librat e Annie.
Por ajo çka na tërhoqi vëmendjen është “Happening”, një film triler dramatik francez i vitit 2021 me regji nga Audrey Diwan, skenar i Diwan dhe Marcia Romano, por i bazuar në romanin e vitit 2000 me të njëjtin emër nga Annie Ernaux.
Në film luajnë Anamaria Vartolomei dhe aktorja shqiptare Luàna Bajrami.
Kjo nuk është hera e parë që Luana bëhet pjesë e kinematografisë botërore.
Luana Bajrami kishte rolin kryesor edhe në filmin e regjisores franceze Audrey Diwan, e që i përket viteve 1960 me titull “L’Evenement” (“Po Ndodh”), film ky që fitoi ‘Luanin e Artë’ në Festivalin e 78-të Ndërkombëtar të Filmit në Venecia.
Ndërsa vitin e kaluar, Luana ishte një ndër emrat më të përfolur në kinematografinë shqiptare pas suksesit me filmin “Luaneshat e Kodrës”.
Ky film, në të cilin tre gra të reja dhe shpirtmadhe vendosin t’i shpëtojnë jetës së tyre të përditshme dhe të formojnë një bandë, u shfaq premierë në Festivalin e Filmit në Kanë.
Përpos premierës në Kanë, “Luaneshat e Kodrës”, ka triumfuar edhe në disa festivale të tjera ndërkombëtare, përfshirë Festivalin e Filmit Calgary, Fesivatlin e filmit “Raindance”. / KultPlus.com
Filmi “Luaneshat e Kodrës” me regji të Luana Bajramit ka shënuar sukses të madh në festivale të rëndësishme nëpër botë, e së fundi do të prezantohet edhe në Cineplexx Kosova, ku do të jetë në repertor të rregullt të kinemasë, shkruan KultPlus.
Cineplexx Kosova ka njoftuar se për datën 12 maj ky film do të shfaqet në 15-të termine, pasi që interesimi për këtë film është i jashtëzakonshëm.
‘Luaneshat e Kodrës’, një film i xhiruar në Kosovë shtjellon ëndrrat e tri personazheve kryesore që vijnë nën aktrimin e jashtëzakonshëm të Flaka Latifit, Era Balajt dhe Uratë Shabanit.
Këto tri shoqe të pandashme me njëra tjetrën që refuzojnë ti shpalosin vështirësitë e tyre personale mes vete, përfytyrojnë një të ardhme të ndritur e të mbushur deri në kupë me një liri tejet të dëshiruar si asnjëherë më parë.
Diku larg vendit ku ato jetojnë, në një qytet të madh, aty ku nuk ekzistojnë thashethemet dhe pengesat e gropat e vazhdueshme nëpër të cilat duhet të kalojnë çdo ditë të jetës së tyre, është pikërisht ai vegimi përrallor që mban gjallë shpresat, pritjet e parashikimet e tyre gjatë rrugëtimit të tyre të quajtur ‘jetë’. E se si ardhmja e tyre do të lulëzojë, këtë filmi e tregon qartazi./ KultPlus.com
KultPlus ju sjell 25 vajzat dhe gratë e Kosovës që u shndërruan në zërin e vajzave, djemve, grave dhe burrave të Kosovës.
Vajzat dhe gratë e Kosovës po vazhdojnë të shkëlqejnë në fusha të ndryshme, duke shndritë nëpër botë.
Me rastin e 8 Marsit, KultPlus ka përzgjedhë 25 vajza e gra që nëpërmjet fjalimeve, performancës, muzikës, sportit, filmit e biznesit kanë ngritë dhe kanë përfaqësuar vendin në mënyrë dinjitoze, e duke shndërruar Kosovën në një Kosovë të artë, në një Kosovë që synon Oscar, në një Kosovë që me rrëfimet e nxjerra po nga ky vend, i ka treguar botës po për dhimbjen, kurajën dhe guximin e vajzave dhe grave të vendit më të ri në kontinentin e vjetër.
Po këto vajza dhe gra u shndërruan në inspirimin e shumë vajzave, djemve, grave e burrave, të cilët kuptuan se ëndrrat nuk duhet dhe nuk mbeten vetëm ëndrra.
KultPlus ju sjell në vazhdim një nga regjisoret më të përmendura vitin e kaluar, Luana Bajrami, e cila punoi në filmin e suksesshëm nga kinematografia e Kosovës, “Luanesha e Kodrës”.
Ky film, në të cilin tre gra të reja dhe shpirtmadhe vendosin t’i shpëtojnë jetës së tyre të përditshme dhe të formojnë një bandë, u shfaq premierë në Festivalin e Filmit në Kanë.
Përpos premierës në Kanë, “Luaneshat e Kodrës”, ka triumfuar edhe në disa festivale të tjera ndërkombëtare, përfshirë Festivalin e Filmit Calgary, Fesivatlin e filmit “Raindance”. /KultPlus.com
KultPlus ju sjell 25 vajzat dhe gratë e Kosovës që u shndërruan në zërin e vajzave, djemve, grave dhe burrave të Kosovës.
