Etiketë: lugina e presheves

Çeku viziton Preshevën, premtohet rritje e bashkëpunimit kulturor

Posted on by Kult Plus

Ministri i Kulturës, Rinisë dhe Sportit (MKRS), Harjulla Ceku ka udhëtuar për në Preshevë që të zhvillojë një vizitë zyrtare, shkruan KultPlus.

Me të arritur aty, Çeku është pritur nga kryetarja e Preshevës, Ardita Sinani, të cilët zhvilluan edhe një konferencën për media.

Çeku premtoi në konferencë se do të ketë angazhime konkrete për të rritur mobilitetin kulturor mes institucioneve të të dyja vendeve.

“Bashkëpunimi që e kemi nis para ca kohe me takime edhe në Prishtinë, po e konfirmojmë edhe njëherë këtu. Jam shume i lumtur që si vazhdimësi e përpjekjeve të Qeverisë Kurti për ta shtyrë përpara bashkëpunimin me Luginën të kontribuojmë edhe me dimensionin bashkëpunimit kulturor. Ne i diskutuam çështjet e përbashkëta dhe jam shumë i lumtur që do të kemi angazhime konkrete për të rritur mobilitetin kulturor, bashkëpunimin kulturor mes institucioneve dhe natyrisht për ta parë edhe një dimension të bashkëpunimit në sferën e trashëgimisë kulturore si një nga elementet kryesore që nxisin edhe pjesën sociale, ekonomike”, tha Ministri i Kulturës.

Për vizitën e ministrave nga Qeveria e Kosovës në Luginë, Ardita Sinani po i sheh si diçka shumë frymëzuese e inkurajuese.

“Është jashtëzakonisht inkurajuese, frymëzuese vizitat e çdo ministri të Qeverisë së Republikës së Kosovës. po tregohet një interesim jashtëzakonisht shumë i madh kohëve të fundit për sensibilizimin e pozitës shqiptarëve të Luginës së Preshevës nga ana e Prishtinës zyrtare, sidomos vizita e Çekut na bënë që të ndjehemi më krenar dhe të gjejmë forcë për të vazhduar dhe të çojmë përpara të gjitha këto procese përpara. Kultura dhe trashëgimia kulturore janë burim i rezistencës dhe ne me këtë rezistencën tonë dhe diskriminimit të vazhdueshëm që po bëhet nga Beogradi zyrtar përmes këtyre mekanizmave duke ruajtur mekanizmat, duke ruajtur trashëgiminë, kulturën janë këto shtytje për të çuar gjitha këto përpara. Ne me ministrin biseduam përmes mjeteve të ndara nga Qeveria e Kosovës që janë në linje buxhetore se si duhet të ndahen dhe të menaxhohen dhe t’i shpërndajmë ato mjete. Përveç simbolikës për ne është shumë e rëndësishme institucionalizimi i këtyre mjeteve, vija buxhetore e cila ka ndodhur për herë të parë përpos krahas ndihmave që janë dhënë në vazhdimësi nga gjitha qeveritë e mëparshme”, tha ajo.

Qeveria e Kosovës ka bërë disa vizita zyrtare në Preshevë vitin e kaluar. /KultPlus.com

Presidentja Osmani priti në takim një delegacion të Këshillit Kombëtar Shqiptar për Luginën e Preshevës

Posted on by Kult Plus

Presidentja e Republikës së Kosovës, Vjosa Osmani, sot priti në takim një delegacion të Këshillit Kombëtar Shqiptar për Luginën e Preshevës, të përbërë nga Ragmi Mustafi, Lirona Zuka dhe Alban Alili.

Në takim me këtë delegacion, Presidentja Osmani ka shprehur gatishmëri për ta mbështetur Këshillin Kombëtar Shqiptar të Luginës së Preshevës. Ajo ka bërë të ditur se në vazhdimësi angazhohet për promovimin e të drejtave të shqiptarëve në Preshevë, Medvegjë e Bujanovc dhe ka adresuar problemet me të cilat ballafaqohen këta qytetarë, siç janë pasivizimi i adresave, mosnjohja e diplomave nga Serbia dhe problemet e vazhdueshme me punësimin.

