Misioni i parë hënor i Rusisë në dekada ka përfunduar me dështim me anijen e saj kozmike Luna 25 që u përplas në sipërfaqen e Hënës, përcjell KultPlus.
Incidenti, një goditje për ambiciet hapësinore të Rusisë, ndodhi pasi komunikimi me anijen robotike u ndërpre.
Agjencia ruse e hapësirës, Roscosmos, tha se humbi kontaktin me Luna 25 të shtunën rreth orës 14:57. koha e Moskës.
“Masat e marra më 19 dhe 20 gusht për të kërkuar pajisjen dhe për të rënë në kontakt me të nuk dhanë asnjë rezultat”, njoftoi agjencia hapësinore, transmeton CNN.
Sipas një “analizë paraprake”, Luna-25 “kaloi në një orbitë jashtë projektimit” përpara përplasjes, tha Roscosmos.
Nuk ishte menjëherë e qartë se çfarë e shkaktoi përplasjen.
Një komision i formuar posaçërisht do të hetojë arsyet e humbjes së Luna 25, shtoi agjencia.
Lajmi vjen një ditë pasi anija kozmike raportoi një “situatë emergjente” teksa po përpiqej të hynte në një orbitë para uljes, sipas Roscosmos. /KultPlus.com