Vajzat dhe gratë e Kosovës po vazhdojnë të shkëlqejnë në fusha të ndryshme, duke shndritë nëpër botë.
Me rastin e 8 Marsit, KultPlus ka përzgjedhë 25 vajza e gra që nëpërmjet fjalimeve, performancës, muzikës, sportit, filmit e biznesit kanë ngritë dhe kanë përfaqësuar vendin në mënyrë dinjitoze, e duke shndërruar Kosovën në një Kosovë të artë, në një Kosovë që synon Oscar, në një Kosovë që me rrëfimet e nxjerra po nga ky vend, i ka treguar botës po për dhimbjen, kurajën dhe guximin e vajzave dhe grave të vendit më të ri në kontinentin e vjetër.
Po këto vajza dhe gra u shndërruan në inspirimin e shumë vajzave, djemve, grave e burrave, të cilët kuptuan se ëndrrat nuk duhet dhe nuk mbeten vetëm ëndrra.
KultPlus ju sjell në vazhdim Uratë Shabani, e cila së bashku me shoqet e saja, Era Balaj dhe Flaka Latifi, shënuan sukses të madh për kinematografinë e Kosovës.
Filmi “Luaneshat e Kodrës” me regji të Luana Bajrami u shfaq premierë në edicionin e një prej festivaleve më të mëdhenj të filmit, atij të Kanës në Francë. Në mbrëmjen gala ishin të pranishme edhe Balaj, Latifi e Shabani. /KultPlus.com
“Bota jonë” me skenar dhe regji të Luana Bajramit i prinë listës së filmave artistik të metrazhit gjatë, e cila në këtë projekt filmik vjen me producentë Valbona Rrahmanin, shkruan KultPlus.
Në këtë listë janë edhe filmat “Gruaja e shtëpisë”, me skenar dhe regji të Fatos Berishës, “Faji” ,e skenar dhe regji të Edon Rizvanollit. “War, games and videorecordings” me skenar të Dhurata Hotit e regji të Birol Urcan dhe “Last exit” ,e skenar dhe regji të Bekim Gurit.
QKK përpos filmave artistik të metrazhit utë gjatë, ka mbështetë edhe filmat në kategorinë me kooproduksion minor, filmat me regjisorë debutues, për zhvillim skenari për film të metrazhit të gjatë, atij artistik dhe filma të metrazhit të gjatë dokumentar.
KultPLus ju sjell listën fituese, të cilat janë vlerësuar nga komisioni profesional i QKK-së/ KultPlus.com
Një valë e re është duke ardhur dhe i përket grave të reja regjisore të Kosovës, ka thënë në një artikull së fundmi Vjosa Berisha, drejtoreshë ekzekutive e PriFilm Fest, përcjellë KultPlus.
Industria e filmit të Kosovës ka shënuar rritje të madhe në dekadën e fundit, megjithatë vëmendja kryesore dhe rritja më e madhe ka qenë vitet e fundit.
Berisha i sheh 5 gra të reja të cilat kanë qenë shumë të suksesshme në bërjen e filmave të rinj, të cilat gjithashtu kanë qenë edhe pjesë e PriFilm Fest.
Suksesi ndërkombëtar ka ardhur si rezultat i një pune të madhe, duke punuar me pasion të pashoq dhe gjithashtu pjesëmarrje në festivale të ndryshme anë e mbanë botës.
Edicioni i fundit i PriFest Focus Program, pati vëmendjen kryesore në vajzat e reja që po bëjnë filma të jashtëzakonshëm.
I quajtur në frëngjisht “La Vague de la Femme Kosovare”, programi përfshinte pesë regjisoret e reja kosovare, të cilat e bënë Kosovën krenare me filmat e tyre debutues në periudhën e fundit.
Gjatë festivalit u zhvilluan disa diskutime, tryeza të rrumbullakëta, intervista dhe shfaqje filmash për të diskutuar suksesin e këtyre filmave, të cilët po marrin pjesë në festivale të listës A dhe po fitojnë çmime. Interesimi i publikut për t’i parë këto filma ishte shumë i madh, sidomos tek të rinjtë. Dhe kjo nuk është befasi, pasi Kosova ka popullsinë më të re në Evropë.
Duket se të rinjtë e Kosovës (dhe veçanërisht vajzat e reja) kanë një të ardhme të ndritur në industrinë e filmit.