“E keni mbështetjen time dhe ju siguroj se do të përpiqem që zëri juaj të dëgjohet. Qytetarët e Luginës së Preshevës janë brengë e jona e përhershme, dhe do të ndërmarrim çdo veprim të mundshëm për t`i ndihmuar sa më shumë”, ka theksuar Presidentja Osmani, duke rikonfirmuar se problemet e shqiptarëve të Luginës së Preshevës do të vazhdojë t’i ngrisë në instancat më të larta ndërkombëtare. / KultPlus.com

Pritet rinisja e dialogut mes shqiptarëve të Luginës dhe qeverisë serbe

Posted on by Kult Plus


Nesër pritet të rifillojë dialogu i ngecur në mes të qeverisë së Serbisë dhe përfaqësuesve shqiptarë të Luginës së Preshevës rreth platformës politike të aprovuar nga këta të fundit për të drejta në arsim, kulturë, informim, simbole kombëtare, dygjuhësinë dhe zhvillimin ekonomik.

Në takimin e parë tashmë të paralajmëruar pritet që të diskutohet për arsimin shqip dhe problemet që e përcjellin atë.

‘Me mbështetjen e zyrtarëve në Republikën e Kosovës dhe Republikën e Shqipërisë dhe në koordinim me bashkësinë ndërkombëtare përfundimisht do të fillojmë të zgjidhim çështjet që kanë të bëjnë me pranimin e diplomave nga Republika e Kosovës, heqjen e të gjitha pengesave sa i përket njohjes së diplomave nga Shqipëria e Maqedonia e Veriut, zgjidhjen e çështjes së mungesës së teksteve mësimore, zgjidhjen e çështjeve tjera teknike që kanë të bëjnë me cilësinë e mësimit në Luginë të Preshevës’, tha Ragmi Mustafa, kryetar i KNSH’së për RTK’në.

Mustafa ka thënë se këto kërkesa në këtë dialog kanë për bazë përmirësimin e jetës së qytetarëve shqiptarë në këtë rajon të cilët skajshmërisht ishin të injoruar deri më tani nga qeveria në Beograd ndërsa zgjidhja e statusit politik të shqiptarëve të Luginës pritet të zgjidhet në dialogun Prishtinë Beograd. / KultPlus.com

Osmani reagon për pasivizimin e adresave në Luginën e Preshevës

Posted on by Kult Plus

Presidentja Vjosa Osmani, ka reaguar lidhur me pasivizimin e adresave të shqiptarëve në Luginën e Preshevës. Përmes një postimi në rrjetin social Twitter, duke cituar Komunitetin e Helsinkit ka thënë se ‘pasivizimi’ i shqiptarëve në Serbi është “një formë e spastrimit etnik përmes mjeteve administrative”, përcjelle KultPlus.

Tutje ajo tha se të gjithë qytetarët duhet të gëzojnë të drejtat themelore të njeriut.

“Përgjigja e komunitetit ndërkombëtar deri më tani ka qenë e pamjaftueshme. Duhet bërë më shumë”, tha Osmani.

Më tej presidentja thekoi se ka ngritur këtë çështje në disa raste, si këtu në Kosovë, ashtu edhe jashtë saj.

“Këta qytetarë kanë mbështetjen e plotë të institucioneve të Republikës së Kosovës. Ne do të bëjmë gjithçka që kemi në dorë për t’u siguruar që zëri i tyre të dëgjohet”, shkroi Osmani. / KultPlus.com

KultPlus ju sjell postimin e saj të plotë:

“S’dimë a do vdesim nga virusi, nga varfëria, a nga Serbia?!”

Posted on by Kult Plus

Pandemia që ka përfshirë të gjithë botën, përpos pasojave në jetë njerëzish, tashmë ka filluar që të ketë një ndikim të madh edhe në ekonomitë e vendeve të ndryshme, shkruan KultPlus.

Ndonëse shumë vende tashmë kanë marrë të gjitha masat për rimëkëmbje ekonomike, por edhe sigurim të qytetarëve, një gjë të tillë në vendet e Ballkanit ka krijuar mjaft probleme.

Madje për qytetarët e Luginës së Preshevës, luftës së virusit, i është shtuar lufta nga varfëria. I riu nga Presheva, Driton Hyseni me anë të një postimi në rrjetin social Twitter ka shkruar se nuk e dinë se nga do ju vijë vdekja, virusi, varfëria, apo Serbia.