Blerta Basholli
Filmi i Blerta Bashollit ‘Hive’ fitoi tre çmime kryesore në Festivalin e Filmit Sundance dhe është kandidati aktual nga Kosova për Oscar. ‘Hive’ flet për Fahrijen, bashkëshorti i së cilës është zhdukur që nga lufta në Kosovë. Ajo ngre biznesin e saj të vogël për të siguruar jetesën e fëmijëve të saj, por ndërsa lufton kundër një shoqërie patriarkale që nuk e mbështet atë, ajo përballet me një vendim vendimtar. (Burimi:IMDB)
Kaltrina Krasniqi
Filmi i Kaltrina Krasniqit ‘Vera ëndërron detin’ së fundmi pati premierën botërore në Festivalin e Filmit në Venecia. Filmi flet për Verën, një përkthyese të gjuhës së shenjave në moshë të mesme, e cila e gjen jetën e saj të ndërprerë nga vetëvrasja e të shoqit. Ajo duhet të përballet me realitetin e papërpunuar për të shkuar kundër çështjeve gjinore të rrënjosura thellë të kohës sonë. (Burimi:IMDB)
Antoneta Kastrati
Filmi ‘Zana’ i Antoneta Kastratit, i cili pati premierën botërore në Festivalin e Filmit në Toronto, flet për një grua kosovare që është e përhumbur nga e kaluara e saj e ndrydhur prej kohësh. Ajo është nën presion nga familja e saj për të kërkuar trajtim nga shëruesit mistikë për infertilitetin e saj dhe lufton për të pajtuar pritshmëritë e mëmësisë me një trashëgimi të brutalitetit të kohës së luftës. (Burimi:IMDB)
Luana Bajrami
Filmi i Luana Bajramit “Kodra ku vrumbullojnë luaneshat”, në të cilin tre gra të reja dhe shpirtmadhe vendosin t’i shpëtojnë jetës së tyre të përditshme dhe të formojnë një bandë, u shfaq premierë në Festivalin e Filmit në Kanë. (Burimi:IMDB)
Norika Sefa
Filmi “Looking for Venera” i Norika Sefës fitoi Çmimin Special të Jurisë në Festivalin e Filmit në Roterdam. Në film, adoleshentja e qetë dhe e heshtur Venera jeton në një qytet të vogël në Kosovë. Në shtëpi, ku tre breza po zvarriten së bashku në një shtëpi të vogël, ajo vështirë se ka ndonjë privatësi. (Burimi:IMDB)
Sot, PriFest – Festivali Ndërkombëtar i Filmit në Prishtinë është festivali më i madh ndërkombëtar i filmit në Kosovë dhe një pikë takimi e rëndësishme e industrisë së filmit rajonal dhe ndërkombëtar. /KultPlus.com
Viti 2021 ka qenë vit i sukseseve për filmat kosovar, ku së fundmi filmi “Luaneshat e Kodrës” është shpërblyer me njërin prej çmimeve kryesor në Festivalin e Filmit Calgary të mbajtur në Alberta, një provincë e Kanadasë, shkruan KultPlus.
Filmi me regji të Luana Bajramit ka arritur që të korr edhe një sukses të madh ndërkombëtar, duke fituar çmimin special të jurisë në Festivalin e Filmit “Calgary”.
‘Luaneshat e Kodrës’, një film i xhiruar në Kosovë shtjellon ëndrrat e tri personazheve kryesore që vijnë nën aktrimin e jashtëzakonshëm të Flaka Latifit, Era Balajt dhe Uratë Shabanit.
Këto tri shoqe të pandashme me njëra tjetrën që refuzojnë ti shpalosin vështirësitë e tyre personale mes vete, përfytyrojnë një të ardhme të ndritur e të mbushur deri në kupë me një liri tejet të dëshiruar si asnjëherë më parë.
Diku larg vendit ku ato jetojnë, në një qytet të madh, aty ku nuk ekzistojnë thashethemet dhe pengesat e gropat e vazhdueshme nëpër të cilat duhet të kalojnë çdo ditë të jetës së tyre, është pikërisht ai vegimi përrallor që mban gjallë shpresat, pritjet e parashikimet e tyre gjatë rrugëtimit të tyre të quajtur ‘jetë’. E se si ardhmja e tyre do të lulëzojë, këtë filmi e tregon qartazi. /KultPlus.com
Filmi ‘Luaneshat e Kodrës’ me regji të Luana Bajramit ka fituar dy çmime në festivalin Raindance Film Festival që mbahet në Londër, përcjell KultPlus.
Filmi kosovar rrëmbeu çmimet ‘Regjia më e mirë’ dhe ‘Çmimi i zbulimit’.
Ky film është xhiruar në Kosovë dhe flet për tri shoqe të pandashme të cilat janë në pritje të rezultateve për Universitet. Të ulura në një kodër, Qe (Flaka Latifi), Li (Era Balaj) and Jeta (Uratë Shabani) ëndërrojnë të shkojnë në një qytet më të madh për t’u pavarësuar e për t’i lënë prapa thashethemet dhe pengesat e tjera në fshatin e tyre.
‘Luaneshat e Kodrës’ është bashkëprodhim i Kosovës me Francën, me producente Valbona Rrahmanin, dhe bashkëproducent Pascal Judeleëicz.
Filmi është mbështetur nga Qendra Kinematografike e Kosovës dhe prodhuar nga OrëZanë Films (Kosovë), Vents Contraires (Francë), dhe Acajou Productions (Francë). Në rolet kryesore luajnë Flaka Latifi, Uratë Shabani, Era Balaj, Andi Bajgora dhe Luàna Bajrami./KultPlus.com
Tetë prodhime ndërkombëtare po konkurrojnë për çmimin “Die TILDA” në ‘Braunschweig International Film Festival’.
Çmimi i filmit për gratë, i pajisur me 5,000 euro, është dhuruar nga 65 gra nga jeta kulturore e Braunschweig. Qëllimi i çmimit është t’i bëjë gratë e filmave të dukshme në diversitetin e tyre. Dhe ka të bëjë me diversitetin në çdo aspekt – si për sa i përket zhanrit, llojit të rrëfimit dhe historive të treguara, ashtu edhe vetë regjisorëve, sepse çmimi i regjisorit të shpallur ndërkombëtarisht u drejtohet grave të të gjitha origjinave, orientimit seksual, ngjyrës së lëkurës, etj.
Filmat në konkurrencë janë:
(1) “Clara Sola” tregon historinë e një shëruesi që i shpëton kufizimeve shtypëse të nënës së saj dhe arrin të njohë veten. (2) Seyran Ateş: Seksi, Revolucioni dhe Islami – 2021 – Dokumentarë tregojnë luftën personale dhe ideologjike të Seyran Ateş për modernizimin e Islamit. (3) “Delia Derbyshire: Mitet dhe kasetat legjendare” tregon për një pioniere të muzikës së harruar, kasetat e të cilit (të regjistruara me temën e muzikës nga Doctor Who!) U gjetën në papafingo pas vdekjes së saj. (4) Gruaja e shoferit Legjenda e Molly Johnson ka të bëjë me Molly -n shumë shtatzënë, e cila nuk e lë veten të zbresë në fermën e saj në periferi të Australisë. (5) “Kodra ku ulërijnë luaneshat” është historia e tre grave të reja të fuqishme, e shkruar nga një regjisore e cila është vetëm 18 vjeç. (6) Në “Hive” (Zgjoi) e veja Fahrije në Kosovë rebelohet kundër normave të shoqërisë së saj – ajo drejton një makinë dhe fillon një kompani. (7) “Zjarri i egër” tregon se si dy motra përballen së bashku së bashku me të kaluarën e tyre të gjatë të ndrydhur. / KultPlus.com
Drama e abortit e regjisores franceze Audrey Diwan, e që i përket viteve 1960 me titull “L’Evenement” (“Po Ndodh”), fitoi ‘Luanin e Artë’ në Festivalin e 78-të Ndërkombëtar të Filmit në Venecia, e në rolet kryesore të tij janë aktoret: Anamaria Vartolomei, Kacey Mottet Klein dhe Luàna Bajrami, shkruan KultPlus.
Regjisorja franceze Audrey Diwan mbërriti dhe goditi audiencën me një imazh të paharrueshëm, shumë më tepër se çdo qilim i kuq: në ekran u pa një abort. E gjatë, e dhimbshme, e tmerrshme. Pa elipsë, si në jetë, sekuencat e së cilës u skaliten në kujtesën e audincës.
“Kinemaja është një mjet për të transmetuar emocione. Ne nuk donim të dramatizonim situatat, ne po kërkonim një mishërim të së vërtetës, të të gjallëve”, tha regjisorja Diwan për shtypin.
Historia, në fund të fundit, ndodhi: krijuesi me origjinë libaneze përshtat romanin me të njëjtin emër nga autorja Annie Ernaux, ku shkrimtarja rrëfen betejën e saj për të ndërprerë një shtatzëni në Francë në vitin 1963. Domethënë, kur ajo ishte vetëm 23 vjeç, ligji e ndaloi atë dhe vetëm të shprehte qëllimin e saj me zë të lartë ishte skandaloze. Prandaj, protagonistja e filmit merret me paralajmërimet, refuzimin e miqve të saj dhe madje edhe të një mjeku i cili, në vend që ta ndihmojë, i injekton asaj një ilaç për të forcuar embrionin.
Aktorja e re dhe e jashtëzakonshme, Anamaria Vartolomei rrëfeu se as nuk e dinte që abortet klandestine dikur ekzistonin në vendin e saj. Edhe pse problemi mbetet në shumë shtete dhe madje edhe në Evropën e vjetër ndonjëherë përparon ngadalë.
Ose edhe të bëni hapa mbrapa, si shtrëngimi i ligjit në Poloni. 69% e gjinekologëve italianë janë kundërshtues të ndërgjegjes, sipas të dhënave të 2018 nga Ministria e Shëndetësisë.
Dhe programi ‘Saved’ zbuloi se në Murcia është e pamundur të ndërpresësh një shtatzëni vullnetarisht në një qendër publike. Shembuj të vërtetë, në shekullin XXI. Ashtu si shprehja “bar falas për të abortuar”, e dëgjuar vitet e fundit në politikën kombëtare. Prandaj një film si ‘Event’, i cili do të mbërrijë në Spanjë në muajin mars, duket më shumë se në kohën e duhur. Ndoshta edhe e nevojshme.
Filmi ka një fillim jo bindës. Disa dialogë dhe situata rëndojnë ndjenjën e realizmit. Ndërsa numërimi mbrapsht përparon, filmi shënon javët e pashmangshme të shtatzënisë që kalojnë. Megjithatë, ankthi i gruas së re është ngjitëse dhe përfundon duke kapur zorrët e shikuesit.
Regjisorja Diwan gjithashtu theksoi rëndësinë e përfaqësimit të ndryshimeve fizike të gruas së re dhe, në të njëjtën kohë, të një qasjeje intime, të fokusuar në filmimin mbi të gjitha “lëvizjet e kokës dhe të syve” të personazheve.