“Vanë mendtë e mia, vanë… S’dimë a do vdesim nga virusi, nga varfëria, a nga Serbia?! #ShqiptarNëSerbi”, ka postuar ai./ KultPlus.com.

https://twitter.com/DritonSHyseni/status/1327009273063362560?s=19&fbclid=IwAR3_qeQTAqhyg2vddYsutpR6yRotw_Ybezeu_DwCM9oB7GVisB-29BfX0Lo

Nis shpërndarja e teksteve shkollore në gjuhen shqipe për nxënësit e Luginës së Preshevës

Posted on by Kult Plus

Me mbështetjen e drejtpërdrejtë financiare nga Qeveria e Shqipërisë  dhe e Kosovës, Këshilli Kombëtar Shqiptar sot ka filluar shpërndarjen falas të teksteve shkollore për nxënësit shqiptarë në Luginë të Preshevës.

Ministri në detyrë i Punëve të Jashtme i Shqipërisë Gent Cakaj, njoftoi se do të shpërndahen rreth 20 mijë libra dhe do të përfitojnë 4 mijë nxënës shqiptarë.

“Kjo mbështetje do të kontribuojë në forcimin e arsimit në gjuhën shqipe e në rritjen e cilësisë së edukimit në Luginën e Preshevës. Përderisa mbetet ende shumë për t’u bërë, ne do të vazhdojmë me masa tjera për ta mbështetur pakursyer Luginën”. / KultPlus.com

Nis shpërndarja e teksteve shkollore në gjuhen shqipe për nxënësit e Luginës së Preshevës

Posted on by Kult Plus

Me mbështetjen e drejtpërdrejtë financiare nga Qeveria e Shqipërisë  dhe e Kosovës, Këshilli Kombëtar Shqiptar sot ka filluar shpërndarjen falas të teksteve shkollore për nxënësit shqiptarë në Luginë të Preshevës.

Ministri në detyrë i Punëve të Jashtme i Shqipërisë Gent Cakaj, njoftoi se do të shpërndahen rreth 20 mijë libra dhe do të përfitojnë 4 mijë nxënës shqiptarë.

“Kjo mbështetje do të kontribuojë në forcimin e arsimit në gjuhën shqipe e në rritjen e cilësisë së edukimit në Luginën e Preshevës. Përderisa mbetet ende shumë për t’u bërë, ne do të vazhdojmë me masa tjera për ta mbështetur pakursyer Luginën”.

Kosova ndan 500 mijë euro për Preshevën, Medvegjën dhe Bujanocin

Posted on by KultPlus

Kosova ka ndarë 500 mijë euro për Preshevën, Medvegjën dhe Bujanocin, njofton Ministria e Financave dhe Transfereve e Kosovës.

Në këtë njoftim për media, theksohet se duke pasur parasysh gjendjen e rënduar të shkaktuar nga pandemia COVID-19, Ministria e Financave dhe Transfereve në emër të Qeverisë së Republikës së Kosovës ka marrë vendim për ndarjen e ndihmës financiare në shumën prej 500 mijë euro për komunat e Preshevës, Medvegjës dhe Bujanocit.

“Një kontribut të jashtëzakonshëm në realizimin e kësaj ndihme ka dhënë zëvendësministri i Ministrisë së Financave dhe Transfereve, Ilir Aliu, me prejardhje nga Kapiti – Medvegjë”, thuhet në njoftim.

Sipas kumtesës, kjo shumë është ndarë për arsye se Qeveria e Kosovës është e vetëdijshme për obligimin që ka për popullatën shqiptare e cila jeton në këto treva.

Në këtë frymë, Qeveria është treguar e gatshme t’iu dalë në ndihmë këtyre komunave me shumat përkatëse si më poshtë:

Për komunën e Preshevës – dyqind mijë euro (200,000.00 €);

Për komunën e Bujanocit – dyqind mijë euro (200,000.00 €);

Për komunën e Medvegjës – njëqind mijë euro (100,000.00 €).

“Gjithashtu, Ministria e Financave dhe Transfereve njofton se me datën 27 prill, Thesari i Kosovës ka realizuar pagesat, përkatësisht donacionet, për të tri komunat. Sipas procedurave të zakonshme bankare, këto pagesa janë realizuar si transfere ndërkombëtare nga llogaria e Thesarit në Bankën Qendrore të Republikës së Kosovës, përmes bankës korrespondente “Deutsche Bank AG” (Gjermani) në llogaritë e komunave në Bankën Qendrore të Serbisë, si ndihmë dhe solidaritet për popullatën e atjeshme në këtë kohë pandemie nga Qeveria e Republikës së Kosovës”, përfundon njoftimi.