Dhe një aktore tjetër, Anna Mouglalis, e cila luan gruan e vetme të gatshme për të ndihmuar, tha: Karakteri im është një haraç për ato gra që luftuan për të drejtat e abortit. Është e vështirë të tregosh këto histori, edhe në vendet ku është e ligjshme. Ne duhet të vazhdojmë të flasim për të.
Filmi i Diwan për një studente franceze të kolegjit që e gjen veten me një shtatzëni të padëshiruar ishte zgjedhja unanime nga juria prestigjioze që përfshinte fituesit e fundit të Oskarit Bong Joon Ho dhe Chloé Zhao. / KultPlus.com
Të ulura në një kodër, pamja e së cilës është e pakrahasueshme, tri personazhet kryesore si: Qe, Li dhe Jeta, mbi tre shkëmbinj jetësojnë filmin e metrazhit të gjatë ‘Luaneshat e Kodrës’, e së bashku me fjalët: Oh Kodër, nis të shpaloset rrjedha e historisë së tyre e cila fillon pikërisht me një ulërimë që vjen nga brendësia shpirtërore e tyre. Përpjekjet e këtyre personazheve për tu ballafaquar me padrejtësitë e jetës pasqyrohen në këtë film nën skenarin dhe regjinë e Luàna Bajrami, e që mbrëmë u shfaq para publikut kosovar në kuadër të edicionit të 13-të të PriFest, shkruan KultPlus.
Pak minuta para se ora të shënonte 20:30, ishin njerëzit e shumtë të cilët vrullshëm po mbushnin sallën e Teatrit Kombëtar duke zënë vendet e tyre të distancuar. Pas pritjes të padurueshme të të pranishmëve dhe fikjes së dritave të ngrohta brenda sallës, filmi nisi hapjen e tij nën errësirën tashmë të mirënjohur nga çdo kush.
‘Luaneshat e Kodrës’, një film i xhiruar në Kosovë shtjellon ëndrrat e tri personazheve kryesore që vijnë nën aktrimin e jashtëzakonshëm të Flaka Latifit, Era Balajt dhe Uratë Shabanit. Këto tri shoqe të pandashme me njëra tjetrën që refuzojnë ti shpalosin vështirësitë e tyre personale mes vete, përfytyrojnë një të ardhme të ndritur e të mbushur deri në kupë me një liri tejet të dëshiruar si asnjëherë më parë.
Diku larg vendit ku ato jetojnë, në një qytet të madh, aty ku nuk ekzistojnë thashethemet dhe pengesat e gropat e vazhdueshme nëpër të cilat duhet të kalojnë çdo ditë të jetës së tyre, është pikërisht ai vegimi përrallor që mban gjallë shpresat, pritjet e parashikimet e tyre gjatë rrugëtimit të tyre të quajtur ‘jetë’. E se si ardhmja e tyre do të lulëzojë, këtë filmi e tregon qartazi.
Kamera precize e regjisores Luàna Bajrami, duket se pas çdo gremisje të paraqitur brenda rrjedhës së filmit, para publikut kosovar shfaq imazhe e peizazhe që i ngjasojnë fantazive e imagjinatave të mbyllura në thellësinë shpirtërore të qenies njerëzore, duke ngulitur kështu syrin e tij para ekranit me një rrënjosje të pamjeve diversive të kodrave dhe jo vetëm. Cicërima e zogjve në natyrë dhe ajo pranë ujit të kristaltë e krejtësisht të pasur, portretizonte lirinë e ëndërruar të tri personazheve kryesorë.
E teksa këto pamje paraqitnin një spektakël më vete porsi një tablo e pikturuar nga plasaritja e emocioneve e ndjenjave nga më të ndryshmet, filmi tregonte për jetën e tre vajzave, familjet e të cilave ndryshonin nga njëra-tjetra por që në thelb kishin të pikasur një mendësi pothuajse të njëjtë.
Fshatin në të cilën ato janë rritur duket se tashmë vajzave po iu shndërrohet në një labirint nga i cili nuk ka shpëtim e as dalje. Përderisa ato prisnin rezultatet e tyre për tu pranuar në Universitet përkundër mendimeve të prindërve të tyre, ambiciet e tyre nuk po mund të kalonin pas prangave të fshatit në të cilin po frymojnë. Por kërkimin e tyre për të qenë të pavarura në jetë nuk mund t’ia ndalë askush, andaj po njëlloj si emri i këtij filmi, këto luanesha nisin hungërimën e tyre e cila edhe do të ketë një fund të paparashikuar.
Në tentim për lirinë e tyre shumë të dëshiruar, gjatë rrugës për një të ardhme më të mirë, iu bashkëngjiten edhe dy personazhe të tjerë të interpretuar nën aktrimin e Andi Bajgores, dhe Luàna Bajramit. Por edhe pse kjo ndërhyrje do të ndikojë në jetën e tyre, udhëtimi i tyre po vazhdon pothuajse njëjtë. Prandaj, koha për të marrë përsipër vendimet për veten në duart e tyre pas përjetimeve të dhunës fizike dhe seksuale të përditshme si dhe varfërisë të vazhdueshme, tashmë ka gjetur vendin dhe kohën e duhur.
‘Luaneshat e Kodrës’, titullohet emri i bandës së tyre e që duket se për ta ishte zgjidhja e vetme dhe e fundit në një shtet ku ndryshe nuk funksionohet. Andaj, vjedhja e tyre e parë në një dyqan bizhuterish i siguron atyre një numër të madh parash, përmes të cilave ata shijojnë jetën në një shtëpi të braktisur e cila është shndërruar në strofullën e tyre të paqes. Por kjo fole e ruajtur me dashuri, lumturi e qetësi absolute së shpejti nuk do të jetë më e tillë.
Një arratisje e tyre drejt detit, do të shpalos historinë e dy dashurive të krijuara përgjatë këtij rrugëtimi e ku më në fund nën meloditë e këngës ‘Fëllënza’, buzëqeshjet e sinqerta, lumturia në sy njeriu dhe dhimbjet e varrosura brenda shpirtrave, zgjuan ndenja të bukura tek të pranishmit, duke i shtyrë ata të mendojnë se ata po i afrohen drejt një fundi të lumtur i cili do të zgjasë me po të njëjtat emocione. Por, sic edhe thuhet brenda filmit: gabimi i vetëm i tyre është kthimi në ferrin të cilin e lanë para disa ditësh.
E ky ferr i mbushur me gjak në skenën e fundit vulos fundin e këtij gabimi që shpërtheu zemrat e luaneshave në një gabim të papërmirësuar.
Pas shfaqjes së filmit, ishin duartrokitjet dhe brohoritjet e shumta të publikut që zhurmuan sallën e Teatrit Kombëtar në një varg melodish të përsëritura për disa minuta. E në mesin e tyre ishin edhe ekipi i filmit ‘Luaneshat e Kodrës’ të cilët ngadalë dolën në skenë për një fjalë rasti.
“Po ndjehem shumë e kënaqur dhe faleminderit shumë për pritjen. Dua të falënderoj të gjithë ekipin e Kosovës dhe Francës, aktorët si dhe PriFest-in. Me qenë njeri dhe me pas ambicie është goxha e komplikuar, kështu që këtë film e kam bërë për inspirim. I kam pasur 18 vjet kur e kam shkruar dhe xhiruar e arritja dhe udhëtimi i këtij filmi, është goditje shumë e madhe për të gjithë ne”, thotë Bajrami.
Kurse, sot në një konferencë për media për të treguar më shumë rreth rrugëtimit të filmit ‘Luaneshat e Kodrës’, të pranishëm ishin regjisorja dhe skenaristja Luàna Bajrami si dhe aktorët në rolet kryesore: Flaka Latifi, Uratë Shabani, Era Balaj dhe Andi Bajgora.
“Unë kam dashur të flas për liri dhe me kriju një film që do ta kisha dëshirë ta shihja kur i kam pasur 15 vjet. Jam inspiruar prej shumë gjërave dhe kam dashur që këtë film ta mbajë në Kosovë sepse Kosova më inspiron por kjo tematikë për mua është shumë universale. Kështu që këto ndenja në film ndaj kësaj rinie, problematikat e kufizimet që i kanë, mendoj se e njëjta është edhe në Francë”, thotë Bajrami.
Sipas saj, është dashur të merret shumë vetëbesim nga vetja dhe të tjerët sepse filmi nuk pa pasur përkrahje në fillim por gjatë procesit të xhirimit, është arritur lidhja me disa partnerë të ndryshëm.
Ndërsa, aktorja Uratë Shabani foli rreth punës së saj me një regjisore vajzë.
“Po shkoj në audicion dhe po shkoj shumë vetvetja ashtu siç doja unë të isha e veshur. Kur hyra dhe e pashë Luanën, ishte një moment që më goditi papritmas. Prandaj, për të punuar me Luanën është fat shumë i madh, të paktën për mua sepse ky është filmi im i parë i gjatë dhe prej Luanës 18 vjeçare kam mësuar shumë më shumë se sa me regjisorët të cilët kam punuar më herët”, thotë Shabani.
Po ashtu, aktorja Flaka Latifi foli rreth të përbashkëtave të saj me rolin e saj në film.
“Në film e luaj rolin e Qe-së e cila ka shumë të përbashkëta me mua por gjithashtu ka edhe dallime. Qe është një vajzë me karakter shumë të fortë që po njëlloj e shoh edhe veten. Qe po ashtu është ambicioze dhe punëtore. Këto do të thoja që mund të janë karakteristikat e përbashkëta që Flaka i ka me Qe-në”, thotë Latifi.
Kurse, aktorja Era Balaj foli rreth punës së tyre në ekip dhe emocionit të saj gjatë premierës së filmit në PriFest.
“Së bashku me aktoret jemi bërë shumë shoqe dhe mendoj që kjo ka ndikuar në gjithçka mes neve. Ka mjaftuar njëherë me diskutu dhe kemi qenë në të njëjtën faqe për atë se çfarë kemi dashur të arrijmë. Kështu që dje ka qenë hera e dytë që e kemi parë filmin dhe mu është dukur si me pa për herë të parë”, thotë Balaj.
Gjithashtu, aktori Andi Bajgora foli rreth arsyes së interesimit të madh të publikut për të parë filmin.
“Nuk jemi mësuar të shohim shumë aktorë të rinj duke punuar në një projekt kaq të madh e as nuk jemi mësuar të shohim një regjisore kaq të re. Energjia jonë gjatë xhirimeve gjithçka e ka bërë interesant dhe ka shtyrë që edhe njerëzit tonë të interesohen për filmin”, thotë Bajgora.
‘Luaneshat e Kodrës’, filmi i parë i gjatë kosovar që ka shfaqur premierën në festivalin më të rëndësishëm të filmit në botë, atë të Kanës, është bashkëprodhim i Kosovës me Francën, me producente Valbona Rrahmanin, dhe bashkëproducent Pascal Judelewicz.
Në rolet kryesore luajnë Flaka Latifi, Uratë Shabani, Era Balaj, Andi Bajgora, dhe Luàna Bajrami.
Filmi është mbështetur nga Qendra Kinematografike e Kosovës dhe prodhuar nga OrëZanë Films (Kosovë), Vents Contraires (Francë), dhe Acajou Productions (Francë). / KultPlus.com
Pas suksesit të jashtëzakonshëm të filmave vendorë në Festivalin e Filmit në Sarajevë, ka reaguar Ministria e Kulturës, Rinisë dhe Sportit, me ç’rast ata janë shprehur se Kosova ka marrë disa prej çmimeve kryesore në këtë festival e për çka ata ndjehen mjaft krenarë, përcjellë KultPlus.
“Ne i urojmë për këto çmime dhe shpresojmë që sukseset e tyre të vazhdojnë”, ka shkruar MKRS-ja.
KultPlus ju sjell njoftimin e plotë të tyre:
Filmat nga Kosova marrin disa prej çmimeve kryesore në Festivalin e Filmit në Sarajevë Sukseset e filmave kosovar në festivalet më të mëdha ndërkombëtare të filmit po vazhdojnë. Kësaj radhe në Sarajevë tre filmat e vendit tonë, “Luaneshat e kodrës”, “Në kërkim të Venerës” dhe “Pa Vend” ia kanë dal të marrin disa prej çmimeve kryesore. Aktoret Flaka Latifi, Era Balaj dhe Uratë Shabani – që janë pjesë e filmit “Luaneshat e kodrës”, nën regjinë e Luana Bajramit kanë fituar çmimin “Zemra e Sarajevës për aktoren më të mirë”. Filmi “Në kërkim të Venerës”, nën regjinë e Norika Sefës ka fituar çmimin “Përmendje speciale për barazi gjinore”. Ndërsa filmi i metrazhit të shkurtë “Pa vend”, me regji të Samir Karahodës është shpërblyer me çmim special në këtë festival, çmim që i është ndarë nga juria profesionale. Sukseset e tyre po na bëjnë krenar të gjithëve, ndërsa po tregojnë potencialin që ka vendi ynë në këtë fushë. Ne i urojmë për këto çmime dhe shpresojmë që sukseset e tyre të vazhdojnë. Festivali i Filmit në Sarajevë vlerësohet si një prej ngjarjeve më të mëdha të filmit në Evropën Juglindore dhe një prej më të mëdhenjve në Evropë. / KultPlus.com
Festivali i Filmit të Sarajevës është duke shkuar drejt mbylljes së këtij edicioni, dhe suksesi i filmave shqiptarë ishte i pashmangshëm edhe në këtë festival, shkruan KultPlus.
Në kategorinë aktorja më e mirë, juria e këtij festivali këtë çmim i ka ndarë tri aktoreve të filmit “Luaneshat e Kodrës”, me regji të Luana Bajramit, dhe aktoret që u vlerësuan në këtë festival janë: Flaka Haliti, Era Balaj dhe Uratë Shabani.
Ky ka qenë vlerësimi i jurisë së kryesuar nga aktorja Jasna Gjuriçiq e në përbërje të së cilës ishin edhe Mike Cahill (regjisor dhe skenarist), Lili Horvát (regjisore dhe skenariste), Eva Sangiorgi (drejtoreshë artistike e Viennales), si dhe Martin Schweighofer (drejtor ekzekutiv i Austrian Film Comission).
Ky film është xhiruar në Kosovë dhe flet për tri shoqe të pandashme të cilat janë në pritje të rezultateve për Universitet. Të ulura në një kodër, Qe (Flaka Latifi), Li (Era Balaj) and Jeta (Uratë Shabani) ëndërrojnë të shkojnë në një qytet më të madh për t’u pavarësuar e për t’i lënë prapa thashethemet dhe pengesat e tjera në fshatin e tyre.
‘Luaneshat e Kodrës’ është bashkëprodhim i Kosovës me Francën, me producente Valbona Rrahmanin, dhe bashkëproducent Pascal Judelewicz.
Filmi është mbështetur nga Qendra Kinematografike e Kosovës dhe prodhuar nga OrëZanë Films (Kosovë), Vents Contraires (Francë), dhe Acajou Productions (Francë).
Në rolet kryesore luajnë Flaka Latifi, Uratë Shabani, Era Balaj, Andi Bajgora dhe Luàna Bajrami./ KultPlus.com
“Toronto International Film Festival” dje ka publikuar një artikull ku ka bërë të ditur filmat e edicionit të sivjetmë, e pjesë e këtij festivali është edhe filmi nga Kosova “Pa Vend”, nën regjinë e Samir Karahodës.
“Pa Vend” do të konkurrojë në programin e filmave të shkurtër “Short-Cuts”, i cili përmban gjithsej 38 filma që vijnë nga 23 shtete.
Ndërsa, pjesë e këtij festivali do të jetë edhe regjisorja kosovare Luana Bajrami me filmin e saj “Luaneshat e Kodrës”. Ajo do të konkurrojë në programin “Contemporary World Cinema”.
Festivali do të mbahet nga 9 deri më 18 shtator në formatin hibrid. Për edicionin e tij të 46-të, festivali gjatë 10 ditëve do të sjellë kineastë nga Kanadaja, por edhe e gjithë bota me mbi 100 filma që janë pjesë e seleksionimit zyrtar e paralelisht me këtë do të mbahen edhe ngjarje të tjera.
Orari i i plotë i festivalit do të publikohet më 24 gusht. Artikulli i plotë: https://tiff.net/films/ KultPlus.com
Tre filmat kosovarë, “Në kërkim të Venerës”, “Luaneshat e Kodrës” dhe “Pa vend”, do të jenë pjesë e Festivalit ndërkombëtar të Filmit në Sarajevë që do të mbahet më 13 gusht të këtij viti.
Qendra Kinematografike e Kosovës ka njoftuar se tre filmat kosovarë do të jenë pjesë e konkurencës zyrtare në këtë festival, shkruan KultPlus.
Ndërkaq, ‘Luaneshat e Kodrës’ dhe ‘Pa vend’ ishin filmat e parë nga Kosova që shfaqën premierat në Festivalin e Kanës.
“Në kërkim të Venerës, Luaneshet e Kodrës dhe Pa vend në Festivalin Ndërkombëtar të Sarajevës Tre filmat nga Kosova, ‘Në kërkim të Venerës’ me regji nga Norika Sefa, ‘Luaneshat e Kodrës’ me regji nga Luana Bajrami dhe ‘Pa vend’ me regji nga Samir Karahoda, do të jenë pjesë e konkurencës zyrtare të Festivalit Ndërkombëtar të Filmit të Sarajevës. ‘Në kërkim të Venerës’ kishte premierën në Rotetardam ku fitoi çmimin Special të Jurisë; ndërsa ‘Luaneshat e Kodrës’ dhe ‘Pa vend’ ishin filmat e parë nga Kosova që shfaqën premierat në Festivalin e Kanës, në programin ‘Director’s Fortnight’ dhe në kategorinë kryesore. Kjo do të jetë prezencë e madhe e filmbërësve tanë, ku vitin e kaluar Kosova rrëmbeu zemrën e Sarajevës me filmin ‘Exil’ të regjisorit Visar Morina. Tre filmat janë mbështetur nga Qendra Kinematografike e Kosovës”, thuhet në njoftimin e QKK-së./KultPlus.com
Aktorja kosovare Luana Bajrami, e cila kohët e fundit është parë në filma të tillë si “Portrait of a Lady on fire” dhe “Ibrahim”, flet për filmin e saj të parë artistik të metrazhit të gjatë ‘Luaneshat e Kodrës’, ku është sfiduar edhe si regjisore dhe është paraqitur Directors’ Fortnight në edicionin e 74-të të Filmit në Kanë.
Ky film është xhiruar në Kosovë dhe flet për tri shoqe të pandashme të cilat janë në pritje të rezultateve për Universitet. Të ulura në një kodër, Qe (Flaka Latifi), Li (Era Balaj) and Jeta (Uratë Shabani) ëndërrojnë të shkojnë në një qytet më të madh për t’u pavarësuar e për t’i lënë prapa thashethemet dhe pengesat e tjera në fshatin e tyre.
‘E gjithë gjeneza e projektit fillon nga skena e parë, ku vajzat ulen në një kodër dhe flasin për të ardhmen’, thotë regjisorja Bajrami, e cila më tej njofton se ndonëse kjo skenë nuk është përfshirë, e ka përcaktuar titullin e filmit. “Edhe pse ky rrëfim duhet të ketë temë të përgjithshme, unë dua të shfaqë një Kosovë të cilën njerëzit nuk e dijnë, sepse kur mendojmë për Kosovën ajo që na bie në mend është lufta” shton regjisorja duke thënë se ky projekt është shumë i rëndësishëm për të, që t’i tregojë gjeneratave të reja Kosovën e vërtetë, e që është një vend shumë i bukur.
‘Luaneshat e Kodrës’ është filmi i parë i metrazhit të gjatë nga Kosova që shfaqë premierën në Kanë. Ky film është në garë për Kamerën e Artë “Camera d’or” çmim i Festivalit të Kanës për regjisorët debutues që janë pjesë e programeve të ndryshme të festivalit./KultPlus.com
